انواع البنات...
 

السلام عليكم


-نوعية من البنات تشوفها في البيت غير وعند الناس غير ..
على سبيل المثال:
في البيت لو يجي أحد ويناديها .. تقول : هااااااااااااه
لكن خارج البيت (السوق ، الجامعة ، لما ترد على التليفون .. الخ )
تقول: سم او سمي طال عمرك هلا حياتي عفواً ماسمعتك اهلين.... الخ
ليه كذا ليه !! خلك عادي قولي هااااااااه جوا البيت وبرى

2-الملابس:
أنواااااع الخلقنة في البيت .. يعني تلبس بنطلون بيجامة وبلوزة بيجامة !!
لكن اذا طلعت .. لو تدخل مسابقة كان فازت .. بملكة الأناقة..!!

3-خفة النفس:
ونسبتها قليلة جداً (ممكن يكون أكثر تواجدهم في القرى وبما ان الخرج ميب قرية .. ف حبيت اخصصها )
يعني أغلب بناتنا عجازات مثل شبابنا ..
بعض البنات من العجز .. حتى العباية ماتلبسها .. تخلي الشغالة تساعدها ..

4-اذا تبون تعرفون البنت فضوية وإلا مرتبة .. شوفوا شنطتها اليدوية اللي تاخذها معها باستمرار ..
مثلاً شنطت السوق .. بعض البنت الداخل شنطتها مفقود .. والخارج منه مرحوم !! يعني كل شي تلقونة فيذا الشنطة (مناديل ،قراطيس،علوك ، فواتير،غطا روج بدون روج ....الخ)
والبعض الآخر من البنات لااا .. شنطتها أنتكة مثلها
أنتكة= راعية ذوق

5-راعية الحق والواجب:
بعض النساء .. ماشالله عليها راعية حق وواجب مثلاً: زيارات عائلية .. مناسبات .. مساعدات للغير ...الخ ..كلها تقوم فيها
لكن البعض اللآخر .. تقوم بالحق والواجب على حساب زوجها وبيتها وعيالها .. على سبيل المثال:
تضغط على زوجها انه يوديها .. لبنت عم خال جد امها عشان توها ساكنة في بيت جديد ويبي لها زيارة ونزالة بعد .. بزعمها ان اللي تسوية حق وواجب
طيب ورى ماتسوين حق وواجب في رجلك .. وتعفينه من الزيارت اللي مالها سنع
أنا ماأقول انها لاتروح للزيارة .. لكن اذا تهيأت الفرصة لها من الأفضل انها تروح .. لكن مو على حساب شي آخر تقوم بالحق والواجب

6-بعض البنات الله يهديهم مايفرقون بين الطلعة العادية .. والطلعة للجامعة .. والطلعة للسهرة !!!
يعني الميك اب لكل هالطلعات واحد والبس والشعر كذالك ... يعني وووووووووووين رايحة بالله .. وشوله هالكلافة !! لازم تفرقين بين كل طلعة والآخرى ...
لأن الزين زين لو قام من النوم .. والشين شين لو دعج عيونه (قاعدة ضروريه جداًًًًًًًًًًًً)

7- الدلع :
هذي غريزة في البنت .. يعني البنت اذا محد دلعها .. تدلع نفسها
لكن فيه دلع عن دلع
الدلع اللي يجي على سجيته ..يااااااااااااااااااااحلوة ((انا منهم))ههههه
لكن الدلع المصطنع ..وووووووووواااااااااااااااااع ع ع ع يحوم الكبد ..أصلاً ماودك تحكي مع وحدة تصطنع الدلع.. وياكثرهم اللي من ذا النوعية .

8- البنات النصابات :
يمكن تستغربون لو قلتلكم ان فيه بنات نصابات ..لكن الصدق ينقال .. فيه وياشينهم .. عليهم نصبن موب صاحي ..!!
يعني بعطيكم أمثلة ..
** تدرين ان أسير الشوق بكبرة جا يخطبني .. ورفضت لأنه بيسكني مع اهلة..
** شرت هذي التيور من هارفي نكلز كان عامل دسكاونت .. وهي شاريته من المعيقلية
** سارة ليه ماجيتي امس للحفلة ..
أمس بصراحة كان زوراج بنت خالتي .. كان في نياره ..وهي نصابة جاينها خوالها من حريملا .. ولا قدرت تروح للحفلة
(أنواااااع النصب) بس مايجي قطرة في بحر نصب الشباب (:rolleyes: )

9- مصلحجيات :
وياااااكثرهم عندنا .. يتلزقون بصورة ميب طبيعية موب لله عشان .. حل واجب وإلا عشان فلان الفلاني يقربلك أو غيرة من المصالح .

10-تحمق :
فيه نوعية من البنات تحمق بسرررررعة .. مثلاً ..لو تقولها .. وش ذا اللون موب زين عليك (من باب المزح ) ..عصبت وحمقت
وقالت وش فهمك بالذوق يا قروي .. انت حدك جلابية من حلة القصمان

11-ابقولكم شي في صف بعض الشباب موب كلهم .. يعني يجيك شاب فـــــــــــــــــي حاااااااااالة موب يم أحد .. وتجي البنت تقول : شوفي هذا قليل الأدب من الصبح يلاحقنا .. مالت عليه .. ذا البايخ .. ودك من يسنعه .. والولد مووووووو حولها تلاقوونه مسيكين يفكر في شي ثاني
تكفين شوفي شكلة بس انتي واغسلي يدك .. اصبري علي وبهزئه .. وهوووووو موب يمها الضعيف ... لكن تصير مع البنات كذا .. يظنون ظن سيء فيهم((انا مو منهم))

12-راعية سوالف:
يووووووووووه هذي النوعية متعبة مررررررة
يعني تجيك الوحدة تسولف تسولف تسولف ماتعطي أحد فرصة انه يحكي وكن مافيه إلا هي ..

13- الضعيفة (دابتن سليمة)
فيه بنات ضعيفات لكن موكثير .. هذولي البنات يرضون بأي شيء ..
مالهم رأي ..
كل شي عندها ايه ..
ماتعرف كلمة لا ...
و اذا أحد سألها تكون اجابتها بكلمة (مادري)
ماتناقش .. ولا شي
شفت بنات زي كذا بس موكثير .

14-فرفووووووووشة و فرووووووحة :
يعني تحب الضحك والفرفشة والتعليق .. النكد والطفش ماتعرفة .. وتتعب نفسياً اذا قعدت مع ناس ثقيلين دم((انا منهم))
وحتى لو كان مامعها احد يضحك ويسولف .. تروح تشوف وجههاا بالمراية وتقعد تعلق على نفسها وتضحك ههههه

15-شايفة نفسها:
يااااكثر البنات اللي شايفات انفسهم .. البعض من البنات يحق لها تشوف نفسها..
لكن بلاااااك اللي مايحق لها .. على ايش شايفة نفسها ... مادري؟؟؟
ماتكلم الناس إلا من طرف خشمها
واذا حكت مع أحد مستحيل تناظرة
واذا ردت ترد عقب الشين
غالباً هذي النوعية من البنات ماعندهم سالفة ..

16-راعية الطرب والشكشكة :
هذي النوعية من البنات ماتمشي إلا بمسجلها .. وأشرطتها في شنطتها ..

17-فتاااااانة .. هذي النوعية تحب تشعللها وتحب تشبها بين الناس .. يعني اذا صار موقف او مشكلة تزيد الطين بله

18-التبذير:
أغلب البنات مبذرات .. قليل البنات البخيلات واللي يحافظون على القرش ..

19- غيووووورة :
الغيرة وماأدراك ماالغيرة ..
كل البنات غيورات لكن نسبتها تختلف من وحدة للثانية ..
يعني بعضهم غيرتها شينة ويبان عليها اما بالنظرات أو بالكلام .. ولابعض الآخر لا
وفيه غيرة عن غيرة
بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة زينة
لكن البعض الآخر يغاررون ويحشووون ويحقدون وبس وهذي الغيرة شينة مرررة

20-راعية السوق:
هذا دااااااايم دووووم بالسوق ..لو ماتشتري بس تروح للسوق هذي هي هوايتها
ونسبتها ماشالله كبيرة جداً

21-الطبيخة :
ماتسولف إلا عن الطبخ والمطبخ والمواعين
وماتروح عند احد إلا وصنف من أصناف الطبخ سابقها

22-تمســــــــكن لين تمكـــــــــن
مايحتاج تفسير لها

23-العناد :
بعض البنات عنيداااااااااااات وممكن انها تسوي شي يخالف عاداتها وتقاليدها عشان تنفذ اللي براسها ..كذا عناد بس

25- أم دميعة :
هذي لو تقولها .. بخ .. صاحت
دمعتها قريبة وعلى طول تصيح وياشينها
المفروض تصير دمعتها عزيزة عليها موب أي شي يصيحها
بس القهر اذا الوحدة ماتبي تنزل دمعتها عشان موقف وتنزل ذا الدموع غصب

26- ماتهااااااب:
بعض البنات شخصياتهم قوية مرررررة وماتهاب شي ابد ..


باي







لجونهمنقمل

هههههههههههه
مشكوه ياعمري وماقصرتي :) :)
للاسف انا من هل نووووع:( :( أم دميعة :
(هذي لو تقولها .. بخ .. صاحت
دمعتها قريبة وعلى طول تصيح وياشينها
المفروض تصير دمعتها عزيزة عليها موب أي شي يصيحها
بس القهر اذا الوحدة ماتبي تنزل دمعتها عشان موقف وتنزل ذا الدموع غصب )

وانتي اي نوووووع ؟؟؟

هلا والله بالغاليه


انا الله يسلمك من نوع الي يتدلعون مع شوي الطرب مع شوي من راعية السوق مع شوي من العناد


باي

مشكوره أختي لجين على هذه المعلومات الجديدة والمفيده

أختي ريمانة لالا مايصير حاولي انك ماتكوني من هالنوع علشانك أنتي .

لووووووووووووووووووووووووووول
 

لأن الزين زين لو قام من النوم .. والشين شين لو دعج عيونه @~@ شكلك راعيه طرب وشكشه :D لان هذي اغنيه سامري قديمه :rolleyes:

اما اشوني منب احب البنات بشكل عااااااااااااااااااااااااااااااااااام ولا نب اواطنهن

البنات كذابات والصادقه فيهم تشلخ على خفيف يعني تقولك معا جاكور ولا بنتلي والخير كابرس عشر وثمانين ;)

بس حلوه فكره الشنطه :cool:

كل ذا المواصفات موجوده عند الشباب حتى الدمعه :o

اقول يا حبني للقرويات بس وش زينهن وش ملحهن اذا سوو زحمه شرو من سوق عادي طقت المجد والناصر ..... الخ

اقول نصيحه الى كل شاب مسلم اتركو البنات ما رواهن الا الدجه والمضره :D

مشكور مدري مشكورة :eek: يا لجين عليك اسم خطير :D :D :D :D

اول مره اسمع فيه :)
انا صريح وعسى احد ما يزعل من الصراحه ايه مير تراك نسيت عن الحبيبات الي كل يوم تحب واحد مشاء الله عندهن شركات حب قابظه :D :D :D :D :D

هلا وغلا بلجونه الله لايحرمنا منها;)

الموضوع رااااايق ومشكوره كثير عليه...

إلا ماتلاحظين إن البنات نصبهم متشابه الله لايبلانا...

تصدقين كلهم يقولون نفس العباره(تدرين ان أسير الشوق بكبرة جا يخطبني .. ورفضت لأنه بيسكني مع اهلة.. )قاطع قلوبهم اسير الشوق...

بعدين تعالي ليه حريملاء بالذات ليه ماحطيتي ثادق الدرعيه القصيم شقراء حبكت حريملاء:rolleyes:

بس الموضوع مره رهيب...

وشوفي انا اكثر شي ينطبق علي الطرب والسوق ادماااااااااان...

بس ماشاء الله من هو الي يقدر يجمع المواصفات كلها بموضوع..رهيب بصراحه
:)

ومشكوره مره ثانيه اختي وربي يوفقك...

الله يعطيك العافية اختي لجين .

يبدو انك تعبت على ها الموضوع لكن رائع ..

البنت بنت مهما صار بس فيه شي ما ذكرتيه انهن كلهن يحبن السوق لو فيهن كل الامراض وتعبانه وجت طلعت السوق تلقينها صارت مثل الخيل ما شاء الله لا اله الا الله ..........

لا تصيرين منهم :D :D :D :D

هلا والله فيكم

للمعلوميه ترا البنات يختلفات عن بعض (الا في شي واحد الكذب,النصب,الشلخ,الفقش):rolleyes:

ومشكوره على الموضوع


تحياتي : سامي 2002




بالتوفيق للهلال امام النصر

خواتي مشكورة على هالمعلومات:D

احم احم ياولد ياهيش تغطوا يابنات انا جيت ابدخل

اقولك يالجين الحين مافيه عندك الا هالمواصفات
مافيه مواصفات ثانية لانه صراحة وشلون ابتزوج
شكلي اباخذ وحدة مستعملة ارخص .:D :D :D

الله يهديك بس يالجين :o
يعني لالالالالالالالازم هالموضوع مالقيتي غيره
:confused: :confused:
ترى احلى شي بالدنيا البنات واحلللللللللللللللى شي بالبنات انا;)

المره الجايه لاتحشين فينا حشي بالعيال فاهمه :mad: :mad:

مشكور اخوي على هذا الموضوع الجميل
ويعطيك العافيه

الاخت لجين ...

رغم اختلافي معك في تناولك للموضوع واخذك لهذا الامر من باب السخريه والاستهزاء اكثر منه للجديه او حتي للنكته التي نعالج بها قضايانا ...

اختي لجين اختلف معك فيما ذهبتي اليه من حيث انواع البنات ولماذا لم تذكري اي ايجابيات لهن ونفس الامر ينطبق علي موضوعك الذي هاجمتي فيه الشباب بشكل واضح وكانك حاطه دوبك ودوبهم ...

((-ابقولكم شي في صف بعض الشباب موب كلهم .. يعني يجيك شاب فـــــــــــــــــي حاااااااااالة موب يم أحد .. وتجي البنت تقول : شوفي هذا قليل الأدب من الصبح يلاحقنا .. مالت عليه .. ذا البايخ .. ودك من يسنعه .. والولد مووووووو حولها تلاقوونه مسيكين يفكر في شي ثاني
تكفين شوفي شكلة بس انتي واغسلي يدك .. اصبري علي وبهزئه .. وهوووووو موب يمها الضعيف ... لكن تصير مع البنات كذا .. يظنون ظن سيء فيهم((انا مو منهم))))

فهذه الفقره بالتحديد احببت ان اقف امامها واعرف منك ومن كافه الاخوات الكرام هنا تحليل منطقي لهذه الافعال وماشابهها ...

هل الاخلاق اندثرت واصبحت البنت هي من يقوم بمضايقة الشاب ام ماذا ؟