|
يا ردريقاو يا فنان ... يا مبدع يا خطير .. يا ضالة هجوم الهلال .. بسم الله الرحمن الرحيم .. عزيزي المواطن عزيزي المقيم : نتمنى قراءة الموضوع كاملا" قبل الرد .. وان ما جاز لك الموضوع فيه اختراع اسمه الرجوع للخلف وفيه اختراع ثاني احسن من الاول اسمه اغلاق الصفحة بكبرها .. وان جاز لك الموضوع رد بــ ادب واخلاق .. لان الاداراة الله يجزاها خير اي كلمة غير لائقة ع طول قفل الموضوع وانا الي باكلها .. لذلك نرجوا التقيد بالاخلاق .. عفوا " :D انا بعد مباراة الهلال امس ما بقى دعوة ما دعيتها ع مهاجمنا الخطير ردريقاو :D <<< << بدا حرق الاعصاب s60s وكل ردودي بعد المباراة كنت اطالب بترحيل هــ السباك الى افغانستان بــ سيكل ابو ثلاث كفرات .. :D بعد المباراة وبعد ان هدات الاعصاب وروقت شوي .. قعدت افكر في ردريقاو وبين ياسر .. المهم اقتنعت ان ردريقاو هو الي وصلنا الى ما حنا عليه من الادوار النهائية بعد فضل الله سبحانه وتعالى .. شباب فكروا معي بالعقل .. وخلوا العاطفة ع جنب .. مهاراة ياسر وكعوبه فادت الهلال في شي في الوقت الحاضر .. ياسر في بداية طريق الضياع .. حنا لازم نوجه ياسر ونلومه ع اداه الباهت .. ياسر يحسب الواحد ما يصير مهاجم الا اذا جاب في كل مباراة هدف خرافي وهدف ما عمره صار في السعودية .. ياسر لازم كل كورة يستلمها يقعد يجرجر له كم مدافع .. ارجعوا لم المباريات السابقة .. شوفوا ياسر وشلون يضيع كورات ولا في الاحلام .. يضيع انفرادات بالكوم ... ومع ذلك حنا نصفق له .. ردريقاو يجيب اهداف وارجعوا لم مبارياتنا السابقة تلقون ردريقاو هو الي له لمسة في صناعة الاهداف لن لم يحالفه الحظ ويسجل .. بينما ياسر قاعد يفكر وشلون يسحب بــ المدافع الفلاني .. ردريقاو ما احد ينكر انه محظوظ حظ موب طبيعي .. وانا كنت اردد هــ العباراة (( عطوني حظ ردريقاو وارموني في المحيط الهادي )) .. بس اقتنعت انه فعلا" مبدع ... مهاراة ياسر ما فادتنا بشي .. ردريقاو مو كل همه انه يسمع صراخ الجمهور وتصفيقهم له اذا سحب له الاعب الفلاني .. ردريقاو يبي يسمع الجمهور وهم يصارخون له ويصفقون له اذا سجل هدف .. هدف الهلال في النصر من الي صنع الهدف للخثران .. ردريقاو صنعها للخثران بلعبة ذكيه .. من حسم مباراتنا مع الوحدة في كاس ولي العهد .. ومن صنع هدف ياسر في الاتحاد .. من حسم مباراتنا مع بختاكور في اوزباكستان وفي الرياض .. والقائمة تطول .. الي يبون العنبر او الصويلح في الهجوم مع ياسر .. باقول له العنبر خلاص انتهى .. جاب هدف خرافي في كوريا الجنوبية وطيرناه وسميناه رونالدينهو العرب .. وهذا خطا نظرا لان اللاعب توه صغير وما يستحق كل ذا المدح .. طيرناه .. والحيين مستواه يعتبر فاشل مع نادي الهلال .. الصويلح مجتهد لكن يعتبر مجازفه انك تعتمد عليه في بطولة مثل بطولة اسيا .. وزي ما شفتوا انتم امس وظلمتوا ردريقاو .. كل المحللين قالوا ان باكيتا كان قاصد يرجع ردريقاو للـوسط ويخلي ياسر والتايب في الهجوم .. وما ذلك ياسر يفشل في التسجيل .. انا والله من اشد المحبين لــ ياسر لكن من مصلحة ياسر ان ننصحه و نوجه ونبعده عن طريق الضياع .. ومن قال انه يحب ياسر ويقول ان ياسر الحيين مستواه رائع فـ صراحة راح يثبت ان مشجع ما يدير الكورة .. ياسر بطقاق سجل هدف في رديف الاهلي .. وهــ هو الحيين يرجع للصوم عن الاهداف .. كل الي حبيت اوضحه لكم ان ردريقاو مبدع .. فكروا شوي بعيد عن العاطفة .. وصدقوني راح تقتنعون ان ردريقاو هو ضالة هجوم الهلال .. ياسر اتمنى عودته زي اول .. ويترك البحث عن التسحيب .. ويقتنع فعلا" ان المهاجم الرائع هو من يسجل الاهداف من انصاف الفرص وليس من يفكر انه يسجل في كل مباراة هدف خرافي .. ملاحظة : استروا ع ما وجهتم من اخطا املائية .. ترا كاتب الموضوع وانا توني مفطر على جبن منتهي تاريخه :D .. |
