يا ردريقاو يا فنان ... يا مبدع يا خطير .. يا ضالة هجوم الهلال .. - صفحة رقم 12 - نادي الهلال السعودي - شبكة الزعيم

هلاليه كووووووول · #166 19/05/2007, 09:09 PM

إقتباس

الرسالة الأصلية كتبت بواسطة MR.DL5


	بسم الله الرحمن الرحيم .. عزيزي المواطن عزيزي المقيم : نتمنى قراءة الموضوع كاملا" قبل الرد .. وان ما جاز لك الموضوع فيه اختراع اسمه الرجوع للخلف وفيه اختراع ثاني احسن من الاول اسمه اغلاق الصفحة بكبرها .. وان جاز لك الموضوع رد بــ ادب واخلاق .. لان الاداراة الله يجزاها خير اي كلمة غير لائقة ع طول قفل الموضوع وانا الي باكلها .. لذلك نرجوا التقيد بالاخلاق .. عفوا " انا بعد مباراة الهلال امس ما بقى دعوة ما دعيتها ع مهاجمنا الخطير ردريقاو <<< << بدا حرق الاعصاب وكل ردودي بعد المباراة كنت اطالب بترحيل هــ السباك الى افغانستان بــ سيكل ابو ثلاث كفرات .. بعد المباراة وبعد ان هدات الاعصاب وروقت شوي .. قعدت افكر في ردريقاو وبين ياسر .. المهم اقتنعت ان ردريقاو هو الي وصلنا الى ما حنا عليه من الادوار النهائية بعد فضل الله سبحانه وتعالى .. شباب فكروا معي بالعقل .. وخلوا العاطفة ع جنب .. مهاراة ياسر وكعوبه فادت الهلال في شي في الوقت الحاضر .. ياسر في بداية طريق الضياع .. حنا لازم نوجه ياسر ونلومه ع اداه الباهت .. ياسر يحسب الواحد ما يصير مهاجم الا اذا جاب في كل مباراة هدف خرافي وهدف ما عمره صار في السعودية .. ياسر لازم كل كورة يستلمها يقعد يجرجر له كم مدافع .. ارجعوا لم المباريات السابقة .. شوفوا ياسر وشلون يضيع كورات ولا في الاحلام .. يضيع انفرادات بالكوم ... ومع ذلك حنا نصفق له .. ردريقاو يجيب اهداف وارجعوا لم مبارياتنا السابقة تلقون ردريقاو هو الي له لمسة في صناعة الاهداف لن لم يحالفه الحظ ويسجل .. بينما ياسر قاعد يفكر وشلون يسحب بــ المدافع الفلاني .. ردريقاو ما احد ينكر انه محظوظ حظ موب طبيعي .. وانا كنت اردد هــ العباراة (( عطوني حظ ردريقاو وارموني في المحيط الهادي )) .. بس اقتنعت انه فعلا" مبدع ... مهاراة ياسر ما فادتنا بشي .. ردريقاو مو كل همه انه يسمع صراخ الجمهور وتصفيقهم له اذا سحب له الاعب الفلاني .. ردريقاو يبي يسمع الجمهور وهم يصارخون له ويصفقون له اذا سجل هدف .. هدف الهلال في النصر من الي صنع الهدف للخثران .. ردريقاو صنعها للخثران بلعبة ذكيه .. من حسم مباراتنا مع الوحدة في كاس ولي العهد .. ومن صنع هدف ياسر في الاتحاد .. من حسم مباراتنا مع بختاكور في اوزباكستان وفي الرياض .. والقائمة تطول .. الي يبون العنبر او الصويلح في الهجوم مع ياسر .. باقول له العنبر خلاص انتهى .. جاب هدف خرافي في كوريا الجنوبية وطيرناه وسميناه رونالدينهو العرب .. وهذا خطا نظرا لان اللاعب توه صغير وما يستحق كل ذا المدح .. طيرناه .. والحيين مستواه يعتبر فاشل مع نادي الهلال .. الصويلح مجتهد لكن يعتبر مجازفه انك تعتمد عليه في بطولة مثل بطولة اسيا .. وزي ما شفتوا انتم امس وظلمتوا ردريقاو .. كل المحللين قالوا ان باكيتا كان قاصد يرجع ردريقاو للـوسط ويخلي ياسر والتايب في الهجوم .. وما ذلك ياسر يفشل في التسجيل .. انا والله من اشد المحبين لــ ياسر لكن من مصلحة ياسر ان ننصحه و نوجه ونبعده عن طريق الضياع .. ومن قال انه يحب ياسر ويقول ان ياسر الحيين مستواه رائع فـ صراحة راح يثبت ان مشجع ما يدير الكورة .. ياسر بطقاق سجل هدف في رديف الاهلي .. وهــ هو الحيين يرجع للصوم عن الاهداف .. كل الي حبيت اوضحه لكم ان ردريقاو مبدع .. فكروا شوي بعيد عن العاطفة .. وصدقوني راح تقتنعون ان ردريقاو هو ضالة هجوم الهلال .. ياسر اتمنى عودته زي اول .. ويترك البحث عن التسحيب .. ويقتنع فعلا" ان المهاجم الرائع هو من يسجل الاهداف من انصاف الفرص وليس من يفكر انه يسجل في كل مباراة هدف خرافي .. ملاحظة : استروا ع ما وجهتم من اخطا املائية .. ترا كاتب الموضوع وانا توني مفطر على جبن منتهي تاريخه ..

كلااااااااامك كذا

تسلــــــــــم ياشيخ

الله يوفق ألفــــااااان مع الزعيم

أبو ميار · #167 19/05/2007, 09:21 PM

ممكن بمستوى القادسية والاتفاق أو بمستوى الهلال فهو عادي جداً

دوق فليد · #168 19/05/2007, 09:29 PM

حبيب عمري مستر دلخ

من كم يوم ما شفتك اللهم اجعله خير

عندي لك سؤال حلو يسدح نفسه لك ولكل عشاق الداهية ألفان

ماهي الفرق التي سجل فيها المهاجم الخطير ألفان؟؟؟

بالعربي العامي

إيش الفرق اللي سجل فيها ألفان العشرة أهداف؟؟؟

الإجابة في نفس السؤال ولكن لا مانع من التوضيح

تذكر طال عمرك المبارتين حقت الأهلي في كاس ولي العهد ومباراة النصر ((الفقر)) كيف كان تايه توهان مو طبيعي

وعشان كذا الشباب محتارين فيه ناس يقولون فنان وناس يقولون سباك

هو فنان يا طويل العمر قدام الفيصلي والقادسيه والكويت الكويتي وغيرها من الفرق التي مستواها ((هشك بشك))

ولا تفرحون وتطيرون بالعجة عشان سجل كم هدف في الدور الأول لبطولة آسيا <<<< ركزوا معي الدور الأول يعني الفرق اللي قابلناها كلها فرق خشاش

يعني في الأدورا النهائية حقت آسيا البنغالي راح يسوي مثل ما يسوي قدام النصر والأهلي في الدوري <<<<< نوم في وسط الملعب

أنا مستعد وأتعهد إني ما راح أقول في ألفان ولا كلمة هجاء

إذا أعطيتوني ظمانة طال أعماركم ((الجمع هذا صح)) بأن الفرق اللي راح نقابلها في آسيا ((في الدور الثاني)) مثل الفرق اللي سجل فيها البنغالي في الدوري السعودي ((الفيصلي والقادسية وبقية فرق الهشك بشك مع إحترامي للجميع))

ومع احترامي لك أخوي دلخ

وسلامتكم

*& الـ سامي ــزعيم&* · #169 19/05/2007, 09:32 PM

لاعب ممتاز .. بس مو مستوى طمووح الهـلال

Mr.DL5 · #170 19/05/2007, 10:42 PM