نادي الهلال السعودي - شبكة الزعيم - الموقع الرسمي

السلام عليكم ورحمة الله وبركاته

هور يو زملائي .. http://www.alhilalclub.com/vb/images...s/ismile06.gif

اشتقتوا لي صح ؟ .. صح

طبعا ماراح أقولكم من وين جاي انا الخميس والجمعة .. http://www.alhilalclub.com/vb/images...s/ismile06.gif <== لا لا يرحم أمك قلهم http://www.alhilalclub.com/vb/images...s/ismile06.gif

بس اذا صارت ريحتي سمك وش تتوقعون ؟ .. من وين جاي ..؟ .. من الشرقية صح ؟ صح http://www.alhilalclub.com/vb/images...s/ismile06.gif

<== آآبو من علمك تلمّح ههههههههههههه ... آسف آسف أصدقائي .. نسيت اسلم عليكم ..

اول شي السلام عليكم ورحمة الله وبركاته ...

مير افطن اني مسلم أول الموضوع .. لكن معليه نسلم ثانية ..

وعلى ماقال المثل .. كثر السلام يقل المعرفة http://www.alhilalclub.com/vb/images...s/ismile06.gif ..

المهم .. انا موضوعي مافيه كلافة ولا شي ... كالعادة اسولف واسولف ..

ولا مني قضيت .. رعصت اعتماد شسمه .. ثم جاري القرني .. والموضوع معتمد ... http://www.alhilalclub.com/vb/images/smilies/vora.gif

طبعا عقب ماسولف أدري فيه ردود خنفشارية تبي تطلع http://www.alhilalclub.com/vb/images...s/ismile06.gif http://www.alhilalclub.com/vb/images...s/ismile06.gif

أهم شي ( لا تعليق ) http://www.alhilalclub.com/vb/images...s/ismile06.gif

على طاري لا تعليق ... انا خلال سفرتي اكتشفت فايدة الكلمة هذي <== ياخي اول مرة تسافر انت http://www.alhilalclub.com/vb/images...s/ismile06.gif

كان واحد يسولف علي .. بسالفة وقسم للحين مادري وش ...

المهم انا قاعدن اهوجس منب لمه .. الظاهر اني بديت أحب http://www.alhilalclub.com/vb/images...s/ismile06.gif .. <== مهب ألفان ردريقو واحد غيره http://www.alhilalclub.com/vb/images.../ismile031.gif

اخر شي قال .. هاه وش رايك ابوساري .. وانا اللي أعرّق وأتوهق .. قلت له بصراحة لاتعليق http://www.alhilalclub.com/vb/images...s/ismile07.gif

قال قسم بالله ابوساري هذا اللي صار .. ويكمل سالفته ...

وانا اللي رحمته قسم .. بس انتبهت عقب .. صرت اناظره وهو يسولف واحرك راسي يعني تراني معك http://www.alhilalclub.com/vb/images...s/ismile06.gif

ومير ابو ساري يفلها معكم ويسولف .. وانتم تقولون وش يبي ذا http://www.alhilalclub.com/vb/images.../ismile011.gif

تصدقون نسيت وش الموضوع .. ههههههههههههههههههههههههههههههههه

أحس بنجلد ... لا بقول الموضوع بس قسم بالله فشيلة من الكتاب العظماء بالمنتدى http://www.alhilalclub.com/vb/images...s/ismile06.gif

أحس بيمرون على الموضوع .. يقولون ايش الاسلوب الشوارعي هازا http://www.alhilalclub.com/vb/images...s/ismile05.gif

<== هازا مدري شلون جت http://www.alhilalclub.com/vb/images...s/ismile06.gif

بس مشكلتي ماعرف اصفصف كلمات .. يصلح اغش من واحد ؟ http://www.alhilalclub.com/vb/images...s/ismile06.gif

طيب وش رايكم اقول الموضوع ..؟؟ ههههههههههههههههههههههههههههههههه

قرقر واجد .. بس ترا الزبدة تاخذونها عقب من الموضوع ..

اذا ماحصلتوا بالموضوع .. فيه بالبقالات يبعونها هناك <== هاهاهاها

طيب طيب .. خلاص لا تدفون بتكلم بالموضوع قسم .. http://www.alhilalclub.com/vb/images...s/ismile05.gif

الــــــــــمــــــــــوضــــــــــــــــوع :

حسيت اني مدرس نصوص بثاني متوسط ههههههههههههههههههههههههههههههه

الهلال يعاني من أزمة حقيقية .. أزمة موب بالمدرب ولا بالتكتيك ...

أزمة في توليفة اللاعبين .. اللي تحتم على المدرب انه يمشي بأسلوب واحد ..

وحتى لو عرف الخلل وسط المباراة صعب يغير مجرى المباراة ..

وانا اشوف مشكلة الهلال .. ان اللاعبين مافيهم اللي متخصص بشي ويجيده ...

وهالمشكلة انا شفتها الصراحة في مباريات كثيرة للهلال ..

وأمس ظهرت واضحة في مباراة الشباب ..

أنا أبي أفهم شي واحد .. اللاعب لما يشوت الكورة .. ليه يشوتها فوق ؟؟

قسم بالله أكثر من كورة يجي اللاعب متحمس تحس انه بيشبك الكورة والا الكورة فوق ..

والله ثم والله .. بزارين بالحارة اذكرهم يلعبون على مواصير كهرب ...

انه يشوت الكورة من بعيد .. ويجيب لك الكورة بالمكان اللي تبي ..

مابالكم بلاعبين محترفين .. يتدربون يوميا ..

موسم كامل ماشفنا هدف من خارج الثمانطعش .. والله شي يفشل ..

عرضيات بالكريك داخل الثمانطعش .. أوفرات .. قليل ماشفنا ضربات رأسية ..

يعني اللاعب يروح للنادي كل يوم يتدرب .. لياقة بس ؟

مافيه تدريبات على التصويب من برا الصندوق ؟

مافيه تدريبات تكتيكية للارتقاء وضربات الرأس ؟

أنا ماقول امس اللاعبين كلهم ودربهم نفس التدريب ..

بس على الاقل خصص كل ثلاث لاعبين تشوف فيهم أمل يتطورون لتمرين معيّن ..

علشان يصير عندك حلول قوية داخل الملعب ..

واذا بغيت تغير خطة اللعب والمباراة تمشي يمديك ..

بسألكم بالله كم كورة طلعت برا الملعب ...

يتحمس اللاعب واخرته ليته بالقول لو يصدها الحارس .. لا فوق والا خفيفة ...

أمس في مباراة الهلال مع الشباب ... سعد ذياب فقط اللي اشوفه مميز في الاجنحة ..

الباقين نسخة مكررة من بعض ..

اذا ماكان عندك لاعبين متميزين بالتسديد من خارج الـ 18 .. شلون تبي تكسر تكتلات الدفاع ؟

اذا ماعندك لاعب مميز جدا في الكرات الهوائية .. شلون تنوع بالحلول التهديفية ؟

اذا ماعندك لاعب متميز بالكرات الثابتة .. شلون تبي تستغل الاخطاء ؟

الحين وش يسوون بالنادي .. ابي اعرف ؟ ... ليه الواحد مايتطور مستواه ..

قسم بالله رفعوا ضغطي امس <== عصب عصب هههههههههههههههه

شلون تبون المدرب يمخمخ ويتكتك .. وكل فريقه نفس النمونة http://www.alhilalclub.com/vb/images...s/ismile06.gif

تخيل فريقك كلهم يشوتون يمين وكلهم مايعرفون يضربون راس .. مال امه داعي فشيلة قسم http://www.alhilalclub.com/vb/images...s/ismile06.gif

ليه مايسوون برنامج تدريبي لكل لاعب .. باللي يتميز فيه .. ويطورونه ..

ويزيدون من تركيزه في النقطة اللي يعرف لها ..

صدقون لو يمسكون لاعبين الوسط .. ويدربونهم على التسديد من بعيد .. كان استفدنا ..

لو يمسكون ابو عنبر ويسمرونه داخل الثمانطعش يوم كامل و يرفعون له كان استفدنا http://www.alhilalclub.com/vb/images...s/ismile05.gif

مايصير كذا ياجماعة .. كل يوم نشوف عك كروي داخل الملعب .. http://www.alhilalclub.com/vb/images...s/ismile06.gif

وباكيتا وش فايدته بالفريق .. والله ياهو رافعن ضغطي مليونين ..

قسم اني لو أحط هلالي مغرور

اللي راسل الادارة بخصوص تغيير نكه لدلوع ألفان ولارت الادارة عليه بخبر ..

لو احطه مدرب .. على انه مايدري وش الكورة .. كان اشتغل احسن من باكيتا ..

فيه شي بالهلال ناقص .. وهو غياب المتخصص ..

صرنا عادي لو نلعب المفرج قلب هجوم .. المفرج سوا سوا القحطاني <== http://www.alhilalclub.com/vb/images...s/ismile05.gif

هههههههههههههههههههههههههه قوية صح ؟ .. احس الكي بورد مهب راضي يكتب

ياهلال ... ياباكيتا .. يا ادارة .. يا اي واحد له دخل ...

الموسم الجاي يبي له جدية اكبر .. نبي فن كروي .. نبي نفوز ونستمتع ..

بدال معسكرات خارجية .. خلها بالرياض وركز على اللياقة وتنمية المهارات ..

وحلووين كذا مانبي شي ...

المهم انا خلصت الموضوع الصدق http://www.alhilalclub.com/vb/images...s/ismile06.gif

يعني الزبدة من الموضوع <== شكلكم تعقدتوا من كلمة زبدة http://www.alhilalclub.com/vb/images...s/ismile06.gif

الهلال بحاجة لوجود لاعبين متخصصين بادوار مختلفة ...

لازم يبدع اللاعب بحاجة .. عشان تكثر الحلول ... ونضمن الفوز باذن الله ..

بالتالي المدرب يقدر يحاول ويفك شفرة اي تكتيك قدامه ..

ادري طولت عليكم ... حتى يوم كتبت الموضوع حسيت ماله داعي ههههههههههههههههههه

بس يوم كنت راجع من الرياض امس كنت افكر بهالشيء ..

كان فلة التفكير .. حسيت اني عرفت شي مهم .. بس الحين احسه شي عادي

ههههههههههههههههههههههههههههههههههه ماش اصبروا بروح اقراه

لا لا تمام .. اصلا ادري انكم من جنبها .. بس قاعد اكلمكم بحسسكم انكم فاهمين http://www.alhilalclub.com/vb/images...s/ismile06.gif

ومير ابوساري يخربهاااا http://www.alhilalclub.com/vb/images/smilies/vora.gif .. واللي فيه خير يكتب لا تعليق http://www.alhilalclub.com/vb/images/smilies/vora.gif

ألفان أرجوك لاترحل .. ألفان بالهجر كاوينا

لاشك منك نبي نزعل .. أرجوك لا لا تخلينا

http://www.alhilalclub.com/vb/images...s/ismile05.gif

ابوساري http://www.alhilalclub.com/vb/images.../ismile023.gif