الحـمـضـيــات و المــراهـقـيــن [ قـصــة عـشــق ] .. - نادي الهلال السعودي - شبكة الزعيم

البالون · #1 20/04/2007, 01:50 AM

السـلام عليكم ورحمـة اللـه وبركاتـه

سبحان الله العظيم
سبحان الله وبحمده

.
.
.
.
.

][ مدخـل ][
.. لحظـة خـروج الطـلاب من المـدرسـة ..

بوهاجـووس : هـلا حميـدي رايـح الكفتـريا تبي شيء ..

محمـد : واحـد حمضيـات بـس .. اللـه لا يهيـنك ..

____________________

تعريف الحمضيات : مشروب غازي من مشتقات الميرندا .. يعشقه طلاب المتوسط بشكل خاص و جميع الطلاب بشكل عام ..

____________________

وش السـالفـة ..

مـدري اذا أنا بس اللـي ألاحـظ هـ الحـركـة ..

عـدنا نـشوف المـراهقيـن مغـروميـن في شيء اسمـه حمضيـات ..

يعـني بالعـربي .. تبي تصيـر زاحـف اشـرب حمضيـات ..

واللـه ما أخفـي عليكم اني أحـب الحمضيات لكـن موب بـ هـ الكثـرة ..

المشكـلـة الآن مـوب بـ الحمضيـات ..

المشكلـة أن الغـازيـات بـ شكـل عام خطيـرة ..

واللـه من بعـد الحـج الا الآن أعـرف حـول أربـعـة انكسـرت أياديـهم ..

ومن طيحـات بسيـطة لكـن هشـاشـة عظـام ..

يعـني الغـازيـات خطيـرة جدا جدا على الجسـم ..

انا و الله أمـوت فيـها ..

لكـن لازم نتعـاون و نخـفف منهـا شـوي ..

يعـني بدل ما نشـرب ببسيـين في اليوم ..

نشـرب واحـد .. ونحـاول نخـفف منها ..

نبدلهـا بـ أي شـراب آخـر .. << يمدحـون المويـه

____________________

][ أضـرار المشـروبات الغـازيـة ][

* تحتوي العلبة الواحدة من الكولا على ما يعادل(10)ملاعق سكر كافيه لتدمير فيتامين(ب)والذي يؤدي نقصه إلى سوء الهضم وضعف البنية والاضطرابات العصبية والصداع والأرق والكابه والتشنجات العضلية.

* تحتوي على غاز ثاني أكسيد الكربون الذي يؤدي إلى حرمان المعدة من الخمائر اللعابية المهمة في عملية الهضم وذلك عند تناولها مع الطعام أو بعده وتؤدي إلى إلغاء دور الأنزيمات الهاضمة التي تفرزها المعدة وبالتالي إلى عرقلة عملية الهضم وعدم الاستفادة من الطعام.

* تحتوي على الكافيين الذي يؤدي إلى زيادة ضربات القلب وارتفاع ضغط الدم والسكر وزيادة الحموضة المعدية وزيادة الهرمونات في الدم مما قد يسبب التهابات وتقرحات للمعدة والاثنا عشر كما يعمل على إضعاف ضغط صمام المريء السفلي والذي بدوره يؤدي إلى ارتداد الطعام والأحماض من داخل المعدة إلى المريء مسببا الألم والالتهاب.

* تحتوي على احماض فسفورية تؤدي إلى هشاشة وضعف العظام وخصوصا في سن المراهقة مما يجعلها أكثر عرضة لتحتوي على أحماض الفسفوريك والماليك والكاربونيك التي تسبب تآكل طبقة المينا الحامية للأسنان.

* تحتوي الدايت منها على المحليات الصناعية والتي تهدد المخ وتؤدي إلى فقدان الذاكرة التدرجي وإصابة الكبد بالتليف.

* الكالسيوم المذاب يتراكم في العروق، خلايا الجلد، الأعضاء الحيوية، مما يؤثر في وظائف الكلى ويسبب حصوة الكلى.

* المشروبات الغازية لا توفر للجسد أي فائدة غذائية، بل تحتوي على المزيد من السكر والاحماض بالاضافه إلى المواد الحافظة والملونة.

* بعض الأشخاص يفضلون تناول مشروب غازي بارد بعد وجبة الطعام، هذا التصرف يؤثر على عمل الأنزيمات الهاضمة حيث ان درجة حرارة الجسم الطبيعية هي الدرجة المناسبة لعمل الأنزيمات فلا تهضم الطعام جيدا مما يؤدي إلى تكون الغازات وبعض أنواع السموم التي تنقل مع الدم إلى خلايا الجسم وقد تؤدي في النهاية إلى العديد من الأمراض.

* انك عندما تشرب المياه الغازية، فانك تبتلع كميات من غاز ثاني أكسيد الكربون.

* الأسنان والعظام هي آخر ما يتحلل من جسم الإنسان بعد موته بعدة سنوات، ولكن هذه المياه الغازية تذيبه خلال أيام قليلة، فتخيل ماذا يمكن أن تفعله في بقايا الخلايا الطرية.

____________________

][ من فـوائـد الغـازيـات

][

* لإزالة الصدأ عن صدام سيارتك أو عن صامولة صدئة افرك ما تريد تنظيفه بقطعة قماش مبللة بالكولا وستقوم كولا بالمهمة.

* لتنظيف أصابع البطارية من التآكل اسكب علبة كولا عليها ولاحظ فقاعات الغاز وهي تعمل بفعالية على تفتيت التآكل وإزالته.

* لإزالة بقع الدهون عن الملابس أضف مقدار علبة كولا إلى مواد الغسيل ولاحظ اختفاء بقع الزيت.

* اسكب علبة كولا في المرحاض واتركها لمدة ساعة واحده ثم اسحب السيفون ستلاحظ أن جميع البقع زالت وذلك لان حامض الستريك قد أزال فاعليتها.

____________________

قـصص عـن هـذا الداء ..

* قبل فترة تمت مسابقه في جامعة دلهي بالهند((من يشرب اكبر كمية من الكولا))الفائز شرب 8علب من الكولا وتوفي في المكان نفسه لارتفاع نسبة ثاني أكسيد الكربون في دمه مما أدى إلى عدم تمكنه من الحصول على الأكسجين اللازم.

* وضع احد الأشخاص سنا مكسورا داخل زجاجة كولا وخلال(10)أيام فقط كانت السن قد تحللت.

____________________

يـعنـي نعـرف كـل هـ الأضـرار و نشـرب ..

واللـه مشكلـة .. المشـروبات ذي بـ تنهيـنا ..

على الأقـل .. يبي لنا نخـفف منهـا شوي شوي

ملاحظة : كتبـت الحمضيـات للتمهيـد فقـط لا غيـر ..

اخوكم/ عبداللـه

ملاحقة دجاج · #2 20/04/2007, 03:01 AM

,,,
,,
,

اخوي عبدالله موضوع المشروبات الغازيه..
لو تتكلم من اليوم الى بكره ما راح يفيد ..!!
لاننا تعودنا عليه من يوم من وعينا على الدنيا ..

***

هل تعلم ان الحمضيات هو شراب السمر

..!
يعني حق الاتحاديه

لو قايل بيبسي تحسن..!!
البيبسي حق ناس راقين

..

***
ملاحقة دجاج

عاشق مدريد · #3 20/04/2007, 03:25 AM

يعطيك العافية يالبالون على موضوعك الجميل

على طاري الحمضيات اذكر واحد من عيال خوالي بثرررررر نشبة

وهو صغير اذا لصق فينا نقوله رح ونشتري لك حمضيات عاد هو مايصدق خبر

بالنسبة لسالفة الغازيات اعتقد يالبالون مافي اليد حيلة صعب صعب انك تقنع الناس بترك الغازيات

اعتقد افضل حل هو تربية الاطفال من البداية بعدم شرب الغازيات وباعتقادي ان الكبار صعب تمنعهم عنه

لك خالص تحياتي يالغالي..

