|
ما اخبث بنات اليوووم يتسوقن بقمصان واقتربت ساعة الصفر ... قرب العيد والحريم جابن العيد .. ,, اغلب النساء ان لم يكن كلهن .. .. يحبن السوق ... اذ هو بالنسبة لهن الام الحنون ... والزوج الرؤوم .. . و الصديق الخدوم ... وهو في الحقيقة العن من شجرة الزقوم .. . . فيه الشياطين يانعة ... و كتائب ابليس معسكرة ... الشر كل الشر يتسكع في ردهاتها ... . والخير بعيد كل البعد عنها ... خصوصاً اسواق عصرنا هذا .. . اسواق الماركات ... شانيل , سان لوران , آدمز , كلر , نكست , السواني ... وغيرها كثير .. .. والنساء لها تسير ... الله يستر بس ما تطير ... تسير الى كل الاسواق من فيصلية ومملكة و صحاري وعروبة و عقارية .. .. قديماً .. . أمس .. وقبل أمس .. كانت الحلة ... والبطحاء ... طموحها تشتري سروال خط البلدة .. . . أو عباءة وطرحة ... وتشتري مقطع للصلاة ... وسجادة وحنا وشوي بهارات ... و نعال أم عشر ريالات ... وتقفل باب البيت على البنات ... . والسوق يوم الخميس ومع طلعة الشمس إلى الضحى .... وبعد صلاة المغرب كل الاسواق مقفلات ... حديثاً اليوم ... الفيصلية صارت قديمة ... والمملكة هي الزينة ... السوق للنزهة اكثر من الحاجة ... واذا بغت المرة تشتري شي .. تشتري تي شيرت ... والا بلوزة كت ... والا بنطلون مكسيكي .. او تشتري دهان للوجة والا بوية اساس ... تخلي المرأة كله اخساس .. وتصرف من الريال والريالات , يتجرع الرجل بعدها الويل و الويلات .. وبعد ,,,,, المقدمة البسيطة نخش بالموضوع عرض .. قرب العيد ... عيد الفطر ... والعيد ... يذكر بكل جديد ... والجديد يذكر بالسوق ... الحريم اليوم يجتمعن سبع خوات ... او ثمان .. مع بنات العم والصديقات يروحن للسوق مع السواق ... بالليل بعد الساعة ثناعشر ... لاننا في رمضان .... ما عليهن خوف ... الى هنا عادي ... طيب انزل شوي .. 7 7 7 7 7 7 7 7 7 7 7 7 7 7 > > > > > > > > > > > > > > آسف مشورتكم معي ... بس ابسط من مشوار السوق ... نكمل ... س & و & ق .. .. س – سائق و سيارة ... تقل كومة حريم .. .. متجهين الى السوق .. . و – ونت السيارة من كثر الحريم ومن كثر المشاوير بأنصاف الليالي ... ق – قسماً بالله ان الحريم ما يحتاجن السوق بس لسعسقه و التسكع .. . * نموذج من نماذج بنات الاسواق اليوم .. شكل المرأة اذا بغت تروح للسوق شكلها كأنها رايحة لحفلة من حفلات فنادق الفايف ستار ... العباءة فرنسية مخصرة .. لابسة خلاقين ... كأنها قميص نوووووم ... عباءة مخصرة ... مبينه المؤخرة ... والخصر دقاق كأنه خصر سلوقي = = = > )( <= = =!! .. يا هوه رشيقة شوفوني !! ... احسن من هيفا اللي في التلفزيون اللبناني!! ... الطرحة شفافة طايحة على الخشة اذا صارت الخشة حلوه وزينة ... و أكيد لابسة الكعب العالي.. . ومن النوع الغالي ... علشان صوته للشباب ينادي .. !!!! او نقاب مبين العيون ... والعيون مكحلة .. . وكريم اساس مركز فوق الخذ عند العين والعين يا عيني فيها عدسة ؟؟..!!! .. هذا اذا صارت الخشة شيفه و شينه ... كومة بنات ... بالمحلات خاشات ... ويكلمن البائع اللبناني والشامي فاتشات .. . واذا شافن البائع سعودي او زيدي يقلبنه متحشمات ... .. و الهجه يا بنات ... الوحدة قبل لا تطلع للسوق مع السواق تكب قارورة عطر كاملة على نفسها ... طبعاً لازم الريحة تطلع زينه ... مع التسوق والتسكع تطلع ريحة العرق والصنان < < < اكرمكم الله .. .. الطيب مهم في هالوقت ... اذا مرت الوحده من جنبك كأن محلات قزاز او محمود سعيد ساقط عليك .. جميع روائح العطور + جيمع ادوات التجميل = في بنت وحده الرجال او الذكور لازم يمشون بالساس مثل البساس .. لان البنات هن لهن الحق يتمخطرن بوسط الممرات بدون إحساس .. .. > تحت تأثير انبهارات التسوق < ... انتهت فترة التسوق .. يتسابقن البنات على السيارة كل وحده تبي تاصل الأولى ... ليش عشان تقعد جنب الشباك ... تبحلق بخلق الله عند الاشارات ... يعني حج وقضا حاجة .. . وتكون القاعدة ... تسوق + تسكع + قزقزة بخلق الله = يمكن يجي النصيب اخيراً ما اخبث بنات اليوم ... الا من رحمها الله واصلح حالها ... فرق بينهن وبين عجزنا من أول ... فرق بين العباءة على الرأس والحشمة و المشيه بالسيسان .. وبين العباءة المخصرة و الفرنسية و العمانية والاسترالية و النيوزلندية و النيجرية و و و و و و و و و و و و والتسكع وسط الممرات .. فرق بين اللي تحلت القروش على الطاولة ... وتحتري الباقي بالكيس مع البضاعة ... وبين اللي تخمط القروش من البائع كأنه ابو العيال .. فرق بين اللي تون ون اذا كلمت البائع ما يدري وش تبي ... هذا امس .. وبين اللي ترفع صوتها على صوته علشان ينزل عشرتريل ... او خمسطعش ... و الضحك و التلطب ... طبعاً هو يرفض عشان الصوت حلو ويزيد التطلب ... فرق بين اللي تلم لم عباته إذا مشت بالسوق .. .. عشان ما يطلع القميص الأسود أو المقطع الأخضر المشجر بالبني اللي لابسته من الحشمة ... وبين اللي خاشه سباق مارثون وسط السوق ... السرعة تفوق الميه والثلاثين ... والعباءة تركض وراه ركض ... و لابسة بنطلون جنز وبلوزه حمراء و سنتيان كاروهات ؟؟!!! .. يعيني شوفوني تراني مطوره ...؟؟؟!!! .. فرق بين الأمس واليوم ,,, والله يستر من الفرق بين اليوم و بكرا يمكن الحريم يتسوقن بقمصان النوم ... .. السلااااااااموعليكم .. |
والله العظيم ما ضحكت بالكوووووم زي اليوووووووووووووم بصراحه عندك حق وحريم اليومين هاذي الله يعنا عليهم.... ويهديهم وينشأهم النشأ الصالح... قولوا امييييييييييييييييييييييييييين... |
تسلم اخوي المبتسمون الله يعطيك العافيه : وخذ عندك مثلاً:::::: نحن شعب غريب ... عدونا لنا قريب ... وصديقنا امره مريب ... وسفيهنا اصبح اديب في هذه الأوضاع ... اسمع اخبار تشاع ... عن أناساً في ضياع ... وعقول تلوح بالوداع فهذه فتاة من شعبنا ... تروي ردود فعلنا تتصل بصديقتها ... واللهفة حليفتها سأقيم حفلة جي جي .... فهيا إلبسي وتمكيجي .... وتعالي ارقصي وامرجي وهذه أمرأة في أفغانستان ... تنادي إبنها باحزان يابني هذا خبز مطحون .... لعله يملاء فراغ البطون .... ولا يكون كنقصه في الصحون ......... شـــــــــــــــتان ××××××× شـــــــــــــــــــتان ×××× بين هاتـــــــــــــــان هذه تهز جسدها من عزف الأغاني ..... وهذه تهز جسدها من البكاء العاني ××××××××××× |
تسلم والله يالمبتسمون على هالموضوع الرائع .. وتسلم والله ياحبي تيماوي .. على طاري السوق ومافيه .... اليكم هالقصة اللي صارت معي شخصياً : قبل شهرين تقريباً رحت للرياض ومعي الأهل بشغل ... خلصنا شغلنا والحمدلله .... ورحنا بأخر يوم لأسواق الأندلس نتقضى ..من قدنا ==>> نتقضى ومن الرياض المهم ...دخلت أنا وأهلي لذاك المحل للعبايات ألا ذيك البنت السعودية بالمحل هي وأمها... ومادري والله هو زين اللي معاها امها ولالا !! .. المهم بلأمر ان البنت واقفة تلبس من هالعبيات!!:confused: و قدام الهندي ولا كأن امها معها:confused: ياما لبست ياما فصخت ؟...وامها جالسة على كرسي تتفرج عليها وهي تتقدر:confused: انا واهلي بصراحة اندهشنا من هالموقف .... ولما أنتبهت البنت لوجودي كأن داخل عليها جني .... وبسرعه تغبت(( اندست ))ورى بأخر المحل ورى العبايات اللي بوسط المحل وتنادي للهندي !! ... وانا ماغير اسمع صوتها هي والهندي عطني العباية هاذي وخذ هاذي . ابغى المقاس الفلاني وهذي المقاس العلاني !! وهالموديل يصلح وهالموديل مايصلح ؟:confused: وسوالف وضحكات وربي . :confused: اللي ابي افهمه ؟ من متى والى متى والأمهات كذا ؟ واللي ابفهمه بعد ... الهندي رجال ولاماهو رجال ؟ الهندي غريب ولا واحد من الأهل وانا مدري ؟ موقف بصراحة مقزز وشي ما أتوقع حدوثه لكل بناتنا ومحارمنا . |
والله صحيح عجيييييييييييييييييب ععععاااااد اقووووووووولك صحيح ان بنات الزمن مايستحين على وجيهن الحين مو الرجال اللي ينطل الرقم البنات اللي ينطلن الرقم ههههههههههههههههه:D :D :D :D :D |
ألف ألف شكر لك .. اخواني ولا اخوي :p المبتسمون .. و مشرفنا حبي تيماوي .. موضوع راااائع .. وكل اللي قلته حاصل وما فيه اي مبالغة .. وأكثر شيء قلته ويصف الحال .. هو الفرق بينهن وبين حريم اول , التسكع بالممرات .. والمشي بالسيسان .. والله صار الرجال يستحي اكثر :( بس بغيت اقول .. حكمك على ان بنات اليوم من هالنوع فيه ظلم .. :mad: لأنه الغالب منهم والحمدلله فيهم الخير .. انت حكمت عليهم من خلال ملاحظتك لهم بالاسواق , وطبعا هو المكان المناسب لهذي الطبقة الفاسدة .. عشان كذى يغلب تواجدهم فيها .. أما البنات المحترمات , وهم الأغلبية , تلاقيهم ببيوتهم .. ومايروحون للأسواق الا بالحاجة وبس .. عشان كذى ماتشوفهم بكثرة بالأسواق .. وهذا مايمنع وجود نسبة من المجتمع من البنات ( اللي تحدثت عنهم بموضوعك ) .. واللي راح يصيرون مربين لاجيال قادمة ( امحق تربية :( ) ويحتاج الوضع الالتفات لهم .. لكن قبل هذا كله , ودي أسأل... وين المسؤول عنهم من هذا كله ؟ الاب او الاخ او الزوج .. هل هو :إما انه مغلوب على امره وماله شخصيه عندهم .. أو انه عاجبه اللي يصير ( ومايغار على اهله ) .. او كل هالشيء يصير من وراه ومن دون علمه ..إما لإنشعاله .. او اهله مستغفلينه ..:confused: قبل لا تحاسب البنات .. حاسب ولي أمرهم .. مقوله او بيت شعر اوحكمة ( والله نسيت ) :) إذا كان رب البيت عازفا , فمن شيمة اهل البيت التطبيل والرقص :rolleyes: وألف شكر لك اخوي على الموضوع الرائع .. تحياتي , |
ههههههههههههههههههههههه بس حلوه هالفقره: فيه الشياطين يانعة ... و كتائب ابليس معسكرة ... الشر كل الشر يتسكع في ردهاتها ... . والخير بعيد كل البعد عنها ... انشهد ان كتائب ابليس معسكرة هههههههههههههههههههههههههه :D :D شكل نهايتك بتكون اغتيال من البنات :rolleyes: |
وماخفي كان اعظم؟؟؟؟ |
شمس وقمر ... آآآآآآمين الله يصلح الحال ... والله يسعد اياااامك ويجعلك تضحك على دووووووم . شكراً شمس على المشاركة |
من قدي اليوم .... المشرف يرد على مش معقوووووووول ... اخي المشرف حبي تيماوي ... تسلم على كلماتك الجميلة و اضفت للموضوع ما ينقصه من مقارنه بين حال حريمنا و نساء الافغان و الفرق بين من يتخبط بالاسواق وبين من يبحث عن كسرة خبز يابسة لابن جائع ... حبي تيماوي شكراً على المشاركة و ضحكت كثيراً على هذه المقولة .. (( سأقيم حفلة جي جي .... فهيا إلبسي وتمكيجي .... وتعالي ارقصي وامرجي ) :D :D :D :D :D :p :p :p :p :) :) اما من ناحية الرقص تبي تشوف هز شحوم والا اللي يهزن وصط مهيب عندنا بذا ...؟؟؟؟؟!!!!!... |
هلالي الجوف ... صادق بكل حرف كتبته وزين ان الله فكك من هالدبش الحفيانة اللي بالسوق ... الله يحفظ لك اهلك و يستر عليهم ... اللهم امين .. اشكرك على المشاركة .. |
بررررررهوم بررررررهوم !!!!!!... قصدي ابو خالد الهلالي ... صدق والله لا تستبعد ان البنات يقومن و يحلتن الارقام على الشباب بس يبي لنا اسواق للملابس الرجالية غير المحلات اللي في كل زاوية للرجل ... وغير البطحاء والمعقلية تراهن ما يواجهن خلونا نتقاط و نشتري المملكة ونقلبها رجالي ونحتري الارقاااام ععععععااااد اقوووووولك بااايات |
عنود الصيد 2002 ... بس بغيت اقول .. حكمك على ان بنات اليوم من هالنوع فيه ظلم انا ما اقول كذا انا قلت في مقالي الا من رحمها الله وهداها .... بعدين تراني اقصد الصيع من البنات والا المتحشمات الله يستر عليهن حتى اذا جن يتسوقن ما احد يرفع عينه عليهن لانهن يخافن من الله و اللي يخاف من الله نحترمه ... اما الصايعات الله يقطع ابليسهن و يقطع دااابرهن ... عنود شكراً على المشاركة الطيبة |
عاشق النمر الله يستر من هالنهاية عااااد نهااااية تحت كعب والله النشبه فاااال الله ولا فااااالك عاشق شكراً على المشاركة ... |
الله يستر على اللي خفى اخي khaled79 |
المبتسمون صدقت وبالنسبة للعباة المخصرة والطرحة والنقاب رح للحرم وشف يعني في اشرف مكان على وجه الارض لبسوها انواع الفتنة زي ذولي ما تدري هن جايات يطلبن الله ولا جايات يفتنن هالخلق والله شي يقهر موب يقهر الا يفقع القلب انا اتكلم عن شي شفته بالحرم الله يشرفه موب عاد بالسوق :( :( :( :( الله احم شباب وشابات المسلمين ورد ضالهم اليك ردا جميلا |
الله يهدي الجميع ... |
اخوي شكرا لك على الموضوع... وصحيح كلامك فيه شي من الصحه لك فيه مبالغه وبعدين بسالك بالله وين تشوف الحريم الي يطلعون بقمصان نوم ودي اشوفهم والله..لاني اشوف اكثر الحريم يكون لابسين ملابس عاديه ماعدا الحريم الكبار تلاقيهم لابسين جلابيات.... وبعدين اخوي الاسواق عندنا بالرياض تلاقيها كلها ملابس حريم واطفال نادر ماتحصل ملابس رجال فليش الرجال يروحون للاسواق لحالهم:confused: مافيه غير سبب واحد الصياعه ويضايقون حريم خلق الله..وبعدين بصراحه ياليت الاسواق عندنا تصير كلها حريم يعني تكون زي مملكة المرأة الي باسواق المملكه لان مجرد مالوحده تدخل فيهاراح تحس بالراحه والمتعه لانها بتفتك من الخندريس الي يتسكعون بدون هدف.... وبعدين اخوي انتم يالرجال دايم تناقشون ان الحريم خربوا ماعدوا زي اول والمشكله ان حريم اول هم الي مربين حريم الحين وبعدين ليه ماتناقشون اكبر مصيبه في الدنياوهي هالاولاد الي الواحد يتحسف يقول كلمة رجال لهم لانهم مايرمزون للرجوله باي شي ومن حلاتهم صايرين يتخيكرون ولا مالاحظتون ان اولاد الحين يختلفون عن رجال منول..ولابس الحريم الي يتغيرون وانتم ماتعرفون التغير باقين على حالكم من عهد الملك عبدالعزيز(الله يرحمه).... بعدين اخوي بجد والله ماتشوف حال الاولاد الحين نادر ماتلاقي واحد لابس ثوب وشماغ وحتى اذا لبسوا ثياب يلبسون كابات ناسين الشمغ يالله في الاعياد..وثلاث ارباع اولاد السعوديه يلبسون بدل مواكبه للتطور..بس الحين صايره الموضه ثياب قطن مخسره..بالله وين الرجوله في شباب زي كذا.... وماقول الا الله يرحمنا إنشاء الله.... |
راعي المحبة .. عاد بالحرم شكل غير ... الحرم كمسجد الله الحرام ... بالضبط في الصحن بجوار كعبة الله المشرفة يقولي من اثق فيه انه شاف واحد لابس حرام يعني بعمره ... و جالس يرقم وحده مواصفاتها مثل اللي فوق وبالتحديد كانت جالسه تشرب من ماء زمزم و هو جالس يملئ عليها الرقم لانه معتمر وما معه قلم و ورقه ... الحرم كمنطقة ... رح شف سوق ابراج مكة و انت تشوف الغزل على اصوله وان كنت فاضي رح لمقهى الهلتون وشف جلسات الحب والغرام بين الجنسين ... للمعلومية ما فيه ولا وحده متحشمة تخش المقهى هذا كلهن صيع X صيع ... والله المستعان .. راعي المحبة شكراً لك ... |
سامي عبدالله ... اللهم آمين .. |
هلاله .. نعم كلامي فيه مبالغة كبيره واللي يقول غير كذا يغالط نفسه اللي ابي اصل له هو حجم القضية فالمبالغة هذه اذا استمر الوضع على ماهو عليه راح تقولين صدق والله المبتسمون ولكن مهوب هاليحن بعد حين .. واتمنى ان لا اكون صادق في رؤيتي للقضية ... اما من ناحية قمصان النوم فهي قمة المبالغة ولكن لتحجيم القضية كما اسلفت ولاضافة طابع التشويق للقراءة .. . اخترت هذا اللفظ .. اما الشباب اللي يروحون للاسواق لحالهم ... فهم ذئاب بشرية يبغون يصيدون الغزلان اللي يتسكعن ما عندهن شي بالسوق الا السواعة والتمشية ولابست ملابس فيها ريبة ... والا البنية لو تلبس حشمة و هالحشمة مكونه من طرحة على الوجة وتكون ساتره ... وعباءة على الرأس ... و دساسات ايدين وشراب و حذاء ليس له قرع ... فبهذه الحالة منتي لاقيه ولا شاب في السواق جاي يضايقهن ... وبمجرد ان المرأة تلتزم بتعاليم الله راح يتركونها الرجال ... وترا البنت هي اللي تجذب الرجل ... والدليل قوله تعالى ( .. الزانية والزاني فاجلدوا كلو واحد منهم مئة جلده ... الاية .. ) فالله جل وعلا قدم المرأة على الرجل لانها هي التي تجذبه لفعل كبيرة الزنا كما فسرها المفسرون رحمهم الله ... اما قضية البزارين اللي انت قلتي عنهم اولاد فانا اشوفهم بزارين وما عليهم شرهه بعدين ترا قضيتهم مهيب اكبر من قضية الحريم اولاً لان الولد ناقل عيبه في جيبه ... ثانياً لان الولد عورته من السرة لركبه ... اما المرأة فكلها عوره ... واذا شفتي بزارين مطلعين عوراتهم اللي فوق الركبه وتحت السره فلكِ الحق في الامتعاض و اعتبارهم اكبر جرم من نساء الفتنة الكاسيات العاريات ... وان كانوا يسببون لكِ مشكلة حرري موضوع عنهم وانا اول من يشارك فيه ويؤيدكِ الرأي .. عموماً أشكرك على المشاركة ولنا تواصل ... :p |
السلام عليكم ورحمه الله وبركاته شكراًً اخوي على الموضوع لاكن ودي اقلك ان عدد بنات اليوم الي مثل امهات اول ويمكن احسن بعلمهم وثقافتهم الواسعة اكثر بكثير من عدد البنات الي تتكلم عنهم وبنسبه كبيرة مرة والبنات الي تشوفهم او تسمع عنهم في الأسواق على كثرهم فهم قلال مقارنة بالبنات المهتديات والي يخافون الله وببساطه بدل ما تشوف الأسواق شوف مجالس لذكر النسائية الرمضانية والتي يصل عدد الحاضرات في اغلبها الى 500 او 1000 والتي تكون عادة في المساجد والجوامع والكليات واغلب الحاضرات سنهم صغير لذلك اتمنى المقارنة تكون بين البنات من نفس العمر ونفس الزمن .. وياليت الحكم يكون موضوعي وعام ويليتك تتفائل بالخير لأن الصحوة منتشرة بشكل واسع والي الحين احسن من الي من سنة والي من سنه افضل من الي قبلها... وشكراً |
