..:.. شمّر كذا من خلقت الدنيا ولا فيهم ردي ..:. (صور) - نادي الهلال السعودي - شبكة الزعيم

VaiN GraphicS · #1 04/05/2007, 01:50 PM

السلام عليكم ورحمه الله وبركاته

هذي صور لكشته لرالي حائل ونخليكم مع التفاصيل :::

خط سير الرحله كان من الدمام لوحدي الى الرياض ومن ثم مرافقتي كل من سلطان نجد وثلاثه من ابناء العم الى

ابن العم عز الخوي وكان الوعد في محطه العتش على طريق القصيم

طبعا تحركنا من الرياض الساعه 11ونص بالليل والمبيت الساعه 4 قبل حائل بـ 80 كيلو

والصباح الساعه 8 وحنا محركين الى عروس الشمال الى مدينه الكرم الحاتمي وكان في استقبالنا احد الزملاء وخذ يافرفره على حااائل وبعدها عنده في البيت للغداء والراحه وبعدها تمشيه على مدينه حاائل من بعد صلاه العصر حتى صلاه العشاء ،، ومن ثم الى موقع الفعاليات(( فعاليه رالي حائل 2007)) على طريق الجوف والمبيت في النفود
المهم

لو اكتب عن الرحله يبي لي صفحات بس بخلي الصور تتكلم عن رحلتنا ومكشاتنا في حائل ،،كل مافي حائل

مميز ومشرف،،

ولا انسى الكرم الحاتمي في كل مكان وخاصه في موقع المخيمات على طريق الفعاليات على طريق الجوف

وكل قريه يتم نصب الخيام بجهود ذاتيه منها احتفاء بزوار المنطقه والمشاركين بالرالي وفي الصور تحت خير دليل

على كرمهم ،،

قبل دخولنا حائل هذا التشكيل الطبيعي

منظر عام لحائل ،، اعتقد من فوق شعيب الاديرع اذا ماني ناسي

كتابه اثريه

موقعنا في نفود حائل على طريق الجوف

وهذا فطورنا الصباااااااح قرص اللي لايخليني من سلطان نجد ،، هو اللي ضبطها لنا

تجهيز سياره متسابق وبالصدفه طلع احد الزملاء واخذ المركز الثالث

مخيم قريه التربيه

شوفو كيف الكرم ،، جالس اطالع فيه امكن جلس 3 ساعات ينادي اللي بالخط للقهوه والغداء

وصورته بين السيارات

وضح النقاء الاول من اليمين وسلطان نجد الثاني من اليمين وعز الخوي الرابع يعني الاخير من يسار

قصر النايف الاثري بجبه

المرحله الاخيره من الرااالي

هذا خوينا داعسسسسسسسسس

قبر حاتم الطااائي في قريه توارن

شعيب توارن

غدانا في نفس الشعيب

ابوعلي اعتقد اسمه هذا في كل مهرجان تحصله قدامك واكيد اللي بيروح مهرجان الجنادريه بيحصله

قدامه ،، طبعا الصوره من منتزه مشاااااااااار

هالصوره هذي انا خاقن معها احد مثلي وبما اني خاق تعتبرهديه لبعض العرب من العربااان وهو بيفهمها

الحقوق محفوظة لأبن عمي للزم النجم الهاوي عبر شبكة قبيلة السهول

تقبلوا تحياتي اخوكم "مشاري السهلي"
بعدسة النجم الهاوي

R.o.N.a.L.D.o.9 · #2 04/05/2007, 01:58 PM

الله يعطيك العافية ؛ ؛

سهل · #3 04/05/2007, 02:08 PM

متابعه متميزه اخوي مشاري .. لاهنت يالغالي

ورايتهم بيضاء اهل حائل ديرة كرم وهذي عوايدهم

R.O.M.A _10 · #4 04/05/2007, 02:20 PM

الصور روووعة يعيطك العافية

ThE SpEcIaL OnE · #5 04/05/2007, 02:42 PM

يعافيك ربي ...

هلالي شمر · #6 04/05/2007, 02:42 PM

خووي السهلي والله لوانك قايلي بتجي حائل

علي الملازيم لاجيك من الخبر واسكنك عندنا والله لو انك قايلي بس علي الملازيم تسير بحايل محفول مكفووول منغدا وعشا وسكن

إقتباس


	ورايتهم بيضاء اهل حائل ديرة كرم وهذي عوايدهم

تسلم ياسهـــل

اقول ماودكم تتتغدووون معنا

القيصر رهيب · #7 04/05/2007, 02:47 PM

تقرير روعة

وصور حلوووة

VaiN GraphicS · #8 04/05/2007, 03:15 PM

لبى والله قلبك

حايل هي حيي وميتي يابعدي

ولاهيب غريبة عليكم يالاجواد

الـمـشـاغـب · #9 04/05/2007, 03:21 PM

يعطيك العافية... صور جميلة... تسلم على النقلة الجميلة..!!

تقبل تحياتي..!!

:: S3odi :: · #10 04/05/2007, 04:07 PM

حايل بجواها اوربية <---- على هونك بس

على فكرة الكرم ماهو لازم بقبيله وحده مثل مافيه شمر هناك فيه بعد تميم وحرب ومطير وكلهم اهل كرم وجود

اذا ارتبط كرم قبيلة بتصرف شخص واحد فـ اعتقد ان الكرم مات بموته

ارجع واقول اهل حائل كلهم كرماء ابناء كرماء

حياك الله

الرّحال الأزرق · #11 04/05/2007, 05:33 PM

مشكور يالسهلي على النقل وتسلم

VaiN GraphicS · #12 04/05/2007, 07:05 PM

إقتباس

الرسالة الأصلية كتبت بواسطة :: S3odi ::


	حايل بجواها اوربية <---- على هونك بس على فكرة الكرم ماهو لازم بقبيله وحده مثل مافيه شمر هناك فيه بعد تميم وحرب ومطير وكلهم اهل كرم وجود اذا ارتبط كرم قبيلة بتصرف شخص واحد فـ اعتقد ان الكرم مات بموته ارجع واقول اهل حائل كلهم كرماء ابناء كرماء حياك الله

الله لايهينك يالقرم يبدو لي انك تميمي ;)

اهل حائل اهل كرم وجود دون عن غيرها انا ماقلت هي الوحيده ولكن التاريخ يسطر نفسه بنفسه ويبدو انك نسيت عتيبه والسهول وسبيع ومرة وعنوز لذا خصيت ولا عميت وارجو انك ماتدخلنا في اشياء احنا في غنى عنها يالغالي اظن اني وضحت المسأله لك ... ..

وارجع واقول حائل اهل الكرم والجود والحمية

:: S3odi :: · #13 04/05/2007, 07:33 PM

إقتباس

الرسالة الأصلية كتبت بواسطة "مشاري السهلي"


	الله لايهينك يالقرم يبدو لي انك تميمي ;) اهل حائل اهل كرم وجود دون عن غيرها انا ماقلت هي الوحيده ولكن التاريخ يسطر نفسه بنفسه ويبدو انك نسيت عتيبه والسهول وسبيع ومرة وعنوز لذا خصيت ولا عميت وارجو انك ماتدخلنا في اشياء احنا في غنى عنها يالغالي اظن اني وضحت المسأله لك ... .. وارجع واقول حائل اهل الكرم والجود والحمية

اهلين بالسهلي

ونعم بكل القبايل ومحد له الحق بانه ينقص اي قبيله حق من حقوقها

ولكن ان يقُرن الكرم بقبيله عن غيرها فـ اعتقد ان هذا مرفوض من الجميع

واي نعم انا تميمي وخوالي شمر وبكلامي ما انقصت من قدر شمر ولكن ما اجبرني علي الرد ان يقترن الكرم بقبيله

فـ لكل مدينه او قريه قصص وروايات عن الكرم ما تغطي كرم حاتم الذي اقترن ذبحه لحصانه لضيفه بكرم قبيله شمر

وبالتاكيد لو تسئل كبار السن من السهول راح يخبرونك عن قصص الكرم من قبيلتك ...

واذا كان تصرف شخص واحد يقترن بقبيلته فاعتقد ان لدي شمر وغيرها وحتي بني تميم الكثير من المواقف المخجله

والتي لاتتوافق مع مبادئ الاسلام ولاالطبائع العربيه الاصيله

اعذرني لو كان الرد مخالف لما تتمناه ولكن هو ردً على رد

سلامي للجميع

ديـك الـجن · #14 04/05/2007, 07:25 PM

والله والنعم بحائل و اهلها
والله هالديرة لها مكانة بقلبي ما يعلمه إلا الله
و إن شاء الله لي زيارة لها قريب

][ عيون الزعيم ][ · #15 04/05/2007, 08:32 PM

هذا تمر
والا رز
لهدرجه الكرم فيكم ياهل حائل
واو
نصيحـــــــــــه
غطوه لا تخلونه مكشوفه يتجرثم
سلمت يداك