نادي الهلال السعودي - شبكة الزعيم - الموقع الرسمي

- المواضيع المتميزة (http://vb.alhilal.com/f58/)

- - اللــه أقــوى يالـ 100 ريال !! (http://vb.alhilal.com/t403336.html)

اول شي الله يقوم امك بالسلامه يارب

موضوعك قلب المواجع وبتخليني (ابطها) على قولة حسين عبد الرضا

بالنسبة ليوم الثلاثاء كان احسن يوم عندي ايام الدراسة والمصروف والسوالف هذي وبتعرفون السبب....

اما ابوي ماطرت انه يعطيني مصروفي بالشهر لو تطير الدنيا يخاف اني افسفسهم..كان الله يحفظه يحط ثلاث ريال على الطاولة يوميا لكل واحد منا انا واخواني الاثنين ..واقعد اتبكبك للوالدة كل صباح انها تزودني وكثر الدق (البكي) يفك اللحام حتى حصلنا على ريالين زيادة مكرمة منها ولو درى ابوي يمكن تصير علوم وصارت اليومية ب5 ريال يعني تجرنا..افطر ب3 ريال واوفر ريالين يوميا يعني 10 ريال بالاسبوع..اشتري مجلة الرياضية مع الجريدة ب7ريال اللي اختفت وكانت يوم الثلاثاء من كل اسبوع تذكرونها؟ ((خاص للشياب زيي)) الحين عرفتوا ليه كنت احب الثلاثاء...

الحين بعدما كبرنا وتوظفنا والله الفلوس ماعد تسوى.. تطير بشكل مو طبيعي..
في احد الاشهر قررت اتبع سياسة التقشف بعد ما وديت المدام لاهلها لظرف عائلي(ما قلت لكم شايب) وصرفت 2000 ريال فقط للاكل والمغسلة والبنزين ابو 45 هللة من غير الفواتير هذا انا لوحدي..ما اقول الا الله يرحم الحال صرنا اللي راتبه اقل من 6 الاف مايقدر يعيش

كثيرة تلك الأشياء الغير منطقية الحاصلة !

الله يشافي والدتك ويخليها ويحفظها لكم يارب ..
اذا كان بالامكان أخذها لأحد أطباء الجلدية الممتازين عندكم في الرياض ..
د. عبدالعظيم البسام ..
لعل الله يسخره لمعرفة ما يؤذيها !

" وصف مكان العيادة .. سأتي به إن أردت "

شكراً أيها القلم المختلف !

راكان الازرق

هلا ومسهلا بالشايب

إقتباس:

حتى حصلنا على ريالين زيادة مكرمة منها ولو درى ابوي يمكن تصير علوم وصارت اليومية ب5 ريال يعني تجرنا

5 ريال يومياً هبااال أيام الابتدائي والمتوسط، تعتبر ولد نعمه ويمديك بالطلعه تشتري بطاطس وببسي من التسالي:D

إقتباس:

اشتري مجلة الرياضية مع الجريدة ب7ريال اللي اختفت وكانت يوم الثلاثاء من كل اسبوع تذكرونها؟

كانت تجين حموضه لا شفت عادل عصام الدين بالصفحه الاخيره:D وياكثر ما يحطون خالد مسعد بصفحة الغلاف:D

خسارة هالسبعة أريل:cry:

إقتباس:

وصرفت 2000 ريال فقط للاكل والمغسلة والبنزين ابو 45 هللة من غير الفواتير هذا انا لوحدي

والله مهيب كثيره على هالوضع، فيه ناس الله يرحم حالهم ويرزقهم على نياتهم يصرفون 3000 وهم عزوبيه:rolleyes:

إقتباس:

ما اقول الا الله يرحم الحال صرنا اللي راتبه اقل من 6 الاف مايقدر يعيش

الشكوى لله ، بلاك ان نص الخلق رواتبهم 5 وأقل !!

الله يسلمك:) وشاكر مشاركتك

________________________________

أسيرة الزعيم

هلا ومرحبا

إقتباس:

كثيرة تلك الأشياء الغير منطقية الحاصلة !

وكثير هم المسؤولين اللي راضين بها ولا يكلفون أنفسهم عناء تفسيرها لنا !!

إقتباس:

اذا كان بالامكان أخذها لأحد أطباء الجلدية الممتازين عندكم في الرياض ..
د. عبدالعظيم البسام ..

راجعته الوالده أكثر من مره أيام ما كان يداوم بمستشفى الحبيب وحتى بعد انتقاله لعيادته الخاصه على طريق التخصصي ،وما الله أراد انه ينفع رغم ان الدكتور البسام طبيب متمكن و من الكفاءات المعروفه في هالمجال ..

يعطيك العافيه على حرصك واهتمامك:) وشاكر لك مرورك

300 ريال مصروف شهري بالثانوي !!!!:eek:

الهاوي بن طلال !!! :D

ماشاء الله لاإله إلا الله .... الله يرحم أيام الخمسطعش بالأسبوع !!! :rolleyes: ومشترط على الوالدة أستلمها كاش :D طبعا الوالدة هي اللي كانت تعطيني مصروف بالثانوي لأني كنت يتيم الأب :cry: وبنفس الوقت أبوي ميت :cry: واللي زاد ظروفي صعوبة إن الوالد الله يرحمه توفى :cry: بس أمي طلعت رجال وماراح تعبها في تربيتي هدر وقدرت إنها توصلني لأن أكون ملك البليستيشن باستراحتنا :D

نرجع لموضوعنا ... الحين أنت تشتكي وأنت ما أعرست !! :mad:

أجل احسب معي إذا أعرست وجاك عيال ...

حفايظ للبزران .... حليب شيكولاتة ... حليب سادة .... عصير .. وخربط بربط ... :)

شراء ملابس البزران .. حكاية :rolleyes:

وأكثر شيء يقهرني إذا رحت ألعبهم بالملاهي علشان أبيهم ينبسطون وصفقوني لعب بكم مية .ريال ... وآخر شي يطلعون من الملاهي وهم يعيطون والدموع أربع أربع :upset:

أقول ياشيخ روح أنت ومواضيعك ... ضيقت صدري :D

موضوعك مهم ..
وبصراحه هذي الايام كل شي صار غالي وماعاد في شي ينشرى باقل من عشره ريال ..
ولسه الاسعار بتغلى والله يعيننا ..
شكرا لك

مسه بالخير ابو ابراهيم ..

يعيشك بالزاف ياخويا << لاحظ ماقلت اعشيك بس يعيشك:D .. وعلى طاري العشاء وش عندك اليوم؟

عاد تدري يالهاوي بن طلال على قولة القايل ابن المفقع مدري المقفع (<<يحتك بالشيبان:D ) .. موضوعك سبب زحام على كل الصرافات حتى اني فكرت اشتري لي صراف صغير واحطه بغرفتي ومتى ماضاق صدري دخلت البطاقه اسحب بس اخلي الصراف ياكل البطاقه كذا لعانه بس(<<يتليعن ع نفسه:D ) .. لكن تدري ليه الزحمه لان الشعب ينتظرون صورة ابو متعب على الدراهم علشان يجيهم من الطيب نصيب:D ..

ياخي لو ادري انك مطنوخ كان خليتك تعشيني سبازيو او ابل بييز .. اقول عندك سلف:D ..

الهاوي هذا وانت عزوبي بغيت تطلع اجل لا تربطت وش بيصير عليك ياحياتي .. صدقني اخاف عليك من البواسير والقرحه ههههههههه..

الهاوي يامهبول لاتحرمنا من تنسيمك ..<< تراه راد علشان الموضوع بيروح للميزه وابي ردي هناك:D ..

سهل.. صدقني مو تدخل في مهامك الاشرافيه بس هي لقافه.. على فكره سهل لي نقطه ضايعه بهالرد اذا لقيتها عدل ردي ههههه << قالها وانحاش:D

الهاوي الوعد في المميزه:D

الغريب

هلا وغلا بالملك >>> مهوب يقلقس أبد:D ..

إقتباس:

300 ريال مصروف شهري بالثانوي !!!!

قل لا اله الا الله:mad: أقول من اللي ناحتن صارت القروش ما تقعد معي ، أثره أنت ياالنحوتي!!

إقتباس:

ماشاء الله لاإله إلا الله

وش عقبه:sleep:

إقتباس:

طبعا الوالدة هي اللي كانت تعطيني مصروف بالثانوي لأني كنت يتيم الأب وبنفس الوقت أبوي ميت واللي زاد ظروفي صعوبة إن الوالد الله يرحمه توفى بس أمي طلعت رجال وماراح تعبها في تربيتي هدر وقدرت إنها توصلني لأن أكون ملك البليستيشن باستراحتنا

::D D

الشرهه مهيب عليك علي أنا اللي جالس أقرا هالسطرين وانا متحمس:D

الله يغفر للوالد ويرحمه ويسكنه فسيح جناته ، والله يخلف على الوالده كان راح تعبها هدر :cry: سنين وهي تصرف عليك ، تأكلت وتشربك وتكد شعرك وآخرتها ملك على دوري المناطق!!

إقتباس:

نرجع لموضوعنا ... الحين أنت تشتكي وأنت ما أعرست !!

معليش يابو بدر هذي اشاعه دائما يروج لها المعرسون، مهوب شرط ان المتزوج يصرف أكثر من العزوبي بالعكس فيه ناس ما ضبطت وزنيتهم ومصروفهم الا بعد ما تزوجوا لاحساسهم بأهمية القرش..

إقتباس:

حفايظ للبزران .... حليب شيكولاتة ... حليب سادة .... عصير .. وخربط بربط ...

ياخي خفف من هالحليب والعصير اللي تعطيه أطفالك عشان ما يستهلكون حفايظ واااجد وكذا تكون ضربت عصفورين بحجر ووفرتى 500 كل شهر>>> تراي منب من القصيم وأنت تشهد:D

يكفي العزوبي كل يوم عشا من برا !!

إقتباس:

أقول ياشيخ روح أنت ومواضيعك ... ضيقت صدري

ما حبيتها منـّـك ياالذيييـــــب :D

عوافي يابودر تشريفك:) وهنا ذبيحــه ان كان المتزوج يصرف أكثر من العزوبي:D

____________________________________

FORZA HILAL 00

هلا ومسهلا ..

إقتباس:

ولسه الاسعار بتغلى والله يعيننا ..

هذي المشكله !! مادام ما حولك أحد لارقيب ولا حسيب فأبشر بالغلا والهبال الى ان يصير الواحد ياخذ قرض عشان يشري سكر وملح !!

العفو ياغالي:) وشكرا لمشاركتك

____________________________________

هلالي الظهران

هلا وغلا باخو قلبي الحاضر الغايب .. الله يمسيك بالرضى والسرور

إقتباس:

يعيشك بالزاف ياخويا << لاحظ ماقلت اعشيك بس يعيشك .. وعلى طاري العشاء وش عندك اليوم؟

يمدحون انتدابات المغرب:D

ما كان عندي شي ذاك اليوم:D بس واعدت واحد من الرجال وتأخرت عليه ويوم جيته حسيت ان وده يقول الله لا يبارك بالساعه اللي عرفتك فيها ، لكن حبسه حابس:D ;) بس قسم بالله كان غصبن علي:rolleyes:

إقتباس:

موضوعك سبب زحام على كل الصرافات حتى اني فكرت اشتري لي صراف صغير واحطه بغرفتي ومتى ماضاق صدري دخلت البطاقه اسحب

:D والله ياخي فكرت(ن) زينه

تهقى على كم يبيعونهن:D ودي أشري ثنتين أبحط وحده بالبيت ووحده بالاستراحه>> ذبحونا كل شوي قطه !!:eek:

إقتباس:

ياخي لو ادري انك مطنوخ كان خليتك تعشيني سبازيو او ابل بييز .. اقول عندك سلف

يارجال نبي فزعتك ترى علي ذبيحه:cry: سويت نفسي بطل وتراهنت ورحت وطي

إقتباس:

صدقني اخاف عليك من البواسير والقرحه

:D استغفر الله العظيم

الله يكفينا الشر هونـّـا ما هنا عرس:D

إقتباس:

الهاوي الوعد في المميزه

ياخي أنت المفروض تصير مشرف منتدى المواضيع الزينه:D

عوافي يابعدي:) وترى نبي نضبط الرجال اضبط أمورك معنا;)

إقتباس:

وهنا ذبيحــه ان كان المتزوج يصرف أكثر من العزوبي

قدام ... بس من الحين نتفق .... الأخوين وإلا الأسياح ؟!!! :D

إقتباس:

قدام ... بس من الحين نتفق .... الأخوين وإلا الأسياح ؟!!!

هههههه :D دمااار العياره ما أقول الا الله يبلاك بحاشي:D

انا ناوي أذبح لهم ذبيحه بس عقب ما آخذ الترقيه باذن الله:sleep:

بس أرجوك رجا :D يابوبدر شف لي حل مع شطبان تراه فقع راسي أمس!!

الله يشفــــــــــــي والدتك وجميع مرضى المسلميــــــــــن

مشكور اخوي.. اسلوبك راائــع

اخي الحبيب الهاوي ..

أسأل الله العظيم رب العرش العظيم أن يشفي والداتك ويحفظها من كل مكروه ويلبسها ثوب الصحة والعافية ..

اللهم اشفها انت الشافي المعافي ..لا شفاء الا شفائك شفاء لا يغادر سقما

آمـــين .. يارب العالمين ..

رووعـه يالغـاالي s60s

بس والله ياعنـدك أزمـة درااهـم :biggrin2:

الله ييسـر لك :)

بـ مـان الله :) ..

أسأل الله العظيم رب العرش العظيم أن يشفي والداتك ويحفظها من كل مكروه ويلبسها ثوب الصحة والعافية ..

آمـــين .. يارب العالمين ..

</B>

الله يشفيها ويحرصها ويخليها لعين ترجيهاااا ،،