|
الشيخ د / عائض القرني يرد على التويجري (هـــذا جـــنـــوب الــعــز) (هـــذا جـــنـــوب الــعــز) أقول يا مـن صـاب عقلـه هبالـي يومك وصفت أهل الجنوب أنت غلطان رميت رميـة مثـل رمـي الخطالـي وأخطيت بالرمية ولا صبـت نيشـان ما تدري أنه عيـب شتـم الرجالـي اللي على كسب الطويـلات شجعـان والله مـا يقبـل كـلامـك شمـالـي يـدري بعـادات القبايـل والأعيـان ما أدري على ويش الكبـر والتعالـي ياشاحذ الأمـوال مـن كـل سلطـان فقـران تشحـذ درهمـه والريـالـي متسول وتقـول يـا نـاس جوعـان ليتك سكـت وكنـت لاهـي وسالـي لكن على نقصك تبـي زود نقصـان جنوبنـا فـي كـل شــي مثـالـي دار الشرف والجود من سالف أزمان وأحنـا الجنوبييـن عـز وجـلالـي ترخص دمانا مـا نسـاوم بالأوطـان بالعلـم والتدريـب طلنـا المعـالـي فالهندسة والطـب والجيـش مليـان والشعر فينـا لـه حضـور ومجالـي عرضة و ردية و طـاروق و ألحـان أبدى من الطايـف و أشـد الرحالـي من باحة الأبطـال غامـد و زهـران والجو في سبت العلايـة صفـا لـي بأهل الشيم بلقرن و خثعم و شمـران و أحلى المناظر بالنمـاص الخيالـي موطن رجال الحجر لابـة و شيخـان وعند أهل بيشة جود من تمر حالـي أكلب و بلحارث و صبيـان شهـران و ابهـا تباهـت بأهلهـا والجمالـي عسير و أصحاب النواميس قحطـان و الفزعة اللـي كـم تشـد أنذهالـي فزعات يام أهـل الشهامـة بنجـران و أحسب و لا أنسى لو يطول أنشغالي أهل القضا والفقـه أشـراف جـازان و اللي نشد عني و عن وصف حالي خذ الخبر ما دمـت والـه و شفقـان أنا مـن آل عبيـد عمـي و خالـي بلقرن لي عزوة و مرجع و عنـوان دون الجنوب أفقـد جميـع أحتمالـي و أثور من أجله كمـا ثـور بركـان دام الحميـة عندنـا مــا نبـالـي لو صار في ذا الوقت رجفه و ميـلان هذا جنـوب العـز ماضـي و تالـي لو تحقره يا اللاش عالـي و لا هـان و الختم أبي تقـرا و تفهـم مقالـي إن كنـت للمعنـى نبيـه وفهـمـان خـل المهأيـط و الكبـر و التعالـي و أحذر تسب أهل المراجل بنقصـان تحيااااتي للجميع |
صح لسان القايل أشك إنه الدكتور عائض عموماً .. كلن يعرف مكانته وقدره ولا يناظر فوق تنكسر رقبته :) وصدق الي قال :D نصنا في جيش أبو متعب يرابط في جسارة ... ونصنا الثاني نبغ في كل علم وكل حالة رمزنا الدكتور عائض في ربى بلقرن داره ... و انت لك سعد الفقيه الرمز يا رمز العمالة يا غشيم إن كان تجهل فسأل أبراج التجارة .. يوم طاحت في يدين الحزنوي وعيال خاله ;) " إنت عشت على أكل الحبوب ومت على لف الزقارة .. مثلك يكدس هواه والبكت هو رأس ماله " |
من صفات عباد الرحمن ما وصفهم به الله تعالى بقوله: (وإذا خاطبهم الجاهلون قالوا سلاما) .. حقيقة تهجم الشاعر ياسر التويجري على شعراء الجنوب !! .. http://vb.alhilal.com/t388659.html |
القصيدة مكسرة من اولها لأخرها مشكور تحياتي... |
القصيدة ليست للشيخ الفاضل عايض القرني..!! اتق الله وتحرى الصدق في نقلك... وتثبت قبل أن تنقل جزاك الله خير..!! الشيخ عايض لا تصدر منه هذه الألفاظ .. وليست فيه حمية الجاهلية..!! |
إقتباس:
إذاً فــســلاماً ! |
إقتباس:
|
ما اتوقع هذه الابيات للشيخ عائض القرني اتمنى ان تذكر لنا مصدر القصيده |
مااقول غير الله يهديك بس قالوا لك الشيخ عائض فاضي للتويجري وأشكاله .. تحرى الحقيقه قبل تطرح اي موضوع ثم يحسب عليك هذا شاعر صحيح انه قرني لكن ليس الشيخ الله يطول بعمره |
الله يسعد الشيخ عايض القرني دنيا واخره علي الحرام انه وافي كفى ووفى ما قصر رد عليه رد انما ايه زي العسل من واحد عسل وهذا الشحاذ مدري متى يكب المهايطه الزايده واشكرك يالقيسي على الموضوع الجميل جدا &&جــــنــــوبي واللـــــه يـغــفــر ذنــوبـــــي&& |
ترى لاتلومون الرجال اكيد يقصد بوجيزن انا ياللي من اهل الجنوب اتضايق من اللي عننا جنوب خاصة الجيازنه |
وش فيكم على الرجال ؟ |
اولا ياسر التويجري لم يسيء لأحد من شعراء الجنوب بل قال انه لا يوجد لديهم شعراء نظم وان وجدوا فهم قلة لكن اهل الجنوب اخوذها مهايط وقالوا انها مسبة ولازم نرد عليه وانا اقول اتركوا المهايط سواء انتم او نسيبنا ياسر |
إقتباس:
والله المهايط هو لك ولنسيبك و إن كانك يا جاهل ما تعرف كلمة هياط فهو صوت الناقة اي تستثير وتبي فحل فأمسك لسانك يا صغير :) |
إقتباس:
ارجع لرد أخوي ديك الجن يمكن تستفيد ;) |
| الوقت المعتمد في المنتدى بتوقيت جرينتش +3.
الوقت الان » 10:38 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd