>>>مصدر خاص<<< مالك والقحطاني وبشير وهوساوي واللي تبون بالهلال ! - نادي الهلال السعودي - شبكة الزعيم

FreakouT · #1 29/04/2007, 09:27 PM

تحياتي لجمهور الزعيم الواعي فقط ..!

شباب.... ترا وسوست زهقت مخي انلحس طفشت ملييييييييت ...

كل يوم طالع لنا واحد يقول مصدري الخاص يقول فلاااان بيجي الهلال ...

يابو الشباب.... كنت صادق ولا تألف ....

على عيني وعلى راسي بس على الاقل توضيحات شوي.... شوي بس ! ...

اتمنى من كل قلبي أي واحد يكتب موضوع على الاقل يقولنا وشو ذا المصدر الخاص .... اذا مايبي ... يفهمنا انه له علاقه بالهلال او النادي الاخر (الاهلي - الاتفاق - الوحده - الشباب.... او .. او ... ) ... واذا مايبي ... يقولنا أي معلومه عشان نصدقه لو واحد بالميه ...!!!

يعني مثلا ......

كثير مواضيع تقول مالك بيجي الهلال اعاره بالدور الثاني بالاسيويه ويمكن هذا اكثر شي ممكن حنا كــجمهور هلالي اننا نصدقه (بسبب اعارة الجمعان بدون مقابل - وتلميحات التويجري في الاي ار تي- والاهلي ماعنده شي ينافس عليه -وكلام الجرايد مثل الرياض والجزيره اللي أكدوا انه مالك بيجي الهلال )....

بس فيه شي قاهرني مدري اذا لاحظتوه ولافاتني شي.............

كيف يجي مالك للهلال اعاره بالاسيويه وفترة تسجيل اللاعبين مقفله من شهرين ومب فاتحه الا بعد الموسم ماينتهي ؟؟ (اتمنى اللي عنده اجابه على هذا السؤال يفيدنا لانه تكرر من اكثر من عضو)

اخر شي اتمنى من ادارة المنتدى انها تحط قوانين صارمه للمواضيع هذي .... لان بعضها او اكثرها صراحه تأليف واجتهادات شخصيه.... مع انه فيه بعض الاعضاء تكون معلوماتهم ثقه وصحيحه

واللي يرحم والديكم ترا كثيييير اعضاء على الرييييحه يعني سمع هوساوي بيجي الهلال راح سوا قلق ووصلها لاخر الدنيا.... ذولا اللي ينرحمون ترا

زعــيــ511ــم · #2 29/04/2007, 09:32 PM

ايه والله انك صادق

انواع النصب

بوجاسم الهلالي · #3 29/04/2007, 09:36 PM

مو انت لوحدك نص المنتدى مثلك اخوي
و النص الثاني الله يهديهم ينقل الاعبين من انديتهم الى الهلال

ياليت تتحرون الدقة

حـمـد الـحـلافـي · #4 29/04/2007, 09:37 PM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الازوري الأسيوي · #5 29/04/2007, 09:39 PM

كلامكـ عين العقل وعين الصواب وعين >>> خلاص خلصت عيونكـ وش تبي تقول بعد ؟؟ وعلى طاري مالك صرااااااحه اتمناه مع الهلال بالاسيويه والنهائي باذن الله ..
تحياتي لك يالغلا

ريكلمي@الشلهوب · #6 29/04/2007, 09:48 PM

إقتباس

الرسالة الأصلية كتبت بواسطة FreakouT


	كيف يجي مالك للهلال اعاره بالاسيويه وفترة تسجيل اللاعبين مقفله من شهرين ومب فاتحه الا بعد الموسم ماينتهي ؟؟ (اتمنى اللي عنده اجابه على هذا السؤال يفيدنا لانه تكرر من اكثر من عضو)

عند التأهل لدور الثاني
يمكن للأنديه المتأهله أن تسجل لاعبين على حساب لاعبين..

والله يعطيك العافيه على الموضوع...

هلالي في جده · #7 29/04/2007, 09:48 PM

والله انوااع الفقـش

بـس خلاص تعـوودنــا !!

الخبراوي · #8 29/04/2007, 09:54 PM

على ما اظن شفنا الحقباني بالنهائي مع الشباب و كانت فترة التسجيل منتهيه

عموما

الله يجيب اللي فيه الخير

DiDo0o · #9 29/04/2007, 10:31 PM

تدرون ليش كل هالنصب.....
هذولي بزران يبون يكثرون مشاراكاتهم

سنآيدي · #10 29/04/2007, 10:36 PM

يـارجـال من جــد والله طفشنا من هالاخـبااار

كل يوم واحد نااط لنا بلاعب أخاف بعد كم يوم اشوف نادي الهلال كله أحتياط

واللاعبين الاسااسين اعاارة

يا شبااب ترى اشاعاتكم هذي تآثر على مستوى اللاعبين

FreakouT · #11 29/04/2007, 11:34 PM

مشكوووورين على المرور ...

اخوي ريكلمي الشلهوب تسلم لي عالتوضيح ...واتمنى الهلال مايفرط بلاعبينه في الاسيويه ولايبدلهم باحد

Bu RAIED · #12 30/04/2007, 12:01 AM

و مصدري الخاص يقول

إن موضوعك ممتاز جدا

انسان عادي · #13 30/04/2007, 01:06 AM

والله انك صادق

alzaeem only · #14 30/04/2007, 01:22 AM

سكروا على الموضوع ذبحتونا ماملوااااااااااااا عيونكم اللي جابوا لكم 6بطولات من أصل 7 يعني وش بيسوي

مالك معاذ!!!!!!!

هو واحد اللي يكون بديله لاعب ممتاز وانتم عارفينه ولا ينكبنا اللي في النهائيات!!!!والمباريات الحساسه والهامه!!!!!

خوي سامي الجابر · #15 30/04/2007, 02:23 AM

والله ماعاد ندري من نصدق ؟؟