أخي العزيز ...كلنا نعرف منصور الأحمد...
إدار ي متفاني ومخلص في عمله... ومحب لنادية ....ومقرب من اللاعبين....
وقبل ذلك فهو اي الأحمد انسان على خلق كريم وعقلية ناضجه
ولايمكن أن يظلم عدو له فكيف تحاول الايحاء لنا بأنه يحاول القضاء على المرشدي
أخي الكريم..مر على نادي الهلال عدد من اللاعبين مثل عقلية المرشدي..وانتهوا
والسبب أنهم ليسوا أهلاً للمسؤولية .. وليس السبب هذا الاداري او ذاك..
وكذلك مر على الهلال لاعبين عاديين ونجحوا والسبب إنضباطهم وسلوكهم القويم وعقليتهم الناضجة
وبالمقابل مر على بعض الاندية ألأخرى لاعبين موهوبين وقتلوا بسبب رؤساء تلك الاندية
كقصة عبدالرحمن بن سعود_الله يسامحه_مع الهريفي وكيف قضى عليه في عز توهجه
وهذا هو الفرق بين الهلال والآخرين..
----------------------------------------------------
نختلف فيما بيننا لمصلحة الهلال ونظل أخوة

إقتباس الرسالة الأصلية كتبت بواسطة hilal forever كلام سليم المرشدي مجتهد لكن مكانه في الاحتياط .... تقوللي ليش !!! اقولك : ( المفرج عاوز كده )

صدقت والله


بس هذا ما يمنعه من هجر النادي

المفروض يأدي اللي عليه تمارينه ومتابعة علاج اصابته

الزم له من المراوغه والتهرب من النادي

كأني اشوفك تتكلمون عن سامي ولا الثنيان ولا الدعيع!!!
والله انكم اكبر مطبلين للمرشدي !!
وبسبتكم كبرتوها براسه وصار يتغلى بعد !! وتبي تخربون مستقبل الزعيم!!
والله ان المفرج المنضبط افضل بكثير من المرشدي اللي لعبوني ولا ابي ازعل!!
حقيقه تقال المدرب اذا شاف المفرج وشاف المرشدي ((وحتى لو اني في مكانه))راح اختار للتشكيله الاساسيه
الاعب فهد المفرج وبدون تردد!!!لانه المواظب والمنظبط والمجتهد والملتزم بتكتيك المدرب والاهم يوضح لي انه يبي يكون اساسي !! ويسعى للشي هذا!!
اما المرشدي وبصراحه لاعب لا يعتمد عليه ابدا >>>>>بكره يزعل على النادي ويسحب عليهم 3 ايام!!
لا حضور للتدريبات و لا محاولات لاثبات نفسه!!بالعربي غير مبالي!!
واحنا مقبلين على مباريات مهمه وحاسمه ولا نبي ناس يسون لنا بلبله!! ويتغلون علينا وهم توهم صاعدين!!
والمرشدي ما هي اول مره يترك التمارين ويسحب على النادي!! شكل الامطار والخير هي السبب!!!!!!!!! اعرفه يحب البر!!
والاحمد ما اعتقد ان له دخل في الشي هذا لان الاعب اذا بغى يلعب اساسي يثبت للمدرب وبس ولا غير المدرب!!
لا تعطون عذر للمرشدي ابدا!!!

انا ما اتمنى يكون عندي نجم وبس!!!!
انا اتمنى ان يكون عندي نجم ومنضبط !!!!

همسه للكابتن ماجد المرشدي:

لا تعتقد انك بحركاتك هذي راح تكون اساسي !!
اذا كنت تريد ان تكون اساسي >>>>>>عد للنادي واثبت انك كفو لان تكون اساسي في زعيم نصف الارض!!
اما بجعل الجمهور يضغط على الاداره فهذا كفيل انه ينهي موهبتك سريعا!!
اذا لم تثبت نفسك كا اساسي ما راح يثبتك احد!!! اسعى بنفسك مو بالجمهور!!!
صحيح انك نجم قادم في خط الدفاع ونتمناك ترجع لكن اللي جابك يجيب غيرك!!
تعوذ من ابليس وعقلك في راسك وتعرف خلاصك!!


وحقيقه الاعب المحترف يجب ان يكون محترف
وأتسائل كيف لاعب يترك التدريبات لمدة اربع ايام وناس تطالب بانه يكون اساسي!!!
على العموم الله يوفق الزعيم في المباراة القادمه
وهذا رأيي في الموضوع
وشكرا