|
عاجل:ايقاف خالد مدخلي مذيع الإخبارية من قبل إدارة القناة !!!!!!!!!!! عاجل : إيقاف خالد مدخلي مذيع الاخبارية من قبل إدارة القناة http://www.sabq.org/inf/styles/sabq/images/news_r.jpghttp://www.alriyadh.com/2007/04/05/img/054171.jpg الرياض (سبق) عبدالله العقلا : أكد في إتصال هاتفي مع (سبق) خالد مدخلي المذيع بقناة الاخبارية السعودية الرابعة انه تلقى اليوم تاكيدا شفويا من إدارة القناة بإيقافه عن تقديم كافة البرامج الحوارية في القناة وتكثيف ظهوره في النشرات الإخبارية اليومية في القناة. وأرجع بعض المتابعين أن القرار ناتج عن خلفية حلقة برنامج (المجلس) الذي أستضاف فيه مدخلي الشيخ الدكتور صالح بن عبدالله بن حميد رئيس مجلس الشورى السعودي وأمام وخطيب المسجد الحرام بمكة المكرمة مساء أول من أمس الاثنين. من جانبه رفض خالد مدخلي التعليق على أن يكون قرار الإيقاف ناتج عن هذه الحلقة أو غيرها مؤكداَ في ذات الوقت أنه يحترم هذا القرار الذي لن يثنيه (بإذن الله تعالى) عن تأدية رسالته الإعلامية بإيصال صوت المواطن إلى المسؤول. ===================== ماتستاهل ياخالد وبصراحه أنت أفضل مذيع بالاخبارية مع ريما الشامخ وانا تابعت البرنامج صح انك كنت منفعل شوي ومتحمس بس طبيعي وهذا يدل على غيرتك وحبك لايصال صوت وهموم المواطن للمسؤولين وبعدك عن الرسميات اللي ملينا نشوفها بتليفزيوناتنا.. نتمنى نراك قريبا في احد البرامج ================== تحياتي |
هذا حظنا من يتكلم بلسااااان واااهات المواطن واحتياجاته ياما يوقف او يمرض او ينتقل لاي قناه ويبقى مذيعوووون كانهم خشب جامدين وتكلف والضحكة معدومه كنه بحزن حتى بالريااضيه كانها قناه سياسيه برود وتكلف غير طبيعي ملينا نبي تلقاائيه كتلقائة المطيويع ونبي مذيعين يتكلمون بلساننا مو بلسااااان المسئول مشكور ع الخبر |
حكومتنا دكتاتورية ؟ ولا حنا دكتاتوريين ؟ يعني لما الواحد يقول الحقيقة يوقف ولا يسجن ولا ينقال فيه ماالله به عليم ؟ والله الفشيله |
دائماً من يتكلم بالحق يضطهد .. ومن يطّبل هو المستفيد ..!! ان شاء الله يرجع لوظيفتة ويكمّل رسالتة الأنسانيه ببث هموم المواطن على الهواء وليس تكميم الأفواه !! |
لنكن واقعــيين .. خالد مدخلي في البرنامج كان منفعل مع الشيخ أبن حميد ..!! إذا كان ينقل هموم المواطنين فـ"يعطيه العافية وماقصـر " !! لكن ماهكذا يكون التعبير بحركات اليد والنظرات الحادة ومداخلاته مع خطيب وإمام الحرم المكي ..!! المفروض يناقش الشيخ بكل إحترام وبأسلوب جميل ..!! :rolleyes: والدليل أنه أخطأ .. بتأسفه للشيخ إذا كان الأسلوب أو مداخلاته في غير محلها ..!! لكن يبقى أحد المذيعين المتميزين في الأخبارية ..!!!؟ سلامـ |
هذا الي يجيك من الخطط المدروسة |
للأسف الشديد أرى بعض ردود الاخوان الكرام الديكتاتورية والبيروقراطية والاضطهاد واتوقع ان استرسل َ أحد ٌ معه في هذا الجانب لأ فحـِـم َ سريعا ً .. بلادنا بلاد الخير لايمكن أن تغضب من الحق لأنها تحَكِم الحق وهو الشريعة الاسلاميةالخالدة .. فأدام الله عز حكومتنا .. أما بالنسبة للموضوع والمذيع خالد مدخلي فهو إعلامي مميز منذ أن كان في إذاعة الرياض إن لم أكن مخطئا ً .. واذا حصل منه خطأ فهو معرض للخطأ .. وأتمنى عدم الإستعجال في إتخاذ العقوبات لأنها لن تصلح بقدر ماتفسد .. أما الشيخ خطيب العصر .. د. صالح بن حميد فله منا كل التقدير والاجلال و الاحترام .. تحيتي للجميع خصوصا ً صاحب الموضوع والأخ : سيمو .. |
ايه الله يعين ,, يعني بس عشانه احرج الشيخ الله يخلف |
يستاهل الفصل كان كلامه مع الشيخ كأنه يتكلم مع اصغر أخوانه قلة ادب ومقاطعة للكلام ورفع لصوت ويستهزء با لمجلس الشورى وكأنه مجلس بيتهم لدرجة انه احد المتصلين نبهه با لشيء هذا وقاله ترى اسلوبك مع الشيخ قاسي واعتذر لكن وش ينفع الاعتذار أسلوبه شوارعي من الدرجة الاولى ما أدري متى بتنتهي هالنوعية من المجتمع شيخ أكبر من أبوك تكلمه با لطريقة هذي مع الأسف القناة اخطأت بختيار هالنوعية من الأساس............. |
اسلوبه مع الشيخ كان فيه قلة ادب وان شاء الله تكون درس له في المستقبل |
بصراحة ما شفتـ الحلقة ..!! لكنـ هذا المذيعـ بالذاتـ ما أرتاحـ أشوفهـ قدامي أبد ..!! يا اخوان اسلوبهـ ، طريقة تحدثه والقائهـ ، فيها تصنعـ واضحـ والي يقهركـ زيادة تحسـ أنهـ جاي غصبـ ومخلينهـ يقدمـ ..!! سـ لا ـمـ |
يبون كل المذيعين مثل مذيعين نشرة اخبار الساعه 9 في القناة الاولى |
إقتباس:
|
هذا اللي ذبحنااااااااااااااااااااااا اذا الواحد قال الحقيقه لعنو شكله وش نسوي طيب يعني اللي يجامل ويكذب احلى مذيع واحلى صحفي لكن اللي يكون صريح هو الغلط والله مشكله ماتستاهل والله ياخالد |
زين الي ماذبوه ورا الشمس (متأثر من برنامج امس في الجزيرة :D ) تحياتي... |
| الوقت المعتمد في المنتدى بتوقيت جرينتش +3.
الوقت الان » 05:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd