للاسف يتم حذف موضوع كتبتة امس بعد المباراة وفية انتقاد لنواف ولباكيتا
هل نواف فوق اي انتقاد او انة لاعب لايخطي
نواف يريد معاقبة المدرب على تجاهلة ووضعة على دكة البدلاء ومن ثم ادخالة (كبديل)
نواف يريد معاقبة الجماهير للاننا غير راضين عن مستواة في الفترة الاخيرة
باكيتا يتوقع عمل المعجزات اذا قام بتغييرات غير متوقعة للجماهير وللنقاد وحتى للاعبين انفسهم( ياسر )
ارجو من الادارة العمل بديمقراطية الحوار وعدم حجب المواضيع لانها لاتناسب بعض (الامزجة)

اقول والله نواف انتهى لو يروح الاتحاد ويفكنا من شرة ويجي بداله القحطاني بعدين باكيتا شاف ان الهلال مو قادر يتقدم ويحافظ على الاهداف وبزيادة ان حظوظ التهال اقل من 25% وفوق هذا يخسر التايب في الاسيوسه بسبب ذي المباراة فحب يحافظ على ياسر ولانه على وشك اصابه من كثر التكسير اللي يجيه فقام باخراجه والاستفادة منه في الاسيويه (هذا رايي واللي مو عاجبه لايرد )

اخوي لو انتقدت نواف باحترام ماانحذف موضوعك

بعدين نواف فوق هالكلام وش يبغى يعاقب باكتيا ويعاقب الجمهور ارقوا بافكاركم

اما اللي فوقي اقوله نواف قاعد على قلبك ماتبيه لاتقعد

نواف قدم وسوى للهلال انت وش سويت؟؟؟؟

نتمى ان يعود كاسابق عهده ويحقق لنا البطولات

إقتباس الرسالة الأصلية كتبت بواسطة بنت الزعيـــــم اخوي لو انتقدت نواف باحترام ماانحذف موضوعك بعدين نواف فوق هالكلام وش يبغى يعاقب باكتيا ويعاقب الجمهور ارقوا بافكاركم اما اللي فوقي اقوله نواف قاعد على قلبك ماتبيه لاتقعد نواف قدم وسوى للهلال انت وش سويت؟؟؟؟

انا كلنا كجماهير نروح للملعب نتعنى شقاء البعد و السفر علشان الهلال و في الأخير نشوف لاعب رقمه ـ11 ماقدم للهلال ربع ما أخذ،،، اه يالمجاملات كم فككتي جمال و روح الهلال

وش دراك عن موضوعي اذا هو بحترام او قلة ادب
ثانيا مافي احد فوق النقد
ثالثا 75% من الجماهير تنتقد نواف كما هو حاصل في المنتدى اذا نترك النادي حتى يغادر نواف علشان ترضى انت وياه
تعقيبا على توقيعك نواف كان نجم والان اي لاعب جديد افضل منه
لاتجعل او(تجعلين)الحب يطغى على تفكيرك
يا بنت الزعيم

إقتباس الرسالة الأصلية كتبت بواسطة Canada's gallant انا كلنا كجماهير نروح للملعب نتعنى شقاء البعد و السفر علشان الهلال و في الأخير نشوف لاعب رقمه ـ11 ماقدم للهلال ربع ما أخذ،،، اه يالمجاملات كم فككتي جمال و روح الهلال

والله كلامك على متمة

يا ليتة يروح ولايرجع

ياجماعه خافوا الله

والله اللي قال جمهور الهلال جمهور جاحد ماكذب

يعني تنتقد لاعب من حقك لكن تقول ان نواف التمياط يريد ان يعاقب باكيتا فأنت تتهم اللاعب فيأمانته وإخلاصه وهذا أبدا ماهو من حقك

نواف نجم ويعيش ازمه ان شاء الله يعود لمستواه

نواف نجم والنجوم تهبط مستوياتهم والامثلة كثيرة

من يشتري نواف بريال( دين) اقساط بدون دفعة اولى وبدون كفيل غارم

إقتباس الرسالة الأصلية كتبت بواسطة كاشـف الحقائق لاأحد يتخيل حجم الحسرة والقهر اللذين كانا علية جمهور الهلال لالخسارة فرصة التأهل للمباراة النهائية ولكن للوضع المزري الذي كان علية بعض لاعبي الهلال وبالذات نواف التمياط هذا الأعب الذي أدمي قلوب جماهير الهلالوجعلها في وضع لايحسدون علية بأداة الضعيف والممل فألي متي تصبر إدارة الهلال علية وماهي المميزات المتوفرة فية الأن؟؟؟؟أخبروني باللة عليكم هذا الاعب إعطي فرص عديدة وكثيرة بعد الاصابة ولاكنة فشل أن ينجح بواحدة علي الأقل من هذة الفرص نحن نعرف أن نواف التمياط أجري ثلاث عمليات رباط صليبي في ركبتية وانة لايستطيع الرجوع الي مستواة السابق فلما نجد لة دائما الأعذار وهو الأعب الذي يجب أن يعرف الجميع إنة لاعب منـــــــتهـــــي من زمااااااااااان المصيبة أن نواف التمياط مع مستواة السي والردي الأ إنة يتضايق جدا حين يوضع إحتياطيا وهو الذي لايستطيع أن يمرر كرة صح طوال المباراة ؟؟؟؟؟؟؟؟؟؟؟ فكيف بأستطاعة إفادة الفريق؟؟؟؟؟ بكل صراحة يوجد في النادي من هو أفضل من نواف فلما لايأخذون فرصتهم أجزم بأنهم سيفيدون النادي أكثر من نواف وبمراحل ياخسارةالملايين اللي راحت لتجديد عقد نواف الم يكن أفضل جلب 100 لاعب بهذة الملايين لافادة الهلال15 سنة قادمة؟؟؟؟؟؟؟ أتمني من إدارة المنتدي أن لاتقوم بمسح او إلغاء إي موضوع ينتقد الاعبين فبهذا الالغاء نضر النادي ولاننفعة فالكيان الأزرق باقي واللاعبون زائلون

هذا موضوع ثاني ومؤيد للافكار

كاشف الحقائق


.............

شوفو
بكلمه وحده بس

انتم ماتحبون نواف
فيه احد غيركم يحبه

ماتحبونه انتم لا تتكتبون عنه كذا تستون احسن لكم بدال تعب الاداره من المواضيع

تحبونه جيبوه بالطيب والمدح لاتنسونه
يعني باختصار

ماتحبون نواف
لاتكتب عنه شي
تحبه
الله الله بالمدح بسسسس

اخوي تربيتي هلاليه وش رايك باللي راحو من الجمهور للملعب وتعنو وسافرو وانت شفت ان العدد القليل والغير متوقع من جمهور الزعيم ابي اسئلك هذا وش يدل عليه ؟؟؟؟وبعدين اللي حظرو وش تعتبرهم ؟؟؟؟

طيب واذا قلنالك ان اغلبهم سب في نواف واغلبهم يتحسبون عليه وش تقول ؟؟؟؟؟؟؟

افهمو ياعالم نواف انتهى وفيه نجوم بالهلال امثال المبارك والحربي والعائد باذن الله مشعل الموري يتفوقون على نواف حاليا بمئه مره

اتمنى ان نبتعد عن المجاملات في النادي حتى يعود الهلال كما نحب