ابعـدوا رودريغاو ورجعوا رودريغو (أنـا باكيتـا) - نادي الهلال السعودي - شبكة الزعيم

طيار هلالي · #1 11/05/2007, 01:01 AM

أمســي علـى جميــع الهـلاليــيـن بـ(الخيــر) < آآآهـ ياأحمــد الخيـر وش سويـت بجيرانــا ؟هههههه

أتمنــى أنكم بصحــة وعـافيـة

ويآليـــت تكـونوا رايقيـن لموضوعــي لأن فيه تفكيـر شــوي

نعـم يجب إعـادة رودريغو قوارو وإبعاد رودريغو الفان

شتــان بيـن الأثنيــن (دققـوا ع شتان ترى اسبوع وأنا اتعلمها)

ياشبـاب عـارف بتنطون علـي وتقـولون : ليـه سلمـات فيك شي ياطيـار هلالي

والله ياجماعة الخير مو علشاني علشان باكيتا

باكيتا نعرفــه ما نجهلــه يلعب أحلى بطريقة 4/5/1 وطبعـا بالطريقه هاذي ما نحتاج خمسه مهاجمين

يكفي أربعه (يسوري وحمودي الصويلح وحمودي العنبر وبدوري الخراشي) < يازين اسامي لاعبينكم للبيـع ياشباب .؟ :p

سآمي أبو عبدالله هذا الجوكر يعني لو نبغاه وسط أو مهاجم ماعنده مشكلة

يعنـي يآليـت تسفرون سواقكم يا أدارة الهلال أو سفرناه ( نتقاط وندبر له تذكره ) ولآ تدرون أتركوه لي ترى منحاش سواقنا

وبعدين كلنـا نعرف مستوى قوارو سريع وتمريرات (وعرضيات ورفعات) <نسيناها بعده هو وكوكو (طبعا كوماتشو)

طبعا ياشباب هذا اذا ما قدروا الادارة يجيبون لاعب عالمي على حسب كلامهم

( تكفون مانبغى جيوفاني ودينلسون وبيبتو وطقتهم) ترى بنلعب بأسيا مو بالدرجة الأولى < ترى مـا أقصد شي هههه

يعني لاعب عالمي بس مو شايب

(ومضــة)

[كلكم حتـى أنــا حكمنا علـى قناة الزعيم من الحين ونسينا أنها بث تجريبي ويبدأ البث الفعـلي للقناة بداية الموسم الجديد حيث تغطية التمارين ع الهواء مباشرة ولقاءات مع لاعبين الزعيم أيضا ع الهواء مباشرة والمزيد بإذن اللــه

نجم برشلونه · #2 11/05/2007, 01:19 AM

أنا معك يأخي ردريقو مب ذاك اللعب وبطيء بعد تصدق أن سامي على كبره أسرع منه
وتساءل وين راح ردريقو(وسط)

الحاج متولي9 · #3 11/05/2007, 01:34 AM

تدري الهلال وش يبي؟؟؟؟

انا اقولك...يقلع الفان...ويلعب الصويلح....بس الصويلح..ياحبيله هالاعب..

مبدع هالاعب..

او يرجع 451 وشف الوناسة..وسعة الصدر..

الله يعين على باكيتا والفان..

مجنون الزعيم(9) · #4 11/05/2007, 01:38 AM

الصويلح افضل منهم كلهم.ٍ

طيار هلالي · #5 11/05/2007, 04:56 PM

نجم برشلونه
والله صادق سامي على كبره الا انه اسرع من الفان وبعدين سامي معروف أحسن لاعب يتمركز صح
المهاجم اذا مايعرف يتمركز أحسن له يروح يشتغل رقاصه

طيار هلالي · #6 11/05/2007, 04:57 PM

الحاج متولي
ااااه يالصويلح شف وش يسوي بالمنتخب الأولمبي لكن بالهلال الفرصه مفقوده
سريع ومهاري وهداف ومــــنـــــقـــــذ

طيار هلالي · #7 11/05/2007, 04:59 PM

مجنون الزعيم
أحسن من رودريغاو لكن قوارو يخدمك أحسن من الصويلح اذا لعبت ب4\5\1

رودريغو قوارو لحد الحين يتمرن بنادي الهلال