ياااااابعدي الهـــلال والميـــلان متفقين حتى في النتيجة ..
أولا مبروك شباب الفوز لزعيمنا وإن شاء الله كأس البطولة من نصيبنا ..
اليوم عندي الأربعاء يوم ماراح يتنسى أبدا فمن شاف حالتي الصباح وشاف
حالتي الحين يقول أكيد هذا عنده إنفصام في الشخصية بس تراني معذور
الحزن إنقلب لفرح واليأس إنقلب لأمل وبعد ما قمت الصباح وحسيت إنه راح
يكون أسود يوم في حياتي وإذ يصير أسعد يوم وأنا أشوف عشقي الأول والثاني
يقلبون كل التوقعات ويحققون المستحيل ..
بداية بزعيم أسيا الي يمر بظروف صعبة خسارة بطولتين وتغيير المدربين
وتعادل في الجولة الأولى على أرضه يسافر في رحلة مجهولة كنا نأمل إنه
يرجع بالتعادل .. ولأنه الزعيم يعشق التحديات أبى بكبريائه إلا ويرجع
بالثلاث نقاط ويعيد الأمل لجماهيره بمعانقة الأسيوية والتأهل للعالمية ..
ونصل لعشقي الثاني كبير أوروبا الميلان وهو الأخر يعيش أسوء موسم له من أكثر من
عشرين سنه ، تعادل بطعم الخسارة في سان سيرو في اللحظات الأخيرة بدد كل أمالي
في الوصول لنصف النهائي وبعد ما قررت إني ما أتابع المباراة لكن فوز الهلال أعطاني
شوية أمل إنه ممكن المستحيل يصير .. وشكلي نسيت إن الكبار يمرضون ولا يموتون
ظهر الميلان بمظهر الأبطال وخطف الفوز من ميونيخ ..
إعذروني شباب من الأسلوب لكن هذي الفرحه وما تسوي وإن شاء الله فوز زعيمنا اليوم
يعيد ثقتنا بنجومنا ونخف عليهم شوي من الإنتقادات وندعمهم بقوة في هذه المرحلة
الحاسمة من الموسم ولا تنسوا لقاء الأحد الوعد في الملعب بإذن الله
والله يوفق زعيمنـــــــــــــــــــــــــــــــــــــــــــــــــــــــــــــــــــــــــــــــــــا ..
الوضع العادي
