نواف التمياط : سأقدم أفضل عروضي هذا الموسم .. - نادي الهلال السعودي - شبكة الزعيم

محامي الفيلسوف15 · #1 09/04/2007, 05:24 AM

السلام عليكم ورحمة الله وبركاته ..

من منكم يذكر ذلك التصريح لنواف الفتى الذهب سابقا المنتهي حاليا << ركزو حاليا ..

في بداية الموسم وبعد التوقيع مع الهلال .. قال نواف سأعد الجماهير الهلاليه بتقديم أفضل المستويات هذا الموسم ..

واذكر كان التصريح فالرياضيه وفالصفحه الاخيره ..

بالعربي وينك من هالكلام يانواف .. يازين الهرج بس ..

بالاخير أتمنى وادعو الله بتوفيق الهلال وتوفيق جميع الاعبين وعودة نواف لمستواه << مدري ليه هذي مافي امل ..

الفيلسـوفـ · #2 09/04/2007, 05:30 AM

والله لو تركدون وتخلون الرجال بحاله ويراجع حساباته بنفسه اتوقع ان فيه امل كبير يرجع لمستواه

بس المشكله حشرتوا الرجال تبونه يرجع بسرعه وين والله لو انه رجل آلي

العنوا الشيطان واركدو وحبه حبه على نواف

صدقوني لو يتهيأ الجو المناسب من جميع النواحي لــنواف اعدكم انكم سوف تشاهدون نواف افضل مما هو عليه الآن

شكرا لك على حرصك على لعيبة الهلآل

عاشقة القمر · #3 09/04/2007, 05:39 AM

نواف قد الوعد
وهو ماقصر جالس يحاااول انه يرجع لمستواه بس لو تكفونه شركم راح يرجع بسهوله بأذن الله

محامي الفيلسوف15 · #4 09/04/2007, 05:44 AM

شكرا لمروركم .. وصدقوني ماكتبت هالموضوع الا لاني مو راضي للي قاعد يسير فلاعبينا ..

يمكن قسيت شوي ع نواف .. بس والله من حرصي .. وتذكرت كلامه فأول الموسم وحبيت اقول وينك عن كلامك ..!

عاشقة القمر · #5 09/04/2007, 05:49 AM

اخوي محامي
والله كلنا مو راضين اللي يسير للاعبينا
بس والله نواف مستواه مانزل الا من الجماهير اللي جالسه بس تنقد وتجرح بس وهذا الكلام مو بس لنواف كل الاعبين((الشلهوب وياسر والمفرج و....الخ)) والله مستواهم نزل بسبب هؤلاء ....

الله يوفق الهلال في البطولات الجااايه

النسرالهلالي · #6 09/04/2007, 05:50 AM

آآآآآآآه نواف كبيـــــــــر بعقله قبل أداءة ...

أخوي تبغاه يقول في التصريـــــح مافي أمل أرجع لمستواي !! لازم يوعد الجماهير بأنه سيقدم كل اللي عنده ... لكن توفيق رب العالمين فوق كل شيء

تقبل مروري

qfo · #7 09/04/2007, 05:56 AM

والله هذا الي يتمناهـ كل هلالي ،،،

Carrick 16 · #8 09/04/2007, 05:59 AM

نواف طوّل الغيبه .. مستواه اقل من المأمول بشكل كبير

اتمنى ابو بندر يراجع نفسه .. ويرجع بقوة التصميم والاراده المعروفه
عنه
وايضاً بمساندة الجمهور ودعمهم له

نواف تاريخه ومستواه يجبرنا ننتظر منه الافضل

بالتوفيق للزعيم

محامي الفيلسوف15 · #9 09/04/2007, 06:32 AM

إقتباس

الرسالة الأصلية كتبت بواسطة هلالي العوالي


	نواف طوّل الغيبه .. مستواه اقل من المأمول بشكل كبير اتمنى ابو بندر يراجع نفسه .. ويرجع بقوة التصميم والاراده المعروفه عنه وايضاً بمساندة الجمهور ودعمهم له نواف تاريخه ومستواه يجبرنا ننتظر منه الافضل بالتوفيق للزعيم

والله زي ماقلت مايصبرنا غير تاريخه وانجازاته اللي تجبرنا ع الصبر

مشكور ع المرور وكلامك سليم .

المــراوغ · #10 09/04/2007, 06:34 AM

نواف الله يهديه صاير مثل مؤشر سوق الأسهم

دبج وهي الدبجه .,.,

ياخوووي إذا كنت تعاني من ضغوط والا مشاكل ياخي عندك الإدارة تقدر تستأذنها وراح تسمح لك
بدال ما تحرج نفسك وتخسر جمهورك

والف شخص يتمنى يمسك محلك .. فهودي مهارات ( فهد المبارك) - مشعل الموري - احمد الحربي

يا شيخ حتى لو نحط عمر الغامدي وسط يمين ونلعب الغنام كمحور ثاني

بس على أقل شي نبغى روح في الملعب وقلب نابض

مهووب مهابد ومطامر وتكسير على قل سنع ..

ونتمنى يرجع لمستواه ..

شاكر لك

هلالي من الزعماء · #11 09/04/2007, 06:41 AM

إقتباس

الرسالة الأصلية كتبت بواسطة النسرالهلالي


	آآآآآآآه نواف كبيـــــــــر بعقله قبل أداءة ... أخوي تبغاه يقول في التصريـــــح مافي أمل أرجع لمستواي !! لازم يوعد الجماهير بأنه سيقدم كل اللي عنده ... لكن توفيق رب العالمين فوق كل شيء تقبل مروري

الله يوفق ابوبندر ويرجع لو نص نواف 2000

almuneef · #12 09/04/2007, 07:21 AM

ما فيه أمل

قول الي تقوله

فاقد شيء لا يمكن يعطيك

ااسامه · #13 09/04/2007, 07:57 AM

أقسم بالله لو الله يفكنا من بعض الأعضاء كان الهلال بألف خير

halyazeedi · #14 09/04/2007, 08:04 AM

نواف وعد و هو عند وعده و عند حسن ظن الجميع و الله يوفقه ان باذن الله تعالى برجع نواف 2000 .

مقبرة الأندية · #15 09/04/2007, 08:10 AM

الرجال الحين قاعد يلقى منكم ضغط مو طبيعي خلوه يراجع حساباته 00وايد راح يرجع نواف اللي نعرفه