|
قصيدة مبكية لشاب تسبب في قتل امه ....... تسبب الشاب في قتل امه بسبب قيادته سيارته بطيش واستهتار اترككم مع القصيدة المبكية : يواسيني وأنا الميت وحالي يجبر الدمعات تسيل من الذي فيني ويبكي وهو يواسيني وأنا أبكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وأنا أبكيها وتبكيني وكنه حلم قدامي يقيدني من الصرخات أبي أصحى ولكني عجزت ألقى اللي يصحيني فداك القلب يايمه ومهما قلت من كلمات صغيرة في كبر حقك بس أتمنى تعذريني نهبت الفرح من بيتي صحيح إني خسيس الذات صحيح إني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم أكبر وهم أصحاب هالمأساة وأنا أتحدى إذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي أباكيه ويباكيني عطيتيني بدون حساب ولا سمعتك تقولي هات وأنا أشرب حيل من دمك ودمك ما يكفيني يايمه إرجعي كافي أبجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وأنفذ ما تبي بسكات وأصلي الفجر في المسجد قبل منتي تصحيني يايمه ارجعي تكفين وطفي شمعة الآهات أبيك إنتي ولا غيرك على موتك تعزيني وضميني وداويني مثل ما كانت الهقوات ما أبي احدن يواسيني أبيك إنتي تواسيني دخيلك بس لا تبكي إذا شفتي بي الدمعات أنا مقوى أبكيك إذا أنتي تبكيني |
:cry: :cry: :cry: <<<<<<< بكيتني رائعه سلمت يداك ما خطته |
إقتباس:
يعطيك العافيه |
جميلة يعطيك العافية |
إقتباس:
الحيرانه مشكورة وكلامك صحيح ولكن القلوب ميته هلابولي مشكور على مروركـ وكنت اتمنى انك تجيز القصيدة هععععععع |
إقتباس:
s60s |
بصراحه قصيده محزنه الله يكون بعونه ويرحم امه ويسكنها الجنه مشكور اخوي ويعطيك العافيه |
لاحول ولا قوة الا بالله .. :cry: فعلا" كقصيدة محزنة .. :D و الله يعطيك الف عااافية يالغالي .. |
يعطيك العافية... قصيدة محزنة... |
فعلا والله محزنه :cry: :cry: :cry: يعطيك العافيه .,. :) |
| الوقت المعتمد في المنتدى بتوقيت جرينتش +3.
الوقت الان » 04:16 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd