#1  
قديم 25/04/2007, 03:10 AM
زعيــم نشيــط
تاريخ التسجيل: 05/07/2005
المكان: ER
مشاركات: 527
أكثر من 20 اقتراح وفكرة لمجلس الجمهور الهلالي + شارك برأيك + صور بالداخل



السلام عليكم ورحمة الله

هذه بعض الأفكار والاقتراحات اللي أتمنى تصل للإدارة أو لمجلس الجمهور أو لسعد الجريد واللي ان شاءالله مع الوقت ممكن تتنفذ خطوة خطوة وأتمنى يستفيدون منها

الموضوع حاولت أدعمه قدر الإمكان بالصور حتى يتضح للجميع وراح أقسمه في عدة ردود حتى يسهل وصول الفكرة
انا ماراح اتكلم عن دور المجلس السنوات الأخيرة ولكن الواحد يحاول ينظر للأمام وبنفس الوقت أتمنى يسمعون لاقتراحاتنا كـ جماهير يهمها تبدع مثل مايبدع هلالنا في الملعب.

الجمهور الهلالي كل ماله في تطور والوعي الحمدلله يزيد شفنا حركات قد صارت بس نبي لها تكرار أكثر حتى الجمهور مايهدى ونكون أكثر جمهور يتقنها في المنطقة مثلا ً :
حركة الأمواج المكسيكية .
حركة جمهور البوكا وهز الملعب ( يدك على كتف اللي جنبك ومناقز )
حركةالمروحة بواسطة الشال .



الصوت :
ياناس نحن نريد جمهور يجي يرج الملعب يهز الأرض ويهز قلوب الفريق الخصم قبل كل شي .. مانبيه يجي كأنه على الصامت ؟ والا مكشخ كأنه رايح يخطب ؟ أو حتى يسب في هذا وذاك ؟ خل غضبك لـ بعد المباراة ؟ إن ما أبدعوا اللاعبين تبدع أنت .. وإن أبدعت انت ممكن تكون سبب بعد الله في إبداع الهلال ورهبة الخصم وخوفه .. ماودي أقول شوف جمهور وفاق سطيف كيف كان قدام الأهلي أو جماهير البوكا أو الجماهير الأوروبية وغيرهم من جماهير الفرق ماتهدى أبدا ً.
نبي الصوت الجماعي وتفعيل دور الحقوي بشكل أكبر .. الحين مكان الروابط مايساعد يوصل صوته لكل الجمهور .. السماعات تكون ضعيفة أو بعيدة أو عددها غير كافي.
قريت رد لأسد المدرجات يقول مثلا ً الجمهور الجزائري متأثر بقربه من القارة الأوروبية ؟
طيب جمهور إيران متأثر بـ من ؟ جمهور مصر في نهائي كأس الأمم الأفريقية الأخيرة متأثر بمن ؟
الموضوع يبي له عمل وعمل و عمل حتى نصل للعالمية كـ جمهور
شوفوا من متى يشتغلون حتى يطلع الجمهور بشكل روعة ؟ قبلها بيوم على الأقل مو وقت المباراة ؟



تنظيم الجماهير :
كـ فكرة شوف كيف الكراسي توضع عليها أوراق التعليمات وكراسي لا
أنا داري والله ان عندنا ناس تاخذها وتسوي بها صاروخ بس مع الوقت بـ يتعلم الجمهور



- احتياجات :
نحتاج قسم في المنتدى خاص بأفكار الجمهور وتعاونهم مع بعض + دعم جوال الهلال + دعم الصحافة الهلالية .
نحتاج تفعيل دور المجلس بشكل أكبر وزيادة عدد أعضاءه الحين شركة هاتريك ترعى الجمهور وبقية أعضاء المجلس لكن ترى فيه الكثير يبي يساهم والجمهور كبير يصل لـ سبعين ألف مابـ ينظمهم 100 والا 200 عضو إذا جا قبل بداية المباراة شال من الكرتون ورمى ورى السياج !!!
نحتاج بروفات قبل المباراة لو في ملعب النادي على الاقل يبدأ التنظيم والترتيب ممكن المباراة الأولى ماطلعت بشكل مرتب مره لكن وصلت الفكرة .. المباراة الجاية بتكون أكثرة ترتيب وتنظيم مع الوقت بنصل للقمة.

- اقتراحات جمعتها من بعض الأعضاء:
وضع كل مايحتاج المشجع من شال وبالونات واعلام و و و و و في كيس في كرتون في أي شي لو حتى تسلم منفردة المهم تعطى له عند بوابة دخول المدرج، أو وضعها على كرسي محدد في المدرج ،أو حتى يبدأ توزيعها في النادي قبل المباراة بأسبوع ( بعض الجماهير تحضر النادي لمشاهدة التدريب فـ نستغل الفرصة )
لو ماتوفر الدعم الكافي لكل المباريات .. يوفرون الدعم للمباريات القوية واللي يحيط بها هالة إعلامية كبيرة.
زيادة عدد مكبرات الصور قدر الإمكان.
كل الجماهير تقف وقت دخول الفريق للملعب وتحيي اللاعبين، مانبي أحد يجلس أهم شي نزرع الحماس في نفوسهم من بدري
نحتاج ناس عندها استعداد تنضم كـ متطوعين وقت المباريات تحت مظلة المجلس وظيفتها تنظيم الجماهير تقف بين الجماهير كما في الخط الأزرق في الصورة التالية : وواحد كـ مرشد أمام المدرج كما في المربع :



رفع لافتات ورقية مربعة الشكل تحوي :شعار الهلال وتكون زرقاء أوبيضاء مثل طريقة اليابانيين في هالصورة. ( أو مثل ماحصل في آخر مباراة لزيدان مع ريال مدريد ضد فياريال )



طريقة رفع الشال بـ العرض وهي قد صارت بمدرجنا بس مو بالكثافة المميزة اللي تخليك تحس إن المدرج مغطى بالكامل وهذه عدة صور تبين اللي أقصد:



مثال ثاني :




- رمي الشرائط وهي حركة بسيطة بس تحتاج تنسيق وتكون بوقت واحد بداية المباراة أو مع أي هدف للهلال مع دخول أو خروج لاعب كـ نوع من التحية حتى تطلع بالمنظر التالي :






><><
><><
><><
><><



يتبع ;)

اخر تعديل كان بواسطة » KhâlééD في يوم » 25/04/2007 عند الساعة » 03:47 AM السبب: مقاس الصورة
اضافة رد مع اقتباس
  #2  
قديم 25/04/2007, 03:12 AM
زعيــم نشيــط
تاريخ التسجيل: 05/07/2005
المكان: ER
مشاركات: 527

- حركة القصاصات الورقية الصغيرة نفس المثال ينطبق على الكلام اللي فوق.



– حضور أغلب الجمهور بـ تي شيرت الهلال حتى يغلب اللون الأزرق على المدرج
+
توفير تي شيرت كبييييير ويتم تمريره فوق الجماهير مثل الصورة التالية :



وهذه صورة للجمهور الإيرلندي أغلبه حاضر بلباس فريقه :



- أرقام اللاعبين الكبيرة : تكلموا فيها كثير من أعضاء وعرضوا هالصورة وان شاءالله وصلت للمجلس .



- ودي لو يتم استحداث حركة خاصة فينا ياجمهور الهلال انا جبت مثال فقط وليس بالضرورة مثلها :



- حركة الدخان : تخلي الجمهور يسبح في الدخان و ياليت أزرق مثل هالصورة :



– النار : اما تكون خطين أسفل المدرج العلوي و أسفل المدرج السفلي .



أو تكون بكل مكان بالملعب . ( أتمنى يسمحون بدخولها )


><><
><><
><><
><><

اضافة رد مع اقتباس
  #3  
قديم 25/04/2007, 03:14 AM
زعيــم نشيــط
تاريخ التسجيل: 05/07/2005
المكان: ER
مشاركات: 527




– أمنيات : متى نشوف جمهور الهلال بمثل هالصور:



جمهور البرسا راسم قارة أوروبا

><><><><



جمهور الميلان في ردهـ بأنهم هم الشياطين الحمر

><><><><



><><><><



><><><><




><><><><


وأخيرا ً لا يجي واحد ويكتب لي صعبه ؟ مستحيلة ؟ والا رد قريته بأحد المواضيع يقول عاداتهم وتقاليدهم غير هههههه ؟

هي مجرد اقتراحات اجتهدت فيها

أتمنى يصل هذا الموضوع لعالم النور

دعواتكم للمجلس بالتوفيق في مباراة بكرة

وقبلها دعواتكم لهلالنا بالفوز بكرة ان شاءالله ونتأهل لدور الثمانية

مودتي لكم

أخوكم المطرفي



اخر تعديل كان بواسطة » KhâlééD في يوم » 25/04/2007 عند الساعة » 04:12 AM
اضافة رد مع اقتباس
  #4  
قديم 25/04/2007, 03:16 AM
موقوف
تاريخ التسجيل: 14/09/2004
مشاركات: 1,169
ياعين عيني عليك ياشيخ باسم الله ماشاء الله يآخي احضر للنادي ووصلها لحقوي
اضافة رد مع اقتباس
  #5  
قديم 25/04/2007, 03:18 AM
زعيــم نشيــط
تاريخ التسجيل: 04/12/2006
المكان: منصة الكؤوس
مشاركات: 605
الله يعطيك العافية بعد حيي
اضافة رد مع اقتباس
  #6  
قديم 25/04/2007, 03:20 AM
زعيــم متألــق
تاريخ التسجيل: 17/12/2006
المكان: Jordan
مشاركات: 1,014
الله يعطيك العافيه بصراحه قمة بـ الإبداع

لكن اخوي هل تتوقع لو صار هالشي ان المسؤلين بالاتحاد السعودي المسؤلين بالملعب يبون يتعاونون مع اعضاء الرابطه ؟


تحياتي لك يالغالي
اضافة رد مع اقتباس
  #7  
قديم 25/04/2007, 03:21 AM
زعيــم نشيــط
تاريخ التسجيل: 05/07/2005
المكان: ER
مشاركات: 527
إقتباس
الرسالة الأصلية كتبت بواسطة ألو زعيم
ياعين عيني عليك ياشيخ باسم الله ماشاء الله يآخي احضر للنادي ووصلها لحقوي

والله لو بـ يدي سلمتها له بـ ملف

لكن ان شاءالله تصل له عن طريق المنتدى بعد مايطلع عليها الجميع ويبدون رأيهم

مودتي لك ياغالي
اضافة رد مع اقتباس
  #8  
قديم 25/04/2007, 03:22 AM
زعيــم نشيــط
تاريخ التسجيل: 05/07/2005
المكان: ER
مشاركات: 527
إقتباس
الرسالة الأصلية كتبت بواسطة عاشق البرشاوالزعيم
الله يعطيك العافية بعد حيي

يعافيك يارب

شاكر لك مرورك
اضافة رد مع اقتباس
  #9  
قديم 25/04/2007, 03:24 AM
زعيــم نشيــط
تاريخ التسجيل: 05/07/2005
المكان: ER
مشاركات: 527
إقتباس
الرسالة الأصلية كتبت بواسطة هيلانينيو 10
الله يعطيك العافيه بصراحه قمة بـ الإبداع

لكن اخوي هل تتوقع لو صار هالشي ان المسؤلين بالاتحاد السعودي المسؤلين بالملعب يبون يتعاونون مع اعضاء الرابطه ؟


تحياتي لك يالغالي



يعافيك يالغالي

والله الإبداع مرورك ورأيك


أنا معك ممكن مو كلها تحصل

لكن مع الوقت خطوة خطوة نمشي

أهم شي ننمي التنظيم في الجمهور بالطرق البسيطة المميزة وان شاءالله بـ تلقى صدى لدى المسؤولين

مودتي لك ياغالي
اضافة رد مع اقتباس
  #10  
قديم 25/04/2007, 03:36 AM
زعيــم فعــال
تاريخ التسجيل: 01/05/2006
المكان: الزعيم
مشاركات: 375
وش الجمال هذا صور خيالية جميلة
وخصوصا هذي الصورة


خيال كانك في غابة


تسلم لي يازعيم على الموضوع المتعوب عليه

المشكلة تكمن في الجمهور فقط


تحياتي لك
اضافة رد مع اقتباس
  #11  
قديم 25/04/2007, 03:38 AM
زعيــم مميــز
تاريخ التسجيل: 31/07/2005
المكان: مع الهلال
مشاركات: 3,421
تحتاج تعاون ودعم مادي فقط

وكلنا متعاونين مع ابو خليل

والدعم موجود بإذن الله من المهندس سعد الجريد

تحياتي ومشكور على هذا الطرح
اضافة رد مع اقتباس
  #12  
قديم 25/04/2007, 03:42 AM
الصورة الرمزية الخاصة بـ النسرالهلالي
زعيــم مميــز
تاريخ التسجيل: 12/09/2001
مشاركات: 1,684
كلام حلو


ومافيه شيء صعب


وبالتوفيق للجماهير الهلاليـــه


والله يعطيك العافيه على مجهودك الكبير
اضافة رد مع اقتباس
  #13  
قديم 25/04/2007, 03:43 AM
زعيــم متواصــل
تاريخ التسجيل: 16/02/2006
المكان: أبقيق
مشاركات: 82
ثبتوا الموضوع روعه
يعطيك العافية
اضافة رد مع اقتباس
  #14  
قديم 25/04/2007, 04:22 AM
زعيــم نشيــط
تاريخ التسجيل: 05/07/2005
المكان: ER
مشاركات: 527
إقتباس
الرسالة الأصلية كتبت بواسطة هلال أول
وش الجمال هذا صور خيالية جميلة
وخصوصا هذي الصورة


خيال كانك في غابة

تسلم لي يازعيم على الموضوع المتعوب عليه

المشكلة تكمن في الجمهور فقط

تحياتي لك


تسلم لي أخوي هلال أول

لكن الجمهور مع الوقت راح يتعود ان شاءالله

ممكن المرة الاولى والثانية ماتضبط بس مع الوقت بتزين ان شاءالله

شاكر لك مرورك يازعيم

مودتي لك

اخوك
اضافة رد مع اقتباس
  #15  
قديم 25/04/2007, 05:09 AM
زعيــم نشيــط
تاريخ التسجيل: 25/08/2006
مشاركات: 538
يعطيك العافيه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:10 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube