حتى كلمة شكرا" ما قلنا له ..!! فــ هل اصبحنا ننكر الجميل ..!! - نادي الهلال السعودي - شبكة الزعيم

Mr.DL5 · #1 08/05/2007, 05:15 PM

بسم الله الرحمن الرحيم ..

اعزائي اعضاء شبكة الزعيم ..

فوجئنا بــ الخبر الحزين في ذهاب القائد المبدع ابراهيم حقوي ..

حتى كلمة شكرا " ما قلنا له ..

نسينا انه اول من ادخل الامواج المكسيكية و حركة الجمهور الارجتيني الى الملاعب السعودية وسجلت بـ اسم نادي الهلال ..

نسينا انه يجي لم الملعب من الساعة 3 العصر يضبط المايكات ويجهز سبل الراحة لــ المشجع الهلالي ..

بوجود الرابطة لا يتفاعل معها سوى 45% من الجمهور الحاضر ..

تخيلوا الوضع بدون رابطة .. راح يكون الملعب هدوء .. اذا جاء هدف اهتز الملعب ثلاث دقايق ثمن هدوء مرة اخرى ..

حنا عارفين طبيعة جمهورنا .. يجي لم الملعب ومعه كيلو فصفص و علبتين ببسي .. يقعد ساكت لين يجي هدف يقوم يصفق دقيقتين ثم يرجع الى وضعه السابق ويسكت ..

ناس تقارن جمهورنا بــ الجمهور الجزائري والجمهور المغربي .. ويقول الجمهور الجزائري والمغربي يشعلل الملعب بدون ولا رابطة ..

مدري يمكن انه نسى وراح اذكره ان الجزائر والمغرب كانت تحت الاحتلال الاوربي لمدة طويلة .. واكيد تاثيره كان ع الشعب ..

لو اوديك لم اي دولة اوربية لمدة خمس سنين ثم بارجعك .. اكيد راح يكون بداخلك شي بسيط من العادات الاوربية ..

وهذ الي حاصل مع الجمهور المغربي والجزائري ..

شفتوا الوضع يوم مباراتنا مع الشباب في الدوري .. رابطة مدري وش تبي .. يالله تصلح حقت حواري .. والجمهور ما كان له اي تاثير ..

واذا تبون تتاكدون من كلامي باننا الرابطة هي الي راح تحرك الجمهور ..

ناظروا الجمهور النصراوي .. ما ننكر انه يحضر .. لكل حضور مثل العدم .. ما فيه اي تفاعل .. ليه ما قالوا نبي نصير زي الاوربيين .. اكيد حاولوا وفشلوا .. لانه من الصعب نسوي هــ الخطوة في الوقت الحاضر .. ولاتنسون ان عادتنا مثل عادات اخوانا النصراوين ..

وماله داعي نصير مثلهم ... حضور بدون فايدة .. شفنا هــ الشي بعيونا .. ليه ما ناخذ منه العبرة ونتجنب هــ الشي بدال ما نكرره ونتيجة واضحه وهي الفشل ..

ابراهيم حقوي سوى المستحيل للجمهور الهلالي .. لو مباراة للهلال في اقصى العالم يحضرها ويوازر الزعيم ..

طيب الي ما يبون ابراهيم حقوي يبينون لنا السبب ..

ابراهيم حقوي نتمنى سماع اهازيجك غدا " في الكويت ..

الي يعرف السالفة بين ابراهيم حقوي وادارة النادي يوضح لنا الله لا يهينكم ..

BoOoBoOo · #2 08/05/2007, 05:20 PM

*لا احد ينكر ان حقوي له الفضل في احياء الرابطة الهلالية

لكن له مشاكل كثيرة!!!!!!

*نتمنى عودة حقوي لكن نقدر نجيب اي احد

*المهم مباراة الكويت لازم يحضرها حقوي عشان اللعيبـــــــة

ثانكس مستر دلخ

والااراء هي اراء بعض الهلالية الي بجنبي

مجنون الزعيم(9) · #3 08/05/2007, 05:29 PM

إقتباس

الرسالة الأصلية كتبت بواسطة BoOoBoOo


	لا احد ينكر ان حقوي له الفضل في احياء الرابطة الهلالية لكن له مشاكل كثيرة!!!!!! نتمنى عودة حقوي لكن نقدر نجيب اي احد *المهم مباراة الكويت لازم يحضرها حقوي عشان اللعيبـــــــة ثانكس مستر دلخ والااراء هي اراء بعض الهلالية الي بجنبي

كلامك صحيح ولو انه في خطأ الي هو مشاكل !! لايكون انت نائب الرابطه ... المهم مشكور اخوي ومن قال ان احنا ماشكرنآه احنا الان نبيه يرجع ..

محامي الفيلسوف15 · #4 08/05/2007, 05:29 PM

والله كلامك عين العقـل .. بس وش نسوي لإبراهيم حقـوي .. مايرسي على بر .. مره بيمشي ومره بيقعد ومرهـ مدري وش السالفه وسوف أوضح الحقائق !!!

أتمنى إنه يقود الرابطه على الأقل لنهائي الدوري وبعد كذا يتصافى هو والإدارهـ ..

مشجع الميلان · #5 08/05/2007, 05:36 PM

شكرناه كل ما فتح موضوع .. يمكن أنت الي ما شكرته ...

و لكن حقوي أخطأ هذي السنه .. كل ما بين فترة و فترة قال أنا اعتزلت ولا يمكن أني أرجع

و كأن الهلال موقف عليه...مسوي بلبله من بداية السنه....على العموم نشكره مرة أخرى...

من زمااان · #6 08/05/2007, 05:47 PM

بصراحه انا مستغرب من موقف حقوي اختفى فجائه وبدون سابق انذار
يعني الدوري مابقاله شي وينتهي كان يقدر يأجل موضوعه شوي
لكن بالوقت الحالي يختفي وبدون اي سبب
صراحه ماله عذر

CRIS LOVE · #7 08/05/2007, 09:40 PM

شكرن لك ابو خليل......

..

**المالكي الهلالي** · #8 08/05/2007, 09:47 PM

شكـرا لــك يــابو خليــل ..

khalid0989 · #9 08/05/2007, 09:49 PM

شكرا ابوخليل

لكنك انسحبت في وقت غير مناسب تماااااااااما

@هلالي متعالي@ · #10 08/05/2007, 10:43 PM

انا من اكثر الناس المشيدين بالعندليب / ابراهيم حقوي .. وانه كان من الاساب الرئيسية في تطور الجماهير السعودية (عامة) ..
ولكن ان ينسحب في هذا التوقيت (بالذات) فلقد عتبت عليه كثير في هذا الشأن ..
ولكن ياعزيزي العندليب وبكل صراحه بما انه ذهب او (انسحب) ولم يقدر اوضاع الفريق او مهامه في (خصوصا) هذه الفتره فلن نتباكى عليه ..
ومثل ما تركنا بهذه السهولة فلابد ان ندعي للعندليب بالتوفيق والنجاح سواء ذهب او عاد ..
ورئيس الرابطة سوف يأتي غيره وليس هو سر بطولات الزعيم يااخوان ..
الزعيم يحقق البطولات من 50 سنة وليس من انضمام رئيس الرابطة ..
وسوف ترون الزعيم غدا (ان شاء الله) كيف سينتصر انتصارا سااااحقا دون الحاجة الى رئيس رابطة او غيره ..
انتوا ياجمهور الزعيم احضروا في جميع المباريات ولن يخذلوكم نجومكم واتركوا عنكم هذه المواضيع التي لاتزيد ولاتنقص في بطولات الزعيم ..

Z3EEM . FC · #11 08/05/2007, 11:06 PM

مشكور حقوي

لكن زعلتنا للاسف

9 إنت محبوبي 9 · #12 08/05/2007, 11:10 PM

كلمة شكراً لا توفي للعندليب حقه

هذا الرجل الذى ضحى بالكثير من أجل الهلال

صدقني لن ننساك يا إبراهيم

hamad9 · #13 08/05/2007, 11:55 PM

للمعلومية ترى هو مامسك الرابطة حب في الهلال ماسكها يترزق الله
والكل يدري انه اهلاوي مو هلالي وبعدين الحركات اللي تقول
انه دخلها السعودية مو هو اللي مطلعها اللي طلعها مجلس
الجمهور

أبو ليـان · #14 08/05/2007, 11:59 PM

ضحى من اجل الهلال , سهر من اجل الهلال , تنقل من مكان لمكان من اجل الهلال .....الخ
من يسمع الكلام للمره الأولى ينخيل اننا نتحدث عن احد رموز الهلال , ما درى ان الكلام عن ابراهيم حقوي
ابراهيم حقوي كان يعمل بمقابل مثله مثل اي موظف , ومشاكله هالسنه من صنع ايديه وبالتالي لن نسمح له او غيره ان يثير بلبله من لا شي .

الموضوع مقفل