|
ماينشد الظهر فيه ..! الـسـ عليكم ـلام .. لا حد يخش عرض ويقول هذا مندس :p .. طيب وش المشكلة لو بس مشاركه وحدة << يـصـرف :rolleyes: . ياعيال انا جايكم في نقطة مهمة جدا قبل مراحل الحسم .. الا وهي حديث الجمهور ( فهد المفرج ) .. :upset: لاحد يجي ويقول ماعندك سالفة واللاعب حماسي وقتالي .. اقووول لا يكثر بس المفرج قتالي :mad: .. الزبدة ومافيها ان المفرج نكبة للفريق .. ياخي من اشوف اسمه تجيني حكه في ظهري :D .. تقول فيه نكبة جايه .. مستواه متذبذب يعني اذا تجيه كورة اتحدى الجمهور تجيه الثقة فيه .. مثل ثقتنا في [ مـارسـيلـيـو ] .. واخر نكبه كان بينكبنا فيها في مباراتنا مع الاهلي .. يوم يعطي اللاعب الكورة ويقوله رح سجل هدف .. بعدين فكر شوي :confused: .. ليش انكبهم الحين .. خلها للنهائي أحلى :upset: .. المفرج له فوق الثمانطعش سنه مع الهلال :D .. وماظنتي فيه امل يتطور ويقفل المخرج اللي عنده :cry: .. والله ياعيال ان المفرج ماله امان مثل القنبلة الموقوته في دفاعنا .. اهـ لو ينسقوه والله ياهم يفكون ازمه :cry: يعني بذمتكم دفاع ومايعرف يمرر ولا يركض .. اجل وش فايدتك تاخذ راتب وبس !:rolleyes: واذا حجتكم ان المرشدي ماهو منظبط ومن هالكلام .. حسب توقعاتي ان ماجد قال مافيه مفر من كل الجهات ناشب لي فهد مالي الا أخربها :D يالعن ابو ذي الواسطه اللي ماحد قادر يغير قناعتها .. نجي للي مايفهمون كورة لو تسالوا اي واحد مايفهم كورة من هو نكبة الهلال .. يقولون لكم محاكيكم .. اقصد المفرج :p يعني بالله عليكم متى النصراويين قاموا يدمحون في لاعب من فريقنا .. لا ابشركم يمدحون في المفرج .. لان العليان والبيشي واحمد الخير :D هو سبب نجوميتهم :upset: الزبدة في الموضوع ان المفرج حماسه مايفيده وياليت يفكنا من حماسه واجتهاده ويعتزل وهو في اوج مستواه وانا متكفل في حفل اعتزاله وقولوا ماقلت :thumbup: يا أدارة انتم قلتم تجديد دماء الفريق بروح الشباب .. ماهو بروح اللي من افلسوا سابقا .. و نهائي كاس خادم الحرمين الشرفين عام 1418 هـ ماحد اظن ينساه وينسى مسرحية فهد المفرج :mad: أمنية : أتركوا مجاملة للاعبين المستهلكين .. ملاحظه للجمهور : [ لاحظو اذا قام يركض وافهموا وش اقصد ;) ] |
طيب ياخوي من الي يعوض غياب المفرج خليل ولا المرشدي أقو كيف الحال لأجاء أحد يعوض غيابة مثل مارح ليتنا والشريدة بيروح المفرج وهاذي الكورة بس المفرج صحيح عليه غلطات بس الشكوى لله بس راضين فيه |
والله ماازيد ولا تسلمه على هرجك ذا .. |
إقتباس:
كوني اشجع الزعيم منذ نعومة اضافري وعشت مع فهودي احلى ايام شبابه وعشت معه إلي الان اجد ان فهد الان هو الأجدر بسد خانة الفريق أما حبيب القلب مجودي راعي راليات حائل لايفيد الفريق حالياً لكونة يفاخت من التمارين إقتباس:
ياخي المشكله تدري وشو لما تجيب لاعب من فريق الثاني ومبزوط يعني دافع فيه فلوس ,,,,, لو انه واحد من ابناء النادي الي ما دفع فيه ولا ريال تنبلع |
انا مستغرب من نقطه فى مقالك تقول فيها يعتزل وهو فى اوج مستواه كيف نطالب لاعب يعتزل وهو فى اوج مستواه الشى بالعقل يعنى على كذا اذا هبط مستوى اى لاعب نطالبه بالستمرار واذا كان فى اوج مستواه نطابه بترك الكوره والله شى يحير |
الله يخارجنا اذا هذا تفكيركم :rolleyes: Al_faris : إقتباس:
ليش ماهو عاجبك المرشدي سبحان الله يقرب لك الشتالي :rolleyes: اقول لو يلعب المرشدي بعكاز اطلق من المفرج بمليون مره .. يخوي ابطا لاعب هلالي واذا ركض مادري ليه الركبه متهاوشه مع الثانية :D عاشـ الموح الازرق ـق : احس من ردك انك مع الخيل ياشقرا .. بس ليه ماكتبت شكرا غريبه يعني ! ღهلابوليღ : لابس حلوة متذبذب جب لي لاعب في العالم مو مستواه على قولتك متذبذب إقتباس:
يخوي فيه ناس مستواها يتذبذب بس ماهو من بداية مالعب الى الحين .. بالعقل هالحين علمني المفرج مستواه عاجبك .. اذا عاجبك مانقدر نقول .. غير الله يوفقك مع اعز اصدقائك .. تقدر تاخذه تلعب معاه في استراحتكم .. الصخره 16 : انا قلت في اوج مستواه .. لان هذا مستواه من اول مالعب الكورة ماقصدت انه مبدع ومن هالعبارات المستهلكة اللي دايم يقولونها له مجاملة ;) بس الفرق ان للحين مانكبنا .. يعني قبل لاينكبنا يعتزل ونذكره بخير ..;) تحياتي لكم وتحياتي لافضل لاعب دفاع في السعودية .. فهد النعيمة :laugh: |
يا جروح لاتقول عن المفرج نكبه والمفرج دفاع ممتاز وياما أخطى تفاريس وشكلك تبي تكتب موضوعك على فاضي |
بغض النظر عن العناصر الموجودة في الدفآع ومن هم يكفيني إن أقوى دفآع في الدوري إلى الآن هو دفاع الــزعيــــــــــــم s13s s60s |
مايمدينا نلحق في هالردود من قدك يالمفرج عشاقك كثروا :p الذئب الهلاليsa : قلنا نكبه على الاقل ماقلنا مخرج17 .. بس والله شيء يحير عشاق الزعيم والكتاب والصحافيين المفرج عقدتهم النفسية .. وانتم .. حبيبكم مين :D B@ander : كلامك ذكرني بالموسم اللي راح :( |
إقتباس:
اذا الاجابة بنعم بقولك يالي فاهم الكورة فهد المفرج كم مدرب مر عليه ولعبه في خانة الدفاع وعلى فكرة بقولك شي حطها براسك فهد المفرج كان دفاع الهلال من يوم كان صالح السلومي وعبد الله الدعيع وشف الحين من حارس الهلال محمد الدعيع يعني كل هالفترة هو نكبة الهلال ؟؟؟؟ وشلون نكبة الهلال والزعيم يحقق بطولات إلى الآن وارجع السنه الي راحت وشف كم حقق الهلال من بطولة وفهد كان هو دفاع الهلال الثابت في البطولات السابقة اما اذا كانت الاجابة لا ::: ما اقدر اقول شي |
الاخ او الاخت جروح...........على فكرة الموضوع مو مناسب توقيته ابد وحنا في مراحل الحسم المباريات الجاية حساسة جدا.....وموضوعك هذا يضر اكثر مماينفع. اولا مافيه احد مايخطئ...حتى الجنرال تفاريس يغلط. بعدين المفرج منقذ في كثير من الكرات على مرمانا...مافيها شئ لو غلط مره او مرتين. المفرج احسن مدافع سعودي في الكرات العرضيه العالية...مايخاف مثل منتشري وربعة اللاعب بيلعب شئت ام أبيت...لأنه يجبر المدرب على ذلك بالموظبة على التمارين وتطبيق تعليمات باكيتا. الزبدة : المفرج مالي عين باكيتا ولاعب اساسي لاعب...الكلام هذا ممكن يأثر عليه وعلى مستواه. لو انك ماكتبت الموضوع احسن.....ارجوا انك توافقني الرأي. |
المفرج هذا مدري وش يبي نعن أبو بليسه له 12 سنه ما تعلم شي و كل اللي قلته يا جروح ميه بالميه |
المفرج اكبر ناشيء في الملاعب السعودية .. هذي الحقيقة المرة .. لاكن يقول المثل ( اصبر على ام شوشة لين ماتجيك المنكوشة ) ماباليد حيله وقلت قبل ان المفرج متحمس بزياده .. واصاباته دايم تجيه من زلقات .. وغريبه الاطوار :sadwalk: ! لاكن ماانكر انه يبذل مجهود والرجل حماسي ويحب النادي ومواظب بالتمارين .. شكرا لكاتب الموضوع .. |
موضوع رائع من كاتب اروع ومضمون الموضوع اروع واروع يعطيك العافيه |
قال وش حدك على المر قال الي امر منه اصبر على مجنونك لايجيك الي اجن منه والله كل ماتجي هجمه من عنده احط يدي على قلبي الله يستر بس ... ما ادري لو تأهلنا كاس العالم وش بنسوي :):) |
| الوقت المعتمد في المنتدى بتوقيت جرينتش +3.
الوقت الان » 08:05 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd