فوز الهلال على النصر حظ!!!! - نادي الهلال السعودي - شبكة الزعيم

الـفيــ بــدرــصــل · #1 23/04/2007, 11:06 AM

بسم الله الرحمن الرحيم

تابعت برنامج ردة فعل وضحكت من بعض ردود جماهير النصر الذين اتفقوا على فوز الهلال بالحظ .
وسبحان الله بعد مانتهينا من موال التحكيم وتحيزه للهلال وهذا الموال يردد من خمسين عام والهلال لازال يحصد البطولات وهم يكثرون من التصريحات وبعد ان استجاب الاتحاد السعودي للابن المدلل بعدما اغرقوا ممرات الرئاسة العامة لرعاية الشباب بالدموع وهم يتظاهرون بالتظلم ويطالبون بالحكم الاجنبي , أتى الحكم الاجنبي وانهزموا ومكان هناك عذر الا موال جديد راح يستمر خمسين عام قادمه وهو فوز الهلال بالحظ.

لا وفيه واحد منهم اتصل على البرنامج يقول فوز الهلال بالحظ وان جمهوره مغرور لايفهم كرة قدم

واحب اقوله اذا حنا مغرورينا فيحق لنا ننغر على الاقل عندنا بطولات وإنجازات ولكن الحمدلله اغلب جمهور الهلال متواضع والدليل على تواضعنا انه حنا بتاريخنا وانجازاتنا نلعب مع انديه بالدوري ماتملك نصف بطولاتنا ومن ضمنها ناديهم الموقر, اما قولته جمهور الهلال لايفهم كوره

اذا كل هالبطولات ومانفهم كوره اجل إلي يشجع نادي متوقف عن البطولاات من عشر سنين يفهم كوره, جمهور تجده بكل المدرجات يشجع جميع الانديه إلي تلعب ضد الهلال هل تتوقع يفهم كوره.

في الختام احب اقول انه فعلآ الهلال فاز على النصر بالحظ وأنا قابلته شخصياً السيد حظ بالتحليه مره وسألته على وين رايح قال بحضر مبارة الهلال والنصر والعب مع الهلال , قلت طيب ليه ماتلعب مع النصر لانه محتاجك اكثر قال: نادي ماسدد رواتب لاعبينه الا قبل المباره بيوم وماوقع عقود محترفيه الا بيوم المبارة وخط الثابت مفصول عن الخدمه يعني نادي فقر وانت عارف فقر مع حظ مايجتمع لكن انا عندي ابني الصغير اسمه حظيظ تخصصه درجه اولى انشاءالله الموسم القادم يلعب معهم.

الســـ الهلالي ـــهم · #2 23/04/2007, 11:17 AM

يازين الحظ اللي بيجيب لي الفوز

على فكرة لاتستبعد بكرة يطالبون بحظ اجنبي

الـفيــ بــدرــصــل · #3 23/04/2007, 11:39 AM

مشكور اخوي السهم الهلالي على تفاعلك مع الموضوع

حمودي فلسطيني · #4 23/04/2007, 11:42 AM

يابن الحلال ماعليك منهم
تفكيرنا اكبر
والاسيويه قادمه
انسوا اللي فات بحلوه وبمره

قلبي ودمي أزرق · #5 23/04/2007, 11:46 AM

تبي الصراحة
هم المحظوظين لانهم المفروض يخرجون
من تلك المباراة مهزومين برباعية على اقل تقدير

ALZa3eEm 3AmaHoM · #6 23/04/2007, 11:48 AM

يعطيكـ العافية ...

تلومني فيك · #7 23/04/2007, 12:00 PM

حظ ول ابدون حظ فزنا وجبنها فوق خشومهم مابقا الا هم يحطون راسم براس الهلال وخلانا في بختكوور

yaser+alshlhob · #8 23/04/2007, 01:45 PM

الحمد لله على العقل

شهــــاب11 · #9 23/04/2007, 01:52 PM

في

إقتباس


	الختام احب اقول انه فعلآ الهلال فاز على النصر بالحظ وأنا قابلته شخصياً السيد حظ بالتحليه مره وسألته على وين رايح قال بحضر مبارة الهلال والنصر والعب مع الهلال , قلت طيب ليه ماتلعب مع النصر لانه محتاجك اكثر قال: نادي ماسدد رواتب لاعبينه الا قبل المباره بيوم وماوقع عقود محترفيه الا بيوم المبارة وخط الثابت مفصول عن الخدمه يعني نادي فقر وانت عارف فقر مع حظ مايجتمع لكن انا عندي ابني الصغير اسمه حظيظ تخصصه درجه اولى انشاءالله الموسم القادم يلعب معهم

الحظ كان معهم ولا الاقوال الي ضاعت لو جت كانت تاريخيه

مشكور اخوي ع الموضوع

Mr.7aMoDy · #10 23/04/2007, 02:02 PM

لو سامي مكان العنقري اهداف لليل

Mr.7aMoDy · #11 23/04/2007, 02:04 PM

هذولا النصراويين

كل ما فزنا عليهم قالو حظ

اترككوكم من حقين الدرجه الاولى وخليكم مباراه الربوع

abuadel111 · #12 23/04/2007, 02:06 PM

النصر يحتج على الحض ويهدده بجلب حظ اجنبي
ههههههههههههههههههه