ماقصرت اخوي المبتسمون موضوع جدا رائع ويطرح قضية هي ام القضايا في زمننا هذا الا وهي انحراف الفتيات الله يهديهن ويردهن اليه ردا جميلا وانا اعتقد ان السبب الرئيسي في انحراف هالفتيات هو الدش او الستالايت لانه يعلمهن كل شي الا من رحم ربي . وللمعلومية من علامات الساعة : تقارب الاسواق وكثرة النساء الله يستر علينا وعليكم ويحفظ اهلنا واهلكم |
(فرق بين الامس واليوم ، ، حريم يتسوقن بقمصان نوم ... ) اقول وش دراك;) |
كايدتهم ... كلامك سليم 100% وموضوعي في مبالغة نوعاً ما دعت اليها ضرورة خطورة الموقف ... والا بنات الاجاويد كثار ما شاء الله الله يطرح فيهن البركة و يستر عليهن ويوفقهن في حياتهن .... اما بنات السوق السوداء فهن لا يمثلن الا انفسهن ومن على شاكلتهن ... و فعلاً تفائلوا بالخير تجدوه .. كايدتهم ... شكراً على المشاركة |
جمجمة الهلال ... اللهم آمين وجميع نساء المسلمين .. اما علامة الساعة كثرة الاسواق فهي ثابته ولا شك و شف هالحين الرياض مثلاً في كل عاير تلقى سوق وكل من صار معه قرشين فتح سوق او محل نسائي و ما احد يخسر ابداً ووو الله المستعان ... اخوي جمجمة شكراً على المشاركة . |
سامي 2002 .... مساك الله بالخير الحمد لله على السلامة سلامة الاسفار شكلك توك جاي من مركبة مير الفضائية و ما تدري باللي يدور حولك ... المهم ان كنت تقصد ما في بالي فانا اللي دراني اني اروح مع المعزبة للسوق ما اخليها لحالها يعني محرم وانا اخوك واذا رحت تضايقن هالبنات اللي يقطع دابرهن ... دريت وش دراااااان .. سامي 2002 شكراً على المشاركة و الاستفسار ... |
السلام عليكم ورحمة الله وبركاته سمعت قصة امرأة بالحرم كانت تطوف فخرجت من الحرم وهي تبكي:( تتساءلون لماذا؟؟؟؟؟؟ انا اجاوبكم تقول والله الذي لا إله الا هو ان الرجال ما غير يتحرشون فيني لأني لحالي :( :( :( :( :( :( :( :( :( :( اذا كان هذا الفعل يصدر في الحرم فلماذا نلتفت للأسواق ونترك الحرم من غير محاولة للتدقيق في الأحوال؟؟؟؟؟؟ الكلام ليس لكل النساء ولا لكل الرجال فهناك من وفقهم الله وهداهم وهناك العكس لا نقول غير اللهم أصلح الأحول يا رب العالمين :o :o :o :o |
إقتباس:
أخي اسير القوافي اعذرني على تأخري بالرد عليكم وبعد خمس سنوات تقريباً ادخل الى ملفي واشاهد هذه المشاركة التي مر عليها الكثير من السنوات و كما نشاهد الاسواق اصبحت وللاسف اكثر من النساء في هذا الزمان و النساء في الاسواق كثر تبرجهن على ما كن عليه .... عموماً اتمنى لك حياة سعيدة ومشاركتك فيها والله الم شديد كيف لا وانت تنقل لنا صورة من صور التحرش بالنساء في اطهر بقعة ليس هذا فقط وانما بجوار بيت الجبار الله ينتقم لها ممن حارشها صدقني هو اليوم ليس بالسعيد ... تحياتي لك وللجميع ... والعذر والسموووووحة على التأخر بالرد فمشاغل الدنياء الهتني عنك خمس سنوات :no: |
| الوقت المعتمد في المنتدى بتوقيت جرينتش +3.
الوقت الان » 09:09 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd