أول شي بسم الله الرحمن الرحيم

بدون مقدمات ابدخل بالموضوووع وبسرعه وبوضوح

سامي الجابر .. في احد مقابلاته قال ان المفرج ونواف يبيلهم صبر عشان يرجعون لمستواهم . انتهى ..

الموضوع ..

الهلال يبدأ السنه وهو يضع هدف وهو ( الذهب ) وما اعتقد اني شفت من اهداف الهلال لاعب ..

الا ان يكون اللاعب طريق للهدف ..

أحمد خليل ... فهد المفرج .... نواف التمياط

^^^

لاعبين لهم مكانهم بالهلال ولاعبين نحترمهم حتى لو ما أدو صح فقط لأنهم هلاليين ..

لكن انا وغيري من الجماهير نشجع الهلال لأنه عودنا على الذهب وما نجامل من أجل نواف والمفرج ..

تفاريس والمرشدي هم سبب صدارة الهلال بخساره وحده بالدور الأول !!

الهلال كان من أفضل ما يكون ليش المرشدي برا التشكيله والمفرج واغلاطه الكثيره وخليل بسنه الكبير يكونون بالتشكيله ؟؟؟

الى متى الواسطات في هلالنا ؟؟؟

الى متى والمفرج يكون قلب دفاع وعندنا الي أفضل منه بكثيرررر .؟؟

الشي الثاني وهو الفتى الذهبي نواف التمياط واشراكه في مباريات في كامل الأهميه للهلال عشان يعود لمستواه !!

الكل شاف نواف الموسم هذا وما اتكلم عن مباراة الأهلي ...

وش سوى نواف الموسم هذا ؟؟ ما اعتقد انه سوى شي الا انه صنع هدف في مباراة بالدوري او نقول هدفين

اذا ما خانتني الذاكره .. ليش هو بالتشكيله والحربي برى التشكيله ؟؟

لاحد يقولي تاريخ نواف .. كلنا نعرف تاريخ نواف قبل خمس سنوات ولو بنلعب لاعب بتاريخه رجع الثنيان اساسي ..

][ مشاكل وتخبصات اداريه ][

باكيتا وعنصريته المعروفه .. وخلصنا من جيلسون ويبي يجينا الفان

*معروف باكيتا بأخلاصه لأبناء وطنه البارزيليين وانه ما فيه أمل يطلعهم حتى لو هم بأضعف مستوياتهم

وكلنا شفنا مباراة الأهلي .. هذا شي من اشياء

*فرض التشكيله على المدرب واجباره بأدخال بعض اللاعبين للتشكيله الهلاليه ..

* الغنام يأتي للهلال بالملايين ولكنه في دكة البدلاااء ؟؟!! هل الغامدي وهو في هذا السن أفضل منه ؟؟

وليش ما نصبر على الغنام مثل ما صبرنا على نواف مع ان الغامدي الحين مستواه ضعيف وهمه كيف يحصل على فاول ومتى يعارض الحكم ؟

**سيصبح الهلال مقبرة النجوم اذا استمر على هالحال وسينتهي الغنام وغيره من الي ماعندهم واسطه للعب اساسي بالفريق !!


أعتذر على طول الكلام // ومامن صواب من الله وحده ومامن خطأ فمن نفسي والشيطان //

واتمنى اشوف ردودكم واقتراحاتكم

بالنسبة للغامدي اختلف معك
لأنه يعتبر هو وخالد عزيز نجمان لايمكن لنا أن نجد مثلهم في المملكة مع
احترامي الكبير للكابتن عبداللطيف الغنام

يعطيك العفيه اخوي
بس اختلف معك جملة وتفصيلا في عمر الغامدي ,ولكن هذا مايمنع ان الغنام يلعب مع عزيز وعمر ومعاهم الشلهوب والتائب وقدامهم ياسر ...
اما المرشدي فاتمنى الصبر عليه الأنه باقي صغير في السن وبيفيدنا لسنوات طويله ان شاء الله ...

ولك تحياتي