@ فيصل ابو ثنين سوبر مان الكره السعوديه @

ما قصرت جريدة الجزيرة بوضع مانشتات يوميه بعـودة فيصل أبو ثنين للهـلال من جديد .. بعض أعضاء المنتدى طالبوا خروج ألا داره من اجل رجوع أبو اثنين !!

أتساءل وبكل بســــــاطه من هو فيصل ابوثنين ؟؟

هل هـو دونجا البرازيلي ... او فييرا الفرنسي .. او ديفز الهولندي !!!

فيصل لاعب ممـتاز .. محور جيد .. له أسلوبه الرائع بالكره ... لم يكن محظوظا بالانضمـام للمنتخب ..

عمومـا اللي استغرب منه ردة فعل الجمهور الهلالي تجاه فيصل ابوثنين ومطالبتهم بعودته وكأنه سوبرمان الهلال الذي بعودته سوف تحل جميع مشاكل الهلال .. عقود اللاعبين .. عودة خميس .. آرثر وتغيراته .. عزوف أعضاء الشرف ....!!!

فيصل لاعب نكن له كل التقدير والاحـترام الكبير ولكن لا ننسى مشاكله مع فهد المصبيح .. لا ننسى عمـره وتجاوزه 31 سنه ...لاننسى بطئه وقصر قامته !!

حتى لو (عاد) الكبتن فيصل للهلال لن يـرجع بمثـل مسـتواه السابق فهو منقطع عن الكره وعن اجواء المباريات (الرسميه)تماما .. مما قد لاننتظر منه هذا المـوسم مستويا مميزا !!

لو عاد(ابوثنين) للهلال ... نـرحب به .. واتمنى أن يستفيد من اخطاءه الماضيه وعدم تكـرارها .. ونقول مـرحبا فيصـل مرحبا من جديد وبالتــوفيق لك ..

@ اعضـاء الشرف @

تصريحات سمو الامير خالد بن محمد الاخـيره اتمنى تكون هي اولى الخطوات لرجـوعه للاداره وبقـوه مع الاداره الحاليه .. ولعل المـلاحظ على سمو الامير خالد هو قـوة تصريحاته وواقعيتها التي تعود بالنفع على الفـريق .. وقد سمعت انه ربما يعود على الاشراف العام بكرة القدم بالهلال .. الذي هو كفء له أتمنى سماع هذا الخــبر بأسـرع وقت ،،،

# الطراره بالعشر الأواخر #

صـرح مسوؤل بالنادي الآخر : ) ، عند عدم وجود ميزانية للألعاب الأخرى مما دفعه للقول بأن النادي سوف يتم تجميـده .. ولعل هذا المسوؤل أراد كسب قلوب أعضاء الشرف والمتبرعين وذلك بحكم اننا بالعشر الأواخر وقت التـبرع والصداقات والزكــاة .. مما قد يدفعهم للتـبرع لهم !!

وأنا أهيب زملائي بالتـبرع لهم .. بحكم انهم جــار لنا ،، والجار بالجار .. والذي من الآن يريد إعطاءهم عليه إعطاءهم مع كل تـبرع ( قطـمـة رز) وذلك لقـرب العيد .. زكاة وصدقه مره وحده ..

وكل عام وهــم بطراره !!

فيصل نتفق انه لاعب جيد لكن مش احسن من خميس !!! الظاهر ان اللي في جريدة الجزيرة هم معطينه اكبر من حجمه

يا شباب الضرب في الميت حرام .....الله يشفبهم "اقصد النثراوية"
و كل عام و الجميع بخير مشرفبن و اعضاء

تحياتي ,,,
هلا بكايدهمممممممم <== على وزنية ابوالعواميم ,,,

الجزيره ياغالي اشعلت نار الفتنه بين فيصل وإدارة الهلال , وهي الان تتكفل بأمر عودته , ولها مده وهي على هذا الحال وستستمر , لأنها والله اعلم وعدت فيصل بأن تقوم بإصلاح ما افسدته !!!!!!

إقتباس فيصل لاعب ممـتاز .. محور جيد .. له أسلوبه الرائع بالكره ... لم يكن محظوظا بالانضمـام للمنتخب ..

فيصل كما قلت , ولكن مستواه لم يرتقي حد ان يحجز له مكانا في المنتخب ,,,

إقتباس لو عاد(ابوثنين) للهلال ... نـرحب به .. واتمنى أن يستفيد من اخطاءه الماضيه وعدم تكـرارها .. ونقول مـرحبا فيصـل مرحب امن جديد وبالتــوفيق لك ..

ويجب ان يحذر كثييييييرا ممن وضعه في هذا الموقف , ومن دفعه لهذا الموقف , وان يعي الامور جيدا ولا يرضى بأن يكون مطيه يمتطيها من اراد الوصول لهدفه ,,,

@ .. اعضاء الشرف ,,

الامير خالد ابن محمد له فتره وهو متواجد في الاجتماعات وله فتره وهو يحضر التمارين , الامير خالد ابن محمد يقوم بواجبه وليت الاخرين يقتدون به , وعسى ان يكون خبر اشرافه على كرة القدم في النادي صحيحا ,

@ .. الطراره بالعشر الاواخر ,,,

وهم وقفو عن الطراره , هم لهم مده يطرون , اعتزال ماجد , تعاقد مع لاعب اجنبي , واخيرا مشروع عطوني وإلا بتجمد ,,,,,,,,

تحياتي لك ,,,,
العوّاااام ,,,,

مرحبا كايدهم

حال جماهير الهلال وابو اثنين .. كانهم

مافي هالبلد الا ذا الولد ... واستغرب من يترجى ويطالب بعودته .

اما اعضاء الشرف .. والله لم نعد نسمع عنهم الا الذكريات .. وبعض الاقوال .. ولم نعد نشاهد اي فعل لاعضاء الشرف .. والسر في ذلك عندهم فقط !!!!!!!
وخالد بن محمد .. لو ما يجي منه الا انه يرد على حقوق الهلال .... ولن انسى كلمته المشهوره بعد البطولة العربية ( اننا نسينا نعد العمائم;) ) ورد على من شكك في جماهيرية الهلال .. فاتمناه لاعادة حقوق الهلال المسلوبة.


اما نادي الطرارة .. حتى مكافحة التسول ما قدرت عليهم بس يقولون انهم ماسكين الراس الكبير واصدروا عليه الاقامة الجبرية
والله يرزقهم انشاءالله

ولك تحياتي
اخوك / الجن الازرق

هلا أخوي كايدهم....

إقتباس أتساءل وبكل بســــــاطه من هو فيصل ابوثنين ؟؟

فيصل لاعب خدم الهلال ( من صماصيم قلبه) فإن عاد فأهلاً به

وإن استمر ( على مطالبه) فالله يـيسر عليه

وتحياتي لك...

والله صدقت بس وين اللي يفهمون ؟!

انا معك في كل كلمة قلتها في فيصل

واعتقد ان توليو افضل من يقود الهلال في المحور الدفاعي حاليا

بالفعل تــــــــــــــولـــــــــــــــيـــــــــــــو أفضل بـــــــــكـــثـــــــــــيــــــــر

بالنسبه لموضوع الطرارة!!!!

أبشر ياكايدهم بقطمتين رز مني كله على شانك والا هم مايستاهلون ولا حبه
:p :p :p :p :p :p :p :p :p :p :p :p :p :p :p :p :p :p :p :p :p :p

هههههههههههه
موضوع راااااائع

ووالله عاد ان الطرارة بادية من زمان من عقب رقم حساب تبرعات الأخ السعودي ماجد ...لحفل اعتزاله ...

وبعدين لا تتبرعون لهم بالرز لأن الرز يكبر الكروش ..اللي ماتحتاج لتكبير

أحلى مافي كلام الأمير خالد بن محمد نبرة التحدي للأتحاديين يعني ناوي على شي ننتظر و نشوف

الرائع كايدهم " رائع حتى الآن حتى يحذف لي موضوع وبعدين يصير خير " :

ثلاثة أرباع مقالك رائع أما الربع ففيه اختلاف وهو ماتطرقت به إلى فيصل وبعيدا عن التطرق للأمورالسابقة فإنه مامن شك أن عودته مفرحة لكل هلالي متفكر بوضع فريقه الآن أو بعد ذهاب الدوليين فأنت تقول :

(( فيصل لاعب ممـتاز .. محور جيد .. له أسلوبه الرائع بالكره ... لم يكن محظوظا بالانضمـام للمنتخب ))

خلاص أخوي كايدهم أجل ليش مانفرح بعودته ؟!!!!

أما قولك : ((حتى لو (عاد) الكبتن فيصل للهلال لن يـرجع بمثـل مسـتواه السابق فهو منقطع عن الكره وعن اجواء المباريات (الرسميه)تماما .. مما قد لاننتظر منه هذا المـوسم مستويا مميزا !! ))


يؤسفني باعزيزي أن أعلمك أنه وفي ظل هذه الوجوه الكالحة التي تجلس بكل بلادة في دكة الاحتياط فإن عودة حسين الحبشي وفهد العشيوي ستكون مفرحة لي فمابالك بفيصل الذي أعتقد أنه بربع مستواه سيكون ذانفع أكثر من اللي مايتسماش تركي فاول وحسين حركة بلابركة !!!



بالنسبة للطرارة

أنا عندي كورة سلة ماعاد أبيها كان يبونها ياخذونها يدعمون فيها فريق السلة حقهم

:p

الرائع / كايدهم ,,,,,,,,

أنا عكسك في نقطة فيصل أبو أثنين ,,,,,,

أبو أثنين لاعب كبير والهلال يحتاجه في الوقت الحالي ,,,,,,

ويكفيه ماحصل له في الفتره السابق من عقاب ,,,,,,

وإذا أرادوا عودته فيجب أن يشترطوا عليه أن يتفرغ لخدمة الفريق فقط ,,,,,


أما بالنسبه ( للطراره ) فهي تخصص نصراوي ,,,,

يستجدون أي شخصيه رياضيه من فئة المليارديرات !!!!!

وأسألوا العضو السمين عن العضويه الشرفيه التي قدمها المستقيل وهو في عز إبتعاده !!!!

شكرا" لك وتقبل تحياتي ;) ;)

اهلا اخوي الغانم .. كلام سليم .. بس وين اللي يسمع ؟؟
اهلا اخوي blue inspictor .. خميس يظل افضل محور ولكن لانهضم اداء فيصل الجيد .. الجزيره اكثر من عـلامة ؟؟ حول تصرفاتها الاخيره ؟؟

اهلا اخوي فـ11ـالكون .. وانت بخير والف سلامه ..
اهلا اخوي ابو العواميم .. طيب يعني الجزيره ماراح تسكت الى الين يرجع فيصل بشعار الهلال ويطيح اللي برأسها ؟؟!! منطق غريب ؟؟

فيصل والمنتخب في تصوري عطفا على مستوياته السابقه كان يستحق المنتخب مكان فؤاد وطلال الجبرين ؟ واختلاف الرأي وعليك الباقي..

في حالة عودته اتمنى ماينساق وراء القيل والقال .. ويكون الوصي على اللاعبين والاداره بنصائحه ؟؟

الطـراره بس يقوم عزها بالعشر الآواخر ..

اهلا اخوي الجن الازرق

إقتباس حال جماهير الهلال وابو اثنين .. كانهم مافي هالبلد الا ذا الولد

هههههههههه .. شيء طبيعي الجمهور يتفاعل مع الاحداث الرياضيه ..

خالد بن محمد يطقـها بوجههم مافيه دبلوماسيه وهذا اللي يعجبني .. وهذا اللي يمشي الهلال ..

مكافحة التسول يقولون مخليه مكه وجـايه ترابط بالعريجاء وبالتحديد عن نادي النصر وش السبب ماادري يمكنهم يمسكون واحد يطر ؟؟

اهلا اخوي مخاوي البطولات .. خدم الهلال ماننكر الشيء هذا بالعكس فيصل قدم مع الهلال مستويات مميزه يشكر عليهـا .. وهو يتمنى العوده بدون شروط بس الى الآن الامر شائك ؟

اهلا اخوي abu_riman .. الله يسلمك .. وشكرا على مشاركاتك ،،
اهلا اخوي ابوفهد الهلالي .. توليو مطلب جميع الجماهير خصوصا الفتره الثانيه سوف يكون الهلال مقبل على العديد من المشاركات الخارجيه .. والبطولات الداخليه النهائيه ..

اهلا اختي المجنونه .. الله يسلمك وبسـمتي يقولون ممتاز ..
اهلا اخوي هلالي الشعراء ..شكرا على مشاركاتك و نغير الرز لكـيلو طحين ولاتـزعل

اهلا اخوي الزعيم الأبن .. ان شاء الله نشوف عودة الامير خالد بن محمد بأسرع وقت .. تحياتي ..

الرائع الغـريب بدون حـذف ..

ايضا بلــيه لاعب القرن .. مكسب لاي فريق .. ممتاز جدا .. ولكن هل سوف يفرح عشاق السامبا بعودته على ارض الملعـب ؟؟

فيصل ايضا كذلك لاعب ممتاز .. ولكن تجاوز 31 .. لن يرجع لاعب بمستوى مميز وهو منقطع عن الكره اكثر من سنه تقريبا .. يحتاج الى تدريب واعداد خـاص ..ربما يشارك ولكن هل يظهر بمستوى جيد ؟؟ اي لاعب ينقطع عن الكره لفتره تتجاوز 3 أشهـر لابد ان يلعب العديد من المباريات حتى يعود على مستواه وهذا يأخذ وقت كبير وربما ننتظر مستوى فيصل في الموسم القادم الذي يكون قد اكمل 34 سنه !!

كرة ســله ؟؟ لو كانت مــنـسمه ياشيخ يتمنونها

اهلا بالغالي أبوذكرى .. اختلف معك في عودة ابوثنين وان عـاد اتمنى له كل التـوفيق مع بقية زملاءه في حصـد البطولات ..

الطراره .. هم من بقي مااستنجدوا فيه و اقترح لو يسون احسن نادي في فن الطراره اعتقد ناديهم سوف يحصل عليهابكل بتفـوق وبدون اي منافسه ..