انا من انولدت
كل المواليد يصيحون الا انا اقول هلال هلال هوه هوه
<-- تنكيت على الفجر
انا كنت عايش في امريكا الى كان عمري 9 سنوات يعني ماادري وش الهلال بس كان الوالد يطلب من اعمامي انهم يرسلون له اشرطة الهلال وكنت اناظر معه بس مدري وش يسوون
وجينا لديرة العز
وبديت احظر معه بعض المباريات (( يعني اتلزق ابيه ياخذني ابي الطلعة بس ))
واول العشق بداء 1409 الثلاثية في النصر اللي جابها البيشي والتخيفي والحبشي اعتقد
وانهبلت بعدها ويوم كبرت شوي صرت احظر لحالي والى الان
ومباريات في الذاكرة الهلال النصر 4_1 اللي موسى نضاو شبّك الحارس في العارضة
الهلال الترجي التونسي هدف ابو يعقوب اللي جر الهادي بن رخيصة الله يرحمة
تخيلو من 1,30 الظهر وانا في الملعب ويوم فتحوا الابواب كنت انا اول واحد من الجمهور يدخل للمعب وهذا اللي خلاها ما تفارق بالي
ومباريات واجد مثل الهلال وناجويا الياباني والبطولة العربية اللي ابدع فيها سامي
واشياء كثيرررررررة والله يا رجعتوا لي ذكريات الله يا زمااان