رودريقاو تمركز وخبرة وهذي الأشياء الي فادته ومثل ماقلت لولا الله ثم رودريقاو ما وصلنا هالمواصيل ولكن ياسر أفضل منه إلا أنّ ياسر يمر في فترة ضعف في المستوى وهذا شيء طبيعي في كرة القدم خصوصاً أن ياسر يواجه ضغوط جماهيرية |
لاعب ممتاز .. بس مو مستوى طمووح الهـلال |
الله يعطيك العافيه يابطل s60s استغرب من جمهور غير مقتنع بهدافه الاول ! لو كان محل رودريقاو لاعب ثاني كان ما سجّل ولا خمسة اهداف .. وارجعوا للفاشلين اللي جبناهم في هالمركز وابرزهم جيلسون ودي سليفا . لاعب مسجّل عشرة اهداف .. وصانع ومساهم في كم هدف .. اظاهر لازم يلعب كم كوره بالكعب .. ويفتح كم مدافع بكوبري ! رودريقاو هداف اذا لعب بمركز رأس الحربه .. وحنا ما ينقصنا الا الهداف :) بالتوفيق للزعيم |
وش تبينا نسوي يالغالي مع جمهور معاهم معاهم يبون لاعب يسحب من نص الملعب ويسوي حركات و كعوب وهذي النوعية عندنا منها كثير ومانبي زيادة |
asool حلوة سرور ولا المبارك ههههه .. اصلا سرور هو المبارك يعني فهد سرور المبارك |
إقتباس:
بس في فترة التعاقدات كان الهلال يحتاج للريال الواحد ... وكنا في فترة طفرة .. واعضاء الشرف كلن في ديرة .. واعتبر اللاعب ممتاز نظرا لــ مزانيتنا في ذيك الفترة .. وياسر يحتاج فترة راحة ومراجعه نفسه اكثر من مرة .. والف شكر لك ع المرور .. |
إقتباس:
|
إقتباس:
من تبي .. دروقبا ولا ساها ولا روني ولا ميسي ..!! ؟؟ قلنا لك دعم في الهلال ما فيه .. يعني اللاعب يعتبر ع قد حالنا .. اذا التزم اعضاء الشرف بوعودهم صدقني راح اطالب بافضل من ردريقاو .. |
والله أنكـ صادق أخوي بكل كلمة قلتها ألفان والله هذا اللاعب هو مانحتاجه بس لو يتمركز والله إنه فنان تحياتي |
إقتباس:
ما ازود ع كلامك شي يــ الغالي .. :thumbup: جمهورنا تبي تصير عندهم اللاعب رقم واحد لازم تشق كم مدافع كوبري وتلعب لعبتين بالكعب .. :eek: الف شكر لك ع المرور يا حبيب قلبي .. s60s |
اخوي اللي يبغى الاسيويه مايجيب البنغالي رودريغاو لو يتحول للكره الطائره مع البخيت يكون افضل ولاعب طويل وينفع في حائط الصد اما كرة القدم اعتقد مله اي علاقه فيها لابد يلغى عقده بعد كاس الملك واعادة رودريقو الوسط لانه يوم انه كان موجود كان وسطنا اقوى وسط بالدوري ثم نحضر مالك معاذ مع ياسر القحطاني عندها يكون وسطنا وهجومنا مافيهم حيله وباذن الله ناخذ الاسيويه حتى كاس العالم وسيبوكم من التخلف ومدح البنغالي رودريغاو 99% وتسع من عشره من الواعين والفاهمين كوره عارفين ان رودريغاو ابو المقالب :thumbup: :thumbup: :thumbup: :thumbup: :thumbup: :thumbup: :thumbup: :thumbup: :thumbup: :thumbup: :thumbup: s13s s13s s13s s13s |
اول مرة واحد يتكلم ويقول الحق وانا معك اخى بس لازم نعطى فرصة لياسر وانا سبق وان تكلمت فى موضوع سابق ان ياسر عليه ضغوطات من الجمهور والاعلام وياريت تخف عنه هذه الضغوطات حتى يرجع الى مستواه الحقيقى اما بالنسبة لردريقو فلا يختلف عليه اثنان انه هداف المجموعة وهدا يكفيه فى ظل وجود مهاجم من طراز عالى مثل ياسريلعب بجنبه وهو يسجل وياسر يسحب |
كلامك صحيييييييييح ميه على ميه س\مامعنى كلمه مهاجم؟ ج\ معناه هو الي تحطه قدام الباب ولا تشوف الكوره الى من رجله للباب عدال أول من رجله للشبك وهذا الجواب ينطبق على ردريقاو أما ياسر تسحيب وتجديع ومهارات همن حنى نبي هدف حنى وش نبي نبي هدف ياياسر |
والله ليجي يوم نلقاااكم تقولون العكس ومااا يااسر لو انه احسن لاعب في العالم لو يلعب بجنبه لاعب فااااشل مثل ردرقااو مااااعرف يلعب وليكن في علمكم ان في الهلال من هو افضل من بمائة مره انااا مدري وش معجبكم فيه يناااس ... تابعو حركاااته وتثبيته للكوره ومناااولته ومراوغته وش يثبت انه لاعب اي لاعب حط الكوره قدااامه يجيب هدف بس الحظ اللي تقولونه....... وينه قدااام الاهلي يوم ضيع الكوره قدام البااااب ....عجيب امركم بس اللي استنتجته من بكيتا واقتناااعه بهالاعب انه يعرف يضيع الوقت ...ههه علمااا ان الهلال في جميع مبارياااته يلعب بعشره لاعبين لان ردرقااااو مااهو لاعب بس منظر في الملعب لين الوقت الضائع علشان يضيع الوقت |
إقتباس:
والله انك من جد مدمر الفرق |
أخيرآ حصـلت واحد يفهمني والله موضوعك كل كلمه فيه أبدااع × أبدااع رسمت هجموم الهلال من العنبر الى الصويلح الى ياسر الى الفـان وبصراحه موضوعك في قمه الواقعيه والصراحه شاكر لك على الموضوع الاكثر من رائع لكن من يقتدي فيه |
ومن قال لك اننا نريد ألفان يكون مهاري لدرجة الكعوب والتسحيب ..!! انا فقط أطلب من ألفـان بأن يقـوم بتثبيـت كـُره واحده فقط بالشكل السليم ماذا تنتظر من لاعب لا يعرف كيف يـّروض كـُره من غير اي مضايقات ؟ انا لا اقول أريد الفان ساحر بالمهارات والاختراقات .!؟ انا فقط أريد لاعب يـُسلم ويـستلم الكـُره بالشكل الصحيح ... هذا اللاعب لا يعرف كيـف يمرر كـره واحده بشكل صحيح دائماً مايفسد هجمات مرتده خطيره بسبب تمريراته الخاطئه لا عب لا يعرف يستلم كره ولا يسلم بالشكل الصحيح ماذا تنتظر منه ؟ وانت تكلمت عن ياسر القحطاني عزيزي ياسر القحطاني لو تلاحظ معي هو يصنع ويمرر بشكل سليم ولديه هناك مبدأ تعاون جميل مع زملائه واكثر من هدف لألفان من صناعة القحطاني... لكن اريد ان اسألك سؤال هل رأيت يوماً ما الفان قام بصناعة هدف للقحطاني لكي يسجل ؟ طبعاً لا .. لانه لاعب مفلس لا يعرف كيف يمرر وليس لديه مبدأ التعاون الجماعي كروح فريق ابدا |
والله ياخوي كلامك بالنسبه للقحطاني صحيح 100% وياليت انه يتعلم من مالك معاذ والله طفشنا , اعذار ارهاق وعطيناه عذر ومادري ايش ما أشوف الارهاق جاء مالك معاذ, تدرون ليه لانه لاعب همه مصلحة فريقه وانت يا ياسر همك الاعلام والفلاشات والله تعبنا وحنا ندافع عنك اتمنى مالك معاذ في الآسيويه و ياسر احتياط,, عشان يعرف قيمة الهلال اما بالنسبه للبنغالي الفان ماهو لاعب يحرك الفريق بالعكس نقص والاهداف اللي نتغنى بها هي ما لها الا هدف>> يعني تجيه مقشره على الباب اتمنى نشوته برا ونجيب قلب دفاع مكان المفرج هذا اذا كنا نبي العالميه وهذا شنبي اذا اخذنا الآسيويه ومعنا ألفان |
إقتباس:
|
السلام عليكم اخوي انا اختلف معك بكل نقطه قلتها الحين بالله عليك بمستوى الهلال بجميع مبارياته السابقه اللي لعبها هل تأهله اللي اندية العالم؟؟ انا اجزم لو فيه فريق استقلال طهران الايراني كان تنسى شي اسمه تأهل ياخي شف المباراة الاولى اللي على ارضنا مع الكويت الكويتي وقدام 70 الف متفرج هذا مستوى؟؟ وبعدين شفت بختاكور بطاشقند كان مستوانا نفس الشي بايخ وبعدين بختاكور على ارضنا لم نقدم المستوى المطلوب وانتهاءا بمباراة الكويت الكويتي امس مستوانا كان سئ ومين السبب بعض اللاعبين لكن ابرزهم رودريجاو لاعب مايعرف يثبت كوره مايعرف يشوت وبعدين مين قالك انه مايستعرض والله لو تلاحظ كل مايمسك الكوره يحاول يستعرض واخرتها تنقطع منه على الاقل ياسر اذا سحب يعرف يسحب بعدين انت تبي تجيب البطولة الاسيويه لازم يكون عندك لاعبين على كفائه عاليه مثل مالك معاذ او عبدالرحمن القحطاني وبعدين لازم يكون لاعبينك الاجانب ابطاال يعني التايب وتفارس تمااام اما رودريجاو مخرب علينا يعني تخيل التايب وتفاريس ومحمد كالون ابداااااااااااع واضمن لك الاسيويه واندية العالم :D |
إقتباس:
هلا والله اخوي .. ما ازود ع كلامك شي .. s60s والف شكر لك ع المرور ..:D |
إقتباس:
هذا حال جمهورنا السعودي بشكل عام .. :eek: يبون لاعب كل خمس دقايق طاق كعب ولا ساحب له واحد .. :upset: وانت الصادق والله يا كثرهم كثراه .. :confused: والله يعطيك العافية ع المرور يالغالي .. :D |
إقتباس:
خخخخخخخخخخخخخخخخخخخخخخخخخخخخخخخخخخخخخخخخخخخخ تسلم ع المرور يا بطل .. s60s |
إقتباس:
هلا والله اخوي .. وفعلا " ردريقاو مبدع .. بس حنا كــ جمهور سعودي ما يعجبنا الا اللاعب الي كل خمس دقايق ساحب له واحد ولا طاق كعب .. والف شكر لك ع المرور .. |
إقتباس:
اقول كيف الحال بس ..!! ارجعالى اهداف الهلال تلقى الي صانعها هو ردريقاو الي انت تسبه الحيين .. وما اقول الا الف شكر لك ع المرور .. |
إقتباس:
هلا والله اخوي التايب صقع .. ياسر يمكن انه يحتاج الى الراحة .. وما اقول الا الف شكر لك ع المرور .. بس عندي لك سؤال .. وش معناه التايب صقع :D .. التايب نعرف معناها لكن صقع وش معناها ..!! ؟؟؟ |
أخوي عطني وسط زي الناس وعطني صانع لعب وشف رودريقاو وش يسوي ياناس اللاعب مميز ومتمركز ولكن وش يسوي والهلال أصلاً وسطه ضايع والله مافيه الا التايب الله لايحرمنا طلته ياشيخ. |
إقتباس:
بس عندنا كــ جمهور سعودي المهاجم هو الي يجيب في كل مباراة هدف موب صاحي .. ولازم ع الاقل يلقم له اثنين كباري .. :eek: والله يعطيك العافية ع المرور يالغالي .. s60s |
استأذن صاحب الموضوع لأني فليتها بالردود :D :) فيه ناس ابدت وجهة نظرها بعقلانيه وطبيعي نحترمها ونقدرها .. ومن ظمنها الاخ محامي الفيلسوف 15 .. اللي ذكر سلبيات للاعب .. كل لاعب لديه سلبيات وايجابيات .. وسلبيات رودريقاو تخفيها اهدافه اللي قادتنا لدور ربع نهائي آسيا .. رودريقاو ابرز ايجابياته التهديف و التمركز .. وتقريبا هذا هو المطلوب من راس الحربه .. صحيح تثبيته للكرات العاليه ليس بالمستوى .. لكن لغة الارقام تقول انه رودريقاو هو هداف الزعيم بـ10 اهداف .. اذا كان الزعيم بيجيب مهاجم اجنبي افضل منه فأنا مع رحيله .. اما اذا بتقولي الصويلح والعنبر .. فما اعتقد انهم مناسبين لبطوله صعبه مثل آسيا . نختلف احياناً .. ولكن يجمعنا حُب الهلال :yes: إقتباس:
اما تقول بنقالي او هندي .. والثاني يقول مانبيه شعره موب مرتب ! وواحد يقول ماش ماهضمت لعبته ! ** رودريقاو .. الناجح محارب ;) |
عــيـــن الـــعـــقـــل,,, وانا من اشد المؤيدين لك...واحب اضيف وهي في الحقيقه امنية ان يلعب سلطان السعود مع الفان واقصاء ياسر على الاقل مباراتين... لدق ناقوس الخطر لياسر ونجعله يتدارك اخطاءه ,لإن ياسر حالياً يشن حمله على الجمهور الهلالي وانهم يطلبون منه التسجيل في كل مباراة وينظرون إليه انه لاعب من كوكب آخر!!! ليس هذا تفكيرنا (باسم جماهير الزعيم) ولكن الافكار التي يتخيلها ياسر ويعتقدها جعلته تائهاً...نحن لانطلب التسجيل في كل مباراة ولكن نطلب التواضع والاحترام في كل مباراة...نحن نهتم بمصلحة الهلال ككيان وليس بمصلحة او سمعة الهلال من خلال لاعب,,, الانتصارات والاستحققات تنسب للنادي وليس بفضل ومهارة اللاعب (كما هو حاصل عند الاصفران من خلال اللاعب المحترم الموقوف واللاعب الواعد ذو 26 عام!!!) وبالتوفيق للزعيم. |
إقتباس:
لا لا يالغالي وش دعوة خذ راحتك .. :D المهم راقب الوضع في الموضوع انا باطلع يمكن الى المغرب وبادخل الشبكة مرة ثانية .. :cry: المهم استلم الوضع وهد الوضع بين الشباب .. لا يتهاوشون ويقفل الموضوع ..:D <<< كل همه ان الموضوع ما يتقفل :D و تسلم يدياتك يالغالي .. s60s |
اخوي اولا السلام عليكم ورحمه الله وبركاته كلامك بالنسبه لردريقاو صحيح ميه بالميه وكلنا اولها قلنا زيك لكن لما فكرنا بالعقل تحس انه صاحب الفضل بتأهل الهلال اما بالنسبه لياسر فانا اختلف معاك بالرأي لانه اذا ما تبغاه يسحب ويتفنن كيف بيعدي من المدافع وكيف بيخلي الجمهور يتحمس اكثر واكثر وكيف بيدب في قلب المدافع الف حساب وحساب لما تجي الكورة مع ياسر اما لو انه ياخذ الكورة ويروح يسجل عااااااااادي بتصير اللعبه بايه وكأنك تلعب بلاي ستيشن *لا اعتقد ان اي شبابي بينسى هدف ياسر اللي هز الملعب كله ولا التسحيب اللي بالنصر والهدف اللي بالكعب ولا مع الاهلي لما شات الكور نواف من بلنتي ورجعت لياسر شات باليمن والثانيه باليسار تقبل تحياتي وشاكر لموضوعك الرائع والكلام الجميل |
:: شف البنغالي هذا وربي انه محظوظ محظوظ الى ابعد حد لاعب مع احترامي فاشل أنا مجتمع انا واخوياي نشوف مباراة الكويت الأخيرة وقاعدين نتأمل بالبنغالي ونشوف اي هجمة توصل لرودريقاو والله لا يستلم صح لا يظغط على حامل الكورة لا يسلم صح ما يساعد في اكمال سرعة الهجمة كم هجمة تكون مرتدة للهلال والمرتدات اهم شيء فيها السرعة ما توصل للبنغالي الا يهدي ويقعد مفهي لاهو يسحب ولا يسلم كورة صح يعني باختصار اذا وصلت الكورة للبنغالي قلنا ضاعت الكورة اما ياسر وآه ياياسر .. حقيقة انكم وكل من شكك بياسر تفكيره قاصر نسيتم اهدافه نسيتم تمريراته الساحرة صنعه للعب نسيتم كل هذا لانه مر بفترة قل فيها اداءه .. فعلا انكم غريبين ياسر نجم ولن يتأثر بالمشككين والبنغالي الله يخلص الموسم على خير ويروح ويفكنا وأعتذر عن الجفاف في الأسلوب تحياتي :) |
من وجهت نضري ان ردريقو على مستوى الهدف جيد وعلى مستوى التمركز جيد مرتفع اماعلى مستوى العب الجماعي سي جد جد وهذ نقطه لاتخدم العب والفريق |
والله صدقوني ان رودريقاو هذا الي يبيه الهلال :) :) لاعب هداف من اعلى مستوى وهذا اهم شي يعني بذمتكم ايش تبون باحمد الصويلح ولا العنبر صحيح كلهم نجوم لكن الفتره هذه صعبة تخلي لاعبين متذبذب مستواهم ببطولة مهمه مثل اسيا لكن تطمنو ترا باكيتا يقول انه معجب برودريقاو وانه موب رايح :D لكن نقطة مهمة رودريقاو جاي بفترة الانتقالات الشتوية وسجل 10 وياسر من اول الموسم ماسجل الا 10 !! انا ماقول ان ياسر موب نجم لكن لو يخلي عنه التسحيب والكعوب ازين ونسيت ان اشكرك على الموضوع الرائع |
نحتاج في الشبكه لأكثر من MR . DL5 s60s اللي يبي كعوب ومهارات وتسحيب يحضر التمارين ويشوف اللي يبي ، ما نبي في المباريات الرسميه إلا " هز شباك " وبس ، عادي لو نتسحب ونتمرمط المهم نفوز الناس اذا جت تسأل عن مباراه ماشافتها تقول " من فاز " وماتقول من استعرض :) مانتب عارفين قيمة رودريقاو الفان إلا اذا لعبنا بدونه " بعدين وسطنا حالياً مافيه الا التايب فقط والباقين مستواهم طايح ،، العالم تبي رودريقاو يسجل ويصنع ويستعرض و..و.. الخ . طيب وش ادوار اللاعبين الباقين ؟ بدلاً من المطالبه بإلغاء عقد هداف الفريق ، ياليت تطالبون باظهره مثل الناس واللي يقول فهد مبارك ، ورا مانجيب الدعيع راس حربه ازين ؟ فهد مبارك لاعب وسط ، تبي تطالب فيه ، طالب فيه على حساب الشلهوب او التايب مع ان هالاثنين لهم الفضل الكبير بعد الله لما وصل اليه الزعيم هذا الموسم واللي يقول شعره ماهو مرتب ، قبل المباراه بدقيقتين جب معك جل ومشط وتعال ضبطه ! شيء يفقع المراره |
ايه خوي معك حق بس لو نرجع نلعب بطريقه 4 / 5 / 1 الافضل يلعب ياسر خلف رودريقو ياسر يسحب وكمان يصنع كور وهداف انا اشوف ان ياسر لو يرد خلف رودريقو بايكون لعب ياسر افضل |
في الحقيقه ردريقو امه داعيتله لكن لاتنسى ان الدور الي يسويه ياسر القحطاني له الفضل بعد ه الفضل بعد الله في تسجيل الأهداف ياسر وظيفتة اخذ اكثر من مهاجم ليتيح الفرصه امام المحضوض |
والله إني أستغرب من بعض اللي يقولون إنه رودريغاو فاشل يا جماعة الخير لاعب يأتي ويشارك في نصف موسم ويسجل 8 أهداف بينما ياسر في موسم كامل يسجل 10 أهداف لا أنكر أن ياسر لاعب كبير وأفضل من رودريغاو لكن الجمهور يبي أهداف يا ياسر , لازم نقول هالكلمة إنه مالك أفضل حاليا من ياسر وهذا واقعي ولحد يقول لا |
السلام عليكم مشكور اخوي على موضوعك الرائع وكلامك صحيح 100% وزي ما قلت رودريقاو هو المهاجم المنتظر مع ياسر لكن الجمهور الهلالي ما يعطي فرصه ولو ترجع معي للوراء قليلا لشاهدت مستوى كماتشو اول ما جا للهلال والله ما يدبر شي والكل قال اطردوه الغو عقده بس شف يوم عطيناه فرصه صار (فلته)وهو حسم لنا العديد من البطولات واولها واهمها كاس دوري خادم الحرمين الشريفين ضد الشباب فياليت الجمهور الهلالي يعطي رودريقاو فرصه شوي. ومشكلة ياسر حلها عندي وهو أن يترك الفلسفه الزايده بالكوره ولا يقعد يسحب كثير والله يا ناس ياسر نجم مبدع لاعب بمواصفات اوروبيه شف مالك معاذ بالآونه الأخيره الكل قام يقول مالك افضل من ياسر وهو ما جاب الا هدفين واحد على الهلال في نصف نهائي كاس ولي العهد وواحد على الاتشاد وفيه بعد هدف على الهلال يوم الدور الاول من الدوري يوم الهلال يقلب النتيجه وبس مالك جاب اهداف غير هذي بس هذي الفرق الي من الصعب ان اللاعب يجيب فيها اهداف شف اهداف مالك معاذ ما يبي الا مساحات عشان يسرع ويشوت ما يهمه التسحيب لكن ياسر يحب التسحيب واللاعب القناص لازم يعتمد على الله سبحانه ثم على التسديد اذا انفتحت له الخطوط الدفاعيه للخصم. |
أنا أقول نحافظ على البنغالي لايخطفه مانشستر بدل ساها المصاب |
ياسر لازم كل كورة يستلمها يقعد يجرجر له كم مدافع .. ارجعوا لم المباريات السابقة .. شوفوا ياسر وشلون يضيع كورات ولا في الاحلام .. يضيع انفرادات بالكوم ... ومع ذلك حنا نصفق له اصبت كبد الحقيقه .. واذا سو شي المفرج والا الفان قومو الدنيا بالي فيها |
انا من يوم ما جاء مباراة الاتشاد وهو عاجبني ,,:thumbup: و ادافع عنه في المواضيع اللي يسبوه بعض الاعضاء ..:laugh: و الى الان يقولوا مو في مستوى الزعيم ,,:eek: يعني عشانه ما يسحب كثير بس على طول يشوت و يجيب اهداف ..:confused: طيب ايش تبغوا اكثر من كذا ,,s60s لو لا الله ثم رودريقاو بن الفان بن فرنانديز ما كان تاهلنا ..:D و انا اكيد اتمنى يرجع مستوى ياسر و يصير احسن من رودريقاو ..:p و راح احب ياسر حتى لو ما جاب ولا قول الين اعتزاله ,,, :yes: و مشكووووووور مستر دلخ على الموضوع الاكثر من رائع صراحة ,, :yes: s13s s13s |
والله ما توقعت انك من هذي الجماهير .. امس تطالب بـ الغاء عقده واليووم تقول انه فنـان ؟؟؟!!!!!!!! والله ما رح يضيعنـا الا انـت واللي تدافعون عنـه .. ولما يجي نهائي الدوري تذكر كـلامي .. امس كنت تـدعي عليـه .. وبعد ما نخسر النهائي رح تقوول ( ودي اذبحه ) ,, بطيئ - ثقيل - بـاارد - مفهــي لا يسلم ولا يستلم صح ولا يضغط على حامل الكووره ما يلعب بـ [ رووح ] نبـدأ هجمه حلووه واول ما توصل عنـده يضيـع ويخررب ابووها .. ياخي حتى الكوره ما يعـرف يثبتهـا (( والله انه من جنبهـا وفااشل ومقلـب )) .. الكووره في واادي وهو في واادي .. درجه ثـالثه في الدووري السيرلانكي وكثير عليـه لا بارك الله فيـه .. ياارب تجـيه اصابه مزمنـه ولا يقـدر يلعـب . |
إقتباس:
أفضـل وسط في آسيـا كلهـا مو عـاجبك ؟؟؟!! (( التايب - الشلهوب - المبـارك - التميـاط )) .. يكفيك اول ثـلاث اسامـي .. مـن جـد بعـد هذا الـرد عـرفت انه مافي فـايده من المناقشـه .. أجل الهلال ما عنـده وسـط ??!! :D إقتباس:
والله نص اللي ردوا على هذا الموضوع .. هو جمهور ( معاهم معاهم .. عليهم عليهم ) .. مع الخيل يا شقـرا .. و ارجع لردوود كل واحد فيهـم أمـس وتـأكد .. أخـوي MR.DL5 ,, (( تـرى يـاسر يسـوى باكستـان كلهـا )) .. ولا تنسـى كم مباراه حسمهـا في الدووري .. ولا تنسـى كم هـدف صنع وكم كووره مقشـره حطـها لـ الفـان من اول مـا جـا . |
^^^^^ اخوي اقر بداية موضوعي .. انا قلت اني كنت اسبه لين فكرت شوي ثم غيرت راي عنه .. بعدين الله يجزاك خير الي مافي راسه كورة هو الي يحسب الكورة كلها كعوب وتسحيب .. ويبي المهاجم يلقم له كبرين في المدافعين عشان يطلع مهاجم بطل .. وهذا تفكيرك انت للاسف .. واللاعب الي انت تسبه تراه هداف الفريق وهو ما لعب معنا الا 10 او 11 مباراة .. خل العاطفة ع جنب وفكر شوي بعقلك وراح تتاكد من كلامي .. بعدين انا ما توقعتك من الناس الي يرد بدون ما يقراء و يفهم الموضوع .. |
إقتباس:
|
إقتباس:
قصدك 99% من الاطفال وجيل الكابتن ماجد وسبيس تون هو من يعتبرون ريدريقاو مقلب لانه فالح بس يسجل اهداف وما يعرف يسحب بالمدافعين ويحط كباري كل مباراة .... |
لا تعليق |
كلهم عينين في رأس ولكن يآآآسر يمر بمرحلة إرهـاق ,غن شاء الله أبو سعيد بيرجع إلى مستــوآآآآه وأفضل أمـا رودريقـاو مستـواااهـ عــادي نسبيـــاًً الصـراحـه(روريقاو أنا عجزت أشخص لعبه كل يومـ طالع لي بحاجة مره حلوه مره لك عليه , ونشوف وش التالي مـعه) |
الله يرحم والديك لاتـدافـع عنه، من يوم جاء وهو مـالـه فائده يعني أهـدافـه الي سجلها وشـي ؟ كلها بلنتيات ولا قدام المرمى والي ضيع أكثر من الي سجل وبالله عليك شف ياسر بالمباراه وشفه مايطب على المدافعين إذا جت الكوره معهم ولا يسلم صح إذا جت معه يعني لو الصويلح مكانه أتوقع إنه ينفع أكثر منه. (( هذي وجهة نظري)) والله يعطيك العافيه على طرح الموضوع.وشكرااااً |
الله يعطيكم الف عااااافية يا شباب .. وباذن الله لي عودة للتعليق ع كافى الردود باذن الله .. |
شكرا على طرحك للموضوع بصراحه لانه لازم نشوف حل يااخي العزيز مع احترامي الشديد لك والله انه لاعب اقل من عادي وحرام فيه محترف وش يفيد اهدافه والله لولاعب مبتدأ يجيبها طول المباراه وهو رافع ضغطك وش تبي من لاعب لايعرف يمرر ولايعرف يمسك كوره صح تحس انه ضايع في الملعب,, والله الهلال ماهو في حاجت لاعب مثل هذا ومليئ بالنجوم البدلاء وهذا من الظلم وين فهد مبارك وين الوجيه الشابه الصاعده ,, بعدين يااخي العزيز الى متى مجامله على حساب النادي ينحسب علينا لاعب في الملعب وفي القلئمة يااخي هذا مقلب شربه الهلاليين والحديث عن هذا اللاعب يطووووووووول يعني بالعربي يتم انهاء عقده مع النادي ,,,, |
إقتباس:
4 في الدوري ( هدفين في الفيصلي - هدف في الطائي - هدف في القادسيه ) وصنع هدفين في الدوري ( لياسر ضد الاتحاد - الخثران ضد النصر ) 2 في كاس ولي العهد ( جميعها في الوحده ) 4 في كاس اسيا ( ثلاثه في باختور الاوزبكي - هدف في مرمى الكويت ) كل هذا في تقريباً في 14 مباراه .. ولاحظ انه عمل كل هذا والجمهور ضده ولا يدعمه داخل الملعب ، لو ياسر يكون مهاجم ثاني خلف رودريقاو .. ورودريقاو رأس حربه ما يطلع من المنطقه والهجمه لمصلحة الزعيم بتشوف العجب العجاب :) إقتباس:
رودريقاو :rolleyes: إقتباس:
في الهجوم يعتمد على مهارات وتمريرات البرنس s60s وتهديف وتمركز رودريقاو s60s اما البقيه فمستواهم متذبذب ( طبعاً اقصد لاعبين الوسط .. ماله داعي يجيني واحد ويقول تفاريس والدعيع وينهم من المبدعين :D ) يعني عندنا في الوسط حالياً مافيه لاعب يسدد بتركيز على المرمى من خارج المنطقه إلاّ ابو بندر .. وابو بندر مستواه نازل :( وسطنا لن تعود هيبته الا بعودة الفتى الذهبي لمستواه المعهود .. في ذاك الوقت تقدر تقول لرودريقاو ماقصرت .. وتلعب 4-5-1 .. ويكون وسطك مكون من عزيز - الغامدي - التايب - نواف - الشلهوب وفي الهجوم ياسر .. :yes: الفريق الان يعتمد على اثنين من اللاعبين للحصول على الاهداف وهم البرنس كممهد s60s وردريقاو كهداف .. ياسر ما احد يهضم حقه .. لاعب كبير .. صحيح ان مستواه نازل بعض الشيء ولكن له تأثيره في الملعب حتى وان كان ضئيلاً .. وجميع اللاعبين يمرون بهالفتره .. وكلنا نذكر الذيب قبل تقريباً 12 سنه .. صام عن التهديف فتره طويله جداً تصل الى موسم كامل .. ولكن عاد في نهائي الدوري وسجل هدفين وقاد الزعيم للبطوله :) بالتوفيق للازرق :yes: |
MR.DL5 رودريقاو كما قلت لاعب هداف كان له الفضل بعد الله بايصال الفريق للدور الثاني من بطولة اسيا بأهدافه الأربعة , وهذا ليس من باب الحظ كما يعتقد البعض , بقدر ما هو حسن تمركز وتحرك سليم بدون كرة , وهذه ميزة يفتقدها الكثير من مهاجمينا , طبعا الفا هداف الفريق رغم عائق يقف في وجهه وهو سوء توظيفه داخل الملعب فيجب على باكيتا أن يشرك ألفان كلاعب منطقة (منهي للهجمة ) ويعود ياسر للمساندة خلفه . وهذا هو التوظيف السليم الذي سيجعل الهجوم يثمر عن أهداف أكثر . طبعا أتمنى من باقي اللاعبين التعاون مع الفان لأني شاهدت عدم تعاون معه من بعض اللاعبين بدون ذكر أسماء . تحياتي لك يالغالي |
بغض النظر عن تسجيله للأهداف ، يبقى لاعب أقل من عادي لومنحت الفرصة للعنبر والصويلح أفضل فقط سؤال هل يقارن بالحسن كيتا أو أترام مع أنهم بتراب الفلوس بعدين وشلون نقتنع فيه وهو سبعة مواسم كل موسم بفريق !!!!!!!!!!!!!!!!!!!!! لو فيه خير ما عافته كل هذه الفرق أبحث عنه في المباريات القوية ولن تجده ماذا فعل أمام الاتحاد والأهلي والنصر .......... إذا كان الهلال يبحث عن الأسيوية فيجب أن يمنح بعض لاعبيه خطابات شكر وأولهم ألفان والمفرج والياس والعنقري والخثران ويقول لهم كفيتو ووفيتو |
إقتباس:
|
أنا بعد أرجو أن تتمالك أعصابك و انت تقرا السطور التالية و اذا ما جازت لك أرجو ان تتجاوزها إلى ما بعدها: أنا ما اشوف بالهلال أحد له علاقة بشي اسمه كوره إلا التالية أسماؤهم: 1- ياسر 2- التايب 3- الشلهوب 4- الغامدي 5- عزيز 6- تفاريس 7- الدعيع أما البقية فأنا أعتقد أنهم عالة على الفريق و هم سبب انحطاط مستواه، و لو كان البقية لاعبين عاديين بس يعرفون يلعبون كورة و لو شوي، كان الفريق بأحسن حال. و أنا ما رفع ضغطي إلا بعض الجماهير شرواك اللي الله العالم أنها تناظر مباريات غير المباريات اللي أشوفها للهلال. و تبقى هاذي وجهة نظري و ارجو محد يزعل |
إقتباس:
ياسر همه بس يصفقون ويزاعقون له الجمهور .. انا بس ودي ينرقع في الاحتياط كم مبارات عشان يتأدب انا ما اقول انه مو لاعب زين .. لا .. ياسر لاعب فنان .. بس يقهر .. خلاص ملينا تسحيب نبغا اهدااااااااااااااااااااااااف .. ريدريقو .. شوية عليه محظوظ هههههههه .. ابو الحظ هو .. بس انا اهم شي ان اللاعب يجيب لي اهداف .. انشاء الله بخشمه .. شكرا عزيزي .. |
| الوقت المعتمد في المنتدى بتوقيت جرينتش +3.
الوقت الان » 03:12 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd