نخش في الموضوع دغري على قولة الفلبين .


رحت الحراج ولقيت شخص يبيع أشرطة أغاني المهم الشريط بثلاثة ريال قشيت خمس أشرطة " قشيت " بمعنى ضفيت عند اليونانيين وعند البزنطيين قحشت وعند البصريين شريت وفي رواية البخلاء دفعت دراهم وفي روااية ..... ياكثري المهم

شغلت الشريط الأول مكتوب عليه بشير حمد شنان قبل في وسط السوق . امش يالعربجة

المهم جلست استمع فجأة طلع لي شي يخوف .

جني لا موب جني شرطي معه دفتر قسايم لاموب شرطي مارد لونه فسفوري لا موب مارد قوطي ببسي معفوط لا موب قوطي ببسي ====>> يالله اخلص .

معفوط في لغة أهل الشام مرعص مع كل جانب وفي لغة الماليزيين مطعوج وفي اللغة العربية داعس عليه بكستاني . المهم

وشو اللي طلع لي شوق متصلة على نجاة ويسولفون ويحشون .

يالهي إنه صوت ناعم يابعد طرابيز أهلي صوت شوق :p نخليكم مع سواليفهم طبعا ترى هم مايسذبون على بعض أبد بس في شي قهرني الآن مع السالفة .

شوق : السلام عليكم أهلين نجاة كيفك تمام .

نجاة : تمام الحمدلله إنتي كيفك وش سويتوا في زواج أخوك .

شوق : والله تمام أخذ اخوي قاعة اليخت عشان يتزوجون تصدقين أخذها بمائة وخمسين الف ريال مع كامل الخدمات .

نجاة : ايه بايخة القاعة ليه ماأخذ غيرها .

شوق : أي بايخة يابنت الفقر أنتي

نجاة : تحطمت وتضحك تصرف الموضوع

مادرت الأخت شوق انه اذا طق بوزه قاعة اليخت سبعين الف ريال الليلة في العطلة الرسمية .

المهم شوق تبرز عضلاتها وفي رواية تطق حنك سذب في سذب على الضعيفة نجاة .

ياحرااام نجو مصدقة .

شوق : نجاة مادريتي حبيبي بندر خاااني

نجاة : لا لا كيف .

شوق : تذكرين يوم قابلته ذاك اليوم في سوق رويال مول موب كانت معنا نايفة .

نجاة : الا

شوق : نايفة سرقت رقمه وكلمته يالله وكلمها الله ياخذه

نجاة : ترى بندر مره يجنن شوق تراه فتنه شوفتي كيف شفايفة جاية والله شي

شوق : ايه هو مزيون وحلو بس ليه يخوني نايفة ليه تأخذ مني حبيبي ليه


وتجري السوالف على النحو هذا وفلانه حبيبها خانها مع فلانه والخ ..

تبون الهبال صدق عمشة طلعت تعرف خمس وثلاثين واحد وتلعب عليهم خخخ


المهم وأنا مندمج بالسوالف انقطع الخط وشوي ويجي اتصال ثاني .

شوق تكلم نوف .

نوف : كيفك شوق تمام

شوق : الحمدلله وش سالفتك مع عبير .

نوف لاتهمك " ...... " كلمة مشفرة .


شوق : ليه .

نوف : عزمتها زي كل مره اعزم البنات وأنتي عارفة نوف اذا عزمت البنات وش تسوي فيهم .

شوق : ههههههه أنتي منحرفة " على فكرة أشك ان نوف حاجرة شوق من قبل .


نوف : حاولت حاولت فيها ماقدرت وآخر شي فضحتني عند المديرة وعند اهلها .


" الكلام طويل لكن زبدته نوف مسترجلة وحاطها شنب من الكحل

وكل يوم تحجر لها بنت .

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ . . .

بصراحة تفاجأت وشويه طلع لي بشير حمد شنان وش يبي ذا

س / يعني هل معقول عندنا بنات في السعودية واصله فيهم للدرجة هاذي .؟

س / وين أهلهم عنهم وين اخوانهم ..؟

س / طيب البنت اللي مسترجلة هاذي كيف راح يكون تعاملها مع زوجها ياستر .


عندي تساؤلات كثيرة . وربي انجنيت ماني مصدق إن هذا عندنا هنا في المملكة

وما خفي كان اعظم

ويعطيك العافيه

خخخخخخخخخخخخخخخخخخخخخخخخخخخخخخخخخخخخخخخخخخخ

وانت مبسوط على الشريط قاعد تسمع

والله يا انكم ملاقيف يالشباب

ضحك عليك اليماني

باعك الشريط بثلاثة نصه كلام حريم

لا يودي ولا يجيب

ارجع ورجع الشريط يالذيبان

وخذ قروشك كلها

^
^
وأنت كل همك الثلاثة ريال؟


أخوي هلالي وشقاوي... وش رايك ترسل لي التسجيل على الخاص؟ عشان أكون في الصورة لما أحكم بالقضية


ياخوي لا تستغرب.. في كل مجتمع فئة فاسدة.. وهاللي سمعتهم من هالفئة الفاسدة اللي عندنا..! والحمدلله ماهم كثير

(على الأقل بالنسبة لي)..!!

تحياتي

عاد بعض البنات من كثر القرق عندهم


في دراسة اثبتت أن سبب كثرة استخدام البنات للعلك


نابعة من كثر الكلام عندهم فبعض البنات صعب عليها لسانها


ياقف ما يتكلم فلابد من استخدام العلك لأنه وسيلة لتحريك اللسان


في حالة انها ما وجدت أحد تتكلم معاه لتطلق لنفسها العنان (للحش)



شفتي فلانه وش سوت ذاك اليوم , وشفتي فلانه وش سوى زوجها , وشفتي فلانه لابسة فستان أحلى مني . . . . وكلام من هالقابيل













اتوقع تنقز وحده هنا وتقول عاد انتم يا الشباب فيكم وفيكم
7
7
7
7

أتوقع انك تكيت تكية مع السوالف
الله يهديهم ويهدينا .
لاعمرك تشتري شريط بدون ماتشغله عنده .. لا وقدمه وشغله من النص

ههههههههههههههههههههههههه

إقتباس الرسالة الأصلية كتبت بواسطة ملاحقة دجاج وانت مبسوط على الشريط قاعد تسمع والله يا انكم ملاقيف يالشباب

سامــع صــــوت ناعم ويفل الشريط خبل ولا مجنون عشان يفله هذا بشير شنان <<مايعرف يصررف

هعععععععععععععععععععععععععععععع
والله فلللله وناااصه
بس يمكن بنات مسجليين إستهباال !!
ويمكن بعد صدق

إقتباس الرسالة الأصلية كتبت بواسطة =مـاجــد= اتوقع تنقز وحده هنا وتقول عاد انتم يا الشباب فيكم وفيكم 7 7 7 7

^
كنت بنقر بس بآخر شي هونت :p

.

بالاول سؤال

صدز صدز الشريط فيه تسجيل ولا بس بتاع الموضوع؟

والله خطر بكرا اروح احوس بأشرطه اخوي ويطلع لي صوتي ( فيس تروع )

< شطحت بعيد عن الموضوع

ياخـيّي بكل مجتمع فيه الضايع وفيه الصالح . ولو انه مجتمعنا مجتمع اسلامي اكثر من غيره
والمفروض يكون ارقى من الاشياء هذي الا انها فيه . وهيدا اكيد شي يحزن ويوجع القلب بعد

واما هالمسترجلات كاثرات بشكل اعوذ بالله . بكل جامعه وبكل مدرسه تلقى لك وحده . حتى المشكله بزارين

مانقول الا الله يهديهم ويرجعهم لعقولهم

عوافي ع الموضوع . ونبي نسمع شي من الشريط ;)

اخوي سمعنا بضع مقاطع من الشريط واكون شاكرا لك
اخلص علينا بس سمعنا

اهلاً اهلاً

يااخي سبحاان الله احب موااضيعك لما اشووف يوزرك تصير كشرتي كذا >>>>>> <== ابووك يالضروس تقوول طبااشير

هلالي شقااوي المحل هذا وينه فيه بالظبط والله في البداايه حسبتك تسوولف علينا قلت الرجال رااعي سوالف وحركتات

بس صاار صدق عشان كذا برووح اشتري من عند هاليمااني كوودني اطيح بشرطه ثااانيه

هلالي شقااوي بسائلك ليييييه موااضيعك كلها عن البناات وكلها حش فييهن ماسمعت المثل اللي يقوولك رفقاً بالقوارير

يااخي حراام عليك كفاايه تحطيم لووني بنت انتحرت منذوو مبطي جد يعني بالذاات اذاا صاارت خليجيه ارحمهن

هلالي شقااوي يااويلك من مرتك ويلاااااااااااااااااااه اخر مره كنت تقوولي ان مرتي تسطرني عشان كذا معاد قمت انزل موااضيع عن القوايري اووه البنات

يااخي ترى اسمي طاارق مهوب بندر يمكن انك ساامع الاسم غلط ولا شي بالله رووح وارجع اسمعه من جديد تااكد ورااح تدري انك غلطاان لانها تقوول تعرفين طاارق مهوب بندر

تووفوو ولكم باااك بااك ينطح بااك