كيف حالكم يا زعمـــاء
موضوعي عن معاناتنا مع إشاره مرور ومع بعض المتخلفين اللّي يقطعون الاشارة
ابدأ المعاناه من بدايتي في هذه المعاناه
سكنا في حاره جديده وكان قريب من بيتنا الجديد خط سريعـ
معروف باسم
( طريق المووووت ) كان مشهور بكثرت الحوادث. وكثرت حالات الدهس
لأنه خط سريع وفيه تقاطع إلى الحاره اللّي ساكن فيها ,
حادثـــ
قبل ما اتكلم عن الاشارة أذكر لكم هذا الحادثـ
أذكر في يوم من الأيام كنت جالس أتغدي بعد ما روحت من المدرسه وأسمع تفحيط سياره
وصوت تصادم قوي , قلت الله يستر . وما خرجت _ بين البيت وبين الشارع أمتار قليله جداً _
وبعد ما صليت العصر شفت ناس كثير باقي واقفين عن الحادث , والفضول خلاني أروح أشوف
ايش صار في الحادث , ورحت لقيت واحد في سيارته ويتألم ,, الحديد ضاغط عليه ,,
والدفاع المدني يحاولون يقصون الحديد , أنا ما قدرت أتحمل الوضع روحت البيت ........
المطالبه بالاشاره
طالب أهل الحي باشارة مروور في التقاطع لعلها بعد مشيئة الله تقلل الحوادث ,
وجلست الأوراق في الأدراج أكثر من عشر سنوات ,
وجائت الموافقه على الإشاره أخيراً .,,
ولكن طلعت مشكلة جديده ,,
يجي الواحد ويقطع الإشاره وهو طاير ,, وتقع حوادثــ ....
أول حادث بعد تركيب الإشاره
واحد كان قاطع الاشاره وصدم سيارة المروووووور
مواقف صارت معي وأمامي **مره كنت خارج من الحاره وقفت عن الاشارة كانت حمراء ,, وبعد ما خضرت الاشارة مشيت ,,
وأسمع ذيك التفاحيط ,, واناظر على يساري وإلا و واحد يبغى يقطع الاشارة وشافني طالع وقف وحوصت
السيارة مره أو مرتين ,, والحمد لله سلمت من الحادث ..
** هذا حادث صار قدامي كنت مروح من المعلب , وكانت الاشارة حمراء ,
وكان واحد طالع من حارتنا_ والله سيارته جديده_ ,
جاه واحد مسرع وقطع الاشارة وصدمة روح عليه الجنب كامل . وحاول يهرب لكن السياره ما مشت ,,
هذي موقفين بس من المواقف اللّي مرت بي أو شفتها بعيني ,,
حتى فكرت إني اعلق لوحه كبيره وأكتب عليها
((إذا كنت مصر على قطع الاشارة فخفف السرعه ))
لو الواحد يقطع الاشارة وهو مخفف تنبلع لكن يجيك الواحد طاير ويقطع الإشاره ....
ما كتبت هذا الموضوع إلا من القهر .. فأعذروني لأن الموضع ملخبط شوي
لأني شفت حادث عند الاشاره قلت لازم أكتب موضوع عن الاشاره
.
الوضع الشجري
