بسم الله الرحمن الرحيم

اخواني الزعماء السلام عليكم ورحمة الله وبركاته

اولا : انا اكتب هذا الموضوع وانا اعرف ان اكثركم بيقولون وتهمونني انا مندس

وانا والله اني اعشق الهلال واهتم لمصلحته ولا كتبت هذا الموضوع الا لخوفي على الزعيم


ثانيا : ندخل في الموضوع <( كيف يستمر الهلال في تحقيق البطولات بأذن الله )>

1- الاهتمام البالغ بالفئات السنيه ( ناشئين و شباب )
اعرف ان فيه اهتمام من قبل المسؤولين عليهم ولكن لابد من الاهتمام اكثر واكثر لانهم هم لاعبو الهلال القادمون

2- من الموسم القادم التخلص من كبار السن ( الي فوق الثلاثين )
فلدينا من اللاعبين من يستحق اللعب مع الفريق ويجب ان يأخذوا فرصهم

فيمكن ان تكون التشكيله الاساسيه من الاحتياطيين هذا الموسم وبدون اجانب كالتالي//


الحارس :/ فهد الشمري <<< حراس ممتاز قدم مستوى راااائع في المبارياة الي لعبها الموسم الماضي

قلوب الدفاع / المرشدي <<< الكل يشهد انه مدافع مميز
والهليل<<<< اذا لعب في موقه الاساسي ( الدفاع ) ابدع فيه
الاظهره / ياسر الياس <<<< ما اظن انكم نسيتوا مباراة النصر
البشير <<<< لعب كم مباراة هذا الموسم وابدع
المحاور / شراحيلي <<< لاعب ممتاز اظن انه لعب مع المنتخب الاولمبي
الغنام <<<< كابتن المنتخب الاولمبي
الوسط / فهد المبارك <<< لاعب رائع ينتظر الفرصه
الحربي ؛؛<<<< لاعب ابدع في اخر مبارياته
الهجوم وما ادراك ما الهجوم الهلالي
احمد الصويلح <<<< لاعب مهاري وبنيته الجسمانيه مميزه في الدوري السعودي وارتقائه رائع
او محمد العنبر <<<< عائد بقوه بعد الاصابه التي لحقت به قبل كأس العالم
او سلطان السعود <<<< لعب مباراة واحده هذا الموسم وسجل هدف ولا اروع


هذا فريق لوحده مكون من الاحتياطيين يستطيعون الحصول على بطولات وتشريف الهلال كما فعل من قبلهم

وجميعهم ينتظرون الفرصه لتمثيل الزعيم وهناك غيرهم من من لا تذكرني اسما ئهم الان

فتخيل هؤلاء ومعهم محمد الشهوب وياسر القحطاني وعمر الغامدي وخالد عزيز و3 محترفين اجانب
كيف سيكون الفريق ؟؟؟

فلو خسر الهلال بطولات الموسم بهذه التشكيله ( لاقدر الله ) سنكون قد ضمنا فريق مميز سيستمر بأذن الله على الاقل 4 مواسم قادمه

فلماذا نحرمهم هذا الشرف بالابقاء على كبار السن (( تكريما لهم ولما فعلوه للزعيم ))؟؟




والله انا عارف انه سوف يأتي من يقول اني مندس و...و....و الخ

ولكن والله انا ما قلت هالكلام الا حب في الزعيم
ورغبه وطموح في فريق شاب تستمر معه البطولات الهلاليه





في الاخير انا اسف على الاطاله وتمنى ان محد يزعل من الكلام

تحياتي اخوكم


محمد

شوف ياخوي كل الاعبين فيهم الخير والبركه ....... بس

ماراح ياخذون بطوله إلا اذا دمجت عنصر الخبره وياسر ومحمد مايكفون لاعبين خبرهعلى الاقل 5 لاعبين يكفون والشي الثاني الدعيع ونواف و الخثران اذا كان بالفورما ليش ما ضميتهم من ظمن الخبره لانهم من جد لاعبين خدموا الهلال والكره السعوديه ولاعبين يستفيدون منهم النشئ

ونتمنى من الهلال التوفيق بالدوري واسيا

هلالي راقي اشكرك على مرورك وردك على الموضوع

وهذا سيكون الفريق الموسم القادم بإذن الله

لابد من الابقاء على بعض لاعبي الخبرة

اخوي هلالي تربه

اشكرك على ردك ووجهة نظرك الي احترمها


ولكن هل بيضرنا اذا راحت علينا بطوله ولا بطولتين الموسم القادم ؟؟

وعامل الخبره شي مهم بس ما تحس ان خمس لاعبين كعناصر خبره كثيره شوي ؟؟

يعني لو 3 لاعبين عناصر خبره يكون ممتاز ولا انا غلطان ؟؟

اخوي هلالي دووم اشكرك على المرور

الله يسمع منك

اتمنى ان نشاهد هذا الفريق الموسم القادم

اخوي خالد ابو الوليد
اشكرك على مرورك

بس انت لا تنسى ان فيه محمد الشلهوب وياسر القحطاني وخالد عزيز وعمر الغامدي

كلهم لاعبين خبره

ولا تشوف ان الفريق يحتاج لاعبين خبره اكثر؟؟

اقول الفريق بدون الدعيع وسامي والشلهوب والتايب والغامدي و عزيز و ياسر مهوب فريق والاعبين الشباب يجي وقتهم

إقتباس الرسالة الأصلية كتبت بواسطة هلالي مافيه حيلة2007 اقول الفريق بدون الدعيع وسامي والشلهوب والتايب والغامدي و عزيز و ياسر مهوب فريق والاعبين الشباب يجي وقتهم

مشكور اخوي على ردك

بس اتمنى اذا بغيت ترد مره ثانيه تقرأ الموضوع كامل قبل ما ترد

لاني كاتب

إقتباس الرسالة الأصلية كتبت بواسطة مــحـمــد فتخيل هؤلاء ومعهم محمد الشهوب وياسر القحطاني وعمر الغامدي وخالد عزيز و3 محترفين اجانب كيف سيكون الفريق ؟؟؟

انا ما قلت ما نبي الشلهوب ولا القحطاني ولا عزيز ولا الغامدي ولا التايب (( واحد من المحترفين الـ3 ))
لا تستعجل مره ثانيه

انا ما استعجلت بس الي ذكرتهم سبع لاعبين مع الحارس يكونوا ثمانية
بتلعب لاعبين شباب بأي مركز ؟ولا بتلعب مثلا الغنام عشانه لاعب شاب مع عمر وعزيز وتلعب البشير مع الخثران عشانه لاعب شاب؟ فريقنا اسطوري ولاعبين الشباب لهم وقتهم
يعني نلعب ثلاث محاور وظهيريين يسار واربع مهاجمين
وتحياتي لك

ألا أقول ورا ما ننسق الفريق الأول ونصعد درجة الشباب احسن
جرى بعقلك شي؟؟؟؟؟؟؟؟؟؟
ما عليك منه يا هلالي ما فيه حيله
انت اكبر من المواضيع هذي

فتخيل هؤلاء ومعهم محمد الشهوب وياسر القحطاني وعمر الغامدي وخالد عزيز و3 محترفين اجانب
كيف سيكون الفريق ؟؟؟

بقى ثلاثه اي لاعبين يغطون مكانهم

اشكر الجميع على ردودهم

يا هلالي مافيه حيله اللاعبين الشباب اذا ما اعطيتهم فرصتهم هالحين متى بتعطيهم فرصهم؟؟؟ اذا وصلوا الثلاثين ؟؟
لازم نعطيهم فرصهم من بدري

ولا نسيت نواف كم كام عمره اول ما بدأمع الفريق الأول ؟؟
ولا الشلهوب؟ كلهم كانت اعمارهم ما تزود عن ال21
الشلهوب كان عمره 19 سنه على ما اظن


يعني اللاعب لازم ياخذ فرصته من بدري


يا القيصر انا ما قلت ننسق الفريق الاول قلت نعطي اللاعبين الشباب فرصه
مكان اللاعبين الكبار في السن



ابو داود مشكور على ردك

والثلاثه الباقين تقدر تختار من فريق كامل من يلعب منهم