^$@_سيف العشق_@$^ - نادي الهلال السعودي - شبكة الزعيم

نـــــــ15ــــــمر · #1 16/04/2007, 03:07 PM

السلام عليكم ورحمه الله وبركاته

قصيده من قصائدمساعد الرشيدي

جلبتها لكم لروعتا وروعه تصويرها وجمال كلماتها

اتمنى ان تحوز على اعجابكم هذه القصيده بعنوان

سيف العشق
\
\
\

كيف أطفي الريح بثيابك وكيف اشعلك

كيف اتنثر على جمـرك وكيـف احتويك

نقضت ليل الحرير وجيت ماانت لهلك

سمّيت باللي فتني بـك وقلت ابتديـك

هذا اول الدرب او هذا الطــريق اولك

جيت آتوقّا عذابات المدى 00واهتديك

شوقـي مسافـة وهمساتـك مـدار وفلك
ان ماظميتك غلى 00ياعلني ماارتويك

إية اعرفك واعرف اني من غلاك اجهلك

مرات اضمّـك واخـاف اني مشبة عليك

مـرات اشوفـك بنفس الوقت واتخيـلك

وانشد كفـوفي عن اخر سالفة من يديك

أعـنّ لك لـو تصّـب المـوت 000واتهيّلك

واجـوع لـك وآتمـنى خنجـرك واشتهيـك

ماقلـت لك عمر سيـف العشق مايقتلك

ماتشوفني حي قدامك وانا امـوت فيك

اشتقت لك قبل اجيك وجيت واشتقت لك

البارحة طول ليلي بين هذي 00وذيـك

مليت جمـر انتظارك واستحيت أسألـك

واحسبتني ما بعد جيتك وفكرت اجيـك

اثرك بقلبي من البارح وانا استعجلك

واثري نسيتك من الفرحة وقمت احتريك

للجميع عامه وللي في بالي خاصه صحيح................لكن

احبها

تشــــــــــــــاو

بنت فهد · #2 16/04/2007, 04:03 PM

حللووه مررره ومشكور

الـمـشـاغـب · #3 16/04/2007, 04:20 PM

إقتباس

الرسالة الأصلية كتبت بواسطة نـــــــ15ــــــمر


	السلام عليكم ورحمه الله وبركاته

وعليكم السلام ورحمة الله وبركاته

إقتباس

الرسالة الأصلية كتبت بواسطة نـــــــ15ــــــمر


	قصيده من قصائد مساعد الرشيدي جلبتها لكم لروعتا وروعه تصويرها وجمال كلماتها اتمنى ان تحوز على اعجابكم هذه القصيده

أقول اخلص علينا بالقصيدة بلا مقدمات أنت ووجهك :p

مسوي فيها أسلوب تشويقي مثل ماسميسو

إلا مساعد الرشيدي قصيده وإلقاءه حلو.. بس مدري ليه ما يهايط كثير؟

لازم يهايط عشان يكثرون معجبينه.. هذا زمن الهياط والمهايطة للأسف

إقتباس

الرسالة الأصلية كتبت بواسطة نـــــــ15ــــــمر


	مرات اضمّـك واخـاف اني مشبة عليك

الكصيدة حلوة وأعجبتني... لكن هالبيت ما عجبني..!! أحس انه زودها شوي

بعدين عندي سؤال يا متعب باشا:

بالله عليك من اللي ترضى تضم هالمعصقل؟

صدقني بتخاف إذا ضمته أنه يتكسر بين يدينها ويموت ثم تبتلش بالدية

إقتباس

الرسالة الأصلية كتبت بواسطة نـــــــ15ــــــمر


	اشتقت لك قبل اجيك وجيت واشتقت لك

يا سلاااااااااااااااااااااااااااام يا سلاااااااااااااااااااااااااااااااااام

رووووعة رووووووعة هالبيت

أفضل بيت في نظري في القصيدة

مع اني ما فهمته بس شكله أحلى بيت

هيييييي ترى أمزح.. لاحد يطير بالعجة.. والله أني فاهمنه زين

إقتباس

الرسالة الأصلية كتبت بواسطة نـــــــ15ــــــمر


	للجميع عامه وللي في بالي خاصه صحيح................لكن احبها تشــــــــــــــاو

أهااااااااا

السالفة فيها إنّ

الظاهر أنك تحب من جد يا متاعيبوو <<<< عجزت ألقى لك اسم دلع

اذا تبي نصيحتي.. خل قلبك قاسي.. وما تحبش حد... لا تحب إلا نفسك ;)

كنت أشوف الناس كلهم يقولون أنهم يحبون ويعشقون... قلت لنفسي يا ولد خلك مثلهم اعشق عشان تقدر تكتب

قصايد وتصير شاعر

فحاولت أسوي نفسي عاشق ولهان... وحطيت لي توقيع عن الحب... وقلت أكثر من مرة: وهـ بس يالحب

ومع كل هذا ما قدرت أصير شاعر

أبوووووك يالحب لا أبوووو أبووووووك

متعب:

الحب انتهى مع قيس وليلى;) <<<<< من أقول جدنا الكناري الله يرحمه

تقبل تحياتي يا غالي... وشرفني الرد على موضوعك...وتسلم على القصيدة الرائعة..!!

LBa your heart · #4 16/04/2007, 04:25 PM

اخوي نمر ترى كلنا اخوان :p,,علمنا بس من اللي في بالك

الهلالي دائماً · #5 16/04/2007, 04:39 PM

صح لسانك نمر 15

مشا الله تبارك الله القكصيدة رائعة ;)

وذوقك رائع .. وانت رائع .. بس لو تبطل حركاتك ههههههههههههههه

متعب دور صورة ثانية الله يهديك

ولا يكون انا اللي في بالك بس هههههههههه

فتك بعافية متعب

الكلاسيكي · #6 17/04/2007, 01:39 AM

هلا وغلا بكـ خيوو متعب ..

منور المجلس بموضوعك .. ماشاء الله ابداع في الانتقاء ..

ودايم قصائد مساعد اكثر من رائعه ..

واعجبني حيل هذا البيت ..

إقتباس


	ماقلـت لك عمر سيـف العشق مايقتلك ماتشوفني حي قدامك وانا امـوت فيك

ما اقول .. الا مافيك حيله يامتعب << وش دخله

وصح لسانه ..

تقبل ارق التحايا ..

ولك الف شكر ع القصيده الجميله ..
دمت بخير

سندريلا الهلال · #7 17/04/2007, 02:34 AM

نـــــــ15ــــــمر

الله يعطــيك ألف عافية على اختيارك هالقصيدة الرائعه بصراحه كل بيت يقول انا احلى من الثاني ..

ذووقك في الاختيار رائع .. الله يسعد الجميع ان شاء الله ..

فرصه ضايعه · #8 17/04/2007, 03:09 AM

وعليكم السلام ورحمة الله وبركاته

هلا والله بأخوي نمر العاشق الولهان

....

أثرك عاشق وخالص مرة وحده :p ...
شوي شوي لا تحمس واجد

...

إقتباس


	اشتقت لك قبل اجيك وجيت واشتقت لك البارحة طول ليلي بين هذي 00وذيـك مليت جمـر انتظارك واستحيت أسألـك واحسبتني ما بعد جيتك وفكرت اجيـك اثرك بقلبي من البارح وانا استعجلك واثري نسيتك من الفرحة وقمت احتريك

أكثر أبيات أعجبتني

..

يعطيك العافيه وانتبه لعمرك;)

سلااااااااااااااام ,,

نـــــــ15ــــــمر · #9 17/04/2007, 11:30 AM

بنت فهد
مشكور لمرورك.........بس انتي بنت مين بالضبط

المشاغب

كنت قاصلك درجه اولى بس اليوم رحت للافق
تاخرت علينا اليوم العاده الاول

إقتباس


	أقول اخلص علينا بالقصيدة بلا مقدمات أنت ووجهك مسوي فيها أسلوب تشويقي مثل ماسميسو

ياخي علشان ادخلكم جو

إقتباس


	إلا مساعد الرشيدي قصيده وإلقاءه حلو.. بس مدري ليه ما يهايط كثير؟ لازم يهايط عشان يكثرون معجبينه.. هذا زمن الهياط والمهايطة للأسف

مدري بس هالقصيده بطله ,,,,,,تقدر تقول شي,,,,,,اتحداك

إقتباس


	بالله عليك من اللي ترضى تضم هالمعصقل؟ صدقني بتخاف إذا ضمته أنه يتكسر بين يدينها ويموت ثم تبتلش بالدية

ههههههههههههههههههههه.....يقطع سوالفك....تصدق اني ما قد شفت خشته

إقتباس


	هيييييي

وييييييييييييين يبوو.............قل نمر ... متعب .....عزيزي .....اخي....
ولد البترول لا يجيد انتقاء الفاظه

إقتباس


	الظاهر أنك تحب من جد يا متاعيبوو <<<< عجزت ألقى لك اسم دلع

على متاعيبوو حسيت اني قطو
دور شيء لازم تلقى

إقتباس


	اذا تبي نصيحتي.. خل قلبك قاسي.. وما تحبش حد... لا تحب إلا نفسك

الخطه كذا

إقتباس


	كنت أشوف الناس كلهم يقولون أنهم يحبون ويعشقون... قلت لنفسي يا ولد خلك مثلهم اعشق عشان تقدر تكتب قصايد وتصير شاعر فحاولت أسوي نفسي عاشق ولهان... وحطيت لي توقيع عن الحب... وقلت أكثر من مرة: وهـ بس يالحب ومع كل هذا ما قدرت أصير شاعر

مو كل من لبس ازرق هلال

إقتباس


	الحب انتهى مع قيس وليلى <<<<< من أقول جدنا الكناري الله يرحمه تقبل تحياتي يا غالي... وشرفني الرد على موضوعك...وتسلم على القصيدة الرائعة..!!

هههههههههههههه
يقطع ابليسه الكناري الا هو وينه الحين؟؟
الف شكر وفوقها شكر لك يالمشاغب
على التواجد المستمر والحلو والمضحك

كلي هلالي

إقتباس


	اخوي نمر ترى كلنا اخوان ,,علمنا بس من اللي في بالك

قرب اذنك
احببببببببب .... .... ...

بس ..... ... ...... ...

. .. ... واسمها... .
.
.
.
. .............
.
....... ........

ماجد مقبل

إقتباس


	صح لسانك نمر 15 مشا الله تبارك الله القكصيدة رائعة وذوقك رائع .. وانت رائع .. بس لو تبطل حركاتك ههههههههههههههه

صحصح بالك ان شاء الله

بيس اي حركات اقول توصلني (حط فمه على يده)

إقتباس


	دور صورة ثانية الله يهديك ولا يكون انا اللي في بالك بس هههههههههه فتك بعافية متعب

جب لي صوره وابشر احطها

والي في بالي
اسئل القمر ويجاوبك

تشــــــــــاو

abu_riman · #10 17/04/2007, 12:09 PM

أهلاً بنمر هذا المنتدى ..
جميل هو اختيارك كما تعودنا منك الجميل ..

دم لنا تنثر حروفاً جميلة ..

نـــــــ15ــــــمر · #11 17/04/2007, 11:58 PM

الكلاسيكي

اخي وحبيبي
تواجدك ليس بغريب وتواجدك مفرح بالنسبه لي

بصراحه البيت الذي اعجبك هو الذي جعلني احضر القصيده بكاملها لكم هنا

وروعه الانتقاء هي من روعه القراء
شاكر لتواجد شخصك الكريم
سندريلا الهلال

تواجد ليس بغريب
وان شاء الله القصيده اعجبتك
فلكل بيت معنى

فرصه ضايعه

إقتباس


	هلا والله بأخوي نمر العاشق الولهان ....

قال الكناري ذهب العشق في زمن قيس وليلا
وانا اقول الحب باقي الى الابديه

إقتباس


	أثرك عاشق وخالص مرة وحده ... شوي شوي لا تحمس واجد ...

ليتك تشوفين هالقصيده وش سوت ...(مبسوط)

الف شكر على المرور اللطيف ولا تحرمينا من تواجدك

ابو ريمان

مشكور لتواجدك

][ عيون الزعيم ][ · #12 18/04/2007, 12:11 AM

قصيده رائعه يا مبدعنا سلمت يداك على النقل

...SoMe OnE... · #13 18/04/2007, 02:18 AM

,,,
,,
,

نــمـ15ـــر

قراءة القصيده والاعجاب بها يكون امرا سهلا لدى الاخرين ..
ولكن حينما ينولد مبتغاه لـ ( الكرم ) فـ هذا حُسن المنطق وجمالية النبض ..
فـ مشاركتكـَ لنا هذه القصيده .. ابلغ من اي حرف تكتبه الانامل هنا ..
ذائقة رائعه .. تعكس مدى الرقي الذي يسكن قلبكـَ عزيزي ..
قصيدة رائعه واحساس جميل ..سرني التواجد هنا وكل الاماني لكـَ بدوام التوفيق ,,

****

كن بخير
...SoMe OnE...

ملاحقة دجاج · #14 18/04/2007, 03:12 AM

اووووووووووووووه الى الحين انت عاشق

هماك رحت لروسيا
ما لقيت وحده تتزوجها
اسكتي بس بنات السعوديه احلى بنات

~بنت الزعيم~ · #15 19/04/2007, 12:18 AM

منقول رائع اخوي نمر ..
لشاعر اروع الرشيدي ..
كل الشكر والاحترام لك ..