|
الى مدربنا الجبان!!!!!!!!!!!!!!! السلام عليكم والله اني من زمان ماشفت الزعيم بهالمستوى الهزيل شي يبط الكبد يااااااجماعة الخير عندنا عناصر لاابالغ ان قلت انها الافضل اسيوياً ولكن كفريق لانمثل ولاربع مستوى العناصر والمسؤلية هنا مسؤلية مدرب نعم اليوم لعبنا بثلاث محاور يعني كل هذا خوف!!!!! نحن نحترم الخصوم ولكن لانخاف منهم لان فريقنا ببساطة زعيم نصف الارض مباراة كاملة ماشفنا فرص خطرة بإستثناء كرة القحطاني صحيح ان الأهم حصل وهو التأهل لكن في المباريات القادمة مستوانا هذا (مايوكل عيش).. ملينا وحنا نشوف القحطاني وحيداً بالمقدمة والله يوفق في المباريات القادمة |
والله اني مؤيد لكلامك .. يعني الحمدلله تاهلنا بس لازم نشوف مستوى حرام الجماهير اللي جايه والنهايه مستوى اقل من عادي |
صدقت والله .. أتمنى عودة يوردانيسكو للهلال . |
مجنون الزعيم(9).قلب تابوت الهلال شكرن على مروركم وتفاعلكم.. لكن ان شاء الله نشوف تغيرات بالايام القادمة حتى ولو على الأقل تكون التغيرات على مستوى الخطة العقيمة |
المدرب اثبت انه جبان اليوم ... بصراحه مو الهلال اللي كام مع باكيتا الموسم قبل الماضي ... باكيتا بعد مارجع لنا من المنتخب وهو جبان جبان جبان ... ومباراة الكويت الكويتي اثبتت ذلك .. لا يطلع لنا بكرا بالصحف يقول اهم شي التأهل ... حنا معاه اهم شي التأهل ... لكن معاك عناصر من أفضل العناصر الاسيويه على الاطلاق وزياده على كذا تلعب بفرصتين فوز .. وتعادل ... تخيلو لو جاء فينا هدف بأخر عشر دقايق ... وكاد ان يحصل عندما انفرد فرج لهيب بالمرمى ولعبها عرضيه لكن لطف الله كان له دور .. ماذا لو جاءت هذه الفرصه هدف في مرمى الدعيع ... ماذا كان بيد الجبان باكيتا لكي يفعله ... الحمد لله تأهلنا الصعب جدا .. واللي كان بلا ريح ولاطعم ولا لون .. يعني .. باااهت ... نتمنى من باكيتا تغيير قناعاته الجديده والعوده لباكيتا " زمان " اللي كنا نعرفه فيه .. الله يستر يا باكيتا وش اخرتها معاااك .. بالتوفيق للزعيم .. أحبك يا تايب |
ايه والله انك صاااااااااااادق مشكور وبالتوفيق للزعيم |
اي والله باكيتا جبان وبقوة ومستواه قبل موسمين اللي ساعده فضل الله ثم قوة سامي واللاعبين معه يعني الهلال ذيك الفترة كان مشتعل اما يوردانيسكو فهو كان مدرب لاحسن فريق هلالي في القرن العشرين < يتذكر ايام 1420 وكان الهلال تلك الفترة لعبه اوروبي وهجمات وخطورة دائمة في المباراة اما الان فالهلال اصبح لقمه سهله للطائي والحزم والخليج والفيصلي |
يابو الشباب هذا الهلال اليوم لعب لعب تكتيكي وكان يبغى شي ووصله ياليل جمهور الفنيات والمهارات ((في الكوره شي اسمه(((تكتيك)))عرفت ابوي)))) والي يطالب بيوردانيسكو ولله هالفئه تتعب معها مايندري وش تبي |
هذا المدرب الذي وصفته بالجبن سيحقق وبإذن الله بطولة آسيا |
الله يسامحك يا اخي الكريم باكيتا ليس السبب.. اول مرة قولتو بوسيرو هوا السبب.... بوسيرو في احد اللقائات الصحفية ... قال انا اعرف بخط دفاعي .. وذلك بعد إقالته من الزعيم... ايش تبغى لاكيتا يسوي .. اذا كان الهلال يلعب ناقص كل مبارة 3 ال 4 لاعبين... ينزل هوا محلهم.. اظهرة مافي .. الا الخثران ولكن اصبح كبير وما عاد يقدر يسوي كل شي لوحده .... لازم وجود بديل له.. ظهير يمين معطل منذ رحيل الدوخي... قلب دفاع و احد و المفرج اساسي و نكباته اكثر من حساناته ... وسط ... الشلهوب و التمياط من فترة طايح مستواهم و البديل الجاهز دائما بره التشكيلة (المبارك و الموري).. والاثنيني يمين... التمياط عائد بقوه بإذن الله و عندي امل كبير... و لكن نحن بحاجة الى تدعيم خط الوسط... الهجوم ... لم يعطى احد الفرصة سوا المفلت الفان.... والله الصويلح مستقبل الهجوم السعودي... و لكن لا حياة لمن تنادي.. |
بكيتا لاعب بثلاث محاور اثنين يلعبون في الدفاع وواحد يمسك طلال يوسف هذه طريقته لان اكثر الهجمات اللى من الكويت لازم تمر على طلال |
اهم شي التاهل |
باكيتا اللي تقول عليه جبان ان شاء الله راح يحقق لك بطولة كأس خادم الحرمين الشريفين + كأس آسيا بأذن الله مع باكيتا مافية خووووووووووووووووووووووووف |
لو نفذ باكيتا جميع خططكم اللي تبغونها وأنهزم الهلال من الكويت كان قلتوا مدرب مستهتر يكفيه التعادل ويهاجم ! ! ! لكل مباراة ظروفها ونحن تعادلنا مع الكويت في الرياض ونحن مهاجمين واليوم باكيتا ماقصر حافظ على مرمانا اولآ ثم فكر في الهجوم عمومآ باكيتا مدرب يلعب بواقعية نفذ المطلوب منه وحقق المراد وهو التأهل بكل سهوله وحافظ على اللاعبين من الاصابات لانه نفذ طريقة (قتل المباراة) عدم الطيران في عجة بعض الجماهير التي تطالب بالهجوم ثم الهجوم والنتيجة ستكون إصابات وكروت ملونه ثم إيقافات ثم خروج من البطولة |
والله مستوانا كان زفــت حتى لو كان المدرب يبي التعاادل مهما كان كل فريق يريد التعادل يقدم مستوى معقول على الاقل وياليت ريدريقاو يطلع برا التشكيله نهائيا |
احمدو ربكم لو انه المدرب اللي قبله الصعيدي كان والله انكم في خبر كان بعد توفيق رب العالمين طبعا والف شكر |
باكيتا تمام لولا حاجة وحدة وهي إصراره على الفان |
لاتخليني احلف لو انك مدرب الزعيم في المباراة خسرنا 2/0 :d ياخي قل الحمـد لله ولكل مباراة ظروفها صحيح باكيتا لعب بـ 3 محاور بس في اكثر من هجمه واكثر من انفراده ضاعت ومااستقلوه اللاعبين . |
صدقني المدرب مهو بجبان لكنه ثور وغبي ماعاده زي باكيتا الاول اللي نعرفه وبإذن الله الهلال يتحسن وضعه ويفرحنا بكأس آسيا |
إقتباس:
s60s s60s وبااكيتا انشالله راح يحقق بطوله الحرمين الشريفين +كاس اسيا |
إقتباس:
|
لو يطس الفان كان حنا بخيــــــــــر :upset: |
مع باكيتا خذ النتيجه بس:) |
إقتباس:
وش فيه اللاعبين خايفين انكم تنتقدونهم يكفي مجاملات للاعبين مستواهم سي اللاعبين ماعندهم اي احساس بالكرة ناس تأدي الواجب فقط الا بعض اللاعبين اللي كان لهم بصمة في المباراة ياسر وطارق و الفان و العنقري والغنام كلهم يرفعون الضغط وخصوصا الغنام كانه موب قائد الأولمبي اللي نعرفة لاعب بطي كراته مقطوعة وخشن لاعب من بعد الاصابة اصبح سي بكل ماتعنية الكلمة |
فيفا سؤال كم عمرك اذا جاوبت علي رديت عليك |
إقتباس:
|
بكيتااااا جيد مدرب لاتعرف الخساره معه ولله الحمد بس لو يفكنااا من ريدرقااااو واليااااس ويعيد التمياط او الصويلح والعبد السلام ظهير يمين لكان الهلال بدراً |
وآللـه يـآخـُوي .. ,, ! , , , كـل مبـآرآهـ ولهـآ ظروفهـآ .. ,, ! آلهــلآل بهـآلمبـآرآهـ كآن يكفيـه التعـآدل .. ,, ! ليـه تبي المدرب يجـآزف ويهـآجم وبالاخير يدخل فينآ هدف .. ,, ! وبعدهـآ تقولونـ .. والله هالمدرب هو الي ضيعنآ وضيع الاسيويه منآ .. ,, ! بالعكس بآكيـتآ لعــب بوآقعيـه وقضــآ على فريق الكويتي .. ,, ! وبقولكـ حآجـه مميزهـ في بآكيتـآ .. ,, ! , , , آذآ مآفآز .. صعــب آنك تهزمـه .. ,, ! |
صحيح المدرب امس غريب ومتخوف جدا:confused: اما لعبه بثلاث محاور كانت في محلها وكانت سيطرة الهلال على الوسط واضحه اما انه يتمسك باللاعب رودريقاو في ظل هذا المستوى الغريب فهذا امر غير ممكن:upset: مفروض عليه امس اشراك لاعب سريع مثل الصويلح او المبارك لتنشيط الناحيه الهجوميه بديلا لرودريقاو البطييئ جدا :confused: اسف على الاطاله هلالي9 |
قمة المهزلة,,,,,,,,,,,,,,,,,,,وو يارجال الله لايضعفنا قمة المهزلة البارح والله مستوى يفشل ورب النعمة انا هلالي بجنون لاكن اللي قاعد يسوية البريفيسور باكيتا يفقع القلب ويخلي عندك مغص في الراس سلامات يبو الشباب والله لوانا مقابلين الأرجنتين تلعب بـــ3 محاور ورب النعمه لو الفريق الكويتي قابل الوطني من نبوك ان يفوزون الوطني ,,,,, صبرآ جميل والله المستعان. |
والله أستغربت كلامك الكثير من البعض يقول فيها باكيتا جباااان :confused: ياليت ترجع وتشوف المباراة ثانيه وتشوف من كان مسيطر على المباراة :) واللي يقول لو في أخر 10 دقايق جاء هدف للكويت !!!! لو على كلمة لو .. لو هجمة ياسر بالشوط الاول برأس هدف وش كان بيصير وهي أول هجمه في المباراة ..:) لو هجمه ياسر الانفراديه في الشوط الثاني هدف وش كان بيصير ...:) باكيتا لعب بمحورين أرتكاز .. عزيز والغناااام .. الغامدي وسط أيمن :) باكيتا فكر والحمد لله نجح والاهم عدم دخول مرمى الدعيع هدف وهذا اللي صار .. هو أخطا والمفروض أخرج الفان ونزل الصويلح لتنشيط الهجوم :) |
السلام عليكم أمسي بالخير الى كل من اتفق معي في وجهة النظر وأيضاً من لم يتفق أما بعض الردود المخجلة مثل (كم عمرك) فأقول والله حرام أن قلمك محسوب على شبكة الزعيم وأنت بهذا الأسلوب وسلملي علي (هيك أدب حوار) عموماً ماودي اعطيك اكبر من حجمك لأني أنزه هذا الموقع عن هالكلام.. يامعشر الزعماء اما ان بعضكم مايعرف مكانة الهلال الطبيعية او انه يفكر بطريقة غريبة!!! ياناس من عمره شاف الدعيع يتبطح بالملعب على شان يضيع كم دقيقة مثلاً من قد شاف أحد من اللاعبين يكمل اللعب وفيه أحد مصاب ياحبايبي هذي ((أساسيات وتقاليد لاعبين الزعيم)) الذي عود أبنائه عليها والتي لايمكن يغيرها ومن ضمنها انه يلعب ويمتع ويكسب يعني ماأقول اهم شي تأهلة إلا في مباريات الكؤوس قد تلعب بتحفظ ويكون همك الكأس بغض النظر عن اللعب لإنه لها طابعها الخاص ولأنك على أعتاب مجد. وسلامتكم وآسفين على الإطالة ؛؛؛ |
اتمنى تكون وصلت الفكرة يعني مهب حنا اللي نلعب على التعادل وبهاالطريقة والتحفظ والدليل تخيل ان الثنيان مع الفريق وعمره(30)هل تستسيغ وتتقبل يكون ضمن الفريق بهاالتكتيك والمستوى .. طبعاً اخترت الثنيان كمثال.... وآسفين مره ثانية؛؛؛ |
إقتباس:
الحديثه .. الكوره وطريقة اللعب في زمن الثنيان انتهت ومستحيل ترجع .. شف منتخب البرازيل امام فرنسا 2006 وخرج البرازيل بسبب اللعب المفتووووح .. ياليت تشوف مستوى منتخب البرازيل عام 2002 وعام 2006 وش الفرق ...:) وعلى فكره نجوم 2006 كانوا أفضل من 2002 |
إقتباس:
انا ماأطالب اننا نعيد طريقة اللعب القديمة بلعكس أنا مع الكرة الحديثة ولكني اخترت الثنيان كمثال لأنه رمز من رموز الهلال. أما بالنسبة لخروج البرازيل من أمام فرنسا مولأنه لعبهم مفتوح حتى فرنسا لعبوا بطريقة مفتوحة وجميلة جداً وشفنا زيزو يتلاعب ويمتع وفازوا وإذا خالفتني الرأي وقلتلي لاماكان لعبهم بطريقة مفتوحة أيضاً أقول لك أرجع لمبارات الإفتتاح بكأس العالم عام 2002 وشف الحاج ديوف مهاجم السنغال ماذا عمل بالديوك!!!!! يعني البرازيل خسرت لأن فرنسا كانت أفضل مو لأنهم كانو مدافعين... وتقبل تحياتي..؛؛؛؛ |
الله يسامحك يا اخي الكريم باكيتا ليس السبب.. |
طيب ياأخوي (الزعيم مشعل) ممكن تعطينا السبب وبالتحديد |
| الوقت المعتمد في المنتدى بتوقيت جرينتش +3.
الوقت الان » 11:09 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd