نادي الهلال السعودي - شبكة الزعيم - الموقع الرسمي - الى الجماهير الهلاليه ارجوا الدخول

السلام عليكم
بعد المباره دخلت الشبكه والى يومنا هذا
والمواضيع اغلبها سب وشتم في المبدع
الفتى الذهبي نواف التمياط
كأن نواف هو اللي خلى مالك معاذ يسجل الهدف
ولا هو اللي حاط الخطه ولا هو اللي بدل اللاعبين
ولا هو اللي تسبب في الهزيمه في جده
نواف التمياط دخل المباره مثله مثل لاعبين الهلال كلهم
ماله ذنب بالخساره
لاعبين الاهلي
دخوا المباره مرتاحين متقدمين بهدفين وسجلوا الثالث
عن طريق المبدع مالك معاذ
اللي مااحسنوا المدافعين مراقبته مشكله الهلال في دفاعه
دفاع الهلال مستواه متدني في ضل غياب تفاريس بسبب الايقاف
وعودته بعد انقطاع وغياب المرشدي عن التشكيله الاساسيه
لكن هذا لايققل من امكانيه المفرج اللي لو يتركه جمهور الهلال في حاله
بأذن الله راح يرجع لمستواه واحسن
ارجع لنواف
نواف التمياط قدم الكثير والكثير للهلال
انجازات وبطولات كثيره تسبب بها نواف
اهداف خياليه لايسجلها الانواف
لكن الموسم هذا نواف تراجع عن مستواه شيء طبيعي لاعبين كبار تراجعوا عن مستوايتهم
مو بس نواف
الحين راؤول لاعب ريال مدريد غايب عن مستواه بشكل عجيب
ومع ذلك جماهير ريال مدريد ماسبوه ولا طالبوا بتنسيقه
بالعكس يطالبون فيه انه يلعب اساسي
بالرغم من ان مستواه متدني بشكل فضيع
نواف تراجع عن مستواه بس موب بالشكل اللي يخلي جمهور الهلال يطالب يتنسيقه
مهما كان نواف يضل لاعب هلالي كبير
الجمهور الهلالي انتم سبب تدني مستوى اللاعبين
نواف التمياط يبذل اكبر مجهود في الملعب بس يبي يرضي الجمهور بأي طريقه
ياسر القحطاني يضيع فرص كثيره بسبب جمهور الهلال عشان مايقولون ياسر فاشل
اغلب لاعبين الهلال مستوياتهم تراجعت بسبب تحطيم بعض الجماهير
المحسوبه على نادي الهلال للاعبين
اتمنى من الجمهور الهلالي نسيان مباره الاهلي
المباره انتهت الله مااراد لنا الفوز والتأهل
خلونا نفكر في مباراه الاربعاء مباره مهمه
يجب ان نقف مع اللاعبين موب ضدهم
عشان يقدمون مستوى وهم بعيدين عن الضغوط الجماهيريه الكبيره
دعواتكم للفريق الهلالي
في مبارياته القادمه

تحياتي
عزتي في سمو ذاتي s60s