|
ليه أنتوا كذا ياأولاد ؟؟؟ السلام عليكم ورحمة الله وبركاته .. صباح / مساء الخير جميعا .. بعد أن أفقت من صدمة ال7 من مانشستر >> روماوية جدا..:D وأفقت من صدمة الإختبارات ..حبيت أدخل المنتدى وأطرح موضوع قاهرني جدا جدا .. ألا وهو : التطنيش عند الأولاد .. يعني أخواني وعيال عمي والأقارب عموما من الأولاد .. رافعين ضغطي .بالذات اللي بثالث ثانوي يعني 24 ساعة يدورون .. وماعمرهم فتحوا كتاب .. واللي يزيد القهر يجي واحد منهم مبسوط : تصدقين سلمت الورقة فاضية :D أنا أعصب .. مجنون أنت ؟؟ مبسوط .؟؟؟ عادي عندك :eek: يقول : إي .. والثاني يضحك معه : بالعكس أصلا أفتخر .. لا وإذا دخلوا وشافوني مثلا ماسكة كتاب : لا حول وأنتي بس تذاكرين ؟؟ وهو أصلا مو كتاب دراسة لا .. رواية .. بس هم أي شي اسمه كتاب عندهم هو عدو .:upset: يعني أنا العام الماضي لما كنت ب 3 ثانوي ,, كنت حريصة جدا لأنه مستقبلي .. والحمدلله تعبي ماراح ع الفاضي وجبت نسبة مرة حلوة s60s أنا ماأدري ليه أغلب الأولاد كذا .. يعني لما يجلسون يسولفون معي ودي أشوتهم .. لا وإذا جيت أنصحهم مايعطوني وجه ,, يعايروني بأم سبعة .. ماتسوى علينا .. :D يعني كأن الإنتر ماخسروا 6:D أنا ماأدري .. لما أقول لهم أن هذا مستقبلكم ,, بكرة شلون تتوظف .. من وين بتصرف . كيف بتتزوج .. أحاول أخليهم يحسون مافي فايدة ..يقولون لي : إختبار دنيا مو آخرة ولا يقولون : بناخذ نص راتبك إذا توظفتي:mad: .. يعني أنا أتكلم جد وهم ماخذينها ضحك .يقولون : أجل زيك نجلس نصيح ليلة الإختبار .. يالدفرة :mad: . يعني هذاك اليوم شغالتنا تقول لي : (فرانشيسكا >> هذا أنا ) .. أنتي في يعطي فلوس حق جامعة ؟؟ قلت : لا .. قالت : أنا في ولد ياخذ درجات في زين ., هو يبي يدخل جامعة .. جامعة فلوس كثير في إندونيسيا .. وقصت لي معاناة كبيرة ..كسرت خاطري .. جلست أقارن بين ناس فقراء يتمنون هالفرصة .. والحلوين اللي عندنا 4 أيام بالأسبوع مايحضرون .. يمكن تحسون كلامي وحدة ثقيلة دم .. لكن شي يرفع الضغط ...يعني هذا شباب المستقبل .. أي مجتمع وأي اقتصاد بيقوم على هالأشكال .. طبعا في بنات مطنشات بس مقارنة بالأولاد ولا شي .. أنا أبي أعرف عندكم زي معاناتي ولا لأ؟؟ وإيش الحل مع هالنوعية التي لاتبالي ولاعندها إحساس .؟؟ :upset: سامحوني على الموضوع مو مرتب وشوي ثقيل دم .. بس هذا اللي الله قدرني عليه .. تشااااااااااااااااااااوs13s |
هلا بك ياأم سبعه ههاي <<< امزح صباح الخيرات بصراحه موضوعك جميل وانا نففسك اعاني من هالشيء لدرجه انو ولد خالتي الا اللحين بثالث ثانوي والمفروض بثاني جامعه بس مافي مذاكره بس فرفره بالشوارع وحاولت معه بس ماكو فايده ماكو كلمه كويتيه <<< عرقها كويتي المهم ماعلينا منه جا اخوي بيقلده بيطلع يفرفر معه الا وجا ابوي بالعقال بيمسطه اذا عتب باب الشارع الحمدلله اخواني مافي منهم الكسلان ولا عديم الاحساس <<< وراهم ابو ماعنده الا العقال وعندي خال عمره 22 ولا كمل الجامعه عقب ماورث ورث يحسب انه بيقعده له ذا الورث مغير نوم ومهايطه عند العيال واللحين يبي بتزوج وكلن رافضه لانه بدون وظيفه ولا بعد يقول لجدتي قولي للي تروحين تخطبين لي عندي بيت وسياره اخر موديل قالت جدتي والوظيفه قال الورث وكمخته جدتي وقالت ماراح اخطب لك الين تتوظف وهو ماعنده الا الثانوي مسكيين ماعلينا احس اني طولت ملاحظه:- تشاااااااااااااااو حقوق الطبع محفوظه حقت نمــ15 ــر ثانيا ياليت الالوان تتغير ما احب هاللون :) |
عادي عادي تعيشين وتأكلون غيرها يـ أم 7 :p :D هههههههههههههههههههههه أجل قاهرينك العيال :rolleyes: ! طب وش اللي حارق رزقك :mad: خليهم مايذاكرون وينجحون أهم شي لا يرسبون ثم يتعقدون :yes: .. وشوفي ترى العيال اشطر منا :eek: جد هم ماشاء الله فيهم عزيمة وصبر :yes: لـ حطوا شي فـ بالهم جابوه :) .. طبعاً فيه عيال يختلفون عن بعضهم البعض :o يعني عيال ماعندهم ماعند جدة جدتي :p ولا حطوا شي في بالهم ماجابوه :rolleyes: لكن فيه ناس لاحطت شي ببالها جابته :yes: .. إقتباس:
حتى المراقب يوم شاف الورقه فاضيه قال يـ الله شلون شخص ينجح وهو ماحل ولا شي :D :D ، وهـ بس يـ زين ناروتو s45s . إقتباس:
تشوفين اخوي اللي فـ المتوسطه استانس لاجيت ابمر عليه فـ الظهر :D نوسع صدورنا فـ الطريق بـ السواليف والتحليل :D . ودي اتوسع فـ الموضوع واسرد لك مواقف تدل ع ان العيال شطار لكن مافيه وقت s13s ، دق جرس الإنذار:cry: ولازم أرحل علشان المحاضره تعرفين مشوار الطريق لـ الخايسه :mad: . الفيروسه الزرقاء |
][ عيون الزعيم ][ إقتباس:
أفا هذا أولها :cry: إقتباس:
والله شكلي بمسك العقال زي أبوك :D إقتباس:
والله عاد كيفه يتأقلم على الوضع أنا وحدة إيطالية ولا خلاص أنا بقول (أريفاديرتشي):D وبالنسبة للون والله كل الألوان مو عاجبتني .. بس ولاتزعلين نغيره لعيونك . الفيروسه الزرقاء هلاباليابانية إقتباس:
لا الله لايقوله إن كلت غيرها بروح العناية المركزة .. ذاك اليوم صحت صياح .. لا وزفت بالإختبار ذاك اليوم .. وكل المصايب بذاك اليوم . وبعدين العيال مو أشطر مننا من قال ؟؟ هم المشكلة وش يفيد ذكائهم دامهم مايفتحون الكتاب أصلا إقتباس:
الله عاد أنا ناروتو وشلته ماأحبهم .. بس مضطرة أطالعهم عشان صديقتي مهبولة أنمي ومانغا .. وفرقة أراشي تعرفينهم ؟؟ مابقى دراما ماشفتها غصب عني ضريبة الصداقة:cry: إقتباس:
إقتباس:
حتى أنا أموووت ضحك على سوالفهم .. بس لما يسولفون عن استهتارهم ودي أشوتهم .. ولا العيال مانقدر عليهم ياحبي لهم ..>>لاتفهمون غلط:D إقتباس:
الله يعينك صدقتي إنها خايسة .. سايونارا >> أعجبك :p |
اصابعك مو سوى صحيح اني كنت داج لكن قبل الاختبار باسبوع يبدا الكرف حق سنه والحمد لله كنت اجيب درجات حلوه لكن يوم دخلت الجامعه توهقت ومثل ما قلتي يالدافوره الله يرحم شبابنا عن جد انواع الضياع اول حصه يحضرون الثانيه ينحاشون ويطلعون يفطرون والثالثه والرابعه والخامسه يتمشون والسادسه يرجعون وياخذون قيلوله والسابعه يتجهزون للطلعه انواع الدجه إقتباس:
تشــــــــــــــــــــــــــــــــــــــــــــــــــــاو |
هلا وغلا فرانشيسكا s13s اجل انت ام 7 :D :D عليه العوض ومنو العوض :D حياك الله اختي المبدعة وبصراحة القصة ومافيها ان الاولاد عندهم نظام فلها وربك يحلها :D :D يعني اهم شي الاخلاق :p بس في ناس نص ونص وفيه ناس منسمة الى اخر درجة :D طبعاً المنسم ومتبلد الاحساس الى اخر درجة لازم يجيب العيد مهما كان بس ابو نص مثلي :D تمشي اموره ولله الحمد s60s الله يعطيك العافية اختي موضوعك المنعنش :D والله يرعاك ,,, |
شكل أخوانك يشربون حمضيات :d |
اقتباص من ماجد مقبل مع إني ما قريت رده بس أبقتبص |
ما قد سمعتي بــ "" فلها وربك يحلها "" خلي الامور عادي ولا تعطينها اي اهمية .. <<< ناوي يخربتس خخخخخخخخخخخخخخخخ يعني انا والله بكل بساطة اذا عندي اختبار ومالي خلق اذاكر اسكر الكتاب واذبه فوق الدولاب .. :thumbup: واروح لم الاختبار .. واكتب الي براسي .. وانا وحظي يا يطلع الاجابة صح ولا بقلعتها ...:D اذكر من يوم اني في ثالث ابتدائي الى خامس ابتدائي كنت اذاكر ليل نهار ودي اجيب الاول ع الفصل مع ان الابتداية ما فيها ترتيب !! لكن الله ما كتب لي اصير الاول :D الناس الاجازة الطويلة ينبسطون وانا اصيح عشاني ما جبت الاول ع الفصل :D هذي ايام الابتدائية الله يذكرها بــ الخير ..:cry: لكن انا اكتشف شي خطير :D ان الي يعطي الامور اكبر من حجمها ما راح تمشي معه هــ الحياة .. يعني طنش وما عليك من احد ..!! :D لكن الحيين الثانوي .. يعني لازم اشد حيلي .. :rolleyes: وان ما ذاكرت الحيين محد نافعني .. يعني نصيحة لكل من ما بعد وصل لم الثانوي .. فلها قبل لا تجي لم الثانوي وتاكل العافية :D وتشكرات ع الموضوع يا ام 7 :D |
لاتعممين يابعدي>>>ولاتزعلين انا هذاني اقرا روايات، صحيح ما ادرس لاكن ما اسلم الورقة فاضيه عاااااد ومشكورة وانتو البنا عقولك صغنوووونة>>>>>تقلع يابوو صغنونة |
تصدقين انا هالسنه مطنشه ولاوالاستاذات يقولون انتي نزل مستواك وانا اقول ما عندنا شغاله وانا اللي اغسل المواعين وامي حامل على وشك الولاده وش اسوي مشغوله طول اليوم |
ماشاء الله تسولفين مع عيال عمك الي في ثالث ثانوي عادي ؟!؟!؟! |
إقتباس:
يعجبني المنقاش تبعك لأنك تصيد با لمنقاش |
هلا فيك فرنشيسكا كثير في أقاربنا مثل كذا وفي الثانوي لكن غالب الطلاب في مرحلة الثانوية يصيرون من هالنوع (تنطيشxتنطيش) وتصدر منه حركات اشبه با لطفولية أحيانا وليس كلهم ((مع أحترامي لشباب الثانوية با لمنتدى)) لكن لما يدخل الجامعة يحس با لمسؤلية ويبدأ يفكر با لمستقبل أكثر وتتغير نظرته للحياة با لمختصر مرحلة الثانوية غالباً ما تكون ((مرحـلـة عرابجة)) ولك أيضاً أن تتأملين في هذا الموضوع و الردود اللي فيه من أجل تتمتعين في مواهب وجدية شباب الثانوي وتحلقين في عالم اسمه عالم الطموح والنظرة الثاقبة للمستقبل عند هؤلاء الشباب تفضلي الرابط http://vb.alhilal.com/t405962.html |
ههههههههههههههههههههههه :thumbup: |
| الوقت المعتمد في المنتدى بتوقيت جرينتش +3.
الوقت الان » 01:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd