لو حكمت العالم وش بتسوي !!!!!! - نادي الهلال السعودي - شبكة الزعيم

جرح يشكي · #1 06/05/2007, 11:22 AM

السلام عليكم ورحمة الله وبركاته

صباااااح الخير ومساء الخير <<<<< ما يدري كم الساعه

امس كنت عند واحد من الشباب تكيه بلايستيشن ونت

تبون الصراحه طفشنا منها كل يوم نت وبلايستيشن اموووووووووهم ما اطول عليكم

فصلنا النت وجلسنا نسولف عاد تعرفون الساعه 3 الفجر وانواع السوالف وانواع الارانب

<<< لا احد يشرهه علينا

وتطرقنا للامور السياسيه وشوي الا وبوش في قناة الجزيره وشرشحناه شرشحه

عاد انا قلت لهم أنا بخليكم حكام

لا ومو أي حكام راح تحكموا العاااالم وروني شطارتكم

عاد انواع الدلاخه في شبابنا الله يعطيهم عقل

اللي يقول يبي سياره

واللي يبي يتوظف <<<< هذا الدلخ عزوز

واللي يبي المرور يسوي له مسار في طريق خريص

وعاد خذ من هالاجوبه اللي مال امها داعي

عاد انا قلت الشرهه مو عليكم الشرهه علي انا اللي بعينكم حكام هع مالت على وجيهكم

اجل انت حاكم وتبي تتوظف <<<<<< معليش هذي بعض عقول شبابنا

وقلت يا ولد خلني انزل الموضوع في المجلس واشوف منو يبي يصير حاكم

بس اللي بيقول مثل ما قال عزوز بتوطى ببطنه

يالله كل من تقع عينه على هذا الموضوع يتخيل أنه أنتخب حاكم للعالم لمدة 24 ساعة يعني يوم كامل
فكيف سيتصرف وماهي أهم القرارات التي سيتخذها في هذا اليوم التاريخي من حياته......؟؟؟
أنا بصراحة دايما أتمنى لو أني حكمت العالم عشان أوريهم قيادة الحكم على أصووووول
أولا كيف سأقضي هذا اليوم الرهيب (المرعب)

اولاً:-
بجيب بوش وشارون ولا يهون ابو الشباب بلير واخليهم صبيان في حراج ابن قاسم

ثانياً:-
وبخلي حدود السعوديه والكويت مفتوحه بدون جواز ولا تصريح (( ما اقصد احتلالها )) <<<< تعذب وده يروح بس الشايب رافض

ثالثاً:-
احتلال دولة امريكا واعطاء اعضاء الشبكة المجال لرفس بوش

رابعاً:-
تفنفيذ الاتي:-

سهل ينصب على ولاية تكساس .

البارق ينصب على ولاية شيكاغو.

المشاغب امين عام الامم المتحده

ماجد مقبل رئيس لدار نشر وطبع كل مؤلفاته وتدريسها في جميع كليات علم النفس

هلاليه@ميلانيه: رئيسه لنادي ميلان بدلاً عن برلسكوني

هامور البورصه : امين عام صندوق الامم المتحده وهيئة التجاره العالميه .

ابو راس : مثل ابو مقبل

ولا يهون ابو ريمان بعد

الكناري الازرق : خوي خاص لي

واهم قرار في حياتي العمليه وانا على كرسي الحكم

الا وهوا

اعطي النصر كاس امم اوروبا <<<<< والله كسروا قلبي

بس اظن بعد هالقرار بتقوم مظاهرات والمطالبه بتدخل مجلس الامن

وااخر شي يغتالني الشعب <<<< فال الله ولا فالي

باقي الاعضاء الاعزاء اذا بغتوا وظايف راسلوني على العنوان التالي :

نيويورك - هيئة الامم المتحده - مكتب 511 <<< عتيبي

يالله من يحجز بعدي ويكون خليفتي في الحكم بعد الـ 24 ساعه

الشروط ان يجيب على :
لو حكمت العالم لمدة 24 ساعة فقط فكيف ستتصرف...؟؟؟
وماهي أهم القرارات اللتي ستتخذها....؟؟؟؟