$$ ما قلته دكتور امجد عين الحقيقة
فالهلال لم يعد هلال الزعامة واصبح الجميع
يصرح ويقترح وادارة الفريق اخر من يعلم
رحم الله ايام الامير بندر بن محمد
الجميع يتذكر الخلاف (الكبير) بينه وبين النجم فيصل ابو اثنين
ولكن الامير غلب مصلحة الهلال (ألآهم) وعاد فيصل لان الهلال بحاجته
واليوم وامام مشكلة(تافه) من وجهة نظري تم تصعيد الامر أعلاميا وتم رفض التوقيع مع فيصل ودون التفكير بمصلحة الهلال بقدر التفكير في (التسلط) الاداري .....

في السابق كان الهلال مضرب المثل في اتفاق اعضاء الشرف وحبهم للهلال مقدمينه على مصالحهم الشخصية وعلى البهرجه الاعلامية وقتها كتبت مقال في الرياضية عن بداية (الشرار) في اختلاف اعضاء الشرف وقلت ان العين اصابتهم بعد الاختلاف على بلاتشي والايام كشفت صدق كلامي .............

واليوم اقول ان الهلال مقبل على مرحلة خطرة من الناحية الفنية والادارية و(التنظيمية) لان الجميع اصبح (رئيس ) وهذا بداية (السقوط) ........

اهلا اخوي امجد او دكتور امجد؟؟
بالنسبة الى كل اللي يصير مع الزعيم هذا شي طبيعي دام انو الكل قاعد يفكر في مصلحتة ؟؟
مثلا عندك خميس ؟؟
منو قال انة مظلوم او انو الادارة كانت مطنشتة؟؟
انت شوف شروطة كانت تعجيزية وانا توي اعرف يعين هاذي معلومة جديدة
انو خميس كان ينعطى المعاش الاعتيادي والمكافات لما كان موقوف يعني حالة حال جميع لاعبين الهلال اللي يلعبون ويسجلون اهداف ويدافعون عن المرمى وغيرة وغيرة يعني الرجال عندة فلوس؟؟
والاتحاد كان يدور حولة فطلع اهو حجة انو الهلال ما استجاب الى طلباتة عشان تكون لة دفاع لما نجي حنا ونعاتبة؟؟
اما عن ابو يعقوب لما رجع اهو ما طلب الا حقة وفلوس الهلال طارت مو من فلوس خميس او غيرة اهي طارت على هالمدرب اللي مافية الا شنبة؟؟
وعلى ادميلسون قاتل الهجمة ولو كانت بسبع ارواح وعلى العجوز الكهل لوبيسكو؟؟
يعني الادارة وبامر من المدرب تروح وتدعو اللاعب وتجيبة وتسكنة وتلعبة على حسااااب لاعبين من البلد مستواهم احسن بمليييون مرة ؟؟
وكل هذا يدفع ثمنة الهلال ورجالة؟؟
اما التمياط ؟؟
الفتى الذهبي؟؟
ابو بندر اذا ماخاب ظني انو هذا لقبة المهم اهو قالها كلمة انو هلالي طول العمر وشوف عرض الاتحاد لة والعرووووووض اللي من زمان كلها رفضها واكتفى الحين بعقد بدون مقدم؟؟
يعني انا اعتقد انو السبب الرئيسي الى المشاكل المالية اهو المدرب والمشاكل اللي تجي من وراة؟؟
اما بالنسبة الى الرئيس فاعتقد انو الامير سعود رجال قدها وقدود مثل مايقولون وانة لة نظرة ثاقبة وانا وبكل اعتزاز افتخر انو هذاالرجل هلالي وبكل ماتحملة الكلمة ولما طلع وقال حنا تفاجئنا بانتقال خميس؟؟
معاه حق لان الطريقة الدنيئة اللي استعملها الاتحاديين وخميس فاجئت مو بس الهلاليين الا حتى الاتحاديين؟؟
اما بالنسبة للمصيبيح فانة ؟؟
ما ادري ايش اقول ساعات احسة احسن شي في الهلال وساعات لا؟؟
بس انا باعتقادي انو لو يطبق نظام انو اللي يتخلف عن التمرين او اي شي ثاني يننخصم من معاشة مو ينحرم اهو وحنا والزعيم من ابداعاتة ويحرمونة من اللعب؟؟
هذا رائي وباختصار يغيرون المدرب ويفكونا من اللاعبين ادميلسون ولوبيسكو؟؟
واوة نسيت فيصل ابو اثنين؟؟
فيصل ابو اثنين غلط والغلط مشترك بين ادارة الهلال وبين اللاعب ولكن وبعد ماراح الاخ ما اكتفى بالفضايح الا عمل وفعل؟؟
على العموم انا اعتقد والى حد هاللحظة انو فيصل اهو الغلاطان 85%
والباقي على الادارة ؟؟
ولكن لو يلين راسة ويرجع والادارة بعد ولكن ما ابية يرجع بنفس اسلوب رجعة فهد الهريفي الى النصر؟؟
لان هالطريقة فيها اذلال الى االاعب وتشوية سمعة الهلال ومفروض انو مشاكلنا ماتطلع برة؟؟
واعتقد انو على االاعبين ان يتفهموا وضع الهلال وادارتة ويقبلوا بالموجود والله يصبرنا؟؟

وهذا كل اللي ابي اقولة مع انو ينعطوا اللاعبين الصغار الاهتمام الاكبر لان اهم رجال الهلال للمستقبل؟؟
ومع الف سلاااااام الى كل هلالي؟؟

وعلى فكرة اخوي د.امجد ؟؟
كني عرفتك ولا انا غلطانة؟؟

مع تحياتي وتمنياتي انو سفينة الزعيم ترجع الى مكانها الطبيعي ؟؟
وحتى لو كان رياح في بداية الطريق معليش خلينا نحط يدنا بيد بعض ونوقف في طريق كل شي ؟؟

اختكم:
redheart

الاخ الحربي :-
اعتقد ان ايام الامير بندر بن محمد كانت هي ايام الهلال
وحتى لما ترك الفريق لازالت كلمته باقية ..


((( اخشى على الهلال من رجاله )))

وهذا مانعيشه الان واقعا مرا

الاخت redheart :-
الهلال يعيش فترة من اسؤا الفترات التي مرت على تاريخه
نتمنى ان تكون كبوة جواد وتعدي على خير

تحياتي لكم

الـــــسلام before الكلام؛



الهلال فوق الجميع

الاخ العزيز الغانم :-
ماقلته انت محق فيه بنسبة كبيرة ولكن فترة الامير بندر لم نكن نعيش فتنة داخل اسوار النادي ولا تراشقات على صدور الصحف وكانت مشاكلها فنية بنسبة كبيرة وتعود الي عدم استقرار الجهاز الفني
اما بالنسبة للمصيبيح وكلام التمياط والشلهوب اعتقد انهم مثل ابنائه بالاضافة الي انهم يحترمونه ويصغرونه سنا
ولكن الثنيان يعتبر من الذين رافقوه وابو اثنين ليس كوجهة نظر وانما حقيقة ابواثنين لم يوجه كلامه فقط للمصيبيح حتى نقول انه يقصده واعتقد ان كلامه موجه للادارة قبل المصيبيح اما خميس والجمعان فهما من النوع الذي لايبالي بحديثه ولكن كما قلت ان التمياط والشلهوب لم ولن ينتقدا المصيبيح
مع العلم ان اخلاقيات هذين النجمين هي واحدة من الاشياءالتي تقف في صف المصيبيح ضد اي مشكلة لسبب بسيط تستطيع القول انهما اخذا منه كل جميل
ويكفي ان نواف افضل لاعب اسيوي ليفتخر المصيبيح بما زرعه فيه

واشكرك على اثراء النقاش في هذا الموضوع الهام وحبك للدفاع عن وجهة نظرك .

الاخ romeo:-
وعليكم السلام الهلال سيظل فوق الجميع للابد ان شاء الله .

تحياتي لكم

السلام عليكم ورحمة الله ...
د.امجد الحادي
سلمت يداك علي هذا المقال الرائع الذي فيه وضعت النقاط فوق الحروف وتركت الكره في ملعب الاداره.

الاخ smn2002 :-
وعليكم السلام ورحمة الله وبركاته وشكرا على تفاعلك.

الاخ محترف كلام:-
ان شاء الله تبدي لك الايام الاجمل والاجمل ..

تحياتي لكم

الله يعطيك العافية يادكتور

كلامك صحيح
ويعطيك مليون عافية;) :p ;)

الاعضاء الحلوين احب اشارك معكم لان الموضوع مهم جددددددددددددددددددددا الزعيم في حاله غريبه فيه خلللللللل !!!!


الادارة بعيده عن النادي ؟؟؟؟؟

اعضاء الشرف المهمين والداعمين ابتعدوا ؟؟؟؟؟؟؟ ما السبب؟؟؟؟؟

الهلال لم يعد يطرب !!! تحس اللاعبين يلعبون بدون نفس ! تادية واجب لااكثر ولا اقل !!


العزوف الجماهيري واضح !!! وانا اولهم لاول مره تفوتني مباراتنا مع النصر في الملعب ...

احساس غريب منعني من الذهاب للملعب !!!

قلت في نفسي البيت احسن ما دام هذا هو الهلال الغرييييييييييييييييييييب !!!!!!!!!!


النادي فقد هيبته واصبح جدار قصير للقاصي والداني !!!!!

هل يعقل ان النادي الداعم للمنتخب بتسعة لاعبين يتعادل مع الشعله ، النجمه


حتى اعلاميا الكل يتطاول عليه ولانجد من يرد من الاداره او اعضاء الشرف !!!!

متىىىىىىىىىىىى يعود الزعيم الى هيبته عسى ان يكون هذا قريييييييبا

وتحياااااااااااااااااااااااااتي للجميع

اسف للتاخير يااخوان

الاخ مخاوي البطولات :- شكرا على تفاعلك والله يعافيك
واتمنى لك التوفيق بمهمة الاشراف

=======

قلبي الزعيم :-
الف شكر لك والله يعافيك مليون مرة

======

الاخ الونيس :-
وجهة نظرك اعتقد انها مقاربة لمعظم وجهات الهلال
والجمهور ايضا يتحمل نسبة من الاخفاق وانا منهم

========

تحياتي لكم

i would like to congratulate you. i really like what you wrote and i really appreciate it. anyways, all alhilal's fans should be very happy, because they have someone like you guys


i don't have an arabic keyboard, sorry for that