|
العيديه.......بين القريض & وقميص النوم...!!! احبتي الغاليين عشاق الزعيم ومحبيه...............: العيد..<مال قبل>..على قولة اخوانا الخليجيين... هل اختلف عن وقتنا الحاظر...؟؟ *انا اتذكر جيدا...كان العيد بالنسبه لنا يعني الكثير..في طفولتنا.. كنا نفرح بثوب العيد..ولبس الجديد... كنا نلهو في الطرقات...ونعايد بعضنا... والاهم في ذلك الوقت...كانت<الحوامه>...وهي من مظاهر العيد.. والتي كنا نجمعها من بيت الى بيت... وكنا نردد..معها تلك الانشودة الجميله...: عطونا عيدنا..عادت عليكم بالحال الزينه............. نوقف الحمار والا نمشيه......!! وكنا نعني بتلك الجمله: <بتعطونا عيديتنا...ولا نروح>...;) ;) وكانت <الحوامه>...عبارة عن: قريض سيسبان حلاو<احمر واصفر>.. واذا اهل البت كريمين:يزيدون عليها < عملة من فئة اربع قروش>.. :D :D &&&&&&&&&&& وكنا نحوم طول النهار...< لذا اطلقت عليها..الحوامه>... ويوم يجي المغرب...الا وحنا في فرشنا..<قصدي الدواشك>..;) ;) والدواشك:هذه عبارة قطعة من الاسفنج..<طبعاهي للي اهلهم فاتح عليهم..> اوالمطرحه القطنيه: وهي عبارة عن فراش بالوان متعدده منها الاحمر والاخضر..:p :p ومن يوم يجي اليوم الثاني...ومن الصبح..وحنا نحوم..في السوق.. وعلى نفس البيبان.... ويالله كل واحد يروح لبيته...ويشوف كم جمع من كيس.... واذا كان ذيك الايام العيد بالصيف.... الله لاتخلينا من الايسكريم ابو باغه....;) ;) طبعا كنا نسميه: عسكريم...مو ايسكريم....:cool: &&&&&&&&&&&&7 هذا كان عيدنا< مال قبل>....!! ام العيد اليوم فحدث ولاحرج....الا مشاء الله.... فتجد نفسك من اول يوم..اذا تبي تعايد رفيق لك... قالو لك...<الرجال في سابع نومه>..!!:confused: :confused: والعيديه الان...صارت<دراهم>..اللي <خمسين>..واللي <خمسمائه> ريال.. طبعا عيدية الدراهم...مو كل طفل يفرح فيها... ثم نجي< للشروخه>...اللي ابتلينا فيها... ام طفل مصاب...والا بيت محترق....!! ماصار عيد....صار ميتم...!!:mad: :mad: ولا اذا جيت بتروح لصلاة العيد.... هذا في سيارته ام يشتمك..<يبي يساقط>... والا واحد بقميص النوم...<تقول مغصوب>..!! وفلان سهران طول الليل..<عيده يجيب صحن فول..وشكشوكه>...!! &&&&&&&&&&&&&&&&&&& طبعا المضاهر اللي ذكرتها ليست عامة...ولكنها ظاهرة ..نراها مع كل عيد... فهل رحل العيد عنا....ام نحن من رحل عنه...؟؟ الباقي عليكم ....عطونا عيدنا عادت عليكم......وكل عام وانتم وشبكة الزعيم بالف خير......وعسااااااكم من عواده. |
هلاء وغلاء محترف منيتي اعرف هل ألأطفااااااال ألأن يحسون بالعيد كل يوم ولابسين كشخه:D :D :D مو مثلنا اول من عيد لعيد والسباحه من جمعه لجمعه:D :D والحين باليوم مرتين:p :p تسلم حبيبي محترف |
خلوها على ربكم رمضان وهو رمضان ماحسينا به فكيف لاعيد هذا شي الشي الثاني انصباب الناس حول المادة نساهم اشياء كثيرة ... |
يا سلاااااااام والله ان السواليف اللي من هالنوع انا احبها الله يعطيك العافية يا محترف توقعات;) |
هلا اخوي محترف توقعات .. موضوع ممتاز .. بالنسبة لي عشت الحالتين .. يعني وقت الفستان الجديد ووقت على قولتك ( الحوامه ) لكن احنا نسميها .. ( الطلاعه ) .. يعني نروح نتطلع بيوم 29 من رمضان .. بس كانوا يعطونا فشارات وبساكيت وحلاو .. بس مهوب مثلكم ( حلاو صعو ) هذا الاصفر والاحمر اللي تقول :) هذا مايعطيناه الا البيوت اللي مافيها الا حرمة عجوز .. واذا عطوناه ناخذه مجامله , واذا وصلنا البيت نكبّه :(( الحمدلله على النعمه ) وطبعا لين وصلنا البيت .. يشوفون الاهل ليّا شيء منهم منتهيه صلاحيته :p يعني يخافون علينا .. وطبعا هذا الشيء ( الطلاعه ) للحين موجدة عندنا .. طبعا بالقرى و خاصة اذا القرية من عائلة وحدة .. ايزي :) وهاليومين احنا نسويها .. بس فيها شوي تطوير .. يعني تغليف وكروت وحركات .. والحمدلله الى الان ماندثرت عندنا .. وكلما لها وتتجدد :) لكن يبقى الشعور بأن عيد زمان احلى :) ومشكور على الموضوع الجميل .. تحياتي , |
رائع اخوي محترف توقعات كعادتك بمواضيعك بس بصراحة وين عيد زمان عن عيد الزمن هذا!!!!!!!!!؟ اول كنا فعلاً نحس بالعيد ونعيش حالة من الفرح عن قدومه لكن الان يعلم الله ان فيه ناس ماتدري هو فعلا اليوم عيد او لا وفيه ناس تنام الى الظهر ولاتدري ان فيه عيد واعتقد ان شبب ذلك هو حالة الرخاء والتي نعيشها الان خلاف ماكان يعيشه اسلافنا سابقا الف شكر لك اخي محترف توقعات وتسلم اناملك على هذا الموضوع الرااائع |
اييييييييييييييه ياعيد منول يامحترف الله يالدنيا ذكرتن يامحترف توقعات يوم حنا نفرح بالعيد حتى نفصل ثياب جديد ام سفطة بالكم كانت موضة هاك الايام وهالحين الله لايوريك الياقة الى الاذاني والقلاب يطق الى السر ولا احد يجيب خبر العيد هالحين الناس تفكر بعيد الحب الفالنتايم والكرزمس وما ادراك مالكرزمس ولا منول الى جاء العيد فرحنا وقمنا نقاز من الفرحة ولا عيد الضحية الى من الواحد ابوه ذبح خروف يفرح يروح يسنتر عند المذبح يتفرج ويتحرى متى تخلص حتى ياخذ الكبدة وهي نية ويزرطة هههههههههههههههههههههههههههههههههه مشكور يامحترف على هالموضوع الزين المزركش |
هلا اخوي,,,,, والله انا من ناحيتي اصلا العيد في جده بس مع الاهل على الكورنيش والمهرجانات والاسواق يعني بدون تجمعات من الاقارب وبعد الست من شوال نرجع ونسلم على الاقارب ونتجمع احسن شي;) ;) ;) ;) ;) ;) |
المرفقات 1 هلا عيدكم مبارك كلمه تقال للكبار ولكن عند الصغار تعني الشي الكثير لانهم هم الذين يحسون بالعيد وينتضرونه كل عام وانتو بخير |
العيد لازالت فرحته موجوده وكن نحن نحاول أن ندفنها بالتراب .......على أساس صرنا كبار ولا زم نصير ثقل وعيب نفرح مثل الأطفال @@@@@@@@ حرام الواحد فينا يقتل فرحته بنفسه........والله حرام أخواني ليش تبحثون عن الهم والحزن ...... والفرح يحيط بكم000000:confused: :confused: |
هلااااا اخوي الغالي:ابوسليمان والله وانا خوك.. شوف اذا الموضوع بالنسبه لهدية العيد..فاعتقد بالنسبة للاطفال الحال واحد....فالطفل الان لايكاد يفتقد للهدايا طوال السنة.. اما كاحساس...فاعتقد ان ذلك مرتبط بالاهل....خصوصا في الزيارات وتبادل التهاني....ام اذا كان العكس...فالله يعينهم..على مقابل<البلايستيشن>...!!:confused: اخوي الغالي:سامي عبدالله والله وانا خوك الاحساس بالمناسبات موجود.... انما التفاعل معها..هو لب القضيه..... وانا معك بان المادة احدى الاسباب...انما ليست هي السبب الاوحد بالتاكيد.... وعساك من عواده ياغالي....... اخوي الغالي:أسير القوافي تسلم ياغالي....... بس ياليت سمعتنا عن سوالفك...وسوالف اجدادك ايام العيد... وبيدنا نستطيع..اعادت ذلك الماضي الجميل...وعيدك مبارك... اختى الكريمة:عنود الصيد20002 الله يعطيكي العافيه...وسعيد بتفاعلك... وبذكرك لتلك القصص والحكايات عن العيد... اما سالفة<الحوامه>..و<الطلاعه>... فجميل ماذكرتي وهي افادة...نستفيد منها لتلك المسميات الجميله... وصحيح ماذكرتي: بخصوص العيديه وشكلها الجديد... وهي موجودة الان...وكثير من العوائل وخصوصا في الارياف يطبقونها... ويسوون فيها مسابقات وجوائز....من باب الاحتفاليه بالعيد..والاحساس بالتغيير عن الايام الاخرى.... وعلى قولتك:لكن يبقى الشعور بأن عيد زمان احلى تحياتي لك...وعساكي ومن يعز عليك من عواده....... اخوي الغالي:الاسير الهلالي تسلم ياغالي..... انا معك ..هناك فوارق كثيرة.... ولكن صدقني بامكاننا اعادت..بهجة العيد ..من خلال تفاعلنا.. والتزامناتجاه صلة الرحم.... على الاقل لو بالتلفون...او برسالة مسج بالموبايل.. افضل من مافيش.....:( :cool: وكل عام وانت والاهل بصحه وسلامه...وعيدك مبارك. اخوي الغالي:الحبحر الحار الهلالي صدقت يابعدي..... لكن ماتزال الامور في ايدينا.... من خلال تنشئة اطفالنا...بحكاوي الاجداد...وبقيمة صلة الرحم... والتزاور..وتبادل التهاني....واشعارهم بقيمة العيد الحقيقه... وهو دور هام تضطلع به الاسرة بشكل خاص.... ومن العايدين ياغالي....وكل قريض وكبده نيه وانت بالف خير... والله يعيده علينا وعليك بالخير والصحه والسلااامه.... اخوي الغالي:برق هلالي تسلم ياغالي.... بس صدقني العيد..من غير الاقارب والاصدقاء والاحباب... يكون طعمه ناقص..... والدليل هو ماتشاهده من الفه ومحبة مع من تبادلهم التهاني مع اناس لاتعرفهم....بعد صلاة العيد مباشرة... وهي دليل بان العيد استطاع بفضل من الله توحيد القلوب... وعطونا عيدنا ياهل جدة...عادت عليكم بالحال الزينه... اخوي الغالي:شرياني ازرق اكيد اخوي....لكن كل واحد فينا بداخله طفل..... وفرحة العيد لم تكن في يوم مقصورة على الاطفال وحدهم... العيد للجميع.....ومن هنا يجب ان نحدث التغيير...وبصمات قصورنا.. وعيدك مبارك. اخوي الغالي:السلطاني صدقت بحق.... اعجبني كثيرا قولك:حرام الواحد فينا يقتل فرحته بنفسه تسلم ياغالي......وانشالله ياغالي عيدنا وعيدك هالسنه مختلف.. وعيد حب ورخاء وتواصل وتراحم.... وعساك من عواده ياغالي....وكل عام والجميع بالف خير. |
السلام عليكم ورحمة الله وبركاته هل للزمن دور ام نحن المسؤلين عن ذهاب هذه الفرحه . |
الله يعطيك العافية اخوي الغالي محترف توقعات .. والله ورجعتنا سنين ....... آآه آآه بس .. يازين حياة اول وذكريات العيد واطفال العيد اول الله يكفينا شر هالزمن ... كلن طاير بظروفه ومشاغله الله لايشغلنا الا بطاعته .. على العموم كل عام وكل عيد وانت والاهل والاحباب بالف خير وسعادة وجميع اخواني واخواتي الاعضاء الاعزاء ربي يسعدكم ويخليكم لكل عين ترجيكم |
الله يعيده علينا وعليكم بالخير انشاء الله...بصراحة العيد الان ابدا ماله طعم مقارنة بالسابق ...لمة الاهل المعهودة في الاعياد ما نشوفها الحين والله المستعان كل واحد لاهي بدنياه. |
هلا والله بكم كلـــــكــــــم آآآآآآة آآآآآآآة بــس بـــس يـكــفى ياناس فتحتو جــروح لا تـذكرونا بالماضى لانى فعلا صـحت بس ماعندى آحــد يا أخوانى زي ما أنتم تتطنزون على عيلكم وعيلنا اليوم تــراى فى زماننا أول أحب أذكركم انى ابو عيال وكبير بس مانى شايب كانو أبوانا يتطنزون علينا فى العيد ويذكرونا بعيدهم هــم ويقولون هــذا تسمونة عــيد آجل وش يقولون على عــيد اليوم الله يخلف علينا وعلى الى بعدنا من الجيل الجديد ومرة ثــانيـة كــل عـــام وأنـــتـــم بــخــــــير;) ;) :D :D :) :) أبــو فــيــصــل |
| الوقت المعتمد في المنتدى بتوقيت جرينتش +3.
الوقت الان » 12:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd