إلغاء عقد رودريجو فرنانديز ألفلين وإعادة غاورو رودريجو! - نادي الهلال السعودي - شبكة الزعيم

إعلامي معتزل! · #1 09/04/2007, 02:09 AM

السلام عليكم ورحمة الله وبركاته
للاسف اثبت لاعبنا المهاجم البرازيلي (رودريجو فرنانديز ألفلين) انه ليس ضالة الهلال والمفروض يكون مستواه افضل من اللاعبين المحليين بالنادي حتى يستفيدون منه ويستفيد النادي منه باحراز اهداف حاسمه وبطولات بعد جهوده لكن تبين لي ان ياسر القحطاني افضل منه 100% ويجب الغاء عقده والاستعانه بالعنبر والصويلح او اي مهاجم شاب لكي يكون بجوار القناص ياسر القحطاني.

مع إعادة لاعب الوسط البرازيلي (غاورو رودريجو) لاعبنا السابق اللي بصراحه كنت اتمنى انه موجود بالتشكيله ودخل بدل لاعبنا الكبير طارق التائب اثناء اصابته لان (غاورو رودريجو) لاعب سريع ومجتهد ولاعب جهد وهذه ميزه مهمه فيه .
طالبوا معي من الاداره الغاء عقد ( رودريجو فرنانديز ألفلين)
وإعادة لاعب الوسط البرازيلي(غاورو رودريجو)
والاكتفاء بخط الهجوم بياسر القحطاني وبجواره:
العنبر
او
الخراشي
او الصويلح
او اي لاعب شاب
والله ثم والله ان هذا افضل حل لاستقرار خط الوسط والهجوم بالفريق
للاطلاع وابداء مرئياتكم بالموضوع
تحياتي

دروووش · #2 09/04/2007, 03:43 AM

كلامك سليم 100%
معاك في كل ماتقوله

مجنونة القحطاني · #3 09/04/2007, 03:47 AM

صح كلامك بس المشكلة ان غاورو يستنى اي خطأ عشان يسجل منه هي كم مرة اللي سجل فيها على طول

yoo z7mh · #4 09/04/2007, 04:02 AM

والله قلت الي في نفسي

أنا الهلالي والنعم · #5 09/04/2007, 04:13 AM

أخوي أولا اسمه ...رودريقو....ولقبه قوارو...وليس كما ذكرت ..غاورو....وأنا معك فيما قلت المفروض يتم هذا الشئ من الآن ويلغى عقد آلفن رودريقاو وبدلا منه يكون قوارو...شكرا.

كراش الهلالي · #6 09/04/2007, 04:19 AM

ياخوي ناقصين كديش قشهم كلهم وجب لاعب عليه العلم زي كايو ولى فاجنر جب اجنبي يشيل االفريق مب الفريق يشيله

الاولمبي · #7 09/04/2007, 08:34 AM

ياخوي حرام عليك اصبر عليه 10 سنين بس ؟ تراه فنان !!؟
سيريزو يشوف شي مانشوفه علشان يقعد على تسبودنا شوطين كاملين
وباكيتا عنده الفان ازين من ياسر عشان كذا طلع ياسر التعبان !!؟ وابقى على النجم الفان
اقول الله يصبرنا وبس

كلنا لك يالهلال · #8 09/04/2007, 08:54 AM

تبون الصراحه وبدون زعل

انا احترت بينكم مو ابو سلطاان المسكين

تذكرون ياجمهور الزعيم وش كنتو تقولون عن قوارو تذكرون

بس وش نقول مانقول الا الله يقلع عننا فرنانديز ويطس عن الهلال ونجيب

مالك او يوسف السالم او اي لاااعب ونرجع قوارو

ALZa3eEm 3AmaHoM · #9 09/04/2007, 09:10 AM

كلامك سليم

HILALI-120 · #10 09/04/2007, 09:10 AM

أنا معك في الغاء عقد ألفان ...........بس مانبي نرجع أقواروا نبي لاعب أفضل منه...نبي لاعب محترف يكون على الأقل أفضل من ياسر""""""""""""""

أبو صالح 1377 · #11 09/04/2007, 09:11 AM

كلنا ندري أن الفان ماهوب ضالة الهلال
لأن طموحنا كان بمهاجم عالمي
وفي النهاية طلعو لنا بهالتأليف اللي مدري وش يبي
أقول يا حلالات قارو بس ،،،،،،،،،، أحسن مافيهم انهم ما طردوه
يعني في أي وقت يطردون ألفان ويرجعون قارو بس متى

سلام

mhsen · #12 09/04/2007, 09:14 AM

الهلال عزيزي لا توجد لديه ضاله في الهجوم
يوجد العنبر الصويلح الخراشي وغيرهم الكثير ولكن لا يعطون الفرصه الكافية مثل الاجنبي الفاشل

القناصه-20 · #13 09/04/2007, 09:20 AM

انا ضد هالفكره لان رودريقو الفن قدم مباريات مع الهلال وكان لعبه لابأس فيها وسجل 6 اهداف في كم مباراه وكانت بدايه حلوه وتشفع له انه يبقى مع الهلال بس لو نصبر عليه شوي لانه والله لاعب فنان وما امداه يطلع اللي عنده كله
نحتاج بس الصبر عليه شوي ..
كلامكم هذا يذكرني بقبل كم موسم يوم تطالبون بأنهاء عقد كماتشو واتوقع الكل يعرف كماتشو ووش سوى للهلال وكان من انجح اللاعبين الاجانب في قبل كم موسم
انا من وجهة نظري اننا نصبر شوي على الفن الين يطلع اللي عنده وباين عليه انه بيطلع شييييييي
...

جـار القمـر · #14 09/04/2007, 09:37 AM

أنا معك في الغاء عقد ألفان

good_luck_alzaeem · #15 09/04/2007, 09:45 AM

في شي لازم تعرفونه
الهلال ما يقدر يرجع ردريقوا قواروا يلعب في ادروي او في الاسيويه والسبب انا تم تسجيله كلاعب محترف و لا يقدرون يغيرونها الا في الدور الثاني للاسويه او الموسم الجاي للدوري السعودي