السلام عليكم ورحمة الله وبركاته ..

ياشباب عندي استفسار ...
بصراحه احنا شلة شباب ودايم نلعب بالوننج اليفن جزء 10 ..
المهم في واحد من الشباب الي دايم نلعب عنده في البيت هذا الاخ كان مايعرف يلعب مره وكان يترقع المهم الاخ الكريم يلعب بفريق تشلسي الانجليزي , وهو مستواه على قده ماعنده اي فكر كروي واي خطط واي شي جديد يعني طق الكوره والحقها .. احنا نلعب بفرق متعدده هي انتر ميلان وايسي ميلان وبرشلونه الاسباني بس الولد له فتره جالس يلعب معانا لعب غريب مره بدون اي خطه جديده ولا شي .. بس عنده شي غريب بالفريق صاير يعني هو يحط رايت فليبس ظهير يمين تخيلو ياشباب ان فلبس يحجر لادريانو ويقطع منه الكوره بكل اريحيه وينطلق فيها ويبني هجمه ويسدد تسديد خيالي وكل ذا المشاوير بفليبس ومايخلص خط الباور حقه , نجي للحارس تشيك الحارس تشيك تسدد عليه بسيدورف بادريانو بايتو باللي تبي اتحداك تدخل واحيان يثبت الشوته تنفرد فيه بادريانو وتسحبه يطيح على الارض وياخذ الكوره ماتقدر تسجل عليه الا بكوره ون تو قدامه او رفعه ويجي لاعب ويكملها بالراس واحيان يصدها , نجي لجي كول جي كول عنده تسديد خيالي وقوه بدنيه واحتكاك وسرعه موطبيعيه ويلعبه محور ارتكاز , تجي تشوف دروجبا وهذا مصيبه لحاله اي كوره يشترك فيها ياخذها بالغصب اي ارتقاء ياخذ الكوره تخيلو مره اخذ الكوره من قدام نيستا وستام وعليه تسديد خيالي مره اي شوته خارج منطقة الجزاء يسجلها هدف ويضرب المدافعين وياخذ الكوره منهم .. كارفيلهو مستحيل تقدر تمر منه .. روبن الكوره ماتنقطع منه لو تحط معاه نيستا ماياكل عيش مره ويسدد باليمين ويهدف فيه ويسجل اهداف من خارج منطقة الجزاء باليمين .. هذي بعض النبذه المختصره عن اللاعبين الي عنده ..
هو الولد لعبه على قده وماعنده سالفه بس قوة فريقه غير طبيعيه علما باني شخصيا كنت العب بتشلسي ببيتي بس ماكان فيه هذي القدره الخارقه بصراحه يعني كنت اعتبره فريق عادي . .. بس لاحظت قوة فريقه الغير طبيعيه وامكانيات اللاعبين والحارس بصراحه شي فوق العاده ....
احنا دايم نلعب ببيته وهو يلعب ويشبك الميموري كارد دايم ولا يرضى يفكها من الجهاز مر ه من المرات فحصنا عدادات لاعبينه ولقيناها عاديه مو متغيره .. بس لو تقول له العب وفك الميموري مايرضى مره ويزعل ... مع ان الولد له سوابق ومره قوى عدادات لاعبينه زمان وكفشناه ,, بس الحين انا مستغرب كيف ممكن اكتشف انه مقوي لاعبينه ومغير في قوتهم واحنا ماندري ... ياريت احد يفيدني بطريقه هو مسويها واحنا ماندري ..
نقول له فك الميموري يقلبها زعل الرجال ومايرضى وبصراحه قوة فريقه غير طبيعيه ياريت احد يفيدنا .. علما بان مستويات الشباب عندنا مره قويه وهو كان يعتبر اضعف واحد فينا لا يمتلك فكر كروي ولا شي ويلعب لعب اي كلام بس قوة لاعبينه تخدمه يسجل اهداف مايدري عنها ...