هلاليه و افتخر · #4 20/04/2007, 06:20 AM

:

إقتباس


	يعـني بالعـربي .. تبي تصيـر زاحـف اشـرب حمضيـات ..

آهــا ,, و انــا اشـوف اخـوي الصـغير يشـربه واجـد هـالايــام

!!

و الله اخـوي فيـه اشـياء واجـده غلـط و نـدري انـها غلـط و مـع ذلـكـ نسـويهـا ,, بـس الشـكوى لله !!

و انـا اعـشـق الديـو و مـا اقـدر اخـلـيـه

يـعـطـيـكـ الـعافـيـه عـالـموضـوووع

و جـايــز لـي تـوقـيـعكـ

البالون · #5 20/04/2007, 07:22 AM

ملاحقة دجاج

من وين طلعتيـي لنـا انتـي

نخبـر مـلاحق دجـاج .. لا يكـون اختـه

هـلا بك ..

بس ودي أعـرف ليـه ما نقدر بـ العكـس نقـدر ..

أو ع الأقـل نخـفف منـه شوي !!

عاشق مدريد

هلا فيـك اخوي

حـلك سليـم و رائـع ..

و بالفعـل لازم انا نربي الصغار ع المشروبات المفيدة

بدال هـ الغازيات ..

هلاليه و افتخر

هلا والله هلاليـه ..

من جد فيـه أشيـاء ما نقـدر نخليـها أبد ..

والمشكلـة أنا نعرف أنها غلط ..

بس ودي انا نحـاول و نجتـهد ..

و نغصـب أنفسنـا شوي ..

كان هنا · #6 20/04/2007, 08:33 AM

وعليكم السلاااامـ ورحمة الله وبركاتهـ

وين الناس يالبالون؟

كذا تسحب علينا من الباب للطاقة

<<المثل ذا وش دخلهـ ؟

______________________

تبي الجد الببسي ما ينفعنا ابد ابد <<شي جديد

.
لكن صدقني ما يضركـ بهذيك الدرجة الي تخلي الواحد يقطعهـ ، وهذا حنا شف وين صارت اعمارنا وما زلنا نشرب بالببسي والكولا ، ولله الحمد عايشين ، لكن هذا ما يعني اننا صح ، بالعكس والله المفروض نخف منه علشان ما تكون نتائجه عكسية ;)
,,,

الف شكر البالون ع الموضوع الرائع ، اختيار موفق ، اسلوب رائعـ أهنيك عليه ;)!!

سـ لآ ـمـ

هلاليه@ميلانيه · #7 20/04/2007, 11:12 AM

جبتها على الجرح والله ....

انا والله ماأشرب إلا بيبسي بس <<<<< شووف يعني إقاله شي عاااااادي

واكيد انه العيال اكثر من البناااااااات لكن والله صديقتي تشربه يوميا على الفطوور والعشاء

بس أنا عندي إقتراح : ((مادام انها مامنها إلا ضرر ليش مايشيلونها من الاسواق)) ؟؟

والله لي فتره افكر بهالفكره ليييييييييش مايشيلونها ويريحونا

بس الظاهر فيه نااااس ودهم يضرون انفسهم ;)

تسلم والله اخووي عى الموضوع ..,,..

وإن شاء الله يجي اليووم الي مانشوف فيه احد يشرب هالاشياااء

الشلهوب الموهوب · #8 20/04/2007, 11:17 AM

صحيح ان المشروبات الغازيه مضره

لكن بالنسبه لي البيبسي غير.. الله يستر من آخرتها

تقبل مروري <<<< جاي يرد وفي يده قوطي ببسي

الكناري الأزرق · #9 20/04/2007, 12:26 PM

السلام عليكم و رحمة الله و بركاته

هلا النفيخه زمان عن مواضيعك

صراحه حبيت اضيف شي لفوائد الغازيات

الغازيات لا حطيته على النفيخه تفقعه مع التفاعلات الكيميائية و تفكك من هاللي كتب الموضوع

صراحه الغازيات مضره جدا

لكن وش نسوي تعودنا عليها

افكر اطيح بمشروب ثاني غير هالغازيات

و احتمال يكون عصير الربييع

النفيخه

لا عاد تقطع ثاني مره

التسناري

هلالي@مدريدي · #10 20/04/2007, 12:49 PM

بلعكس الان اغلب الطلاب يشربون ( ريد بول ) يعطيك جوانح
خاصة اذا كنت مواصل والمحاضرة الاولى عند دكتور نكد

عـز الهلال · #11 20/04/2007, 01:00 PM

... [ وعليكم السلام ورحمه الله ] ...

هلا والله أخــوي [ عبدالله ] , وينك من زمان
لكن الحمدلله على العوده ..

::
::

و الله أخــوي تعودنـا على المشروبات الغازيه .. مع أننا نعرف ضررها
لــكــن وش نـسـ,.ــوي ..!!

بــ خصوص [ الحمضيات ] فــ قسم انك شهيتني لـ علبه منها

ويــا محلاهــا بعد [ مباراه قدم ] انت تلعبها

أو أسنـاااء وقــود مطش كويس ...

إقتباس


	* قبل فترة تمت مسابقه في جامعة دلهي بالهند((من يشرب اكبر كمية من الكولا))الفائز شرب 8علب من الكولا وتوفي في المكان نفسه لارتفاع نسبة ثاني أكسيد الكربون في دمه مما أدى إلى عدم تمكنه من الحصول على الأكسجين اللازم.

يــاخي ذا الهنود بعضهم [ دلوخ ] مدري كيف يفكر .. !

::
::

سلاميشـو ...

هلاليه من الرياض · #12 20/04/2007, 01:07 PM

والله المشروبات الغازية أهون من مشروبات الطاقة.....

هامور البورصه · #13 20/04/2007, 01:11 PM

عليكم السلام ورحمة الله وبركاته

يؤ يؤ يؤ كح كح كووح البالون نزل موضوع

وينك يااخي وين مواضيعك على اياام ربوعيات ومعاد شفنااك

عبدالله مدري البالون الظاهر ان اسمك عبدالله الله يحيك الظاهر انه مايلاحض الا انت :p

لان معضم العاالم يشربوون ديوو مدري شسالفتهم مع قووي قلبك الظاهر متاثرين بالاعلاان حق النمر والتمسااح

والله يخووك ندري انه مضر وندري انه يهدم الصحه بس يااخي ماضر هالاجاانب والله يانهم عايشين ع شي اسمه كولا

وماجااهم شي بس يقولون ان ببسيهم غير ببسينا

ببسيهم مخلووط بشي رهيييييييييب يغير جووك وتحس انك فوق

فوق هام السحب يعني شي مش هتقدر تبطل تشرب بيبسي

لالا يقلوون انه اقل ضرر من اللي عندنا بس برضوو بنشربه

يااخي جد والله فيه طعم حلوو وتحس انك عطشاان لكن اذا شربته ترتااح كانه ادماان انا توني طالع من صلاة الجمعه

وحررررررررررررررر وشمسسسسسسسسسس وجيت البيت وعلطوووووول المطبخ وافتح البراااده واشرب لين مليت

بطني بس يوم شبعت من الماء احس اني للحين عطشاان قلت مبدهاااااااش دق ع البقااله ودقية وطلبت ديوو والله اني اكتب الحين وقااعد امزمز منه

وعلى طااري هشاشة العضام ترا جد والله انا عندي اخووووووو يموووت في شي اسمه بيبسي ودايم في يده بيبسي

ذااك اليوم رااح يلعب كوره المهم انه كان حاارس وقبعوو بكووره وانكسرت يده من كوره انكسرت يده

وجبرنااه له وبعد ويده متجبره يشرب بيبسي والله للحين يده تعووره معنه له اربع شهور تقريباً شايلين من يده الجبس

إقتباس


	قـصص عـن هـذا الداء .. * قبل فترة تمت مسابقه في جامعة دلهي بالهند((من يشرب اكبر كمية من الكولا))الفائز شرب 8علب من الكولا وتوفي في المكان نفسه لارتفاع نسبة ثاني أكسيد الكربون في دمه مما أدى إلى عدم تمكنه من الحصول على الأكسجين اللازم. * وضع احد الأشخاص سنا مكسورا داخل زجاجة كولا وخلال(10)أيام فقط كانت السن قد تحللت.

يااخي والله هالهنوود دلووخ الحين ابي افهم هو وش استفااد

مثل الهندي جو بيشنقوووونه خربت المشنقه قاال صديق انا في صلح اعطي خمسين ريال

البالوون الله يعطيك العاافيه ع الموضوع الحلووو اللي محد رااح يستفيد منه هع هووع هيع :p

ولا تحرمنا من ربووعيااتك ترا اشتقنا لها

زعيم الاوطان · #14 20/04/2007, 02:08 PM

ولنا في الحمضيات قصص عشق وغرام

بالنسبه للحمضيات

والله اني ماكنت اعمل لها حساب

وانا اذا دخلت الكافتريا او البقاله

احب انوع من المشروبات الغازيه >>>>> ماصارت حمضيات شكلها مكسرات

بـــس للاســـــف في الاونه الاخــيره

وتــحــديــداً في اختبارات الترم الاول من هاذي السنه

يعني الاختبارت النهائيه اللي طافت

ادمنت على شرب الحمضيات

ادمان ماهو طبيعي

والسبب اني شايف كل الشباب طايحه علي

وصرت يوم اشتري شي غير الحمضيات

احس ان شكلي غلط بينهم

وكلهم مطقمين حمضيات >>>> فريق حمضيات

وبعدها انضميت لهم

وصرت عضو لفريق الحمضيات

وداعم اكبر لشركة الحمضيات

وصرت كل ما ادخل البقاله او الكافتريا او البيك ( ومسكين اللي ماعنده البيك )

لازم اشتري حمضيات

إقتباس


	يااخي والله هالهنوود دلووخ الحين ابي افهم هو وش استفااد مثل الهندي جو بيشنقوووونه خربت المشنقه قاال صديق انا في صلح اعطي خمسين ريال

جد انهم هنود

ويعطيك العافيه اخوي البالون لانك فتحت موضوع هام فعلاً ويستحق المناقشه

البالون · #15 20/04/2007, 02:20 PM

عبود البطل

هلا بـ خويي عبـود !!

بالنسبة لعدم وجودي تعرف مشـاغـل هـ الدنيـا << مسوي مهم

--
والله حسب ما قرينا و رأينا أن المشروب الغازي خطيـر

يعنـي اذا سلمـت أنت ما بيسلـم غيـرك ..

واللـه صعـب نتـركه لكـن ع الأقـل نخـفـف منه شوي ..

اللـه يجـزاك خيـر ع المـرور الرائـع ..

هلاليه@ميلانيه

هـلا واللـه بالهـلاليـه ..

بالعكـس الببسـي أخطـر شيء ..

يعنـي الحمضيـات و الا الديـو أهـون .

و أهون الغـازيـات السفـن ..

إقتباس


	بس أنا عندي إقتراح : ((مادام انها مامنها إلا ضرر ليش مايشيلونها من الاسواق)) ؟؟

واللـه ياليـت لأنا مانتحمـل نشـوفهـا وما نشـرب ..

لكـن ماحـولك أحد ..

شاكـر مرورك ..

الشلهوب الموهوب

هـلا بك اخـوي ..

لكـن الببسي أخطـر شيء ..

شاكر مرورك ..

الكناري الأزرق

هـلا واللـه بـ اخوي نايـف !!

واللـه من زمـان عنـك و عـن المنتـدى ..

لكـن اعـذرونا ع التقصيـر

إقتباس


	الغازيات لا حطيته على النفيخه تفقعه مع التفاعلات الكيميائية و تفكك من هاللي كتب الموضوع

اللـه يستـر مب فائدة ذي ..

بس أبي أعـرف من ويـن جبـت كلمة التفـاعلات الكيميـائيـه

<

الا عـلى طـاري الربيـع ..

يمدحـونـه بـس لا طحـت عليـه بيـنفقـع واناخووك

يعنـي طيـح شوي شوي ..

جزاك اللـه خيـر ع المـرور ..