#1  
قديم 10/12/2001, 05:36 AM
زعيــم نشيــط
تاريخ التسجيل: 28/09/2001
المكان: الرياض
مشاركات: 649
النزهان ومادراك ما النزهان.

اولا: السلام عليكم ورحمة الله وبركاته. النزهان من اكثر الاعيبه اوعطي للفرصه ولاعب لايستحق الهلال حده حواري حررررررررررررام انه في الهلال هو اكثر لاعب اوعطي فرصه في الهلال لاعب فاشل بمعنى الكلمه اتنمى من ادارة الهلال تنسيقه اه اه والله قهر الرشيد مايلعب والنزهان يلعب . لطف افضل منه . بندر حنتوش المطيري افضل منه . النزهان لاعب الواسطه. وشكرررررررررررا.
  #2  
قديم 10/12/2001, 06:21 AM
زعيــم مميــز
تاريخ التسجيل: 08/06/2001
المكان: ..
مشاركات: 2,076
ريلاااااااااااااكس

وش فيك؟؟؟؟؟
والله النزهان ماقصر
والكل يعلم انه يلعب بغير مركزة؟؟
خلك واقعي شوي
-----
تخيل الجمعان يلعب ظهير ايمن؟؟
ماراح يسوي شيء
وانا اقول هذا ليس تقليل من حجم اي لاعب
ولا دفاع عن النزهان
صحيح النزهان في كم مرة خوشها
لكن؟؟ هو الافضل الحين من المطيري او الرشيد؟
ياجماعه والله حرام عليكم
تخيل انت في مكانه وش ارح تسوي
وتشوف هذا الكلام فيك؟؟؟
ارحمو من في الارض يرحمكم من في السماء
;)
  #3  
قديم 10/12/2001, 06:32 AM
زعيــم نشيــط
تاريخ التسجيل: 28/09/2001
المكان: الرياض
مشاركات: 649
اخوي اليامي

معليش النزهان حرام نعده لاعب والمشكله انه في الهلال مايلعب الا بالواسطه. لاتقولي انه مايلعب في مركزه هو يشوت برجليه الثنتين جعلها تكسر والله لو تلعبه مع بزارين طردوه.
  #4  
قديم 10/12/2001, 07:55 AM
ناقد اجتماعي
تاريخ التسجيل: 05/12/2001
المكان: نيويورك - الولايات المتحدة الأمريكية
مشاركات: 2,053
حرااام عليك يا اخي وش الكلام هذ...؟؟

اللاعب لم يأخذ فرررررررررررر(تصدق عجزت أكتبها) صتــه
عطوه فرصه ..؟ ارفقوا عليه..؟ اللاعب موووووووووووووو(هذي مستحيل اكتبها)

يتوقع ان تنتهي فرصته بوفاة واسطته أو في السنه التي يذكر فيها ان البقر تحج على قرونها.

النزهان=الدائري الشمالي

احسن الله عزاي وعزاك وعزى كل هلالي فيه.
  #5  
قديم 10/12/2001, 08:27 AM
زعيــم نشيــط
تاريخ التسجيل: 06/11/2001
المكان: بقيق
مشاركات: 725
Lightbulb

اخوي النورس (قسيت على النزهان )حرااااااااااام

والله يا جماعه النزهان لاعب كبير بس يحتاج للفرصه

والله عنده مهارات عجيبه ولياقه ما شاء الله عليه وقوة بدنيه وجسمانيه

اكثر من رائعه وصدقني ان عيبه الوحيد هو (المناولات ) ما يجيبه صح عطوه الفرصه والدعم والله يبدع ( الجمعان كانه يسدد كيف ما اتفق بالعامي على عماها والحين ما يجي فاول من بعيد ولا قريب 90 % نتوقعه هدف تغير الجمعان عن ا ول صار يركز صح ولا لا ) عطو النزهان فرصته نادرا يلعب النزهان مباراه كامله والله يا اخي ولا لك علي حلفان اني تمنيت النزهان يلعب امام النصر يبدع قدام النصر بشكل غريب وصرت اتمنى النزهان في اي مباراه ( على الله المدرب ينتبه للنزهان ولا يجعله في الاحتياط على طول والله ان يتدهور اللاعب ) اذا كان كلامك على النزهان كذا كيف لو اقول لك ان النزهان انه لاعب لازم يحترف في اوربا (ترى ما امزح ) والله اني اتكلم جد

اسالك سؤال ::::::::

بالله فيه احد مثل النزهان في الهلال عنده لياقه عاليه وقوه جسمانيه كبيرة (غير الجمعان ) ؟؟؟؟؟؟؟؟؟



ما اظن !!!!!!!!!!!!!!!!!!!!!!!!!!!
  #6  
قديم 10/12/2001, 01:03 PM
زعيــم متواصــل
تاريخ التسجيل: 10/09/2001
المكان: جده
مشاركات: 175
لا حول ولا قوة الا بالله اخوي العزيز اتكلم بواقعية مستوى الرشيد حاليا لا ياهله لهذه الخانة والنزهان حاليا افضل من الرشيد


والله يا اخوي انه محمد لطف احسن من النزهان هذي ما يبغى لها كلام
بس سا مح الله الي كان السبب

وبعدين ليش عهذا التهجم على النزهان والله انه لا عب مجتهد
واتوقع له مستقبل


وشكرا لك
  #7  
قديم 10/12/2001, 01:18 PM
الصورة الرمزية الخاصة بـ شفاف
زعيــم مميــز
تاريخ التسجيل: 01/02/2001
المكان: Switzerland
مشاركات: 2,765
اعصابك

يعني

النزهان يلعب ظهير ايمن

وش جابه لايسر

واصلا وش جاب ذ لذ
  #8  
قديم 10/12/2001, 02:56 PM
زعيــم مميــز
تاريخ التسجيل: 30/11/2001
المكان: روضـة سـدير
مشاركات: 1,695
حبيبي النورس

السلام عليكم اشوفكم قاعدين حش في النزهان والله والله وهذا من وجهة نظري
لنة احسن وحد يتحرك في الملعب بس مالقا المدرب الى يوجهه صح وراجع المباريات
تشاهدة في كل موقع لو لقا الفرصة في التوجية مثله مثل الجمعان ايام يوردنيسكو
كان صار احسن واحد ويكفي ان جميع المدربين متمسكين فية .
وبس يعاب على الجمهور الهلالى انة يثور على شخص واحد وبعد كذا لازم يعدم
ولو ترجعون للماضي شوى وبدون زعل تشوفون العجب مثل السلومي . سامي
قبل كم سنة ولااحد يزعل. يوسف اللحيائي. ياشباب لنكن واقعيين ولاتنضرون
كم غلط وكم هدف من خانة ولو حاسبتو بهطريقة كان الدوخي في اسفل سافلين
ابي رايـــــــــــــــــــــــــــــــــــــــــــــــــــــــــــــــكم بصراحة
* فيصل ابوثنين لاانكر حقة ولكن شخص انكر الهلاليين وتكلم في الصحف على
نادية وبعض الاعبيين والاداريين ولاتنسو حركة في عهد بندر بن محمد عندما طرد
بسبب الكلمات الصادرة منة ومعظم الهلاليين طالبوا بابعادة في هذا الموقع
وعلى الصحف انا لا اطالب بضرب يدناً من حديد ولكن ان نكون واقعيين رغم حبي
لفيصل ابو ثنين.
* وش استفاد الهلال من القطيفي حسين علي لايجيد المراوغة ولاالتهديف
وغبي في تحركاتة المدافع يعرفه قبل الهجمة وارجع لكل مباريات وتشاهدون
العجب ولا تعدون الكور الى تضرب فيه وتدخل او انة قبال الباب والباب فاضي
عدو كم كورة قتلها في ترجيعها للخلف وكم هجمة اوقفها بسبب التسلل الدائم
وكم كوره لم يستفد منها سوى في التسويب على الباب او المراوغة
وكم موة اصبح لاعب مدافع مع الخصم
والله والله والله الغظيم لو فيه خير كان ماخله الطير نادية السابق الاتفاق
وبكم 600,000 ريال وكثيرة علية ولو كان عندكم حس كان طالبتوا بلاعب
الوحدة ماجد المولد له اربع شهور وماحلو موضوعة رغم انني لم اشاهدة
ياشباب انا اعرف فية كثر منكم زعلانين على الكتابة بس والله من حبي الهلال
وعلى فكرة سبق وان تدربي في الهلال ايام المدرسة الله يذكرها بالخير سنة
1401 الى 1403 على يد المدرب المنصور في درجة البراعم لهذا السبب الذي يحملني على الكتابة بهذه النبره ولكم كل الشكر
واتاسف على ما بدر مني من غلط عليكم
  #9  
قديم 10/12/2001, 03:11 PM
زعيــم جديــد
تاريخ التسجيل: 02/11/2001
المكان: جده
مشاركات: 4
النزهان لا عب جيد وصاحب لياقه عاليه وقتالي على الكره..
ولكن من وجهة نظري أنا لا أتمناه أساسي في الفريق وخاصة إذا محمد الشلهوب يلعب في وسط الملعب لانه في رأيي أن من أهم أسباب هبوط مستوى الشلهوب في العام الماضي هو وجود النزهان .. تذكروا ماذا كان يفعل الشلهوب مع محمد لطف وماذا كان الشلهوب مع طيب الذكر النزهان ..النزهان لاعب غير متعاون وكان في العام الماضي معطي الشلهوب الخامس ولا كن أحد جنبه..
  #10  
قديم 10/12/2001, 03:44 PM
زعيــم نشيــط
تاريخ التسجيل: 11/06/2001
مشاركات: 621
شبااب وش فيكم على الرجال شباب لنستمع الى العقل
نعم محمد النزهاان في اليسار عاله على الهلال ولكن ما ذا نفعل من يلعب مكانه من هو اللا عب اللذي يعطى في الهلال شرف المشاركه ويرفض
من اللا عب اللذي لا يريد حتى ان يكون ولو احتياطيا في الهلال
انا اتفق معكم في انا النزهان ليس لاعبا موهوبا ولكنه مجتهد وليس لكل مجتهد نصيب النزهان يحاول تغطية مركزه على حساب ادائه
لنقل الله يعطيك العافيه وما قصرت ولكن اما ان تلعب في اليمين او من مصلحة الزعيم ان لا تلعب في اليسار لانه بموافقتك على اللعب في اليسار اغمضت العيون الاداريه والفنيه عن المشكله الازليه في نادي الهلال وهي الظهير اليسار
النزهان ما قصرت الله يعطيك العافيه نعلم انك تحب الهلال وتحب ان تلعب في اي خانه ولكن احبب الهلال وجمهوره ولا تلعب في الظهير اليسار فانت تبكيهم
نصيحة محب لك كابتن محمد النزهان اللاعب المقاتل ترجل عن فرس الظهير الايسر لنادي الهلال ولك كل الشكر والتقدير
  #11  
قديم 10/12/2001, 05:02 PM
زعيــم متواصــل
تاريخ التسجيل: 12/10/2001
المكان: المنطقة الشرقية
مشاركات: 167
ايش فيك عالنزهان
النزهان قدم مستويات لم يقدمها اي لاعب
النزهان لعب في الهلال خمسة مراكز
النزهان لعب ظهير ايسر و ايمن و محور وقلب دفاع و جناح ايمن
الرشيد و محمد لطف افضل منه لكن لا نشتمه لما قدم للهلال
لماذا تقول المطيري ظهير ايسر
وكل هلالي يعرف انه قلب دفاع
كفايه تعصب و سب لاعبين الهلال
  #12  
قديم 10/12/2001, 09:47 PM
زعيــم متواصــل
تاريخ التسجيل: 25/07/2001
المكان: الظهران
مشاركات: 139
اخوي النورس اتمنى انك تعدل موضوعك لانك بالعربي زودتها على اللاعب مررره ...
ولا كيف ياخي تقول جعلها( تكسر رجوله ) ، استغفر ربك حتى ولو كان مستواه مش ولا بد .
  #13  
قديم 12/12/2001, 02:35 AM
موقوف
تاريخ التسجيل: 06/12/2001
المكان: جدة
مشاركات: 134
Exclamation بدون تعصب

كثر الهرج والمرج في الحديث عن الضبع الهلالي محمد النزهان ولأعلم سبب لهذه الهجمات التي يواجهها الضبع ولكن أريد من الأخ صاحب الموضوع أن يتوقف عن مهاجمتة للاعب أو أن يلعب بديلاً له في الملعب حتى نرى ماذا ستصنع ( يابطل ) .
أرجو عدم التعرض مرة أخرى للنزهان ثم أرجو عدم توريطة للوساطة أو إذا كان هناك واسطة فمن هو ؟
ولا أظن أن هناك زاسطة لأن النزهان يلعب أفضل من غيره كثير ولكن لأنه مسالم ولايرد على مهاجمية من اصحاب الأراء الظالمة يواجه هو لوحده كلا هذه الإنتقادات .
والله
عاشقة النزهان بعد الهلال (ريانة العود )
  #14  
قديم 12/12/2001, 02:41 AM
زعيــم نشيــط
تاريخ التسجيل: 13/10/2001
المكان: u.s.a
مشاركات: 617
مالقيت الا النزهان تقول فيه هذا الكلام وكانه هوالسبب في المستويات الغريبه الذي يقدمه الهلال المشكله والسبب الرئيسي شفه عند ابو شنب
  #15  
قديم 20/12/2001, 04:02 AM
زعيــم نشيــط
تاريخ التسجيل: 28/09/2001
المكان: الرياض
مشاركات: 649
لالالالالا

السلام عليكم ورحمة الله وبركاته. ريانة العود انا احترم ردك بس اختلاف الاراء لاتفسد في الود قضيه النزهان مع احترامي مايصلح يلعب للهلال . وبعدين نص اهداف الهلال من خانته ومن سبته . ياراب ان النزهان ينتقل من الهلال الى المشكله ولا فريق يبغاه ياله الى النهضه. حتى حرام يمثل النهضه. وشكرررررررررررا.
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:40 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube