الى يـــاسر...ياليت توصلك الرساله - نادي الهلال السعودي - شبكة الزعيم

@المطلوب@ · #1 03/05/2007, 03:18 PM

السلام عليكم

هذي رساله الى ياسر القحطاني

يارب تترك عنك الغرور .. ياياسر وتترك عنك الكلام الفاضي..فيك عين مافيك عين...عدل من لعبك والعب للنادي..

موب لنفسك والصور المتحركه...
ان صرنا نحبك فاننا نحبك للعبك فقط..واذا خرب لعبك ودع مانبيك..انصحك نصيحه ..لاتلحق الغشيان..

تراك مثل الغشيان بالضبط الا الغشيان احسن من لعب..

ارجو منك تعدل من لعبك..وتترك شوفت النفس..

بس حنا مازلنا نحبك

ثدقاوي · #2 03/05/2007, 03:22 PM

اقول ضف وجهك تكفى

@المطلوب@ · #3 03/05/2007, 03:50 PM

8888

اولا حسن من الفاضك

ثانيا الكلام اللي قلته انا متأكد منه..

هذا الرد ان دل يدل على قل تربيتك

&هلالي حائل& · #4 03/05/2007, 03:52 PM

بصراحه كلام ما يمثل الا نفسه ... وطبعا كلام مردود عليه ... وانا بصراحه اضيع وقتي واكون ناقص عقل لأني ارد على الاشكال هذي ... لكن وش اسوي بشخصي المتواضع .. بما اني هلالي فيجب علي النهوض بفكر هذا الشخص " الناقص"
وانا اثق ثقه عمياء انه شخص مندس يحاول زعزعة ياسر ومحاوله يائسه منه لبث الاشاعات والامور الناقصه كشخصه الموقر ... فيا ايها الزعماء يجب الا نضيع وقتنا بالرد على اشخاص محسوبين على النادي واشخاص يدفع لهم المال من اجل كتابة موضوع يحاولون فيه الاساءة لياسر او غيره ولكن هيهات هيهات .. من الاقتراب او محاولة الاحباط

لكن اقول لياسر " القافلة تسير والكلاب تنبح " واتوقع ان المقصود بالكلاب "اعزكم الله " معروف لديكم خاصه بعد كتابة هذا الموضوع والذي اتضح معدنه لكم ... وهو مندس منذ فتره ليست بالقليله

لكن ماعلى السحاب من نبح " الكلاب " واتمنى منكم ايها الزعماء رفع انفسكم وعدم الرد على موضوع كهذا يبحث فيه عن الشهره خلف آسر القلوب " ياسر "
عذرا للأطاله وبالتوفيق للزعيم

mansak · #5 03/05/2007, 03:54 PM

لا و الله شكلك انت الي كلامك فاضي................

القحطاني 505 · #6 03/05/2007, 04:09 PM

ياسر مهب مغرور زي مالك باخي شف مالك وش يسوي ما يناول لازم يعدي 6مرات في المباراه إذا كان ياسر مغرور مالك وش يطلع

وياسر يحاول انه يسجل ولكن التوفيق من الله وأظن ان ياسر مصاب بالعين

وبعدين مفروض تشجعه و تازره مهب تقول مغرور

@المطلوب@ · #7 03/05/2007, 04:14 PM

يعني ياسر لو مايجيب اهداف ويصير مثل الغشيان..عادي

الحين انا شخص مندس...؟ شيء غريب..

لازم اتكلم بهواكم..؟واقول ياسر بطل لان لم 12 مباراه ماجبت ولا هدف؟؟؟

وانا اعرف مصدر موثوق بقنناه الزعيم..يقول شايف نفسه خكري بالعربي..سالوعني الجمهور..؟؟

قال هو ايه يقولون نبي اهداف..ردياسر وقال..عين عين

الــحمــد لله

اذكركم..وتقولون اللي تقولون انا متمسك برايي

مجنون الزعيم(9) · #8 03/05/2007, 04:16 PM

كلامكفي الصحيح وفي اغلط.. الاعلام يسبب للاعب الغرور .. صدقوٍني ياسر اغتر شوٍي ..صار يلعب لنفسه واستعراضي احيــآنآ .. لاتلعبون على انفسكم شوفو سعدا لحارثي ضيع نفسه بالغرور اللي جاه من جماهير النادي.. بس الحمدلله ياسر بدى يرجع لمستواه

ثدقاوي · #9 03/05/2007, 04:17 PM

يزينك ساكت بس

@المطلوب@ · #10 03/05/2007, 04:18 PM

إقتباس


	ياسر مهب مغرور زي مالك باخي شف مالك وش يسوي ما يناول لازم يعدي 6مرات في المباراه إذا كان ياسر مغرور مالك وش يطلع وياسر يحاول انه يسجل ولكن التوفيق من الله وأظن ان ياسر مصاب بالعين وبعدين مفروض تشجعه و تازره مهب تقول مغرور

يعطيك العافيه

تبقى وجهه نظر

@المطلوب@ · #11 03/05/2007, 04:20 PM

إقتباس


	يزينك ساكت بس

انت خل اهلك يربونك

بعدين تكلم مع الرجال

@المطلوب@ · #12 03/05/2007, 04:22 PM

إقتباس


	كلامكفي الصحيح وفي اغلط.. الاعلام يسبب للاعب الغرور .. صدقوٍني ياسر اغتر شوٍي ..صار يلعب لنفسه واستعراضي احيــآنآ .. لاتلعبون على انفسكم شوفو سعدا لحارثي ضيع نفسه بالغرور اللي جاه من جماهير النادي.. بس الحمدلله ياسر بدى يرجع لمستواه

بط اللي انا اتكلم عنه

هذا بالظبط اللي اتكلم عنه ياكفو

ثدقاوي · #13 03/05/2007, 04:25 PM

تعال انت وينك فيه تكلم زين الناس مهب الهلالي الي يدخل ويسب بلاعبين فريقه هذا مغرور وهذا مدري ايش
ياسر اكبر من الكلام الي تقوله

@المطلوب@ · #14 03/05/2007, 04:36 PM

إقتباس


	تعال انت وينك فيه تكلم زين الناس مهب الهلالي الي يدخل ويسب بلاعبين فريقه هذا مغرور وهذا مدري ايش ياسر اكبر من الكلام الي تقوله

هذي راي

وحنا ماحنا منتدى الكره السعوديه حنا بمنتدى للهلال فقط
يعني تنتقد حتا يرتقي الفريق

وليس كي استهزي...؟
لو احلف ان هلاليتي اكثر من هلاليتك بالف مره

ثدقاوي · #15 03/05/2007, 04:46 PM

نقد عادي مقبول بس مغرور هاذي قوية شوي لكن مشكور