#1  
قديم 05/05/2007, 06:45 AM
زعيــم مميــز
تاريخ التسجيل: 25/03/2006
المكان: نادي الهلال
مشاركات: 2,505
Talking سواليف ابو ساري ..

السلام عليكم ورحمة الله وبركاته

هور يو زملائي ..

اشتقتوا لي صح ؟ .. صح

طبعا ماراح أقولكم من وين جاي انا الخميس والجمعة .. <== لا لا يرحم أمك قلهم


بس اذا صارت ريحتي سمك وش تتوقعون ؟ .. من وين جاي ..؟ .. من الشرقية صح ؟ صح

<== آآبو من علمك تلمّح ههههههههههههه ... آسف آسف أصدقائي .. نسيت اسلم عليكم ..


اول شي السلام عليكم ورحمة الله وبركاته ...

مير افطن اني مسلم أول الموضوع .. لكن معليه نسلم ثانية ..

وعلى ماقال المثل .. كثر السلام يقل المعرفة ..



المهم .. انا موضوعي مافيه كلافة ولا شي ... كالعادة اسولف واسولف ..

ولا مني قضيت .. رعصت اعتماد شسمه .. ثم جاري القرني .. والموضوع معتمد ...


طبعا عقب ماسولف أدري فيه ردود خنفشارية تبي تطلع

أهم شي ( لا تعليق )


على طاري لا تعليق ... انا خلال سفرتي اكتشفت فايدة الكلمة هذي <== ياخي اول مرة تسافر انت

كان واحد يسولف علي .. بسالفة وقسم للحين مادري وش ...

المهم انا قاعدن اهوجس منب لمه .. الظاهر اني بديت أحب .. <== مهب ألفان ردريقو واحد غيره

اخر شي قال .. هاه وش رايك ابوساري .. وانا اللي أعرّق وأتوهق .. قلت له بصراحة لاتعليق

قال قسم بالله ابوساري هذا اللي صار .. ويكمل سالفته ...

وانا اللي رحمته قسم .. بس انتبهت عقب .. صرت اناظره وهو يسولف واحرك راسي يعني تراني معك


ومير ابو ساري يفلها معكم ويسولف .. وانتم تقولون وش يبي ذا


تصدقون نسيت وش الموضوع .. ههههههههههههههههههههههههههههههههه

أحس بنجلد ... لا بقول الموضوع بس قسم بالله فشيلة من الكتاب العظماء بالمنتدى


أحس بيمرون على الموضوع .. يقولون ايش الاسلوب الشوارعي هازا

<== هازا مدري شلون جت


بس مشكلتي ماعرف اصفصف كلمات .. يصلح اغش من واحد ؟


طيب وش رايكم اقول الموضوع ..؟؟ ههههههههههههههههههههههههههههههههه


قرقر واجد .. بس ترا الزبدة تاخذونها عقب من الموضوع ..

اذا ماحصلتوا بالموضوع .. فيه بالبقالات يبعونها هناك <== هاهاهاها


طيب طيب .. خلاص لا تدفون بتكلم بالموضوع قسم ..



الــــــــــمــــــــــوضــــــــــــــــوع :

حسيت اني مدرس نصوص بثاني متوسط ههههههههههههههههههههههههههههههه




الهلال يعاني من أزمة حقيقية .. أزمة موب بالمدرب ولا بالتكتيك ...

أزمة في توليفة اللاعبين .. اللي تحتم على المدرب انه يمشي بأسلوب واحد ..

وحتى لو عرف الخلل وسط المباراة صعب يغير مجرى المباراة ..


وانا اشوف مشكلة الهلال .. ان اللاعبين مافيهم اللي متخصص بشي ويجيده ...

وهالمشكلة انا شفتها الصراحة في مباريات كثيرة للهلال ..

وأمس ظهرت واضحة في مباراة الشباب ..


أنا أبي أفهم شي واحد .. اللاعب لما يشوت الكورة .. ليه يشوتها فوق ؟؟

قسم بالله أكثر من كورة يجي اللاعب متحمس تحس انه بيشبك الكورة والا الكورة فوق ..


والله ثم والله .. بزارين بالحارة اذكرهم يلعبون على مواصير كهرب ...

انه يشوت الكورة من بعيد .. ويجيب لك الكورة بالمكان اللي تبي ..

مابالكم بلاعبين محترفين .. يتدربون يوميا ..

موسم كامل ماشفنا هدف من خارج الثمانطعش .. والله شي يفشل ..



عرضيات بالكريك داخل الثمانطعش .. أوفرات .. قليل ماشفنا ضربات رأسية ..


يعني اللاعب يروح للنادي كل يوم يتدرب .. لياقة بس ؟


مافيه تدريبات على التصويب من برا الصندوق ؟

مافيه تدريبات تكتيكية للارتقاء وضربات الرأس ؟



أنا ماقول امس اللاعبين كلهم ودربهم نفس التدريب ..

بس على الاقل خصص كل ثلاث لاعبين تشوف فيهم أمل يتطورون لتمرين معيّن ..

علشان يصير عندك حلول قوية داخل الملعب ..

واذا بغيت تغير خطة اللعب والمباراة تمشي يمديك ..



بسألكم بالله كم كورة طلعت برا الملعب ...

يتحمس اللاعب واخرته ليته بالقول لو يصدها الحارس .. لا فوق والا خفيفة ...



أمس في مباراة الهلال مع الشباب ... سعد ذياب فقط اللي اشوفه مميز في الاجنحة ..

الباقين نسخة مكررة من بعض ..


اذا ماكان عندك لاعبين متميزين بالتسديد من خارج الـ 18 .. شلون تبي تكسر تكتلات الدفاع ؟

اذا ماعندك لاعب مميز جدا في الكرات الهوائية .. شلون تنوع بالحلول التهديفية ؟

اذا ماعندك لاعب متميز بالكرات الثابتة .. شلون تبي تستغل الاخطاء ؟



الحين وش يسوون بالنادي .. ابي اعرف ؟ ... ليه الواحد مايتطور مستواه ..

قسم بالله رفعوا ضغطي امس <== عصب عصب هههههههههههههههه


شلون تبون المدرب يمخمخ ويتكتك .. وكل فريقه نفس النمونة

تخيل فريقك كلهم يشوتون يمين وكلهم مايعرفون يضربون راس .. مال امه داعي فشيلة قسم


ليه مايسوون برنامج تدريبي لكل لاعب .. باللي يتميز فيه .. ويطورونه ..

ويزيدون من تركيزه في النقطة اللي يعرف لها ..


صدقون لو يمسكون لاعبين الوسط .. ويدربونهم على التسديد من بعيد .. كان استفدنا ..

لو يمسكون ابو عنبر ويسمرونه داخل الثمانطعش يوم كامل و يرفعون له كان استفدنا




مايصير كذا ياجماعة .. كل يوم نشوف عك كروي داخل الملعب ..



وباكيتا وش فايدته بالفريق .. والله ياهو رافعن ضغطي مليونين ..

قسم اني لو أحط هلالي مغرور

اللي راسل الادارة بخصوص تغيير نكه لدلوع ألفان ولارت الادارة عليه بخبر ..

لو احطه مدرب .. على انه مايدري وش الكورة .. كان اشتغل احسن من باكيتا ..



فيه شي بالهلال ناقص .. وهو غياب المتخصص ..

صرنا عادي لو نلعب المفرج قلب هجوم .. المفرج سوا سوا القحطاني <==

هههههههههههههههههههههههههه قوية صح ؟ .. احس الكي بورد مهب راضي يكتب



ياهلال ... ياباكيتا .. يا ادارة .. يا اي واحد له دخل ...

الموسم الجاي يبي له جدية اكبر .. نبي فن كروي .. نبي نفوز ونستمتع ..

بدال معسكرات خارجية .. خلها بالرياض وركز على اللياقة وتنمية المهارات ..

وحلووين كذا مانبي شي ...



المهم انا خلصت الموضوع الصدق

يعني الزبدة من الموضوع <== شكلكم تعقدتوا من كلمة زبدة

الهلال بحاجة لوجود لاعبين متخصصين بادوار مختلفة ...

لازم يبدع اللاعب بحاجة .. عشان تكثر الحلول ... ونضمن الفوز باذن الله ..

بالتالي المدرب يقدر يحاول ويفك شفرة اي تكتيك قدامه ..



ادري طولت عليكم ... حتى يوم كتبت الموضوع حسيت ماله داعي ههههههههههههههههههه

بس يوم كنت راجع من الرياض امس كنت افكر بهالشيء ..

كان فلة التفكير .. حسيت اني عرفت شي مهم .. بس الحين احسه شي عادي

ههههههههههههههههههههههههههههههههههه ماش اصبروا بروح اقراه



لا لا تمام .. اصلا ادري انكم من جنبها .. بس قاعد اكلمكم بحسسكم انكم فاهمين

ومير ابوساري يخربهاااا .. واللي فيه خير يكتب لا تعليق



ألفان أرجوك لاترحل .. ألفان بالهجر كاوينا

لاشك منك نبي نزعل .. أرجوك لا لا تخلينا







ابوساري
اضافة رد مع اقتباس
  #2  
قديم 05/05/2007, 07:26 AM
الصورة الرمزية الخاصة بـ عبدالعزيز بن لؤي
زعيــم مميــز
تاريخ التسجيل: 28/08/2006
المكان: ملعب لا بونبونيرا ..!
مشاركات: 2,603
والله يالغالي كلامك في محله
التسديد من خارج المنطقة والرأسيات مانعرف لها بالمرة
لكن ترى ابو ساري طلع مو سهل..!
اضافة رد مع اقتباس
  #3  
قديم 05/05/2007, 07:39 AM
زعيــم مميــز
تاريخ التسجيل: 25/03/2006
المكان: نادي الهلال
مشاركات: 2,505
عبدالعزيز بن لؤي ,,

مشكور على المرور ..
اضافة رد مع اقتباس
  #4  
قديم 05/05/2007, 08:23 AM
الصورة الرمزية الخاصة بـ هلالي ثنياني
مشرف سابق في منتدى الجمهور الهلالي
تاريخ التسجيل: 15/01/2002
المكان: جـــــ 15 ــــدة
مشاركات: 14,273
فكرتك سليمة جدا جدا
في الهلال لايوجد لاعب مسدد كرات متحركة
ولا يوجد لاعب مسدد كرات ثابتة
ولا يوجد لاعب يجيد لعب الكرات العرضية (باستثناء الذياب والعبدالسلام نوعا ما)
ولايوجد لاعب يجيد الضربات الرأسية

في الفترة الأولى لباكيتا كان في الفريق تميز في كل النقاط التي في الأعلى والسبب هوالاعدد السليم
باكيتا في تلك الفترة وصل مبكرا وطور الكثير من الامكانات اللاعبين.. على سبيل المثال العنبر والصويلح في استخدام الرأسيات
أما في هذه الفترة فوصل باكيتا في وقت الحصاد ويجب أن يلعب بالامكانات المتوفرة له فقط
وقول معاي الله يستر بس ونمشي هالسنة على خير
ونجدد مع باكيتا ويبدأ الموسم الجديد باعداد متكامل في ذاك الوقت نقدر نحاسب باكيتا
أما مع هذا الاعداد السيء وتراكمات بيسيريو وسيريزو.. فباكيتا يظل بريء ويلعب حسب المتاح له فقط
اضافة رد مع اقتباس
  #5  
قديم 05/05/2007, 09:14 AM
الصورة الرمزية الخاصة بـ بن جبله المطيري
مشرف اللجنة الإعلامية
بالموقع الرسمي لنادي الهلال
تاريخ التسجيل: 25/05/2004
المكان: (( تحت أقدااام أمي ))
مشاركات: 55,534
كلام في محله ومشكوووووووووووووووور
اضافة رد مع اقتباس
  #6  
قديم 05/05/2007, 10:55 AM
الصورة الرمزية الخاصة بـ alrssam 472
زعيــم نشيــط
تاريخ التسجيل: 16/07/2006
المكان: بــريـــدة
مشاركات: 756
يعطيك الف عافيه
وش اقول وش اخلي

ما عاد صار لنا شي نرد عليه

لكن اقول
لاتـعـلـيـق<<======= امزح معك لا تصدق



تحياتي
alrssam 472
اضافة رد مع اقتباس
  #7  
قديم 05/05/2007, 11:18 AM
زعيــم فعــال
تاريخ التسجيل: 05/03/2006
المكان: آآه ياليتني بالرياض
مشاركات: 406
مشكور يالغلا ونستنا الله لايحرمنا منك
اضافة رد مع اقتباس
  #8  
قديم 05/05/2007, 11:44 AM
زعيــم مميــز
تاريخ التسجيل: 26/02/2005
مشاركات: 11,521
مشكور
اضافة رد مع اقتباس
  #9  
قديم 05/05/2007, 12:44 PM
زعيــم نشيــط
تاريخ التسجيل: 20/03/2007
مشاركات: 557
وعليكم السلام حبيت اعلق على موضوع باكيتا وش يبي بالفريق والله وانا اخوك

اقولك اهدا من كذا ماباقي الا المدرب يعلمهم كيف يشوتون ويتمركزون في هالوقت

يعني بعد ماكبروا هاذي يتعلمونه من الصغر المسأله ماهي حواري ويشوتون على

عواميد الكهرب هاذولا محترفين تحياتي لك
اضافة رد مع اقتباس
  #10  
قديم 05/05/2007, 01:03 PM
زعيــم نشيــط
تاريخ التسجيل: 13/11/2006
المكان: قلب الزعيم
مشاركات: 637
مشكووووووووور يااااااااا بو ساااااااااااااري والحمدللة على السلامة
بس ابغى اعرف وش حكايت ساااااااااااااااري
اضافة رد مع اقتباس
  #11  
قديم 05/05/2007, 01:15 PM
الصورة الرمزية الخاصة بـ الزعيـ 9 ـم
زعيــم متألــق
تاريخ التسجيل: 08/12/2006
المكان: حائل ..,
مشاركات: 1,246
إقتباس
الرسالة الأصلية كتبت بواسطة هلالي ثنياني
فكرتك سليمة جدا جدا

في الهلال لايوجد لاعب مسدد كرات متحركة
ولا يوجد لاعب مسدد كرات ثابتة
ولا يوجد لاعب يجيد لعب الكرات العرضية (باستثناء الذياب والعبدالسلام نوعا ما)
ولايوجد لاعب يجيد الضربات الرأسية

في الفترة الأولى لباكيتا كان في الفريق تميز في كل النقاط التي في الأعلى والسبب هوالاعدد السليم
باكيتا في تلك الفترة وصل مبكرا وطور الكثير من الامكانات اللاعبين.. على سبيل المثال العنبر والصويلح في استخدام الرأسيات
أما في هذه الفترة فوصل باكيتا في وقت الحصاد ويجب أن يلعب بالامكانات المتوفرة له فقط
وقول معاي الله يستر بس ونمشي هالسنة على خير
ونجدد مع باكيتا ويبدأ الموسم الجديد باعداد متكامل في ذاك الوقت نقدر نحاسب باكيتا

أما مع هذا الاعداد السيء وتراكمات بيسيريو وسيريزو.. فباكيتا يظل بريء ويلعب حسب المتاح له فقط

اضافة رد مع اقتباس
  #12  
قديم 05/05/2007, 10:23 PM
زعيــم مميــز
تاريخ التسجيل: 25/03/2006
المكان: نادي الهلال
مشاركات: 2,505
مشكورين على مروركم العطر ..
اضافة رد مع اقتباس
  #13  
قديم 06/05/2007, 03:01 AM
زعيــم فعــال
تاريخ التسجيل: 25/08/2006
المكان: بلاد المسجد انبوي
مشاركات: 298
يعطيك العافية على الموضوع ..
اضافة رد مع اقتباس
  #14  
قديم 06/05/2007, 03:31 AM
الصورة الرمزية الخاصة بـ انشتاين
زعيــم متألــق
تاريخ التسجيل: 01/11/2006
مشاركات: 1,049
يأكثر هرجك اللي من غير فايده,,,,

مير موضوعك في غايه الروح وهذا اللي ينقص الهلال بالفعل,,,

وزد عليها كل الفريق يبي يلعب فاولات ثابته المفروض الشلهوب والتايب فقط.
اضافة رد مع اقتباس
  #15  
قديم 06/05/2007, 04:14 AM
زعيــم مميــز
تاريخ التسجيل: 25/03/2006
المكان: نادي الهلال
مشاركات: 2,505
لخبوط
ملك الملاعب والمنصات

مشكورين على المرور ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:04 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube