السـلام عليـكم ورحمـة الله وبركاته


اعزائي المشاهين والمتابعين


سادتي سادتي


طلال بن توم بن كروز يحييكم من ارض الشرقيه حيث الوناسه في جيان والراشد


ويبعث لكم اطلق التحايا والعنان والقوه وحليب السعوديه << برا


انا اليوم ياشطار ياحلوين اشربوا الحليب .. للصحه والقوه اسألوا الطبيب << براا


بتكلم عن موضه طاحوا فيه شبابنا الحلوين الشطار


وهي موضة مطرب لبناني مسوي امريكي


يطلق على نفسه لقب .. مساري Massri << مدري هي تنكتب كذا ولا لا ماعلي منها


قاعد ارفع صورته وشوفوا قصة شعره


وهي الناس طاحوا فيها وبقوه لكن على ايش مادري


شوفوا صورته واضحكوا مع غير البشر





الحين هالقصه حلوه ؟


اقسم بالله كأنه راس سلحفاه


ومحدده الزلف بطريقه السبايك مدري وش تبي اقسم بالله طالع شين ياليته زين ..


واكثر البنات في انحاء النت .. ماهوب طبيعيات .. مساري ومساري ومساري ومساري


وبعدين وش فيه مساري .. وش يزوده عني


كلها قصه ؟


مره في الراشد شفت واحد مسوي نفس قصته بالضبط


وكنت طفشان وحبيت استهبل رحت قلت السلام عليكم


قالي وعليكم السلام .. قلت الأخ مساري ؟ .. قال لا والله موب مساري :p


قلت قهر كنت احسبك مساري .. قال ليش اشبهه ؟ .. قلت ايه والله ماشاءالله عليك


قال الحمدالله ان واحد ماعرفه قالي اشبهه .. قلت مستانس ؟ .. قال اكيد ، وش تتوقع لما واحد يقولك تشبه مساري


قلت له بروح احلق وجهي استح على وجهك مستانس انك تتشبه بكافر ؟ ;)




يعني قسم بالله ناس يفشلون


ومدري من الكمخه الي قايلهم حلوين ؟


على كل حال ماودي اطولها عشان الموضوع يكون جيد للقراءه .. لان واجد مايحبون يقرون مواضيع طويله


نجي للاسئله :-


1/اذا كنت تعرف هالدبشه مساري .. وش رايك فيه


2/وش رايك بالي يسوي نفس القصه !!؟


3/جوالك الحين مفتوح ولا مقفل << كل تبن



وبأذن الله نشوفكم في مواضيع ثانيه بأذن الله

وعليكم السلام والرحمه،،


اخوي ابوسعود

الله يرضى عليك بس

الحين قضت المشاكل وما بقى الا مشاري ذا جاي تاخذ راينا فيه

بس ما أسقم منه الا اللي يقلدونه..


تم تعديل المشاركه>>>>دربك خضر

تشكراات

فمااان الكريم،،

من جد والله الحركة اللي سويتها بالراشد أليمه
أحس انك رفعته فوق فوق وبعدها وطيته وطيت الصرصور !!!
تحياتي لك

وأنت وش اللي حارق رزك

بقريح هو واللي يقلدونه

أهم شي أنت لاتعصب

كلش ولا زعلك ;)

والله انك سنايدي واصلي بعد رفع فيه وبمثله

منهو مشاري ؟ *
والله أول مرة أسمعـ فيهـ :p

إقتباس وكنت طفشان وحبيت استهبل رحت قلت السلام عليكم قالي وعليكم السلام .. قلت الأخ مساري ؟ .. قال لا والله موب مساري قلت قهر كنت احسبك مساري .. قال ليش اشبهه ؟ .. قلت ايه والله ماشاءالله عليك قال الحمدالله ان واحد ماعرفه قالي اشبهه .. قلت مستانس ؟ .. قال اكيد ، وش تتوقع لما واحد يقولك تشبه مساري قلت له بروح احلق وجهي استح على وجهك مستانس انك تتشبه بكافر ؟

قوية و ربي

إقتباس 2/وش رايك بالي يسوي نفس القصه !!؟

يحاول إكمال النقص الذي يشعر بهـ
__________________


ألفـ شكر لكـ ابو سعود

سـ لآ ـمـ

نجي للاسئله :-


1/اذا كنت تعرف هالدبشه مساري .. وش رايك فيه
اعرفه ... رايي فيه من اي ناحيه ؟

2/وش رايك بالي يسوي نفس القصه !!؟
ياخي على كيفه اذا حلوه عليه عادي ... يكفي ان اللي يقلده يفكنا من موضه الكشه والسبايكي تحوم الكبد

3/جوالك الحين مفتوح ولا مقفل << كل تبن
مفتوح ومقفل (( موجود )) لوووول

اللي يسأل عن مشاري هذا هو

قصته وقصته

قصدك صلعته يمكن

يالله زين كسبنا شوفة صورته:p
لاني اسمع فيه ولا قد شفته

إقتباس الرسالة الأصلية كتبت بواسطة سهل اللي يسأل عن مشاري هذا هو

وش الي حارق رزق بمساري لانه زين ومزيون

والله الشباب السعودين غيارين ايه حلو وش عندكم

هماكم تقولون مريام فارس حلوه صح بس مساري بعد يجنن