سلطان بن فهد .. شوف جمهور وفاق صطيف وراجع قراراتك الي تمنع دخول الشالات !!!! - نادي الهلال السعودي - شبكة الزعيم

Mr.DL5 · #1 19/04/2007, 10:27 PM

بسم الله الرحمن الرحيم ..

مساكم الله "" بالخير "" ..

وانا امس اشوف مباراة الوفاق والاهلي في ملعب الــنــار صراحة ايقنت فعلا " انه اسم ع مسمى ..

جمهور عالمي .. صراحة يمكن يغطي ع جماهير الدوريات الاوربية .. والله لو اروح انا او اي واحد يقرأ موضوعي ويلعب في هــ الملعب وسط هـ الجمهور والله ان تجييه ام الركب ..

تركت المباراة وقمت اشوف الجمهور الجزائري هذا الجمهور الي يستحق لقب الجمهور العالمي والجمهور الوفي ..

موب مثل جيرانا لبسوا قطيعتين بلاستيك وقالوا جمهور النار وجمهور العالمي يا شيخ طير بس ..!!

كان ودي سلطان بن فهد و نواف بن فيصل يشوفون الجمهور الصح ... ويراجعون قراراتهم الي تمنع من دخول علم كبره 2 × 2 !!

الشالات الي عليها صور اللاعبين ممنوعة !!

الاعلام الكبيره ممنوعة !!

سلامات !!

يا سلطان بن فهد الله يرحم والديك راجع قراراتك الي مدري وش تبي .. تدخل الملعب ونفسك منسده .. احد يروح لم الملعب وما معه الا شال !! وش اسوي بالشال ..

والله ما ظنيت يتطور الوضع الجماهيري
الين يتطور فكر المسؤولين في الرئاسة والامن
اجل قطعة قماش ما تدخل ؟؟؟؟
الشال وياااالله

الرول الابيض وبالتهريب من تحت لـ تحت

اعلام كبيرة على السياج الحديدي مافيه يقول لك ممنوع ..

سواء السياج التحتي والا الفاصل اللي يفصل المدرجين العلوي والسفلي ..

يبون الواحد يدخل بثوبه وغتره وسجاده تقل داخل مصلى عيد ..

ياخي شدد على الات حادة موب على قماش ..

والله الدوري السعودي روعة بس ما خربه الا قرارات الامين العام وشلته الي بتخرب الي بناه الراحل فيصل بن فهد عليه رحمة الله ..

ارجعوا لم مباراة الهلال والكويت الكويتي الي حضروا 65 الف متفرج ...

هل حسيت ان الي بالملعب 65 الف !!

للمعلومية حضورنا كان دبل جمهور الوفاق .. جمهورهم امس لا يتعدى الــ 30 الف .. بس هزوا الملعب هز ..

حنا ندخل لم الملعب وما عندنا اي وسيلة من وسائل التشجيع .. مالنا الا نردد وراء ابو خليل .. الي تجي الدقيقة 70 وانت مصدع راسك من كثر ما تردد الاهازيج ..

حنا يمدينا نطبق حركات يبطي جمهور وفاق انه يفكر انه يسويها .. بس نبي الدعم .. نبي رئاسة واعية .. نبي ندخل لم الملعب وما يجيك عسكري ويقول لك ممنوع .. اتفه شي يقول لك ممنوع !!

عرفتوا الفرق بينا جمهور الهلال وجمهور الوفاق .. حنا بالعدد نفوقهم وبضعاف .. لكن ..!!!

^^^^

صورة مع التحية لسلطان بن فهد واسير الشوك ..!!

لكن خلونا نشوف وش اطلق حركه سواها الجمهور الهلالي ..

^^^^^^^^^^^^^^^

للاسف هذا الي قدرنا عليه .. والى الحيين عجزنا نكرر هــ المشهد الي في الصورة فوق ..!!

وصدقوني مع ابو خليل والله ان نطلع جمهور ولا في الاحلام .. بس نحتري رئاستنا المؤقرة بقيادة سلطان بن فهد يعدل قراراته الي مدري وش تبي ..

انا من سمعت قراره الي مخلي روابط الاندية جنب المنصة وانا غاسل يدي !!

حالتنا ما يعلم بها الا الله .. وما ذلك نحضر لا اجل الزعيم ..

كلنا امل في الله ثم سلطان بن فهد انه يراجع قرارته ويعدلها ..

والا نخلي لهم ملاعبهم ... والله يخلي شي اسمه A R T !!

وتقبلوا تحياتي .. اخوكم \ MR.DL5

مدريدي جداً · #2 19/04/2007, 10:51 PM

و الله كلامك سليم 100% ...

زعيم رجال المع · #3 19/04/2007, 11:09 PM

كلامك سليم والله 100%
وكنت كاتب موضوع ولاكن كفيت ووفيت
كما اتمنا من الأعضاء الأعزاء التفاعل مع هذا الموضوع ويا ليت والله يتثبت

خالدابوالوليد · #4 19/04/2007, 11:16 PM

كلامك صحيح

خالـ20ـد · #5 19/04/2007, 11:26 PM

كلام سليم يا مستر دلخ .. كفيت ووفيت يابطل ...

لكن ..

لا حياة لمن تنادي ..

محمد الحربي · #6 19/04/2007, 11:27 PM

اي والله صدق ..!!

كونتراتاك · #7 19/04/2007, 11:30 PM

والله أنك صااااادق

وما تسذبت

$هلالي متوحش$ · #8 19/04/2007, 11:32 PM

والله اوافقك بكل كلمة قلتها الجمهور يشكل 40 بالمية من ارتباك الخصم ...

والتشجيع عندنا مو متطور الا اذا خلو لكل نادي ملعب وسمحو بدخوال الشالات وغيرها..

اذا يبون الاحتراف يطبقون اللي يسوينه اوربا مو يحطون انظمة زي وجيهم ويقولون ليش مانقدم مستويات بكاس العالم...

اذا سويت زي اللي برا يسير الاعب السعودي متعود على هالاجواء ويبدع وممكن يحترف لكن لاحياة لمن تنادي

M A Z I N · #9 19/04/2007, 11:34 PM

كلام سليم

كريستيانو7 · #10 19/04/2007, 11:36 PM

ههههههههههه

والله كلامك صح

يارجال احمد ربك انك تدخل الملعب

بكره يمنعون حتى من الدخول

الله يـــــعين

@~_زعيم آسيا_~@ · #11 19/04/2007, 11:40 PM

كلامك صحيح 100%

alenazi · #12 19/04/2007, 11:41 PM

هل من مجيب

موعدنا الأربعاء القادم إن شاء الله

Mr.DL5 · #13 19/04/2007, 11:50 PM

الله يعطيكم العافية ع المرور ..!!

هلالي ... دوم · #14 20/04/2007, 12:01 AM

صادق

بس بدون ألعاب نارية

Mr.DL5 · #15 20/04/2007, 12:03 AM

إقتباس

الرسالة الأصلية كتبت بواسطة زعيم رجال المع


	كلامك سليم والله 100% وكنت كاتب موضوع ولاكن كفيت ووفيت كما اتمنا من الأعضاء الأعزاء التفاعل مع هذا الموضوع ويا ليت والله يتثبت

يالييت والله التفاعل من الاعضاء الكرام ..

ومشكور يالغالي ع المرور ..