اقسم بالله ياجماعة الخير هزلت !!! يجب على الادارة الهلالية تقديم شكوى - نادي الهلال السعودي - شبكة الزعيم

دائما · #1 11/05/2007, 02:13 PM

بسم الله الرحمن الرحيم

من عنده ذبيحة !!! يوديها الى ابو عذاااااب (( ياحياتي يابو عذاب ))) ماهر في الذبح

والاهم من ذلك السلخ !!! ومجانا

يالله يابو عذاب نسيت الراس والكرعان بالله شلوطة تكفى واغسل الكرش زين !!

يالله يابو عذاب ودها لحوض الوانيت (( الددسن )) ,,, الف شكر لك يابو عذاب

خذ ريالين والله انك تعبت ..

نعود للقصة :

انا والله البارحة مادريت الا متأخر ابو عذاب يتوعد لعيبة الهلال ويهددهم بالسلخ

لان الرئيس الهلالي وصفهم بلعيبة الشوراع ,, (( والله هو صادق اذا قالها ابو

سلطان )) طبعا اللقاء مسجل على ART ماعليكم ياادراة الهلال ارسال نسخة فقط الى

الرئيس العام فقط ,, صحيح انه مايستاهل ولا بطارية ابو نص ريال بس نبي نأدبه

اخر زمن ابو عذاب يتوعد اقسم بالله انها هزلت

او تدرون علمو عليه عبدالله

الجمعان خلوه يأدبه بالملعب ...

اخيرا : باذن الله ستندم على كل حرف قلته فرخ اخر زمن ,,,

جدة كلها هلاليين · #2 11/05/2007, 02:20 PM

وش عذاب وماعذاب وذبيحة انا مافهمت شئ ممكن توضح

قاهر الظروف · #3 11/05/2007, 02:25 PM

وش السالفه؟؟؟؟؟

T . M . Z · #4 11/05/2007, 02:27 PM

ترى المشكلة الاكبر ماهي الجماهير قليلة الوعي لانها اغلبيه وصعب حصر الاغلبيه ..لكن المشكلة في الاعبين اللي الواحد ماعنده حتى سادس ابتدائي !!

ويمكن يكون هالتصريح علشان يرجع لناديه الاصلي بعد تاكد استمراره بالدوري الممتاز !

تحياتي

تشك البلوز · #5 11/05/2007, 02:32 PM

والله يا زمن عطوس ترتفع مكوي وتنخفض روؤس يا ابوعذاب

كلنا لك يالهلال · #6 11/05/2007, 03:27 PM

وش يخربط ذا ؟

المقوقس · #7 11/05/2007, 03:48 PM

اسم من اسماء النار اجارنا الله واياكم النار
يكفيه ان اهله مالقوا له الا هذا الاسم
اذا لايستحق اي شيء حتى يتم الرد عليه
مشكورين ايه الاحبه

الزعيـ الهلاليه ــمه · #8 11/05/2007, 03:57 PM

وش الساالفه؟؟

سور الهلال العظيم · #9 11/05/2007, 04:05 PM

لاعب غبي

مصيول666 · #10 11/05/2007, 04:12 PM

ياحبيبي شف اسمه

يصلح نك مسنجر ابو عذاب

شكل الولد يحب

الله يشفيه بس
مسوي انه بيرجع للنصر مسكيين مادرا ان ترتيبهم ازين من النصر خخخخخخخخخخ

الله يعين بس

مجد البطولات · #11 11/05/2007, 04:20 PM

وش السالفه ؟؟

ابوعذاب مين ويلعب مع اي نادي

وش قال ابوعذاب

مصيول666 · #12 11/05/2007, 04:23 PM

ابو عذاب لاعب الحزم وكان يلعب مع النصر الموسم اللي راح

المسكين يقووول بنسوي مسلخه اذا جو الهلالييين للرس ضد الحزم

عشان يقول ان ابو سلطان متكلم على لعيبه الحزم

اللي ابيه منك تدعو له بالشفاء العاجل