هل التمياط سيرحل الى الشباب واذا رحل انتم السبب - نادي الهلال السعودي - شبكة الزعيم

الفتى^^المبدع · #1 21/04/2007, 03:10 PM

السلام عليكم ورحمة الله وبركاته

كيف الحال

اولا بغيت اتاكد من الخبر اللي بجريدة اليوم حينمـا كتب بالجريدة البلطان يقترب من التمياط على توقيع العقد والانضمام

اذا رحل نواف الى الشباب فالسبب انتم ياجماهير الهلال بعد كل مباره تسبون وتشمتون نواف

وياسر القحطاني نزل مستواه وماشاء الله عليكم محد تكلم عنه

على العموم ترى سامي الجابر قبل كم سنة نزل مستواه ما يقارب 15 مباره ماسجل ولا هدف

ليش جأت على التمياط

على العموم نواف له الحريه وربي اني منقهر اخاف انه يرحل لكن اذا رحل معاه الحق

المصدر
http://www.alyaum.com/issue/article....12363&I=483364

هلالي@مدريدي · #2 21/04/2007, 03:13 PM

ما سبينا ولا شتمنا بس من حبنا له نبيه يرجع لمستواه

Carlton · #3 21/04/2007, 03:19 PM

ياخي خله يروح الزعيم بمن حضررررررررررررررررررررررررررررررر

ليته يروح ونجيب ثلاثه من الصغار بمثل مستواه

ولك في الدوخي اكبر مثال يا بطل

زعــيــ511ــم · #4 21/04/2007, 03:22 PM

يكفي مجاملات

نواف كل مباراه يهبط اكثر والله ملينا

تكفى يانواف ارجع الى نواف 2000

تحياتي

الحفر اوي · #5 21/04/2007, 03:27 PM

ينااااس نواف نجم ولو راح صدقوووني كان يكون احسن له

عشان يرجع لمستواااه يحس انه لاعب كبير

ونواف مهما قلنا عنه مارح نوفي حقه

ويليت يرجع نواف الفين

ويعطيك العافيه اخوي على الموضوع

وعلى المصدر

15الدكتور15 · #6 21/04/2007, 03:35 PM

الله يستر عليه ويوفقه والله نواف مو نواف اول خله يروح اذا يبي يروح
ونعطي الفرصه فهد المبارك (الفهد)

الفتى^^المبدع · #7 21/04/2007, 03:41 PM

اقسم بالله العظيم كلكم اللي قلتو هالكلام انكم ماتعرفون للكره خير وشر

spanish eyes · #8 21/04/2007, 03:44 PM

ووش بنخسر اذا راح يعني ؟؟؟

هالموسم مو جالس يقدم اي فائدة للفريق عشان نخسرها اذا راح

ان بقى لازم يطور مستوياته ولا راح يظل احتياطي وان راح فالقلب داعي له بالتوفيق وان يجد مستواه الي اضاعه

خلاص ما بقى في العمر زي ما مضى 31 سنة وانا اخوك

AL PACINO · #9 21/04/2007, 03:44 PM

اذا بيروح الله يوفقه بس انا ماودي يروح
وان شاء الله يزين مستواه

راعي المعنى · #10 21/04/2007, 03:44 PM

والله ياليته يروح اعاره وبعدين يرجع اما اذا هو يبي يروح كره بالهلال بكيفه الله ساعده
ملينا من المجاملات مافيه نادي وقف مع لاعب مثل ماوقف الهلال مع نواف
ايام الاصابه وبالاخير يساوم الهلال على عقده لأن البلوي يكان يبيه والله كنت من المحبين لنواف بس بعد
اللي صار اللي قبل كاس العالم صرت اكره نواف حتى ماكنت ابيه بالنادي وسبحان الله صار مستواه ينحدر شيءً فشيً
الحين خل البلطان يشبع فيه

@المطلوب@ · #11 21/04/2007, 03:45 PM

وراكــ زعلان يالفتى المبدع هدي

و الله كلنا نعز نوافـــ لكــن نواااافـــ نزلـــ مستوااااه بشكل كبيـــر

و الحقيقه ما ينلام جزاهـ الله خير انه يسوي كل هذا و هو منقطع عن الملاعب 3 سنوات بسبب الاصابه

لكــن هدي يالفتى و ابشركــ نوافـــ ماراح يتركـ الهلال ان شاء الله

ولو الهــــلال ما يبونه كان ماجددواا معه 3 سنوات بــــ6 ملايين

والله يكتب اللي فيه خير

@هلالي من عرعر@ · #12 21/04/2007, 03:46 PM

إقتباس

الرسالة الأصلية كتبت بواسطة الفتى^^المبدع


	اقسم بالله العظيم كلكم اللي قلتو هالكلام انكم ماتعرفون للكره خير وشر

طيب وهذا ياسر مايسجل لكم اهداف ليش ما هجمتوا عليه زي نواف

انا بقوووووووول ابوو بندر لايهمووووووونك

15الدكتور15 · #13 21/04/2007, 03:47 PM

انت تبي الراي والا نجاملك والا تبينا على هواك والله انت الي ماتدري وينك فيه يابو اذا كنت تكتب موضوع وتبى الرد الي على كيفك ياخي اكتب موضوع ورد على نفسك ترى لنا اربع شهور مالنا سيره الا التمياط والله يالتايب والمبارك والحربي افضل منه في هذي المرحله وماشاء الله عليك تفهم انت بالكوره صح

(((أخلاق سامي))) · #14 21/04/2007, 03:48 PM

إقتباس

الرسالة الأصلية كتبت بواسطة Carlton


	ياخي خله يروح الزعيم بمن حضررررررررررررررررررررررررررررررر ليته يروح ونجيب ثلاثه من الصغار بمثل مستواه ولك في الدوخي اكبر مثال يا بطل

اكيييييييييييييييد منتب صااااحي ياخي هذا الفتى الذهبي والله لو تعطونه معنويااات يرجع مثل اول واحسن والخبره يا حبيبي ما تروووووح

حبيب أبو حامد · #15 21/04/2007, 03:49 PM

فعلاُ الجمهور محارب للتمياط