نادي الهلال السعودي - شبكة الزعيم - الموقع الرسمي - إلى إدارة الهلال: الموسم الجاي ما نبي مهاجمين!!

موضوعي واضح من عنوانه....وأتمنى انكم تتفقون معي
من يوم ما بدأ الاحتراف عندنا واحنا كل موسم نتعاقد مع مهاجم أجنبي...وكنا في مواسم ماضية شبه معتمدين على مهاجم سعودي واحد واللي هو سامي الجابر.....وكل المهاجمين السعوديين اللي ظهروا اما كانوا راعين بزوطة زي الجمعان أو اختفوا لأسباب مختلفة
لكن الآن عندنا مجموعة مهاجمين يتمناهم أي نادي واذا ما أعطيناهم فرصة الحين راح نقضي عليهم وهالشي مو في صالح الهلال ولا الكرة السعودية ككل
عددوا معي:
-ياسر القحطاني
-أحمد الصويلح
-محمد العنبر
-بدر الخراشي
-عبدالعزيز الكلثم

خمسة مهاجمين صريحين بالاضافة للجمعان في حال رجع من الإعارة

ومن تجاربنا السابقة قليلين المهاجمين الأجانب اللي جبناهم ويتفوقون على هالمجموعة....لكن من المستحيل انك تجيب مهاجم أجنبي وتصكه احتياط....وبالتالي ما يكفي ان المهاجم الأجنبي خايس الا وبعد حاجز خانة على حساب اللي أفضل منه وبيفيدنا لفترات طويلة

عشان كذا أتمنى من إدارة الهلال في الموسم القادم -أيا كانت- انها تصرف النظر نهائيا عن التعاقد مع مهاجمين أجانب وتعطي الفرصة للاعبيننا....وشخصيا أشوف ان التجديد مع التايب وتفاريس مطلب من الجميع والكل متفق عليه.....علشان كذا اما نكتفي فيهم أو نجيب لاعب ثالث في مركز الظهير (الأيمن أو الأيسر) لاننا بهالطريقة نزيد التنافس في هالخانات ويستفيدون منه أظهرتنا الحاليين في العديد من المهارات اللي تنقصهم

أتمنى من الجميع انهم يشددون معي على هالمطلب لأنه في مصلحة النادي والكرة السعودية