أعصار الرياض الي قبل شوي - نادي الهلال السعودي - شبكة الزعيم

القناص 7 · #1 09/04/2007, 07:19 PM

أعصار الرياض الي قبل شوي وتحديدا بالربوه

تم اقتلاع بعض الاشجار من جذورها وحوادث مروريه وغيرها من الكثير من هذه الاشياء

هذه صورتين من بيتنا لشجرتنا

مقدر الهلال · #2 09/04/2007, 07:36 PM

اي والله صار في الرياض غبار بس الحمدلله غرقنا بالامطار

LBa your heart · #3 09/04/2007, 08:03 PM

الحين وش اللي بالصوره؟
...

يالبى الرياض بغبارهاا وبمطرها

G o L d E s T · #4 09/04/2007, 08:37 PM

والله اللمبة حقت الشارع اهتزت من قوة الهواء

بس الحمد لله انه جاء مطر

وان شاء الله يجي زيادة

الكناري الأزرق · #5 09/04/2007, 09:22 PM

السلام عليكم و رحمة الله و بركاته ..

اذا هزت ماصوره على قولك يا مجنون الزعيم اجل انا وش تبي تسوي بي ؟!
عز الله ابطير و منب طايح الا بعقله الصقور

.. !

ما شاء الله عالامطار عموما .. و حنا اليوم الحمد لله جتنا امطار و برد ,,
عاد ما نزل البرد الا و انا طالع من الحلاق و انواع التفقيش

.. راسي صار كتكات ,,

و ما دريت الا و سواقنا مدري من وين طلع و اجيك و اركب معه .. بس سبحان الله يوم طلعت نزل البرد

!
الحمد لله عموما .. و صيبا مباركا بإذن الله !

التسناري

هلالي @ ريداوي · #6 09/04/2007, 09:38 PM

اللهم أجعلها أمطار خير وبركة

Mr.DL5 · #7 09/04/2007, 10:35 PM

والله انا توني صاحي من النوم وما ادري وش السالفة ..!!

طلعت ولقيت مطر والحمد لله ..!

البرنس الهلالي الأزرق · #8 09/04/2007, 10:40 PM

عندنا الاشارة طلعت فلة.. صارت لجهة الشارع الثاني

والله من الحوسة

بس بعد ما جاء المطر ركد الجو

مجـ ـ نونــهـ11 · #9 10/04/2007, 12:08 AM

هههههههه يا رجال عساك سالم بس احنا بحارتنا براميل الزبايل اكرمكم الله طلعت كلها لنص الشارع وانا بسيارتي قسم بالله احس ان الهوا بيطير السياره

اليوم جا هوا موب طبيعي

hilaly_mot · #10 10/04/2007, 02:14 AM

اما انا وضعي غييييير
طلعت انا وابوي من المسجد صلاة المغرب قلتله اجيب السيارة قال لا مايحتاج

المهم مشينا بسرعة ,,,, شوي الا طاحت مظلة بالمسجد ومن قوة الصوت لقيت بيني وبين ابوي كيلو من الخوف رفع ثوبه (شق الشعيب )

بكل فخر هلاليه · #11 10/04/2007, 03:26 AM

الحمد الله على كل حال

بس والله من الخوف هجيت أنا وخوي وأختي كنا بالسطح ...

أخوي الخواف بغاء يموت من الخوف خاصه لما أتسكر الأبواب مع بعض

وأخوي الثاني اللهم لك الحمد

قام من النوم شاف النخل طايح اللي بشارع قال يوه وش ذا الغبار اللي جاء اليوم << متاكدة أنه من أهل الرياض

الحمد الله جاء المطر ورتحت نفسينا

عوافي أخوي

نـــــــ15ــــــمر · #12 10/04/2007, 06:19 AM

شباب علموني اليةن في هواءمال امها داعي اتكي بالطيراه فوق ولا نهبط........

تشـــــــــاو

القناص 7 · #13 10/04/2007, 03:11 PM

تسلمون على المرور جميعآ ,بس تتوقعون بيجي اليوم نفس الي جاء أمس؟؟

LBa your heart · #14 10/04/2007, 04:44 PM

ياخي متشائم من موضوعك,,

الجو الحين مغبببببر

كنت جالس على النت وفاتح الشباك مادريت الا ووجهي مغبر

القناص 7 · #15 10/04/2007, 05:03 PM

والاعصار يأتي مره اخرى بس الحين غبار بدون مطر...

الله يستر علينا.