|
بنــــات العلمــي .... مســـاءكــم ورد وجــــوري ... كيفكــم ان شــاء تمــام ... .................................. بمــاان مقبليــن عـلى الامتحــانات بقـولكم كم شغلــه .... الكتــــاب اللــي يجيــك منـه ريح صكــه واستــريح ... ما كــل مــايدرســه المــرء يفهمــه تأتــي الامتحــانات بمـا لاتحتـوي الكـتـب ... ...................................................... من الطفــش والملـل ومن الكـرف اللي يجينــا بمــاان علمــي ... آلفـــت انا وشلتــي المصــون كســره وفي روايه اخـرى اغنيه ... وحبيت احطــها لكـم واخـذ رايكــم :D .................................................... يا ناس أفهموني ... الدجه جنوني الدراسه هباله ... بالله ارحموني فكونا فكونا من الدراسه فكونا ياناس ارحمونا من الدراسه ارحمونـا أقوم الصبح بدري ... وعقلي مفهي على وين ما أدري ... والعلمي جنني فكونا فكونا من الدراسه فكونا يا ناس ارحمونا من الدراسـه ارحمونا على طابورك يا خاله... نسيت العبايه والشنطه مليانه ... والنفسيه تعبانه فكونا فكونا من الدراسه فكونا يا ناس ارحمونا من الدراسـه ارحمونا يا ربي يا ربي ... نسيت أربط شعري وقلسي مخلص ... وكحلي نسيته فكونا فكونا من الدراسه فكونا يا ناس ارحمونا من الدراســه ارحمونا وفصلي دخلته ... ودرسي سفهته مكاني ضيعته ... يا ناس ارحموني فكونا فكونا من الدراسه فكونا يا ناس ارحمونا من الدراســه ارحمونا العلمي يخرع ... أحسي مضيع يا ناس ارحمونا... ومن العلمي طلعونا فكونا فكونا من الدراسه فكونا يا ناس ارحمونا من الدراســه ارحمونا الانقليزي متاهه ... والكيمياء بلاهه بالرياضيات دباشه .. والفيزياء سخافه فكونا فكونا من الدراسه فكونا يا ناس ارحمونا من الدراســه ارحمونا قدريه غثيثه ... وأريجو كريهه وحنانوه زلابه ... ومستوره نصابه فكونا فكونا من الدراسه فكونا يا ناس ارحمونا من الدراسـه ارحمـونا الإداره فضيحه ... والمديره قبيحه بالغرفه منخشه ... وبالقهوه مبتلشه فكونا فكونا من الدراسه فكونا يا ناس ارحمونا من الدراســه ارحمونا الاربعاء عالم ثاني .. كسرات وأغاني عالدراسه سحبنا .. وللنسبه سفهنا فكونا فكونا من الدراسه فكونا يا ناس ارحمونا يا ناس ارحمونا قضيتنا قضيه ... بنريح شويه بلا دراسه بلا هم .. فكونا تكفــون فكونا فكونا فكونا من الدراسه فكونا يا ناس ارحمونا يا ناس ارحمونا ....................................................... مـع تحيـاتنـا شلـــة ضـاعت علومنــا مـن زود همــومنــــا :D ....................................... الاغنيــه علـى وزن خليلـوه وشرايكــم .... مـلاحظه : حقوق التأليف والنشـر محفوظــه ..... (نتقبــل النقــد ) :D s13s s13s |
أول كان طلبة العلم يقطعون الصحاري والقفار ويصلون الليل بالنهار في طلب العلم وما يزيدهم الا رغبة اكبر وطموح اكثر والحين حضراتكم معززات مكرمات في مدارس رسمية وفصول مكيفة سيارات تجيبكم وسيارات توديكم ومع كل ذا كل وحدة روحها طالعة من خشمها ومن زين النفسية داخلين علمي بعد!! وش حدكم اذا بهالطريقة فكل وحده تقعد ببيتها وتتعلم تتطبخ وتكوي وتكنس الين يجيها فارس الاحلام ابرك لها وانفع لها واحسن لها ولاهلها ولزوجها الله يخلف عليكن بس!! فتكم بخيييييييييييييير s13s |
مسكينة حروف اللغة العربية :D |
السلام عليكم و رحمة الله و بركاته .. صراحه تصلحين راعيه كسرات يا برنسيسه :D الله يعين عالاختبارات .. الاختبارات هم لا بد منه و لازم نشد حيلنا .. المشكله قاعد اتفلسف عليكم و انا اكبر داج .. لكن صدقوني نصيحه محب و انا اتمنى اطبق الكلام على نفسي ! ما اكذب عليكم .. الاختبارات النهائيه اذاكر .. لكن مو ذيك المذاكـره ,, و خوذي هالمسج // نحن قومٌ لا تهزنا الجِبالُ العواتي ××× فكيف بورقةٍ كُتبَ عليها اجب على السؤال الاتي ؟!! التسناري .. |
وتس ذا مننق أوف ذا (قلوسي) ؟ |
الله كلماتك معبرهـ صراحه كلهم صعبه ادبي وعلمي وشوقتيني اشوف شلتكم سلمي عليهم شكلكم مبسوطين مرررره تحياتي |
مساءك ورد وفــل صراحه بغيت أبكي عليك ’,,,, أيام الإختبارات فـله X فلــه نت وطلعات ولعب وكل اللّي يخطر في بالك لأن ما عندي اختباراتhttp://vb.alhilal.com/images/smilies/biggrin.gif إقتباس:
|
هههههههههههههههه شكلي مضيع ماني بنت ... بس اني داخل نت .. ويصح للمنتنت ما لا يصح لغيره ... ** عجبتتني كسرتكم .. وياليت لو تسمحوا لي بغنائها ,,,بس يبيلي .. جروب لبناني يغني معي .. هههههه خيتووووووو .. احسك داااااااااافوره ... شدي حيلك ومصيرك بيت زوجك ..قولي امين بس .. نقطه . |
هلا بالبرنسيسه مااشالله لكم مزاج تألفون .. يوم كنت بثالث حتى السوالف مالنا خلقها اصلا اشكال طالبات العلمي مميزه تشوفينا حتى الابتسامه يالله تطلع. ماأقدر أقولك الا بتتمنين سنه من ثالث ثانوي بتعبها ولا يوم بالجامعه وقرفها..! صحيح الجامعه أفضل وحريتك اكثر ,, بس ثالث ثانوي لها طعمها استمتعي فيها بأخر شهر اتمنى لك النسبه العاااليه , موفقه |
:D هلا والله بشلة الزحف والزحفااان :D انتم تمشوون ورى المثل اللي يقوول ان لم تزحف اكلتك الزوااحف :thumbup: اما الكسرااات انا قلت الحين بلقى فيها نوره هيا حركاات الكسراات مايخلوونها والله انا احسن سنه مرت علي ثاالث :cry: ااااه يا فهد وااه يالعياال الله يذكرهم بالخير كان معنا طلااب من الكويت :cry: جاين السعوديه يسدرسوون اسهل لهم وكانت فلة الفلله والله ان المدرس يدخل ويقعد يسوولف وضحك وسوالف بحتراام على العموم الله يوفقكم ويعينكم وان شاءالله تنجحوون وتقعدوون ببيووتكم تصوروون مع شهاداتكم :D :D |
إقتباس:
ما أقول الا الله يوفقكم إقتباس:
|
إقتباس:
no comment :d تشـــــــــــــــــــــــــــــــــاو |
ازحف تتحف :D |
صباح النوم :sleep: ----->> توها صاحيه من النوم أمس كله نوم فـ نوم :thumbup: . يازين أمس احسن من اليوم :upset: أكررررره الثلاثاء أحس اني غبيه فيه :( . المهم نجي لـ موضوعك يـ برنسيسة الهلال .. يـ ماما أستمتعي بـ حياتك فـ الثانوي مرحلة لا تنسىىى عيشي حياتك فيها :thumbup: ، دوني كل المواقف اللي صارت لك بـ دفاتر يوميه ، احتفظي بـ هالذكريات :yes: .. من جد تتمنين انها ترجع أول ماتخلصين ثالث ثانوي :yes: . إقتباس:
إقتباس:
إقتباس:
يازين E وكيم وفيز وريض من جد يهبلووووون :thumbup: .. استمتعي فيها والله تراها حلوووه ماراح تحسين بـ قيمة هـ المواد إلا إذا جربتيه أخيس منها :D ----->> مجربها مواد اشين منها :upset: إقتباس:
المهم ،، الله يوفقك يارب ويوفق كل الطلاب والطالبات والله يهون علينا s13s سي يا خيتو الفيروسه الزرقاء |
هههههههههههههههههههههههههههههههههه الله يوفقك ويسهل عليك يارب |
| الوقت المعتمد في المنتدى بتوقيت جرينتش +3.
الوقت الان » 04:48 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd