100,000 فقط عدد الجمهور الهلالي - نادي الهلال السعودي - شبكة الزعيم

قول هلالي · #1 10/12/2001, 12:33 AM

تخيلوا معي أن 100,000 محب ومشجع حقيقي هم عدد جمهور الهلال ,, وقرروا المية الف وأنا أولهم طبعاً بما إني صاحب الفكره انهم يدفعون للهلال كل واحد مبلغ 100 ريال فقط كدعم لأحضار لاعب أجنبي للموسم هذا عليه القيمه
بيطلع عندنا سلمكم الله عشرة ملايين ريال, الظاهر انها بتكفي وتزود شوي,
تكفون أدعموا فكرتي وانا اول من يدفع واتمنى من إدارة الموقع طرح الموضوع على الاخوه الاعضاء لإيجاد طريقه او آليه للموضوع هذا وصدقوني حنا اللي بنكون اعضاء الشرف الداعمين الحقيقيين للهلال,تكفون تكفون تكفون
نبي لاعبين عليهم القيمه وكفايه مهزلة اللاعبين الاجانب اللي تتكرر كل موسم
أدعمو الفكره اخواني الاعضاء ونورونا بإقتراحاتكم
ولكم خالص الشكر

قلبي الزعيم · #2 10/12/2001, 01:17 AM

وكل شىء للهلال يهو ن لو يبغون روحي .............

***************************************
من أجل الزعيم كل شىء يهون .......
هلالي حتى الموت .........;) ;) ;) ;) ;) ;)

الجنتل سامي · #3 10/12/2001, 02:36 AM

اضم اسمي معكم من الداعمين

وشكرا على هذا الموضوع .

هلالي الشعراء · #4 10/12/2001, 02:48 AM

والله الفكرة رائعة وانا احسدك على هذا المخ اللي عندك ..

ولا تنسون .. حطوا اسمي معهم ...

لولو · #5 10/12/2001, 03:39 AM

فكرة رائعة وممتازة

وانا بعد لاتنسون اسمي

النمر المقنع · #6 10/12/2001, 03:53 AM

والله لو تنفذت

انا ابدفع عن عشره

الف ريال

الهلالي الحر · #7 10/12/2001, 04:09 AM

أقسم بالله فكره ولكم مني والله العظيم يشهد عشرة الاف ريال وهو راتبي الشهري ....كله لأجلك يهون ياهلال ....تكفون يا ادارة الموقع تبنوا أرجوكم الفكره

مبرقعة الهلال · #8 10/12/2001, 04:52 AM

وانا معكم وانا يالبنات اكثر منكم يالشباب وانا معكم قلب وقالبا وراح ناقف معكم
بالدعم المادي والمعنوي...وبدعمي الله يخليكم جددوا عقد ابوثنين الله يخليكم

الهلالي المرجوج · #9 10/12/2001, 06:32 AM

وانا معكم . مستعد ادفع الضعف بس خل الادارة تجيب لاعب ممتاز ياشباب .
ترى كل مشجع هلالي مستعد لدعم النادي . وشكراً;) ;) ;) ;) ;)

مخاوي الشوق · #10 10/12/2001, 07:09 AM

هلا والله
فكرة رااااااائعه
وانا والله معاكم
بسراحه راح نحظر لاعب عليه القيمة
وهذا مو تقليل من حجم ودور اعضاء الشرف الله يحفظهم
ولكن الكل يبغى يشارك في خدمة الزعيم
والله والله والله
اقولها وانا انشاءالله صادق
والله لو يبقى الهلال من دمي والله لاعطيه

قول هلالي · #11 10/12/2001, 07:16 AM

أشكركم أخواني الأعضاء على ردودكم
لكن اللي أتمناه أن كل عضو يدخل ويقرأ الموضوع أنه يشاركنا بأقتراحه لعلنا نجد فكره من خلالها نستطيع أن نفعل هذا الأقتراح
وأشكر لكم إطراءكم
وما أنا الاجزء من هذا الكيان الشامخ الذي لن أبخل عليه ولو بروحي
ولكم خالص تحياتي

مجنون الززززززززعيم · #12 10/12/2001, 01:03 PM

السلام عليكم ورحمة الله وبركاته

مساء الخير

والله فكرة حلوه

ياقول هلالي

واتمنى ان تكون فعل هلالي انشاء الله

وان معكم بادفع 500ريال

قول هلالي · #13 11/12/2001, 11:24 PM

شفتوا وش كثر الجمهور الهلالي

لكن الظاهر إن فعلاً حنا اي نعم نحب لهلال لكن ماعرفنا وشلون نشجعه
ماعرفنا معنى الكلمه الحقيقية للتشجيع

للأخوه اللذين شاركوا الف الف الف شكر وماقصرتوا وأثبتوا للناس وش كثر حنا يالمجموعة البسيطه هذي نحب الهلال

وياليت الأخوه المشرفين يحذفون موضوعي
لأن الحقيقة بانت

s9s9 · #14 12/12/2001, 01:50 AM

يا قول هلالى ايش الذكاء هذا

بس عندى سؤال مين قلك على العدد ولا انت سويت احصائية وبعدين لاتنسانا احنا البنات والحريم وانا اتوقع ان جمهور الهلال اكثر ولاتنسى شعببيتة العربية وانا عندى دليل على تفوقة من الاندية .

اشترى مجلة المادى وشوف صور المشتركين وايش يشجعوا ولاعبهم المفضل

وانا اضم صوتى لكم

باىىىىىى :p

سواح · #15 12/12/2001, 02:12 AM

و انا بعد معكم

بس يالله حطو رقم حساب نحط الفلوس فيه .