#1  
قديم 18/04/2007, 05:59 PM
الصورة الرمزية الخاصة بـ عـز الهلال
زعيــم مميــز
تاريخ التسجيل: 06/04/2005
مشاركات: 3,352
Talking ][ على الحادث تجمع " أمه " .. وانواع البشر ملتمه ][

>> السلام عليكم ورحمه الله >>

::

كـيفـ حال شاباب المجلس وشاباته الكرام
هـل انتم من ( المتجمهرين ) ام من ( المتضررين )
ام من ( المتعجبين ) امـ ( المفهين )
اثنـاء وقـوع حـادث سيارات امامك [ لا سمح الله ] ..



فـي أحـد الأيـام مـن أيـام [ ربيع الآخـر ] .. كـان هناك شخص وسيم
يدعى [ عـز الهلال ] وهـو كـ جلمود صخر حطه السيل من علٍ :p , لكن ليس لهو
ايطلا ظبي وساقا نعامه .. بل عجلات [ اكورد ] يقودها صاحبه
يدعـى [ حـمـد ] وكـان في عين صاحبي قذى بعينه أم بالعين عوار , لاأدري بالضبط
لكن الجوهر كانت عيناه " تؤلمه " .

:
:

وكــ عادتي انـا وخـويي نتمشااا فـي شوارع الريـاض السميكه
و نأخذ ونعطي فـي السواليف الطويله .. وهل ( الخير ) خير للخثران
امــ خير لــ شريفي ;) .. امـ للولد الريفي ( لزوم تناسق القافيه ) .

مـاهي الا [ لحظه ] وصوت .. حووووووووووووووط دوووف :p
صوت حادث تحتنا بالكبري وقلوبنا طربق طربق .. !!
وشوي وعـلى الحادث تجمع أمه .. وأنواع البشر ملتمه
وكـلـ(ـن) واقفـ(ـن) ماهمه .. يموت الشخص محد(ن) لمه

بس ثواني الا و الـ [ سبيكه ] الي معي :p ينزل من السيارة , ويعض ثوبه
بــ الأنياب .. وبدون ما ادقق السمع يركض ويقول لي (( الفوال .. الموال
السروال .. )) وانـا علامات الإستفهام على رأسي ..؟!؟! , وأروح لـه
لأني كنت ناوي أسحبه من [ المنظر الشنيع ] " الله لا يوركم "
فــ إذا بـه يقول ها وينه !؟ , وانا اقول وشو الي وينه بـ كل بـــرودة
قالي (( الجوال )) وبعدها انحلت استفهامات مخي :p وعرفت مقصده
لـكـن ابيت أن أعطيه الجوال فــ رجع للـ أكورد ..
منزلن الحاجبين..و محمر الوجه .. ( ) <=== اختر السمايلز الي تحب
و قال هذي آخرتـها يـا ريااانوووه ( الي هو انا ) .. فـ ألقينا هذه المحاورة بيني وبينه

::
::

حمد : يا ريـان يالي مامنك فايده قلتلك جب الجوال .. جيتني وغنيت موال
ريـان : يا حمد اعرف تحكى ... قبل ما على الكوبري تركا

حمد : انتبه ثم انتبه يابو نبيه .. كلامك الورعان هذا ترا مانبيه :p
ترا انا افهم منك وانت واحد " سفيه "
ريـان : يكفي من رجعتك من الحادث وريحتك ( افييييه )
وغرورك هذا خله في بيت عـم ابيه .



نعود لسؤالنـا أول الموضوع .. هل

هـل انتم من ( المتجمهرين ) ام من ( المتضررين )
ام من ( المتعجبين ) امـ ( المفهين )
اثنـاء وقـوع حـادث سيارات امامك [ لا سمح الله ] ..

::
::

عـن [ نفسي ] انـا من الي يردد (( لاحول ولا قوة الا بالله )) .. !!
مع شويه من [ الفهاوة ] ..

::
::

هــل انـت من مأيدي الجمهره أثناء وقوع الحادث ..؟


هـل انت عمرك صارلك حادث ( لاسمح الله ) وتجمعوا عليك الذبان ;) ..؟


مـا رأيك بالي [ بايع احساسه ] ويتفنن في التقاط الصور ..؟


وبس .. / سلاميشو ..
اضافة رد مع اقتباس
  #2  
قديم 18/04/2007, 06:10 PM
مشرف سابق في منتدى الرياضه السعوديه
ومنتدى المنتخب السعودي
ومحرر اخبار الهلال في الصحف العالمية
تاريخ التسجيل: 18/12/2004
المكان: Jubail.SA
مشاركات: 8,253
ائئ القصيدة جزلة

انا اصلا لا صار حادث ما اقول شي .. غير الله يعينهم و الله يستر عليهم ..!! . و امشي بحالي و حالي معي



و وش عندك .. صاير شاعر و فالك صار فاله المليون ..

و فيه ناس يتجمعون ع الحادث يساعدون و ناس ملاقيف .. يتطمطشون على خلق الله .!!

..

مشكور على الموضوع .. و ترى موضوعك جزل ..
اضافة رد مع اقتباس
  #3  
قديم 18/04/2007, 06:28 PM
زعيــم مميــز
تاريخ التسجيل: 02/07/2005
المكان: الرياض
مشاركات: 2,657
أنا ماحب اشوف حادث خلقة ولااتجمهر بس اكثر خويايي يحبون التجمهر
وعلى سوالك قد صارلك حادث اقولك ايه
مرة ابلحق على مباراة الهلال يوم قدام الخليج بالعطله الطويلة اللي انتهت 3-1للهلال
كنت رايح اشوف المباراة عند واحد بالسلام وكنت بطريق الميئة امشي 100 بالخدمة (لاحظ؟)قبل اشارة ماكدوناندز
وجيت ابفرق للعام واثر راعي تريلة زيي بيفرق واثره وقف وانا اللي اخمه بس الحمدلله بس الكبوت والصدام والرفرف الايسر راحن وطيء وعقبه حرمت اسرع بطريق الميئة وترى معي كورلا2002(نسيت اقول قلت لراعي التريلة امش الغلط علي بس لاتسد المفرق والناس تفرج علي وانا مدهر
اضافة رد مع اقتباس
  #4  
قديم 18/04/2007, 06:37 PM
زعيــم متواصــل
تاريخ التسجيل: 12/01/2007
مشاركات: 128
الجمهره واعوذ بالله من الي يتجمهرون

والي يرفع ضغطك الي يصورون
الحي الي يتجمهر بيده حل دكتور هو ولا واحد ملقوف
يبي يتفرج
اضافة رد مع اقتباس
  #5  
قديم 18/04/2007, 06:52 PM
زعيــم مميــز
تاريخ التسجيل: 21/04/2005
المكان: حتى ظلي له مهآبه
مشاركات: 9,440
فالك المليون

أنا بالنسبة لي عادي تبي قربي تبي بعادي

عفوا

والله موضوعك ذا فيه لبس

خاصة يوم تتحدث أنت وخويك أبو نبيه

بالنسبة لي أنا من اللي يقول وين الحادث وأروح الجهة الثانية

والحمدلله ما صار لي حادث قوي إلى الان

وإن شاء الله ما يصير
اضافة رد مع اقتباس
  #6  
قديم 18/04/2007, 08:04 PM
موقوف
تاريخ التسجيل: 10/11/2006
المكان: أرض الرخــا والشـدة | جــــدهـ |
مشاركات: 458
أنا من أكثر الناس يلي يكرهون التجمهر...


وزي ماتقول أنا من المتضررين والمفهمين...

(كيف انت حلها)

والي يرفع ضغطك الي يصورون
الحي الي يتجمهر بيده حل دكتور هو ولا واحد ملقوف
يبي يتفرج...







اضافة رد مع اقتباس
  #7  
قديم 18/04/2007, 08:24 PM
الصورة الرمزية الخاصة بـ هامور البورصه
عضو سابق في اللجنه الإعلامية
تاريخ التسجيل: 13/08/2005
المكان: الرياض
مشاركات: 7,426
عليكم السلام ورحمة الله

هلا والله وغلا ريانوووووه

اخيييراً نزلت موضوعك مابغيت ياااخي


إقتباس
كـيفـ حال شاباب المجلس وشاباته الكرام
هـل انتم من ( المتجمهرين ) ام من ( المتضررين )
ام من ( المتعجبين ) امـ ( المفهين )
اثنـاء وقـوع حـادث سيارات امامك [ لا سمح الله ] ..



هلا والله ابشرك بخير وبصحه وعافيه

بس يااخي حرام عليك شيبان المنتدى وعجز المنتدى مالهم رب سلم عليهم ترااهم مالين المنتدى اخر مره يارياانوه ماتسلم عليهم

والله شوف يارياان انا ماحب اوقف عند الحواادث بس فيه بعض الموااقف لازم توقف يكون الحادث توه صاير قداامك في هالوقت مالك الا تنزل وتسعفهم

ومره كان فيه ولد مزيوون اسمه هامور البورصه (طارق) ماشي في حاله تاته تاته وفي عز الظهريه صاار قداامه حاادث

في تقااطع وكان الي صااير عليه الحاادث جنسيته سوري وكان يصييح ويتالم من ضهره ويقوول يامي يامي يامي والله

يوم قال يقول يامي شوي وصيح معه احسه يتالم من جد من ضهره وماقدرنا نسوي له شي لان الالم بضهره وخفنا ان حنا ننزله ويزيد الكسر او الالم

ومره صاار قدامي حااادث تصادموو وانقلب المووتر اللي انقلب هندي جته فلقه برااسه والله ان حنا نازلين بكرتوون

منااديل وحاطينه ع رااسه والمناديل صار لوونها احمرررر وصارت تقطر دم من كثر الدم اللي نزف وكل شوي نزيد مناديل لين توقف الدم

تدري اللي صدمه شصاار فيه نزل من سياارته وقاام يركض قسم بالله من الروووعه في الشاارع فكه ربي ماجااه احد ودعسه

عشان كذا اقولك بعض الاحيان لازم توقف بس انا اللي يقهرني اذا جت الاسعااف وش يووقفهم خلاص جت الاسعااف طس وش مقعدك

واللي يقهرني اكثر انه اذا صاار الحاادث ع السير الثااني وهالهيلق يوقفوون يشوفوون الحاادث شووف القاافه موقف

ع الطريق الثااني عشان يشووف الحاادث ويعطل خلق الله والله فيه بعض الناس ماتستحي


إقتباس
فـي أحـد الأيـام مـن أيـام [ ربيع الآخـر ] .. كـان هناك شخص وسيم
يدعى [ عـز الهلال ]



ياليتك قلت فتى نبيل فتى شجاعه فتى مؤدب

بس وسيم قووويه


إقتباس
وكــ عادتي انـا وخـويي نتمشااا فـي شوارع الريـاض السميكه
و نأخذ ونعطي فـي السواليف الطويله .. وهل ( الخير ) خير للخثران
امــ خير لــ شريفي .. امـ للولد الريفي ( لزوم تناسق القافيه ) .


مـاهي الا [ لحظه ] وصوت .. حووووووووووووووط دوووف
صوت حادث تحتنا بالكبري وقلوبنا طربق طربق .. !!



اكيد يعني شواارع الريااض لازم تفتح موضوع طوويل حتى اني بعض الاحياان افتح موضوع قضية الشرق الاوسط اذا

جيت اتمشاء من الزحمه اللي ترفع الضغط بس عاتي عاتي تبلد احساسنا من الزحمه وصارت شي عاادي حتى اني لو اطلع ومالقى زحمه تجيني غلقه سبحان الله


إقتباس
وشوي وعـلى الحادث تجمع أمه .. وأنواع البشر ملتمه
وكـلـ(ـن) واقفـ(ـن) ماهمه .. يموت الشخص محد(ن) لمه



حبيبي رياان لعااد اشوفك كاتب قصيد الله يهديك ولعااد تتهور مره ثاانيه

إقتباس
بس ثواني الا و الـ [ سبيكه ] الي معي ينزل من السيارة , ويعض ثوبه
بــ الأنياب .. وبدون ما ادقق السمع يركض ويقول لي (( الفوال .. الموال
السروال .. )) وانـا علامات الإستفهام على رأسي ..؟!؟! , وأروح لـه
لأني كنت ناوي أسحبه من [ المنظر الشنيع ] " الله لا يوركم "
فــ إذا بـه يقول ها وينه !؟ , وانا اقول وشو الي وينه بـ كل بـــرودة
قالي (( الجوال )) وبعدها انحلت استفهامات مخي وعرفت مقصده
لـكـن ابيت أن أعطيه الجوال فــ رجع للـ أكورد ..



انا يوم شفتك تقول الجووال ماتوقعت انه بيصوور توقعت انه رااح يدور جولاتهم

لاني دايم اسوويه اول شي اسوويه ادور بووكه وجواله وفلووسه واسعفه لان كلشي بمقاابل يا حبيبي <=== فضح

عمره لحد يصدق ويشغلني يااخي حرام عليك كان عطيته عشان نشووف صور الحاادث ونشووف هو انت صادق ولا كااذب <=== بينجلد :p


إقتباس
حمد : يا ريـان يالي مامنك فايده قلتلك جب الجوال .. جيتني وغنيت موال
ريـان : يا حمد اعرف تحكى ... قبل ما على الكوبري تركا


حمد : انتبه ثم انتبه يابو نبيه .. كلامك الورعان هذا ترا مانبيه
ترا انا افهم منك وانت واحد " سفيه "
ريـان : يكفي من رجعتك من الحادث وريحتك ( افييييه )
وغرورك هذا خله في بيت عـم ابيه .




انا شقايلك انت وخوويك لعااد اشوفكم متهووووورين وقايلين شعر خلكم ع الخوااطر الله يصلح قلووبكم




هــل انـت من مأيدي الجمهره أثناء وقوع الحادث ..؟


لا

هـل انت عمرك صارلك حادث ( لاسمح الله ) وتجمعوا عليك الذبان ..؟



لا تحرجني

بس بقووولكم بمان السالفه صاايره في سنت الف واربع مية وحطبه

اول مابديت اتعلم السوااقه كان عندنا مووتر وسرقته ورحت بمر ولد عمي عاد المشكله جمب البيت بس كنت مزبد

للعالم يعني كاني ماسرقته يعني عادي عاد نفسي كبير متى مابغيت السيااره اخذها <=== ابوك يالثقه

عاد يوم جيت عند بيتهم كانو عندهم ضيووف وموقفين عند الباب بيطلعووون خلااص عاد كان الطريق فيه فتحه

ضغنطوطه حتى مايدخل معها سيكل او دباب عاد انا قلت وشو اوقف وقولهم افتحو الخط بيقلوون هذا مايعرف

يسووق قلت مدخله مدخله الله لا يعووقني بشر وجيتك مدرعم وعطوول مافيه صوت فراامل شي ماشيات طووف

في الوقت هذا تحسفة وبغيت اطق نفسي وقلت وش فاادني المهاايط لوني قلت لهم وخروو وش كان بيضرني وهم متسدحين بالشاارع يضحكوون علي
اضافة رد مع اقتباس
  #8  
قديم 18/04/2007, 10:31 PM
عضو استشاري سابق للمجلس العام
تاريخ التسجيل: 25/05/2005
مشاركات: 4,563

سلامـ عليكمـ ,,

هلا ريووووون .. يلووومني بحبكـ يالغالي ..!!

,,,,,,,,,,,,,


خارج الموضوع :

ياعيال يا بنات .. من بيفـزع معي .. بنتهاوش ضد الشبكة .. ماتفتح معي هاللحظـة هذي ..!!

قهرررررررررر .. لي ساعة .. وأنا أضغط تحـديث ..!! ( يمكن زعلانة )

لي وعد معها .. هههههههههه



,,,,,,,,,,,,,

ريان .. هذي مشكلتنا .. الجميع تطوروا إلا بعض منا .. !!

وش الفائدة من النظر بهالأشياء .. بس تعب عيون وحزن .. وإزعاج للمصابين وكذلكـ للأسعـاف ..!!

إذا كنت بتسـاعد المصابين و المتضررين فهنا القضية عادية .. لكن أن تأتي للموقع الي فيه الحادث .. وجآي بس تشوف .. فهنا أتوقف وأقولـ " تخـلف " ..!!

لو هو تفحـيط مو مشكلة .. قل يمكن يستفيد ويتونس ويضحكـ ..;) أما يشاهد حادث .. هذا مايرضينا أبد ..!!

طيب قل " لاحول ولا قوة إلاباللهـ " وروح .. وأدع لهم بالسلامة والشفـاء ..!!

أعـتقد مافيه إلا التوعـية المكثـفة للقضاء على هذي الظاهرة المنتشرة عند المغفلينـ..!

أللي يقـرأ كلامي يقولـ وش فيكـ معصبـ .. أنا مماعصبت ولا يحزنزن .. بس هذي الحقيقة ..!!

؛؛
؛؛



[QUOTE=عـز الهلال;5155517]
[COLOR=blue


::
::

إقتباس
هــل انـت من مأيدي الجمهره أثناء وقوع الحادث ..؟

لا ما أيد هذي الظاهرة أبداً .. ولا عمري بحيـاتي وقفت عند حادث .. بس أدعي لهمـ بالشفاء للمصـابين ..!!

إقتباس
هـل انت عمرك صارلك حادث ( لاسمح الله ) وتجمعوا عليك الذبان ;) ..؟



لا ماصـار لي أبد حاث الحمدلله .. والله يفكنا من شر الحوداث يارب ..!!



إقتباس
مـا رأيك بالي [ بايع احساسه ] ويتفنن في التقاط الصور ..؟

هذا شخص مسكين .. وش يصـور .. يصور دمااء وناس حالتهم حالة .. ياربي عليهمـ ..!!


؛؛
؛؛

تسلمـ ياريـان يدينكـ على الموضوع الراائـع ,,

سليمـااااااااااااااااااااااااااانـ
[/COLOR]
اضافة رد مع اقتباس
  #9  
قديم 19/04/2007, 12:20 AM
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
من العادات السيئة التجمهــر حول اي حادثة ..

الله يكفينا شر الحوادث يارب
اضافة رد مع اقتباس
  #10  
قديم 19/04/2007, 03:18 AM
انتقل الى رحمة الله
نرجوا الدعاء له بالرحمه والمغفره
تاريخ التسجيل: 19/07/2004
المكان: بـــريــــدهٌٌ
مشاركات: 2,821
اولاُ اشكر اخي العزيز ...على طرح الموضوع الرائع والمفرووض نسوق له ..بهذه ونحاول تعريف الناس بمشكلته

ثاني : كد حصلي قبل سنتين قدام مدرسة متوسطه كدت انقلب ..عندما جاء احد المراهقين عاكس الشارع ..واحمد مصار لي شي وكاد ان ينقلب الجمس..

يوم نزلت ..
تخيل ..
انك كانك في وسط قطيع غنم ...
خخخخخ
وهذا نوات المستقبل..
فلتعذرون لان الناس الحين يمشون على عائدتنا الخاطئه
ومشكور اخوي
تقبلو تحيات اخوكم بندر
اضافة رد مع اقتباس
  #11  
قديم 19/04/2007, 03:19 AM
زعيــم مميــز
تاريخ التسجيل: 21/02/2005
المكان: الصين مؤقتاً
مشاركات: 1,663
وعليكم السلام ورحمة الله وبركاته


هلا والله بعز الهلال ...

حنا بخير نحمد ربنا ونشكروة على نعموه:p ...

جبت النشيده على طاريها ...
ارعصوا هون:p


ياشينهم على ذا الحركات ...

ولاتهون ذا النشيده خذوها بعد تراها تبع القطه

ارعصوا فيذا



نجي عاد لأسألتك ....

إقتباس
هــل انـت من مأيدي الجمهره أثناء وقوع الحادث ..؟

لا والله اصلا استسخف اللي يوقفون ومالهم داعي ...
يعني تقدر تسعف مايخالف ماتقدر لاتزحم عليه خله على الأقل يقدر يتنفس;)


إقتباس
هـل انت عمرك صارلك حادث ( لاسمح الله ) وتجمعوا عليك الذبان ..؟

لاسقت ذيك الساعه جاوبتك
لا الحمد لله ماقد حصل وأن شاء الله مايحصل أبد ...
بس أذكر حادث صار قدام عيوني توه ساقط علينا والظاهر أنه نعس ولفت السيارة فيه جهة اليمين وهو ماحس ولادرى إلا والسيارة منقلبه على راسها بالتراب فكه الله من الشبك;) <<< الشارع كان مرتفع شوي فيه عبارة الظاهر

حنا على طول وقفنا بما أنه قدامنا مابينا وبينه شي طبعا صفطنا يمين بس واحد جمبنا انسبه:p ووقف بالسايد الوسطي أبوي أشر له يخاف يصدمون فيه العالم اللي مسرعين لأنه موقف بنص الخط
من يوم طلّع راسه مع الدريشه مشى أبوي قال أن شاء الله مافيه إلا العافيه <<<< مجهزين الجوال ناوين ندق على الأسعاف


إقتباس
مـا رأيك بالي [ بايع احساسه ] ويتفنن في التقاط الصور ..؟

قلتها أنت بايع إحساسه;)






يعطيك العافيه وعساك على القوة





سلااااااااااااااااااام ,,
اضافة رد مع اقتباس
  #12  
قديم 19/04/2007, 04:47 AM
زعيــم مميــز
تاريخ التسجيل: 27/06/2002
المكان: الرياض
مشاركات: 3,940
موضوعك روعة أخي عز الهلال

بللنسبة لي لا أحب التجمهر أبداً على أي حادث إلا إن كان الحادث توه في بدايته ممكن أنزل لو أقدر أسعف مصاب أو أمسك حرامي من الليستغلون لوضع ويبدأو بزرف الجوالات وغيرها وأفضل شيء إذا كان فيه عوائل يروح الواحد يسترهم لو تكشفوا .

أكره اللي يتجمهروا وخاصة بعد الإسعاف ولا يهون اللي في الشارع الثاني تلاقيهم واقفين وساديين الطريق ويتفرجوا .

بالنسبة للحادث صار لي مر ة طبعاً بعد قدر الله سبحانه وتعالى ، كان السبب الخطوط السعودية .
كنا على وشك السفر إلى أوكرانيا في الصيفية قبل اللي راحت المهم صارت لخبطة في الحجوزات وحطوا الخدامة درجة أولى وأنا سياحي
المهم كنت ماشي في السيارة قبل إشارة الجوازات على إمتداد الطريق اللي يودي للداخلية المهم قبل الإشارة وأنا أكلم بالجوال عشان مشكلة الحجز واللخبطة اللي صارت ، طبعاً أنا معصب ومسرع شوي<<< حلوة شوي والإشارة قدامي ما فيها إلا تريلة طووووويلة وراعي التريلة ماسك أقصى اليسار الغبي يبي يلف يمين لازم يكبر اللفة أنا شفته ماسك اليسار والإشارة فتحت دزيييت بسرعة وتجاوزته من اليمين وما دريت إلا وهو لاف رأس التريلة بيخش يمين ويصفقني مع الباب اليسار المهم السيارة زحفت إلين الشبك بعد الإشارة وانقلبت ، أشوف نفسي وأنا تحت في المقعد اللي جمبي وماسك الجوال وأتكلم عن خربطة الحجوزات ، الحمد لله جاوني ناس وكسرو الدريشة وطلعوني بصعوبة
المهم بعدها أغمي علي وما دريت إلا وأنا في الإسعاف والمسعف يقولي وش سالفتك مع الخطوط؟؟ قلت ليه ؟ قال طول الطريق وأنت تسب فيهم .
المهم كنت بأموت من الضحك والألم .

هذا اللي صار وآسف على الإطالة
اضافة رد مع اقتباس
  #13  
قديم 19/04/2007, 10:26 AM
الصورة الرمزية الخاصة بـ عـز الهلال
زعيــم مميــز
تاريخ التسجيل: 06/04/2005
مشاركات: 3,352
تـشكـراتي .. على ردودكم
وبعد فتره ان شاء الله نجيكم بالتفصيل :p
اضافة رد مع اقتباس
  #14  
قديم 19/04/2007, 03:21 PM
الصورة الرمزية الخاصة بـ عـز الهلال
زعيــم مميــز
تاريخ التسجيل: 06/04/2005
مشاركات: 3,352
إقتباس
الرسالة الأصلية كتبت بواسطة زعـيـمـوفـيـتـش
ائئ القصيدة جزلة

انا اصلا لا صار حادث ما اقول شي .. غير الله يعينهم و الله يستر عليهم ..!! . و امشي بحالي و حالي معي



و وش عندك .. صاير شاعر و فالك صار فاله المليون ..

و فيه ناس يتجمعون ع الحادث يساعدون و ناس ملاقيف .. يتطمطشون على خلق الله .!!

..

مشكور على الموضوع .. و ترى موضوعك جزل ..

الا وش معني جزل .. فهمنا معناه ;)
والعفوووو ...
اضافة رد مع اقتباس
  #15  
قديم 19/04/2007, 03:56 PM
زعيــم متألــق
تاريخ التسجيل: 25/11/2002
المكان: الريااااض
مشاركات: 1,259
الله يكفينا الشر
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:17 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube