صعب نلعب في الدور الاسيوي الثاني؟؟؟ - نادي الهلال السعودي - شبكة الزعيم

زعيم_الفكر · #1 27/04/2007, 12:51 AM

اليك يا من تحب الهلال ياظاهرة الكون تعبك ومجهودك سيؤتي ثماره باذن الله ولكن ؟؟؟
الست معي يا سمو الأمير بأن كل شي في الهلال اوكي ماعدا الأظهره
الستم معي ياجماهير الهلال ؟؟
هجوم الهلال ناري بوجود اللاعبين المحليين بل انهم نجوم فوق العادة ومن افضل مهاجمي السعودية والعرب!!
سامي اسطوره
ياسر : فوق الوصف نجم كبير وعالمي ايضا
الصويلح : اللي مابعد وظفه اي مدرب مر عالهلال التوظيف الأمثل عالأطراف وخلف المهاجمين مهاجم خرافي سرعه ومهاره وقوه ولياقه
يتعب اقوى محاور واقوى اظهره
العنبر : لاعب صندوق من طراز نادر ولاعب كور رأسية لا يعلى عليه
غير الشباب اللي موجودين بالفريق الاولمبي والشباب
والشباب اللي موجودين بالهلال افضل بكثير من اي فريق سعودي وعربي
تعالو نشوف الوسط عد واغلط اكبر نجوم في الملاعب وسط ناري وسط يملك اي ملعب قدام اعتى الفرق ولا ابالغ
ولا عاد الشباب اللي في الاحتياط والاولمبي مابعد خذو فرصتهم
الدفاع وش نقول وش نعيد ستر ربك ثم
(تفاريس وبس) ولو يروح هاللاعب علوووووووووم المرشدي والمفرج وبرضه الهليل يكملون تفاريس واي واحد منهم بجانب هالنجم اوكي وقلب الدفاع اوكي باي لاعب بجانب تفاريس لكن الأظهره مشكله مزمنه من سنتين الخثران كان !!
والحين لا ظهير يمين يليق بالهلال ولا ظهير يسار يليق بالهلال لادفاع ولا مساندة هجوميه عليها الكلام يعني احنا قاعدين نلعب ونفوز والأظهره معطله والله معطله
عالعموم اللي ابي اوصله لك يا سمو الأمير وللجماهير
ان الهلال لو جاب ظهيرين بس ظهيرين انشاء الله يدفع اكثر من ماتقدر اثمانهم به
(مو مشكله)
بس نبي اظهره مانبي هجوم مايبي الهلال هجوم اجنبي الفان رغم اني اقول ان هااللاعب كبير الا ان اللي قلته في الأول يجعلني اقول ان الأظهره اهم
صعب والله صعب نلعب الكأس الاسيوي بالدور الثاني ونحقق كاسها وهاذي اظهرتنا انا اعتقد ان باكيتا يعرف هالشي واي واحد يقرا اللعب يشوف ان مشكلتنا لا بالهجوم ولا بالوسط ولا بعمق الدفاع مشكلتنا ظهيرين ومو اي ظهيرين ومباراة الشباب العام عالكاس جابوها من اظهرتنا واسال الحسيني يابو سلطان
تخيلوا
عمر وعزيز موقفين في المحاور الدفاعية ومتكلين على ظهيرين صح ظهيرين دفاعيين درجه اولى هجوميين درجه اولى والله الهلال حريقه قوي جدا بعد الله ثم بفضل وجود هالوسط وهالهجوم
تكفى يابو سلطان طلبتك فكر بكلامي وناظر الفريق
والله مانحتاج غير ظهيرين فنانين جدا جدا جدا