بسم الله الرحمن الرحيم


السلام عليكم ورحمة الله وبركاته ..



اخواني واخواتي مشرفين واعضاء وزوار شبكة الزعيم .. اسعد الله اوقاتكمـ بكل خير ومحبه ..

اخوكمـ بلو محتاج وقفتكمـ .. يالغالين .. وكل ما بالموضوع اني ع وشك التخرج من معهد الاداره العامه
ومحتاج وقفتكمـ بالتقرير اللي اقدمه نهاية التطبيق للمعهد
واتمنى انكم ما تخيبون ظنه .. لاني عارف انكم اهل للكرم والوفاء ..

اخواني اخواتي .. باقي على انتهى فترة التطبيق اسبوعين .. ومعهـــدي طالب مني تقرير نهاية التطبيق
وحبيت انكم تساعدوني في اي شي يفيدني وانا راح اعطيكم المعلومات اللي طالبينها في التقرير ..
واللي هي عن ادائي في بنك ساب - البنك السعودي البريطاني - ...

طبعا كـ متدرب مريت على الاداره ومريت ع الفرع ..
والتطبيق مدته شهرين ونص ,,
ومحتاج لمساعدتكمـ .. واللي يعرف احد في بنك ساب لا يبخل علينا في اي معلومه ..

المعلومات المطلوبه بالتقرير ..

1-cover page
الصفحه الاولى ومحتوياتها .. اسمي واسم البنك واسم المشرف حق المعهد ..
^
^^
هذي امرها هين

2-table of contents
محتويات التقرير

3-executive summary
ملخص عن التقرير

4-introduction
المطلوب هنا فقرتين تتكلم عن اهداف التقرير


5-company background
خلفيه عن البنك .. نشاطه .. منتجاته .. إلخ


6-company organization
الهيكل التنظيمي للبنك ( وصف الاداره الرئيسيه )
اهدافهم - وطبيعه العمل لك قسم


7-training
التدريب ( وصف المهام والوقت اللي قضيته بكل مهنه .. وماهي علاقته باللي درسته بالمعهد
وتختم بالاستفاده من التدريب وهل استفدت من هذا التدريب وهل له علاقه بما درسته .. )


8-recommendations to company
التوصيات للشركه (( ماهي الملاحظات حول المهام التي اديتها & توجيهاتكـ للشركه ))


9-recommendations to IPA
توصياتي للمعهد ..
لتطوير التدريب (( نصائح اوجهها للمعهد ))



10- exhibits
اي ملاحظات , جداول , ملاحظات .. تضاف





طبعا التقرير يتقدم باللغه الانجليزيه .. طبعا طلبي اللي تقدرون عليه تفيدوني فيه ..
سوا بالعربي او الانجليزي .. من النقاط اللي ذكرتها
سوا كانت معلومه لبنك ساب او اقتراح او رأي ..
او اسلوب في الكتابه ..
او اي شي يفيدني في تقريري
من هيكل تنظيمي من رسومات من كل شي يخص بنك ساب او شي يخص البنوكـ ..

واللي يحتاج اي معلومه انا حاظر

والتواصل عن طريق الموضوع هذا
او عن طريق الرسائل الخاصه ..
وارحب بالكل بالماسنجر والايميل ..
[email protected]

وللمعلوميه ..
انا تدربت في إدارة البنكـ .. والاقسام اللي مريت فيها
الى الان .. في الادارهـ المالية ..

1-المدفوعات النقديه
2-التحويلات
3-الاصول الثابته
4-قائمه الدخل والميزانيه
5-الاصول والخصوم للشركات
6-التعامل مع ساما (( مؤسسة النقد السعودي ))
7-الخزينه

في الفرع.. تدربت
بقسم الصرافيين
وقسم خدمة العملاء ..


وبإنتظار وقفتكمـ وهذا اول مره اطلبكمـ طلب وإن شاء الله نطلع بنتيجه لو 25% ..
ومن جد صار لي شهر وانا شايل هم التقرير هذا وعلى هذا التقرير 25 درجه من 100

اتمنى وقفتكم معاي والاخو ماله غير اخوه وصديقه .. يوقفون معاهـ وقت الشدايد ..
ومشكورين مقدماً على كل شي ..


وانا عارف شبكة الزعيم فيها ناس خريجين معهد الاداره العامه تختصص محاسبه ياليت يفيدونا بشي من اللي عندهم ..

والله يوفقكـ الجميع ..
واللي ما يقدر ع شي ما ابي الا سلامته ودعائه لي بظهر الغيب ..



تقبلوا تحيات اخوكم .. طارق

صدقني لا أملك الا الدعاء لك بالتوفيق والنجاح

وان شاء الله الشباب ما يقصرون

بس انت لازم تجتهد يعني اشوف كل الفقرات سهلة يعني من واقع فترة تدريبك تستطيع التحدث عنها ومن اسلوب كتاباتك لهذا الموضوع اعلاه من مقدمة وشرح ونبذة عن الاقسام الى الخاتمة اتضح لي بان لديك ملكة الكتابة وأن باستطاعتك فعل ذلك

فقط ثق بنفسك وقل انا لها

عسى الله يوفقك

ويسر لك دربك
وتجيب الدرجه الكامله
وفكر بالميه علشان تجيب 25 ولا ترى والله ما تجيب شي

مطيع الهميمي
جزاك الله خير.. انا عندي كل شي كاتبه بشكل نقاط .. بس مشكلتي ماعندي اسلوب بالكتابه .. وخاصه ان اللغه انجليزي
ثاني شي ابي معلومات اكثر عن البنك وعن كل شي يخصه .. وشاكر لك ع حضورك ودعائك الله يخليك يالغالي ..



ملاحقة دجاج
والله يوفقك معاي ويوفق الكل ..
طبعا تقسيم الـ 100 كالتالي

50 على تقيم البنك لي
25 تقيم المشرف من معهد الاداره العامه
25 على التقرير النهائي


وشاكر لكم حضوركم ودعائكمـ .. واتمنى تفيديوني وخاصه للي عنده خلفيه بالبنوكـ

ملاحقــه دجاج

خخخخخخخخخخخخخخخخخخ

وقسسسسم أنك مهبول

,,,

أخوي أنت اللي متدرب مو احنا المفروض انت اللي تكتب كل شي ,,واذا ماتقدر حاول


وسسسسسسسسلام عليكم

كلي هلالي
شاكر لك حضورك .. انا ماطلبت تكتبون التقرير
انا طلبت تفيدوني بحكم اني اول مره اكتب تقرير


ثاني شي انا ما قلت جيبوا لي المعلومات كلها
قلت اللي تقدرون عليه .. وتساعدوني فيه


وشاكر مرورك يالغالي

تبي نصيحتي أنا قاعد أكتب بحث التخرج في الجامعة ...

طبعا الأسلوب ما أقدر أقولك إياه ولا حتى أقدر أكتب لك موضوع .. لكن تبي نصيحتي سو زي أسوي

طبعا أنا أتدرب في احد الشركات بقسم المالية و طلبت كل اللوائح الي تتعلق في بحثي .. سواء من شؤون الموظفين ((و التي تهتم في إعداد الرواتب و كيفيه الخصم و كيف حساب البدلات و كيف حساب الوقت الإضافي و كيف خصم ساعات التأخير و الغياب)) .. و اللائحة المالية .. و اللائحة العامة .. حتى أكون مطلع على أكثر قدر ممكن من المعلومات عنهم

ثاني شيء روح لكل موظف مختص في وظيفه معينه بعد ما تكتب مجموعه من الأسئله الخاصه بعملة مثل آليه العمل و ما هو دوره في هذا الشيء و كيف يقوم بإدائه من أول خطوة حتى أخر خطوة .. مثل ما أسوي أنا الحين لان هم أكثر من يفيدونك

بعدها روح البيت و حاول أنك تقراء أي موضوع له نفس العلاقة حتى يكون لك طريقة كتابة معينه و في حال عجزت عن سرد موضوع بشكل كتابة و شرح .. حاول أنك تجزأها و تحطها بنقاط

و تكتب خطوات كل خطوه لحالها و تقرائها بتعمق ثم بأسلوبك تحاول تدمجها إن عجزت خلها على ما هي كل خطوه بخطوه (( يمكن حتى تكون أحسن و اسهل من كونها كتابتها بشرح ))

بعدين حاول تعدد المواضيع أكثر .. مثل في البنك .. كيف الرقابة الداخليه و دور المراقب المالي و جهاز الرقابة كيف عمل الصراف الأولي و كيف يتم وضع المالي و أليتها .. مثلا كيف يتم إعداد موازنه العام المقبل و على أي أساس هل اساس النقدي ام الإستحقاق .. كيف يتم صرف الشيكات و ما هي أليتها .. كيف أليه قبول الشيكات .. ما هي المشاكل التي تواجه البنك سواء مهيكله أو غير مهيكلة .... و إلخ

بس صدقني ما أحد يقدر يفيدك إلا نفسك و أهم شيء أن الشهرين و النص السابقين كنت تشتغل مب تلعب لأني أعرف واحد يتدرب معي ما يسوي شيء ... و هذا مشكله لأنه حتى لو كتب بحثه بمساعدة شخص أخر و راح للحياة العملية و توظف بشركة يمكن ما يبونه خاصه إن فيه ثلاث أشهر تجريب في كل شركة إن كنت ممتاز و ظفوك و إذا ما تدبر شيء مع الباب

الله يوفقك ويسخّر لك ..

وان شاء الله يطلع تقريرك على ماتحب وتتمنى ..

والله يابعدي مدري وش اقول لك


لكن قبل ما أفيدك خلني أقطع فيك شوي

أحس من كلامك أنك تبي مساعدة فعلية , بمعنى انها لاتقتصر على بعض التوجيهات التي تساعدك في جمع مكونات التقريروتنسيقها . والمفروض تعتمد بشكل كبير على مجهودك وأن لاتتعدى المساعدات أو التوجيهات 15% فقط .


هذا من وجهة نظري . ولاتنسى أن فيه مناقشة ( مدري عاد عندكم هالشي ذا والا لا )

لكن أنا ما أعرف شي عن موضوع بحثك إطلاقا << وشوله جاي طيب


بس اعرف واحد كان يدرس بالمعهد وتخرج << الله المستعان


إذا تبي شي علمني . وأنا في خدمتك ..

تمنياتي لك بالتوفيق .

اول شي يعطيكم الف عافيه .. وتسلمون ع وقفتكم

ثاني شي انا ما راح اعتمد اعتماد كلي ع المساعدات

لا ..

انا كاتب كل شي سويته بالبنك من اول يوم للحظه هذي ..

بس بحكم اني اول مره اكتب تقرير وودي يطلع بشكل مميز ..

وانا اشكر كل من اعطاني معلومات عن طريق الايميل ..
ومشكورين ع نصايحكمـ

واشكرك اخوي juve1897 ع الكلام الجميل

يعطيك العافيه .. وما قصرت اخوي الإمبراطور نواف
ولا هنتوا .. وابي الحين دعواتكم لان راح ابداء فيه السبت .. تسلمون يا احلى زعماء

الله يوفقك يارب
انا ما اقدر افيدك الا بالدعاء لك
ان ربي يوفقك

يعطيكم الف عافيه .. والحمد لله ان تقريري خلص وابشركم كل شي تمام

ومشكورين على دعائكم .. لاهنتوا

الله يكون بعونك
وان شاء الله تجيب درجه عاليه

تشـــــــــاو